Luma Gómez, de Teatro Do Noroeste presenta Piratas. Este domingo as 12 do mediodía no Teatro Colón

Este Domingo o Teatro Colón da Coruña ten programada unha sesión teatral moi especial pensada para as familias. As 12 do mediodía a compañía Teatro do Noroeste presenta Piratas, unha divertida e entretida obra de teatro que fará as delicias dos nenos, as nenas e os seus pais. Recomendada para todos os públicos, pero en especial para nenos e nenas de entre seis e doce anos, a peza conta a historia do terrible pirata Patachula que dirixe unha tripulación composta polo grumete Mingallas, o esforzado Ollovirollo e a muller pirata Cachaza. Todos eles encherán de aventuras os mares do Sur.