يوميات صفصف (الموسم الخامس عشر)

في حلقة "عكس السير" من يوميات صفصف، حمودة بيلخبط العيلة كلها علشان عاوز يحضر عزاء قريب بعيد مايعرفوش! لكن المفاجأة الحقيقية لما صفصف وحاتم يتورطوا في مطاردة مجنونة لعربية نقل ماشية عكس الاتجاه، وتتحول الحكاية لمعركة لإنقاذ الناس. 

في حلقة "لايف من المطبخ" من يوميات صفصف، حتماً بتدخل المطبخ لأول مرة وبتعمل لايف على التيك توك عشان تكسب فلوس، لكن الأكلة بتطلع مصيبة وتودّي سرسورة لدكتور! ضحك لحد الدموع وحكاية عن الطموح الغلط!

في حلقة "مشكلة قديمة" من يوميات صفصف، خناقة كبيرة بتولع بين أنكل شكيب وطنط أشكيناز قدام العمارة، وكل واحد فيهم فاكر التاني خانه! صفصف وحاتم بيحاولوا يهدّوا العاصفة ويكتشفوا إن سبب الخناقة ذكرى قديمة وغيرة مالهاش لزوم. 

في حلقة "المصرية" من يوميات صفصف، جعفر بيحاول يلاقي طريقة يزوّد دخله ومعقولة بتفاجئ الكل بشغل يدوي وصل ألمانيا! الحلقة بتتكلم عن إزاي الست تقدر تطور نفسها وتنجح لحد العالمية.

في حلقة "قائمة المنقولات" من يوميات صفصف، حتماً وحمودة قرروا يتجوزوا ويعيشوا في شقة صفصف! لكن صفصف وحاتم دبروا خطة جهنمية ويا ترى هينجحوا يبعدوهم ولا الجوازة هتتم؟

في حلقة "مساعدة أشكيناز" من يوميات صفصف، طنط أشكيناز بتطلب من صفصف وحاتم يساعدوها في تنظيف شقتها، لكن صفصف بتدبر خطة غريبة وتدخل جعفر ومعقولة البيت من وراها! أحداث مليانة مفاجآت وضحك لما أشكيناز تفتكرهم أشباح جدودها!

في حلقة "جريمة هاني" من يوميات صفصف، ولاء جاية تبشّر إن جوزها بقى دكتور وفتح عيادة، لكن المفاجأة إن العمليات اللي بيعملها للبنات خطيرة جدًا! صفصف وحتّم يلبسوا تنكّر وينزلوا يكشفوا السر قبل ما تحصل الكارثة.

في حلقة "مقلب سرسورة" من يوميات صفصف، سرسورة الأمورة بتعمل مقلب تقيل وبتستخدم أنكل شكيب وطنط أشكيناز عشان تعمل لايفات حزينة وتكسب تبرعات! صفصف وحاتم بيكتشفوا اللعبة وبيقرروا يفضحوا السر!

في حلقة "عكس عكاس" من يوميات صفصف، حمّوت يطلع فوق شجرة ونازل لخبطة على نافوخه فتتلخبط عنده الدنيا ويشوف كل الناس مقلوبة على بعض!

في حلقة "شيل ده من ده" من يوميات صفصف، حتماً عايزة تفركش خطوبتها من حمّوت بعد ما اكتشفت إنه بيروح ياكل في مطاعم من غير ما يقول لها! والضحك يولّع لما حاتم وصفصف يحاولوا يحلّوا الخناقة ويكتشفوا إن البنات في البيت عاملين مشروع وتحويشة مع بعض!

في حلقة "البحث عن وظيفة" من يوميات صفصف، صفصف وحاتم بيحاولوا يلاقوا أي شغل لحمودة اللي قاعد معاهم .. المفاجأة لما هاني يعيّنه مدير جيم من غير أجهزة، وسرسورة تعرض عليه شغل مشرف لايف! 

في حلقة "تصنيع زراعي" من يوميات صفصف، صفصف بتسافر بني سويف علشان تساعد معقولة تلاقي مشروع تعيش منه بعيد عن ذل جعفر. المفاجأة إنهم يكتشفوا برامج بتدرب الستات على التصنيع الغذائي وريادة الأعمال

في حلقة "سر حتمية" من يوميات صفصف، حتماً بتشك في بنتها حتمية وبتبعت عصمت تراقبها من وراها! لكن المفاجأة إن حتمية بتشتغل بشرف وبتحوش مع صحابها في برنامج تحويشة، والضحك بيولّع لما عصمت تراقب الشخص الغلط!

في حلقة "أدوات تجميل" من يوميات صفصف، أشكيناز زعلانة من غلو الميكاب وسرسورة بتوعد ترجعها صغيرة بالماكياج!المفاجأة إن زعتر ابن أخت جعفر يطلع فاهم في كل حاجة وبيجيب لهم أدوات تجميل من النجع ويقلب الدنيا على حساب حاتم! 

في حلقة "وقفة ضد الختان" من يوميات صفصف، صفصف بتجري مع معقولة علشان تمنع جريمة ختان لبنت صغيرة في الكفر. المفاجآت بتحصل لما حاتم ييجي يساعدها ومعاه شكيب وحمودة اللي المفروض فتوات… لكن بيطلعوا أضعف من أي حاجة!

