GZP 6x11 TXINAren eta AEBren arteko merkataritza norgehiagoka

Potentzien arteko norgehiagokan, ohikoak dira historian zehar nagusi izandako botere bat gainbeheran sartzea gorabidean dagoen beste batek bere nagusitasuna zapuzten hasten delako. Gaur egun, antzeko prozesu bat bizitzen ari gara Txina eta AEBren artean, izan ere, erraldoi asiarra garaitezina zirudien potentzia amerikarra gainditzen ari da esparru askotan. Ekonomia da arrakalaren adibide gorena. Txina goi mailako teknologia sektoreetan aurrea hartzen ari da, adimen artifiziala kasu. Horren aurrean AEBk era oldarkor batean erantzun dute, Txinako enpresa askoren aurkako zigorrak izanik horren erakusle nagusia. Merkataritza gudu-zelai bihurtu da 2025ean muga-zergen aplikazio orokortuarekin. Urtea ixteko EHUko irakasle den Borja Macías izango dugu egoera aztertzeko.