Ljósmæðrarýmið

Missir snemma á meðgöngu er mun algengari en flestir gera sér grein fyrir. Samt upplifa margar konur sig einar í þessari reynslu og sorginni sem fylgir.Í þessum einlæga þætti deilir Oddný, annar þáttastjórnanda Ljósmæðrarýmisins, sinni eigin reynslu af missi á 12. viku meðgöngu. Hún segir frá fyrstu einkennunum, greiningunni, lyfjameðferðinni, líkamlega ferlinu við missinn og þeim bjargráðum sem hún nýtti í þeim aðstæðum. Við ræðum einnig sorgarferlið sem fylgir því að missa barn snemma á meðgöngu. Þegar þú þarft að kveðja litla krílið þitt og þá framtíð sem þú varst búin að sjá fyrir þér og plana lífið í kringum.Þessi þáttur er fyrir þig ef þú hefur upplifað fósturlát, misst snemma á meðgöngu, ert að ganga í gegnum missi núna eða vilt skilja betur reynslu þeirra sem hafa þurft að kveðja litla krílið sitt snemma á meðgöngu.Vertu með okkur á Instagram:⁠⁠⁠⁠Ljósmæðrarýmið⁠⁠⁠⁠⁠⁠⁠⁠Sofa borða elska⁠⁠⁠⁠⁠⁠⁠⁠Oddný ljósmóðir⁠

Íris Rut þriggja barna móðir í úthverfi, kennari og fellihýsa áhugakona, segir okkur frá keisarafæðingunum sínum. Hún fór í gegnum allar 3 tegundir keisara, bjöllu, bráða og skipulagðan. Hún fer vel yfir hvernig fæðingarnar hófust og hvað varð til þess að fæðingarnar hennar voru keisarafæðingar, dregur upp fallega mynd af því þegar keisarar eru besta mögulega útkoman fyrir konu og barn þegar þörf er á. Hún ræðir upplifun sína af fæðingunum, andrúmsloftinu á skurðstofunni og aumingja manninn sinn sem var bitinn í magann, af henni.Vertu með okkur á Instagram:⁠⁠⁠⁠Ljósmæðrarýmið⁠⁠⁠⁠⁠⁠⁠⁠Sofa borða elska⁠⁠⁠⁠⁠⁠⁠⁠Oddný ljósmóðir⁠

Við erum mættar aftur eftir stutta pásu! Ferskari en nokkru sinni fyrr.Hvert fórum við? Hvert erum við að fara með hlaðvarpið?Pælingar: Af hverju heyrum við og sjáum lang mest af hryllingssögum um fæðingu en sjaldan góðu sögurnar?Af hverju ákváðum við að synda svolítið gegn straumnum og skapa vettvang fyrir jákvæðar fæðingarupplifanir?🎧 Njóttu vel!Vertu með okkur á Instagram:⁠⁠⁠⁠Ljósmæðrarýmið⁠⁠⁠⁠⁠⁠⁠⁠Sofa borða elska⁠⁠⁠⁠⁠⁠⁠⁠Oddný ljósmóðir⁠

Er þetta að byrja… eða ekki alveg strax?Í þessum örþætti talar Oddný um eitt ruglingslegasta og oft vanmetnasta stig fæðingarinnar: forstigið.Þegar líkaminn er að undirbúa sig fyrir fæðingu, en ekkert er alveg komið í gang ennþá.Verkir geta komið og farið, orðið þéttari og dottið svo niður. Tilfinning um að eitthvað sé að gerast en þú veist ekki alveg hvað. Rætt er um:– hvernig forstigið getur litið út – hvað er að gerast í líkamanum á þessu stigi– hvað er eðlilegt – hvað þú getur gert á þessu stigi til að vinna með líkamanum þínum Þetta er þáttur fyrir þig sem vilt skilja líkamann þinn betur og treysta ferlinu.Vertu með okkur á Instagram:⁠⁠⁠Ljósmæðrarýmið⁠⁠⁠⁠⁠⁠Sofa borða elska⁠⁠⁠⁠⁠⁠Oddný ljósmóðir⁠

Í þessum þætti tókum við gott spjall.Við svöruðum spurningum sem hlustendur hafa sent inn og fórum út í alls konar pælingar tengdar starfinu.Þetta er meðal annars það sem við ræðum:Fetal ejection reflexFylgjulosAf hverju við fórum í ljósmóðurfræðiHvað er skemmtilegast við vinnuna okkarSpangardeyfingu, er alltaf hægt að biðja um hanaVið endum svo á að lesa upp innsenda fæðingarsöguLéttur, einlægur og notalegur þáttur með smá fræðslu, smá spjalli og svo rúsínu í pylsuendanum.Við skemmtum okkur mjög vel og vonum að þið gerið það líka <3Vertu með okkur á Instagram:⁠⁠⁠Ljósmæðrarýmið⁠⁠⁠⁠⁠⁠Sofa borða elska⁠⁠⁠⁠⁠⁠Oddný ljósmóðir⁠

Legvatnið fer… Hvað gerum við næst?Hvað þýðir það þegar vatnið fer áður en samdrættir hefjast?Hvernig ættum við að bregðast við og hvað gerist næst?Allt þetta og meira um farið vatn í þessum örþætti ljósmæðrarýmisins.Vertu með okkur á Instagram:⁠⁠Ljósmæðrarýmið⁠⁠⁠⁠Sofa borða elska⁠⁠⁠⁠Oddný ljósmóðir⁠

