BORESETSE: Ba ANC Youth League ba re Jacob Zuma a kobiwe mo ANC

Kelebogile Kgetse o buisana le sebueledi sa league ya basha ya ANC - Wesley Kgang President wa league ya basha ya lekoko la ANC,  Collen Malatji a re President wa maloba wa lekoko - Jacob Zuma, o tshwanelwa go kobiwa kgotsa go kgalemiwa, tebang le tshwetso ya gagwe ya go tlhagisa phatlhalatsa gore o tlile go ngokela batlhopi le go tlhopa lekoko le lentshwa la Umkhonto weSizwe. Fela Zuma o gatelela ntlha ya gore e santse ele leloko la ANC. Zuma o itsisitse seno dibeke di le pedi tse di fetileng. Baitseanape ba sepolitiki ba re go a swabisa gore baeteledipele ba bosetshaba ba lekoko - ANC NEC, ga ba ise ba kgale le go tsaa dikgato kgatlhanong le Zuma.