O concello lucense de Outeiro de Rei invítanos a descubrir a súa tradicional feira de artesanía este sábado

O Concello de Outeiro de Rei está en festas e este sábado celebra unha nova edición da Feira de Artesanía. Haberá dúas seccións: unha de artesanía e outra dedicada aos produtos de alimentación de calidade. O obxectivo desta cita é apoiar a produción artesá local, o comercio e a hostalaría municipal, dando a coñecer ademais os recursos e atractivos turísticos do municipio. Pero ademais participarán outros artesáns de Galicia e doutras comunidades autónomas, e tamén expositores de produtos de alimentación de calidade.