Malbik endar

Ég heiti Jón Knútur Ásmundsson. Ég er ljóðskáld, trommari, fjölskyldu- og skrifstofumaður á Reyðarfirði. Þetta hlaðvarp er persónuleg skrásetning hugmynda, samtala og athugana. Í þáttunum tala ég við fólk sem mér þykir áhugavert, velti fyrir mér fólki og samfélaginu, lífinu fyrir austan og stundum bara því sem er ofarlega í huganum hverju sinni. Þættir birtast þegar tilefni og áhugi er til staðar. Hér er ekkert fast form eða fyrirfram ákveðin dagskrá. Þetta er rými fyrir samtöl og hugrenningar sem annars hefðu kannski ratað á samfélagsmiðla engum til gagns. Ekki að ég ætli mér að koma að gagni. Malbik endar er fyrst og fremst gert fyrir mig sjálfan en öðrum er velkomið að hlusta. Ég ætla ekki að kenna neinum neitt og ég ætla ekki að sýna gott fordæmi. Í besta falli veiti ég þér félagsskap.