Sólbjört elskar að tala um fæðingar og við elskuðum að tala við hana um hennar fæðingu.Hún missti vatnið, verandi GBS beri og fór í gangsetningu í kjölfarið - sem endaði vitanlega með barni, þó að henni hafi ekki alltaf liðið eins og það myndi gerast neitt í náinni framtíð.Hlustið og njótið!Fylgist með okkur á Instagram:⁠⁠Ljósmæðrarýmið⁠⁠⁠⁠Sofa borða elska⁠⁠⁠⁠Oddný ljósmóðir⁠Sólbjört Sigurðardóttir

Vissir þú að það er algengt að fá samdráttarverki eftir fæðingu?Af hverju eigum við ekki betra orð í íslensku talmáli? Eigum við að nota orðið eftirverkir?Hvers vegna koma þeir, hvenær og hvernig er best að höndla þá þegar þeir koma?Fylgist með okkur á Instagram:⁠⁠Ljósmæðrarýmið⁠⁠⁠⁠Sofa borða elska⁠⁠⁠⁠Oddný ljósmóðir⁠

Í þessum þætti ræðir Hafdís 5 hluti sem er kannski minna talað um þegar kemur að fæðingum og gæti komið mörgum á óvart.Við förum yfir:- Hvernig líkaminn tekur yfir í fæðingu- Hvernig fæðingarverkir eru oft öðruvísi en fólk ímyndar sérvernig hugurinn hefur áhrif á ferlið- Hversu óútreiknanlegar fæðingar geta verið- Hinn heimurinn sem maður fer í, í fæðinguAllt til þess að gefa þér betri innsýn í fæðingarferlið og hjálpa þér að mæta henni af meiri ró og trausti <3 Fylgist með okkur á Instagram:⁠⁠Ljósmæðrarýmið⁠⁠⁠⁠Sofa borða elska⁠⁠⁠⁠Oddný ljósmóðir⁠

Hulda Heiðdal segir okkur frá sinni upplifun af barneignarferlinu, sem var lituð þeirri staðreynd að hún var í mikilli yfirþyngd.Hún var í meðgöngueftirliti á LSH vegna þessa og var ráðlagt að fæða með keisaraskurði, en hana dreymdi um fæðingu um leggöng.Hulda ræðir sína upplifun, fitufordóma og margt fleira.Fylgist með okkur á Instagram:⁠Ljósmæðrarýmið⁠⁠Sofa borða elska⁠⁠Oddný ljósmóðirHulda og heilsa

Katla sagði okkur á sinn einstaka hátt frá þremur mismunandi fæðingum. Fyrsta gangsetning í covid og blæðing eftir fæðingu, önnur heimafæðing á baðherbergisgólfinu og svo hröð þriðja fæðing á sjúkrahúsi.Þið sem þekkið til Kötlu vitið að hún er ekkert að skafa af hlutunum og það var engin undantekning hér.Njótði vel!Fylgist með okkur á Instagram:⁠Ljósmæðrarýmið⁠⁠Sofa borða elska⁠⁠Oddný ljósmóðirSystur og makar

Helga Magga er ein hraustasta kona sem þið finnið og var "óþolandi heilbrigð" á sínum meðgöngum. Enda gekk hún alls ekki fyrir í gangsetningar röðinni fyrr en hún var að detta í 42 vikur. Allar þrjár fæðingarnar hennar voru settar af stað um það leiti.Sú bið var ekki skemmtileg, en fæðingarnar gengu vel og hún átti geggjaðar fæðingar. Fylgist með okkur á Instagram:LjósmæðrarýmiðSofa borða elskaOddný ljósmóðirHelga Magga

Hvað er þessi slímtappi? Hvaðan kom hann og hvert er hann að fara? Hlustið til að vita meira.Fylgist með okkur á Instagram:LjósmæðrarýmiðSofa borða elskaOddný ljósmóðir

Fyrsti gestur Ljósmæðrarýmisins er Melkorka Rut Bjarnadóttir. Hjúkrunarfræðingur og þriggja barna móðir en hún átti þriðja barnið sitt 3 dögum eftir að þátturinn var tekin upp!Melkorka leiddi okkur á skemmtilegan hátt í gegnum fyrstu tvær fæðingarnar sínar og ræddi væntingar og tilfinningar gagnvart þeirri þriðju, sem hún vissi ekki þá að var rétt handan við hornið. Hér var ekkert skilið eftir. Hlustið og njótið.Fylgið okkur á Instagram:LjósmæðrarýmiðSofa borða elskaOddný ljósmóðir

Í þessum þætti deilir Hafdís, annar þáttastjórnenda Ljósmæðrarýmisins, sínum fæðingarsögum.Hún var orðin ljósmóðir þegar hún eignaðist sitt fyrsta barn og fer yfir upplifun sína af tveimur hröðum fæðingum og að lokum tvíburafæðingu sem var mögnuð á svo marga vegu.Þátturinn er persónulegur, einlægur og sýnir hversu fjölbreyttar fæðingar geta verið, jafnvel hjá sömu konu.

Í þessum þætti heyrum við fæðingarsögur Oddnýjar, annars þáttastjórnanda Ljósmæðrarýmisins.Hún deilir sínum upplifunum af sínum ólíku fæðingum, fyrsta með löngum aðdraganda og mænurótardeyfingu, annarri sem gerðist hraðar og svo þriðju í Björkinni.Hún ræðir sína upplifun sem fæðandi kona en lítur líka til baka með ljósmæðragleraugun á sér.

Í þessum fyrsta þætti kynnum við okkur og deilum segjum ykkur frá því hvernig Ljósmæðrarýmið varð til.Við ræðum hvernig orð og sögur geta haft lúmsk áhrif á viðhorf kvenna til fæðinga og hvers vegna okkur finnst mikilvægt að hækka rödd þeirra sem upplifa fæðingu sem jákvæða og styrkjandi.