III Xornada sobre Bibliotecas Especializadas

María del Pilar Martínez Olmo, Directora de la Biblioteca Tomás Navarro Tomás preséntanos unha biblioteca especializada ao servizo da investigación en humanidades e ciencias sociais. Comenza por expor as características da biblioteca: servizos, xestión, persoal, para continuar co tratamento e difusión dos documentos singulares, e acabando cos proxectos de colaboración con outras institucións.

Ana Cabanes Xefa da Biblioteca e Documentación do Museo do Ferrocarril de Madrid preséntanos a xestión dos documentos efémeros na biblioteca do Museo do Ferrocarril, sen esqueces os documentos dixitais. Cunha introdución sobre a definición de ephemera, as súas características e do seu valor desde o punto de vista artístico e documental, Deténdose na súa xestión documental: adquisición, organización, catalogación, dixitalización...

María José Rucio Xefa de Servizo de Manuscritos e Incunables da BNE fai un percorrido por 20 anos de xestión de arquivos persoais na Biblioteca Nacional de España (BNE), comezando por unha definición de arquivo persoal, dos seus problemas e consecuencias no proceso xeral de xestión na BNE. Mostra o visibilidade dos arquivos persoais tanto no catálogo como na base de datos da BNE na internet.

María del Pilar Martínez Olmo, Ana Cabanes Martín, Mª José Rucio Zamorano na mesa de debate moderada por Rosa Lamas Casado da Biblioteca do Museo Etnolóxico disertan sobre as dificultades da xestión dos documentos singulares nas bibliotecas desde os ephemera pasando polos arquivos persoais, así como da necesidade dun control bibliográfico para permitir o acceso a esta documentación a todos os usuarios.

Mª Isabel Almuiña González, María Pilar Vilaboi Freire, Ana Barbazán Iglesias, Carmen Romero Rivera e Milagros García Pérez, moderadas por Rosa Lamas da Biblioteca do Museo Etnolóxico debaten nesta mesa sobre as distintas experiencias en bibliotecas de Galicia en torna a xestión de documentos singulares, as veces considerados menores.

Mª Isabel Almuiña González responsable da Biblioteca da Deputación de Ourense reflexiona sobre a situación da colección ephemera na biblioteca, facendo un percorrido polos distintos tipos de documentos singulares en canto a soporte e temática. Sinalando que os ephemera son unha importante fonte de información, de deseño e de publicidade, que suscita dúbidas ou dificultades á hora de organizalos, por ser unha documentación heteroxénea na temática, nos soportes e nos formatos.

Mª Pilar Vilaboi Freire técnica auxiliar da bibliotecas do Concello de Vigo móstranos nesta presentación as xoias bibliográficas únicas conservadas na Biblioteca Penzol de Vigo: proxectos arquitectónicos, cartografía antiga como a edición alemá de 1635 do mapa de Galicia de Fernando Ojea, testamento e fundación de morgado do capitán Juan de Gayoso, señor de Gunt ín e Canedo de 1558-60, manuscrito autógrafo de Martín Sarmiento de 1760, entre outros gardados na caixa forte da Biblioteca

Ana Barbazán Iglesias bibliotecaria do Museo de Pontevedra reflexiona sobre a xestión do documentos ephemera nas bibliotecas especializadas en concreto nunha biblioteca de museo desde a adquisición até a ubicación e o acceso o documento por parte dos usuarios, se deixar de lado a clasificación deste documentos singulares.

Milagros García Pérez preséntanos os documentos singulares da Biblioteca de Estudos Locais da Coruña distinguindo entre publicacións menores antigas e publicación menores modernas coa súa clasificación. Algunhas destas publicacións están dixitalizadas e pódense consultar en Galiciana, a Biblioteca Dixital de Galicia