PODKATAKOT

Naniniwala ba kayo sa mga sumpa? Gusto niyo ba ng makakita ng isang taong nasumpa o nanumpa? Ihanda ang inyong mga sarili sa mga kuwentong sumpa na siguradong titinding sa inyong mga balahibo. Nakakalungkot man isipin na ito na ang panghuling episode ng podkatakot ngunit 'wag mag-alala at samahan ninyo kami sa panghuling nakakakilabot na mga karanasan ng sumpa.

Kamusta mga kapodkatakers! Halina’t samahan kaming sumisid at tuklasin ang mga kwento sa iilan sa mga kilalang mitolohikal na nilalang sa Pilipinas. Ihanda na ang asin at bawang, isama na rin ang kumot pantaklob dahil siguradong mawiwindang kayo sa aming mga baong kwento na pati kami ay di - tiyak kung ang mga ito ba ay katotohanan o pawang mga haka-haka lamang. Ang hangad lang namin ay kayo'y libangin kaya tabi tabi po sa mga matatakutin at baka ikaw ay atakihin. Siguraduhin lamang na ikaw ay may kasama upang mayroon kang makurot dahil sa sobrang takot.

Pagod na ba kayo sa online class? Na-stress na ba kayo sa mga leksyon? Huwag kayong mag-alala dahil sa episode na ito, ibabahagi namin ang mga pelikulang nakakasindak na tiyak ay mawawala sa inyong isip ang mga problema at pag-alala. Halina’t samahan ninyo kami sa nakakakot ngunit nakakaganyak na mga pelikulang nakakapagtindig balahibo. Ano pa ang hinihintay niyo mga Podkatakers? Arats na!

Ihanda ninyo ang inyong mga sarili para sa mga kwento ng grupong ito patungkol sa mga kababalaghan naranasan ng bawat isa. Mga karanasan na siguradong magbibigay ng kilabot at maninindig ang inyong mga balahibo. Ang kadalasang naranasan ng magbarkadang ito ay tungkol sa mga white o black lady at sa mga paniniwala ng mga kakila. Tunghayan natin at makinig ng mabuti at damhin ang bawat storyang binibigkas ng grupo. Siguradohin ninyo munang may kasama kayong nakikinig sa podcast na ito at laging tandaan na sa kahit anong kahirapan may Diyos na gagabay

Nais mo bang makarinig ng mga kuwentong kababalaghan? Samahan niyo kaming tuklasin ang mga paaralan na puno ng kuwentong katatakutan. Lumang sementeryo, nuno sa punso, multo at mga engkanto. Iba't ibang karanasan na tiyak magpapanindig ng inyong balahibo. Mga karanasang gigimbal sa inyong diwa at magpapatakbo sa inyo sa takot. Halina't makinig at samahan ang magkakabarkada sa kanilang nakakatakot na kuwento at karanasan sa iba't ibang paaralan.

Gusto mo ba ng mga kwentong katatakutan?  Halina’t samahan kaming tuklasin ang mga lugar ng kababalaghan. Madilim na sementeryo, lumang bahay, kalye, paaralan, mga sikat na lugar na nagtatago ng nakakatakot na sikreto. Iba’t ibang lugar na tiyak magpapatindig ng iyong balahibo. Mag-ingat dahil baka hindi mo namalayang nakatira ang mga ito malapit sa’yo. Huwag pakampante, baka sila’y iyong mapukaw. Baka sa iyong paggising maririnig mo ang katok na magdudulot ng isang masaklap at matinding karanasan na hindi mo malilimutan. Maghanda at samahan ang magkakaibigan sa kanilang kwentong kababalaghan sa mga nakakatakot na lugar.

Ating kilalanin ang isang sikat na manunulat na si Stephen Edwin King at kanyang mga gawang puno ng kababalaghan at lagim. Ang kamay na walang ibang inaalok kundi takot at ang isip na binubuo ng mga halimaw na kakila-kilabot. Halina't samahan niyo kami sa unang kabanata ng podkatakot.

PODKATAKOT Trailer Inihahandog ng ABM Maxwell