S1:E4 – ಧ್ಯಾನಕ್ಕೆ ಸಿದ್ಧತೆ ಮತ್ತು ವಾತಾವರಣ (Preparation and Environment for Meditation)

Episode Notes ಸಂಚಿಕೆಯ ಟಿಪ್ಪಣಿಗಳು ಧ್ಯಾನವನ್ನು ಎಲ್ಲಿ ಮತ್ತು ಹೇಗೆ ಮಾಡಬೇಕು ಹಾಗೂ ಅದಕ್ಕೆ ಬೇಕಾದ ಸಿದ್ಧತೆಗಳ ಬಗ್ಗೆ ಈ ಸಂಚಿಕೆಯಲ್ಲಿ ತಿಳಿಯೋಣ. ಧ್ಯಾನಕ್ಕೆ ಕುಳಿತುಕೊಳ್ಳುವಾಗ ಆರಾಮದಾಯಕವಾದ ಭಂಗಿ ( comfortable position ) ಮತ್ತು ಸ್ಥಳದ ಆಯ್ಕೆ ಬಹಳ ಮುಖ್ಯ. ತತ್ವತಃ ಧ್ಯಾನವನ್ನು ಎಲ್ಲಿ ಬೇಕಾದರೂ ಮಾಡಬಹುದು, ಆದರೆ ಆರಂಭಿಕರಿಗಾಗಿ ಬೆಡ್‌ರೂಮ್, ಗಾರ್ಡನ್ ಅಥವಾ ಪಾರ್ಕ್ ಮಾಡಿರುವ ಕಾರ್‌ನಂತಹ ಶಾಂತವಾದ ಸ್ಥಳವನ್ನು ಶಿಫಾರಸು ಮಾಡಲಾಗುತ್ತದೆ. ನಮ್ಮ ಇಂದ್ರಿಯಗಳನ್ನು ಪ್ರಚೋದಿಸಲು ಮತ್ತು ಮನಸ್ಸನ್ನು ಪ್ರಸ್ತುತ ಕ್ಷಣದಲ್ಲಿ ಇರಿಸಲು ನೈಸರ್ಗಿಕ ಸುಗಂಧಗಳಾದ ಎಸೆನ್ಶಿಯಲ್ ಆಯಿಲ್, ಅಗರಬತ್ತಿ ಅಥವಾ ಹೂವುಗಳನ್ನು ಬಳಸಬಹುದು. ಧ್ಯಾನದ ಭಂಗಿಯು ಸುಖಾಸನ, ನಮಾಜ್ ಮಾಡುವ ಭಂಗಿ ಅಥವಾ ಮಲಗಿರುವ ಸ್ಥಿತಿಯಲ್ಲೂ ಇರಬಹುದು; ನಿಮಗೆ ಯಾವುದು ಹಿತವೋ ಅದನ್ನು ಆಯ್ದುಕೊಳ್ಳಿ. ಎಲ್ಲಕ್ಕಿಂತ ಮುಖ್ಯವಾಗಿ, ಧ್ಯಾನವನ್ನು ಆರಂಭಿಸುವ ಮೊದಲು ಒಂದು ದೃಢವಾದ ಸಂಕಲ್ಪ ಅಥವಾ ಉದ್ದೇಶವನ್ನು ( intention ) ಹೊಂದುವುದು ಅತ್ಯಗತ್ಯ.