ثابت - عباسكيات (Prod. ABBASQUIAT) Sabet - ABBASQUIAT

Verse 1 ثابت زي ثابت البطل فارد أنا فارد العضل مآمن بالقدر و صارف النظر بالرغم من كل الحصل ثابت أنا عمري ما بهرب دايماً أنا أفش الثغرة ساكت يتفرج با ابهر الخصم المدافع بقى واقف مستغرب كلامي دا سم و مشطشط فا مبحبش اراب جوا المطبخ شادد الهاند و راكنها في الجمب كأني دايس R2 و مربع اسلوبك دا طري مرتبة قلم بدون المقلمة كله بيقوم يقف لما أخش الأوضة زي المحكمة أنا رأسي في السما إنت دماغك فى الأرض حياتي فيلم ممنوع من العرض كلامي له ثقل مش هيكفي عل هارد أقل واجب يعني مينيمم تشارج سايق و ناسي العنوان سايب العيال للمدام الي زيك بيتحطو في أكوام أنا رجل في الملعب - وليد سليمان حاطط الشمع في التورتة رز مع الملائكة فا نايم ع السفرة مش سايب الفرصة سايق العوج و مش شايل الرخصة مكاني أنا في أخر الفصل سنين قاعد بابني في الشخص نقطة و من أول السطر مربوط في القضبان و أنا راكب القطر HOOK X2 كام مرة وقفت تتفرج مش عارف تتصرف باصص من برة؟ و أنا هادي عمري متفاعل وقت الشغل مدخلش فيه المشاعر Verse 2 أدينا ولا روحنا ولا جينا على طريق النجاح في بنزينة مش هقولك السبب كلامي من دهب كأني لسة جي من سينا مليش في القمار بس مراهن على نفسي واخد بالي من حاجتي ياما شلت الناس على دماغي لحد ما جالي وجع في رقبتي يا عم ولا تراب ولا تغني خليك على الباب مستني أنا رئيس النادي و اللابتوب الجهاز الفني شايفك و لا مش بشبه ثابت و عمري ما أتثبت قالولي الوقت كالسيف فا دخلت أحارب بالمنبه بكهرب الجو أنا فيشة كاتب دا كله بالريشة و أنا متعكنن في عقلي متحكم كاإن إسمي جهاد جريشة ايديا ثقيلة أنا تيسون و إلي في طريقي أنا دايسه صغير علي مش قايسه خط النهاية مش شايفه بتقرف بتقرف من الكسل مش عنيف بس بضرب المثل عاصر على نفسه لمونة و هو لسا نايم في العسل اطمن علي أنا هادي هاتعدي على خير الليلة دي هو الواقع كا الآتي إتلسعت من الشوربة ومابنفخش في زبادي راسي أنا في كل الأمور قاري بين السطور مش باتنادى في الغياب و الحضور بياع كلام بس مغشش الزبون محترف في فردة الصدر صافي بقيس وزني بالتر رقبتي سدادة لما أطلع على الشاشة ابقى دور على إسمي في التتر HOOK X2 كام مرة وقفت تتفرج مش عارف تتصرف باصص من برة؟ و أنا هادي عمري متفاعل وقت الشغل مدخلش فيه المشاعر