Folge 3 - Vode Liideschaft zum grösste Feind

Sali zemme :) I üsem allererste richtige Deeptalk isch de Severin z'Gast. Er verzellt vo sinere Ziit als Leistigsportler im Schwiizer Spitzetennis, ganz offe und transparent über sini Erfahrige und drüber, was die Ziit i ihm dine alles usglöst het. Vo de erste Erfolg und internationale Turnier, über Rückschläg bis hin zu starche mentale Herusforderige. Es isch sogar sowiit gange, dass sich es Burnout abahnt het. Mittlerwile het de Severin sis Engagement im Tennis beendet und es eiges StartUp ufzoge. Wie die Ziit würklich usgseh het und was de Severin undernoh het, zum wieder uf sin Weg z'cho, bespreched mir i dere sehr persönliche Folg. En ehrlichi Gschicht über Druck, Loslah und de Wäg zrugg zu sich selber.