Eftirstríðsárin 2.þáttur - Hermenn á Reykjanesi & lífið í Keflavík

Eftirstríðsárin - 2.þáttur // Hermenn á Reykjanesi & lífið í Keflavík Bretarnir voru komnir en sáust þó ekki mikið á götum Keflavíkur og nágrennis. Þrátt fyrir komu bretanna gekk lífið sinn vanagang í bænum en ungu stelpurnar hvísluðu sín á milli að þeim þættu Bretarnir nú heldur púkó, í pokabuxum og sportsokkum. Það átti heldur betur eftir að breytast þegar Ameríkaninn kom. Hlaðvarpið Eftirstríðsárin skoðar upphaf hernáms Breta á Íslandi, menningarleg áhrif veru Bandaríkjahers á Keflavíkurflugvelli eftir seinni heimsstyrjöldina og hvernig sambúðin við heimafólk gekk.  Leik- og söngkonan Jana María er sögumaður í þessu nýja hlaðvarpi um stríðsárin í Keflavík og áhrif menningar Bandaríkjahers á menningu á Suðurnesjum. Jana María hefur um árabil unnið með þetta tímabil í sögu Íslands og skapað sögutónleika þar sem hún fléttar saman frásögn af þessum tíma í tali og tónum.  ____ Hlaðvarpsserían Eftirstríðsárin er skrifuð og framleidd af Jönu Maríu Guðmundsdóttur, með stuðningi frá Uppbyggingarsjóði Suðurnesja og Menningarsjóði Reykjanesbæjar 2025.  Hugmynd, handrit, hljóðvinnsla og upplestur: Jana María Guðmundsdóttir Viðmælendur: Bergþóra Bergsteinsdóttir og Erna Sigurbergsdóttir Hlaðvarpið er aðgengilegt á www.janamaria.art og á öllum helstu hlaðvarpsveitum.   ©Allur réttur áskilinn 2025.