Xesús Vázquez, Conselleiro de Educación: O decreto do Galego está amparado polo TSXG na súa totalidade

As polémicas do inicio do curso abordámolas hoxe co conselleiro de Educación, Xesús Vázquez, que deu resposta a todas e cada unha das cuestións formuladas. O conselleiro afirma que este ano o número de incidencias no inicio de curso é moito menor que en anos precedentes. Sobre o decreto do plurilingüismo, Vázquez afirma que está amparado polo TSXG na súa totalidade e di ademais que "a sociedade ampara o bilingüismo cordial e a necesidade de introducirse en linguas estranxeiras". Apunta "se se suprimise a consulta aos pais incumpriríase o decreto e iso non pode permitirlo o goberno". Apunta que se fai porque os profesores teñen que saber cal é a lingua materna do alumno e o modo de sabelo é, apunta, "a través da consulta aos pais".