Ortigueira acolle o sábado o espectáculo “Zavala + Atalaias de Caión + Lume + Ferro” no Teatro Beneficencia

Ortigueira abrirá este sábado 25 de outubro as portas do Teatro Beneficencia para acoller o espectáculo “Zavala + Atalaias de Caión + Lume + Ferro”, unha proposta musical que achega ao público unha viaxe pola tradición galega a través da música. A actuación, organizada por @culturadadeputaciondacoruna en colaboración co Concello de Ortigueira, dará comezo ás 20:00 horas. O evento busca poñer en valor o rico patrimonio cultural da comarca, mesturando sons tradicionais con innovacións contemporáneas e poñendo en diálogo diversas expresións musicais propias da identidade galega. Ademais de ofrecer un espazo de lecer e disfrute, pretende tamén fomentar a recuperación e a difusión das tradicións locais entre novos públicos. As entrada é de balde ata completar aforo, e a xornada promete ser unha oportunidade única para gozar dunha noite de música e cultura no corazón de Ortigueira, reforzando o compromiso do Concello e da Deputación da Coruña coa promoción das artes escénicas na contorna rural.