Episode 1: Mga Pananaw sa Tradisyonal na Medisina

Summary

Bahagi ng proyekto ng SIGLA 2021: HILOM na pinamagatang “LUNAS: Usapang Medisina Noon at Ngayon (Kuwentuhang Napapanahon), nahahati sa dalawang episodes ang espesyal na podcast na ito. Sa unang episode ng kuwentuhan na ito, kikilalanin natin nang lubos ang tradisyonal na medisina hindi lamang bilang alternatibong paraan ng mainstream na medisina at panggagamot kundi bilang karunungang nukal sa ating kultura na bunga ng magkakaugnay at kolektibong pagsisikap (coordinated and collective effort). Makakasama s iDr. Ma. Mercedes Planta, propesor sa kasaysayan na nakatuon sa kasaysayan ng medisina sa Pilipinas at sa kolonyal na danas ng mga bansa sa Timog-Silangang Asya, at Datu Panguliman Jason Sibug, National President ng Tuklas Katutubo at katutubong miyembro ng pamayanang Manobo, samahan kami sa isang oras na kuwentuhan na magpoposisyon sa diskurso at espasyo ng tradisyonal na medisina sa kasalukuyan nating konteksto, lalo na sa panahon ng pandemya. Handa ka na bang #MakinigTumindig?  Inihahandog ito ng Baybayin Ateneo sa pakikipagtulungan ng Kagawaran ng Filipino ng Pamantasang Ateneo de Manila at ng Rizal Library bilang bahagi ng SIGLA 2021 Cultural Convention. Pagkilala:  Pambungad na Musika: Joey Ayala at Ang Bagong Lumad, “Magkakaugnay (Ang Lahat ng Bagay)" Released by Universal Records (1995) Nagsaayos ng Tunog at Editing: Stephanie Lim  Webinar-Podcast Core Team: Jaz Gallos, Juanne Ongsiako, Jonalyn Chan Advocacy Core Team: Randell Pallesco