講SEN你知

大家好，歡迎收聽「講SEN你知」~喺香港，唔少家長工作繁忙，日常照顧子女嘅責任通常交畀工人姐姐。協康會喺四月會推出一個「支援照顧者系列(家庭傭工篇) - 認識及照顧自閉症幼兒基礎課程」，呢個課程專為工人姐姐而設。今集我哋邀請課程講者、教育心理學家 Natalie嚟講下。 -- Hosting provided by SoundOn

大家好，歡迎收聽「講SEN你知」~喺呢個忙碌社會，唔少家庭請工人姐姐嚟照顧仔女。今集我地會聚焦講下工人姐姐喺照顧 ASD 小朋友時候嘅挑戰，幫家長更清楚點樣改善照顧ASD小朋友嘅技巧 -- Hosting provided by SoundOn

大家好，歡迎收聽「講SEN你知」~ 現今社會，忙碌嘅雙職家庭越來越多會請工人姐姐嚟照顧子女。對於患有ASD嘅小朋友，係日常生活中，會遇到更多獨特嘅挑戰。今集我地請到教育心理學家 Natalie，同我地一齊傾下，首先我地講下ASD 兒童喺日常生活中可能出現嘅行為同需要，之後傾下呢啲挑戰對工人姐姐會有咩影響。 -- Hosting provided by SoundOn

唔知大家有冇覺得，呢排壓力山大？唔理工作定家庭，有時真係透唔到氣。對於長期照顧SEN孩子嘅家長嚟講，呢種精神壓力更加深，係社會上，各界又可以點幫佢哋？今集，我哋由Windy和劉太分享佢哋點睇。 -- Hosting provided by SoundOn

照顧SEN子女，唔單止喺日常生活嘅忙碌，更多時候喺一場情緒同壓力嘅考驗。今集，由Windy和劉太同大家分享，照顧者喺照顧嘅路上嘅真實感受，點樣喺最難嘅時候依然搵到力量繼續行落去。 -- Hosting provided by SoundOn

上集我哋請咗Windy和劉太分享佢地嘅經歷。可能你都試過，想安慰人又唔知點講，又驚講錯說話。今集我哋由照顧者本人出嚟，同大家講下，當佢哋覺得好攰，好崩緊嘅時候，原來一句簡單嘅話，就可以比到佢哋好多力量。 -- Hosting provided by SoundOn

近年社會開始關注SEN家庭嘅需要。不過，對好多家長嚟講，第一次知道仔女有SEN，嗰種驚慌、無助，真係好難形容。身為家長點樣由迷惘到慢慢接受，再學識欣賞仔女嘅特別呢？今集我哋邀請咗兩位有SEN子女嘅家長分別是Windy和劉太，分享佢哋嘅心路歷程。 -- Hosting provided by SoundOn

今集會簡單講下言語治療嘅實際操作，例如點樣設計治療計劃和活動。言語治療師劉梓琦亦會分享感人的案例，幫助家長了解何時及如何尋求專業支援，以及SEN小朋友語言方面的一些驚喜故事。 -- Hosting provided by SoundOn

SEN孩子嘅語言發展有其獨特挑戰，而香港的學前階段通常會中英文一齊學，係讀寫學習上，佢哋面對咩困難？今集由言語治療師劉梓琦，簡單講下。 -- Hosting provided by SoundOn

孩子學習語言的路上，家長經常遇到各種疑難。例如小朋友說話混淆兩種語言的背後原因是什麼？遇到語言挫折又應如何鼓勵？今集由言語治療師劉梓琦常見疑問和分享實用建議。 -- Hosting provided by SoundOn

呢集，我們聚焦小朋友學習外語的黃金時期。好多家長都好奇，到底幾時開始學外語最好？係咪真係越早學越好？而小朋友同時學習多種語言，會唔會影響佢地語言發展？今集由言語治療師Jessica，解答呢啲疑問，同埋分享點樣判斷孩子已準備好踏出學習外語第一步。 -- Hosting provided by SoundOn

