ਮਾਪਿਆਂ ਦੇ ਇਕਲੌਤੇ ਪੁੱਤਰ ਦੀ ਮੈਲਬਰਨ 'ਚ ਮੌਤ, ਭਾਈਚਾਰੇ ਨੇ ਮਦਦ ਲਈ ਵਧਾਏ ਹੱਥ

ਮੈਲਬਰਨ ਵਿੱਚ ਭਾਰਤੀ ਵਿਦਿਆਰਥੀ ਪ੍ਰਭਜੋਤ ਸਿੰਘ, ਦੀ ਇੱਕ ਰੀਸਾਈਕਲਿੰਗ ਪਲਾਂਟ ਵਿੱਚ ਕੰਮ ਦੌਰਾਨ ਟਰੱਕ ਤੋਂ ਸਮਾਨ ਉਤਾਰਦੇ ਹੋਏ, ਉਸੇ ਹੀ ਟਰੱਕ ਦੀ ਚਪੇਟ ਵਿੱਚ ਆਉਣ ਕਾਰਨ ਮੌਤ ਹੋ ਗਈ ਹੈ। ਮੂਲ ਰੂਪ ਤੋਂ ਹਰਿਆਣਾ ਦੇ ਪਿੰਡ ਹਰੀਪੁਰਾ ਦਾ ਵਸਨੀਕ ਇਹ 25 ਸਾਲਾ ਨੌਜਵਾਨ ਆਪਣੇ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ ਅਤੇ ਆਪਣੇ ਬੇਹਤਰ ਭਵਿੱਖ ਲਈ 2021 ਵਿੱਚ ਆਸਟ੍ਰੇਲੀਆ ਆਇਆ ਸੀ। ਇਸ ਦੁਖਦਾਈ ਘਟਨਾ ਤੋਂ ਬਾਅਦ, ਆਸਟ੍ਰੇਲੀਆ ਵਿੱਚ ਰਹਿੰਦੇ ਪ੍ਰਭਜੋਤ ਦੇ ਪਿੰਡ ਵਾਸੀ ਅਤੇ ਭਾਈਚਾਰਾ ਉਸ ਦੇ ਪਰਿਵਾਰ ਦੀ ਸਹਾਇਤਾ ਲਈ ਅੱਗੇ ਆਏ ਹਨ, ਜਿਸ ਤਹਿਤ 24 ਘੰਟਿਆਂ ਵਿੱਚ $30,000 ਤੋਂ ਵੱਧ ਰਕਮ ਇਕੱਠੀ ਕੀਤੀ ਗਈ ਹੈ।