A Cronoescalada a San Miguel de Breamo regresa o 9 de setembro dentro das Festas das Peras de Pontedeume

A tradicional cronoescalada ciclista a San Miguel de Breamo, que se inclúe na programación das Festas das Peras, celebrarase o martes 9 de setembro a partir das 18.00 horas. A proba partirá da Alameda de Pontedeume e percorrerá un total de 3,5 quilómetros ata culminar na Ermida de San Miguel. Poderán participar ciclistas a partir dos 14 anos, e os menores deberán contar con autorización. A inscrición é de carácter gratuíto e a organización anima a veciños e visitantes a sumarse a este evento deportivo que combina esforzo físico, tradición e festa popular.