上幾集我哋講咗有關社交認知嘅內容，而今集我哋會聚焦喺對話同傾計方面。首先，我哋會探討高能力自閉症小朋友喺同人相處嘅時候，通常會出現啲乜嘢特徵，了解佢哋嘅溝通模式有助大家更好地支援佢哋。 -- Hosting provided by SoundOn

上一集我哋分享咗社交思考嘅概念，亦講咗唔少喺屋企可以做嘅實用訓練方法。但大家可能會問，仲有冇啲其他訓練策略，可以幫仔女提升社交思考呢？今集我哋繼續由言語治療師黃詩雯同大家講下。 -- Hosting provided by SoundOn

今集，我哋會討論高能力自閉症兒童在社交溝通方面所面對的障礙。呢類小朋友往往難以理解其他人的想法和感受，導致他們在建立朋友關係上遇到困難。為了解這背後的原因。我哋請來言語治療師黃詩雯，幫助大家更深入認識這個議題。 -- Hosting provided by SoundOn

唔知道大家對高能力自閉症有多少了解？雖然大部分高能力自閉症兒童喺語言能力上表現唔錯，但佢哋嘅社交溝通發展往往比同齡嘅小朋友落後。今集我哋邀請咗言語治療師黃詩雯，為我哋詳細講解高能力自閉症兒童喺社交認知同溝通能力方面嘅特點，幫助大家加深認識。 -- Hosting provided by SoundOn

上幾集我哋講到當子女有SEN時，家長可以點樣為佢哋規劃未來嘅路向，不過好多時候家長自己嘅情緒都容易被忽略。今集我哋會從家長嘅角度出發，探討佢哋可以點樣照顧同調節自己嘅情緒。中心主任陳曉欣亦會分享佢平時同家長傾偈嘅經驗，幫助大家了解及應對這方面嘅挑戰。 -- Hosting provided by SoundOn

上集我哋介紹咗有關SEN嘅服務種類。當子女進入升小學階段，唔少家長會對子女嘅升學方向感到擔心，想了解SEN子女喺升學上有啲乜嘢選擇同安排。今集我哋會繼續由中心主任陳曉欣為我哋深入講解SEN子女升學嘅不同方向，幫助家長更加清晰規劃未來路向。 -- Hosting provided by SoundOn

上集我哋講解咗當家長懷疑子女有SEN時，應該踏出嘅第一步。今集由中心主任陳曉欣繼續為我哋詳細講解，現時為SEN兒童所提供嘅各種服務到底包括啲乜嘢。特別係我哋經常聽到嘅S位、E位、I位、O位，究竟佢哋代表咩？呢啲服務有咩分別？ -- Hosting provided by SoundOn

當家長懷疑子女有SEN時，往往唔知道應該點樣處理。而且，當家長發現小朋友出現SEN嘅特徵時，經常會試圖為呢啲情況作出合理化，避免面對真實問題。其實，家長應該如何及早識別並確定子女是否有SEN，對於及時提供適切支援非常重要。為咗幫助大家加深了解，中心主任陳曉欣特別為我哋詳細解答有關及早識別同確認SEN嘅方法同步驟。 -- Hosting provided by SoundOn

SEN 青在社交溝通方面往往面對挑戰，因此容易遇到挫折。除了面對面識朋友，透過社交媒體，建立人際關係亦係依家社會常用嘅方式。不過依家騙案咁多，點樣係識人嘅同時避免受騙？ -- Hosting provided by SoundOn

聽咗頭兩集，唔少家長都會關心，SEN子女係家庭管理方面可以點訓練。今集我地會講下SEN青，係日常生活中面臨嘅挑戰，特別是清潔、整理收納同家居安全。包括邊啲清潔任務對佢地嚟講最具挑戰性，亦都會講下點樣教佢地應對突發情況，幫助家長調整心態，令孩子更獨立。 -- Hosting provided by SoundOn

