Especial Universidade Da Coruña dende a Facultade de Informática - 1ª parte

Radio Voz desprazouse hoxe ao Campus de Elviña da UDC para internarse na Facultade de Informática que a día de hoxe é o centro de referencia dos estudos universitarios en Informática de Galicia, por traxectoria, número de alumnado, profesorado e investigadores/as, titulacións impartidas, programas de doutoramento e pola implicación da súa actividade docente e investigadora co tecido produtivo da Comunidade Autónoma. Nesta primeira parte do programa falamos co decano da Facultade, Luís Hervella, da titulación a día de hoxe. En tertulia adicamos unha mesa de diálogo á creación de empresas TIC no ámbito Universitario na que participaron: Adriana Dapena, Vicedecana de Relacións Institucionais; José Eulogio Cribeiro, alumno de la facultade; Jerónimo Puertas, adxunto á Vicerreitoría de Investigación e transferencia e Manuel Arenaz, profesor e responsable da empresa TIC Appentra. Para rematar este tramo principiamos unha conversa sobre Software Libre co profesor Emilio Padrón que continúa na segunda parte do programa.