في حلقة "رحلة إلى مطروح" من يوميات صفصف، صفصف وحاتم طالعين يصيفوا لوحدهم لكن يطلع لهم حمّودة من شنطة العربية ! والضحك يكمل لما يلاقوا هاني وولاء في القرية ويدخلوا في مغامرات وأفكار أغرب من الخيال!

في حلقة "مصوراتي مودرن" من يوميات صفصف، حمودة وحتماً بيعملوا شركة لتصوير فيديوهات حوادث وخناقات علشان يكسبوا مشاهدات وفلوس! 

في حلقة "الحياة لايف" من يوميات صفصف، حاتم وسرسورة بيقلبوا أسرار البيت على التيك توك لايف من غير ما ياخدوا بالهم! صفصف بتدور على مكان تحس فيه بخصوصيتها بعيد عن اللايفات اللي قلبت حياتها كلها هزار وضحك!

في حلقة "جدو نيو لوك" من يوميات صفصف، جدو شكيب بيقرر يعمل نيو لوك ويشتري هدوم على الموضة بفلوس حاتم!الضحك بيولّع لما يطلب كمان أكاونت فيس بوك ويتصرف كأنه مراهق من أول وجديد!

في حلقة "فرح على غفلة" من يوميات صفصف، صفصف وحاتم بيتعزموا على فرح في القاهرة والدنيا بتتقلب هزار وخناقات، وسط الفرح، حتماً بتخطف الأضواء بزغاريدها ورقصها وحاتم مش شاغل باله غير بالأكل!

في حلقة "فكرة مجنونة" من يوميات صفصف، هاني طلع لهم بفكرة مشروع موتسيكلات تجنن قلبت اليوم دوشة وضحك!والمفاجأة بقى إن طنط أشكيناز وعصمت ركبوا الموتسيكلات وحصلت مصايب تضحك لحد الصبح

في حلقة "ذكاء اصطناعي شرير" من يوميات صفصف، حمّوت يفجّر أزمة لما ينزل صورة متفبركة له مع سرسورة باستخدام الذكاء الاصطناعي! الكوميديا بتشتعل وسط تحذير صفصف وحتمية من خطورة الصور والفيديوهات المضروبة اللي ممكن تبوّظ حياة الناس.

في حلقة "طفولة جعفر" من يوميات صفصف، جعفر بيفجّر مفاجأة لما يعيّط ويقول إنه ماعاش طفولته ولا سمع حواديت زي باقي العيال! الكوميديا بتولّع لما صفصف وحاتم ومعقولة وعصمت يتسابقوا عشان يرجّعوا له إحساس الطفولة بحكايات وزمن جميل.

في حلقة "حملة حتمتم" من يوميات صفصف، العيلة بتدخل تجربة غير متوقعة لما يشاركوا في فيلم توعوي ضد ختان البنات، لكن الكوميديا بتتصادم مع قضية جدّية جدًا. واللحظة المؤثرة تيجي لما صفصف توجّه رسالة قوية لكل بيت مصري علشان يحافظ على بناته.

في حلقة "زيادة الدخل" من يوميات صفصف، حاتم بيتجنّن لما يكتشف إن شكيب وأشكيناز وحمّوت لابسين لبس فراعنة جنب الأهرامات وبيتصوّروا مع السياح عشان يزوّدوا دخلهم! المغامرة بتولّع لما صفصف تكتشف سرّهم وتحاول توقف الكارثة قبل ما تبوظ السياحة!

في حلقة "وصفة عصمت" من يوميات صفصف، جعفر ومعقولة بيعيوا في نفس اليوم وعصمت تقرّر توصف لهم نفس الدوا اللي بتنفعها هي! المفاجأة المضحكة لما الدوا يقلب عليهم ويبوّظ الدنيا في العمارة كلها!\

في حلقة "عملية ولاء" من يوميات صفصف، هاني مقلوب على وشه لما يعرفوا إن مراته ولاء في المستشفى وبتفكر ترفض العملية! الكوميديا بتنفجر لما أشكيناز تدخل على الخط وتقرر هي كمان تختار مين يعمل لها العملية!

في حلقة "سفر حتمية" من يوميات صفصف، العيلة كلها بتتقلب لما يعرفوا إن حتمية مسافرة أسيوط تشارك في برنامج توعية للبنات. الكوميديا بتولّع لما يبدأوا يجمعوا لها حاجات قبل السفر وكل واحد ليه حساباته!

في حلقة "العربية فين؟" من يوميات صفصف، صفصف وحاتم بيكتشفوا إن عربيتهم اختفت وفجأة تتحول الحكاية لتحقيق كبير وقضية رأي عام! المفاجآت بتنفجر لما يكتشفوا مين اللي أخد العربية وليه عمل كده!

في حلقة "تباديل وتوافيق" من يوميات صفصف، حاتم بيشرب مشروب غريب من حمّوت بيقلب حياته رأسًا على عقب وبيخليه أرستقراطي من الآخر! المفاجآت بتولّع لما العيلة الهاي لايف والحواري يتقابلوا تحت سقف واحد.

في حلقة "درس السواقة" من يوميات صفصف، حاتم ومراته صفصف داخلين في خناقة بسبب السواقة والتمارين الغريبة اللي بيعملها قبل ما ينزل بالعربية. المفاجآت بتولّع لما طنط أشكيناز تجيب عربية قديمة وتطلب من صفصف تعلّمها السواقة!