人大咗，始終要學會獨立生活，不過對於一班SEN青嚟講並唔係一件簡單嘅事。係個人管理方面例如煮野食、財務管理，等等方面能力較弱。今集由職業治療師陳宥君來分享佢地嘅教學經驗，講下點樣幫助SEN青克服呢啲困難。 -- Hosting provided by SoundOn

當SEN青踏入青春期時候，亦係佢地學習獨立嘅重要階段。然而，好多家長係呢個過程中成日感到困惑，唔知點開始。儘管面對困難，家長們通常都只可以依靠自己，令到佢地對仔女未來獨立生活能力感到擔憂。今集由職業治療師陳宥君為我地分享一下，佢地嘅教學經驗。 -- Hosting provided by SoundOn

我哋一連三集講解《拆解孩子的感覺密碼》，今年會推出增修版，書入面新增一位角色，我地今日邀請到職業治療師楊志凱介紹下書中新角色。為大家逐一拆解孩子的感覺密碼。 -- Hosting provided by SoundOn

有啲小朋友好鍾意玩刺激野，成日沖嚟沖去，周身郁無時停，家長仲會好擔心佢會成日受傷。呢個有機會係感覺訊息處理有困難，令到佢哋成日被人誤解、責罵，甚至被忽視。今集我地邀請到職業治療師楊志凱為我地介紹下「拆解孩子的感覺密碼」呢本書，為大家剖析書中其中一個主角「衝鋒鼠」。 -- Hosting provided by SoundOn

有啲小朋友反應比較慢，好似要多啲時間先明白老師講咩，甚麼講左都好似無咩反應。大家係咪都諗過，點解有啲小朋友會反應慢啲呢？今日想同大家介紹呢本《拆解孩子的感覺密碼》，可能會幫到你。書入面仲有啲簡單易用嘅方法，可以幫小朋友更加留心同專注。 -- Hosting provided by SoundOn

唔知大家有無聽過「拆解孩子的感覺密碼」。呢本書係由協康會職業治療師團隊，經過多年嚟嘅臨床經驗、治療心得寫出嚟嘅。我地會一連四集介紹書中角色，今年書會新增多一位角色，究竟係邊個，我地係最後一集揭曉。我地今集先講下書入面其中一個主角「無膽貓」。 -- Hosting provided by SoundOn

上集，我們提到特殊幼教同家長關係十分重要，對SEN學生嚟講因材施教都好重要。當中，有啲咩學習資訊家長可以提供比孩子，令佢地建立自尊、自主、自信，而大人又可以點樣同佢地相處？今集，由蘇鎧盈老師講下對SEN學生究竟有邊啲教學方式。最後更加會分享係PACT中遇到嘅深刻難忘事。 -- Hosting provided by SoundOn

特殊幼教唔單止要面對學生，同家長建立良好嘅關係也十分重要。家長係同孩子相處最多嘅人，他們嘅情緒都好容易影響學生嘅發展。今集，我們由做特殊幼教嘅蘇鎧盈老師分享，每當家長有情緒時候可以點樣疏導，同孩子一起共同成長適應新階段。 -- Hosting provided by SoundOn

今集，蘇鎧盈老師回顧了她7年嘅特殊幼教之旅，分享了為何入行、作為教師需要具備甚麼能力，以適應不斷變化嘅教學需求。在現今社會，每位孩子嘅獨特性不應被標籤所限制，隨著對特殊教育認識嘅提升，持續進修亦成為教育者嘅必須，咁樣唔單止有助兒童嘅發展，亦都可以影響家庭。 -- Hosting provided by SoundOn

除治療師之外，對SEN學童最多嘅係特殊幼教。特殊幼教會根據每位學童嘅能力，設計個別教育，並提供針對性訓練。當中蘇鎧盈老師仲分享咗點樣處理小朋友嘅情緒問題，以及工作上遇到嘅感人故事。 -- Hosting provided by SoundOn

自閉症=精神病？自閉症=唔關心他人？大眾可能對自閉症會有很多疑問，所以特別邀請協康會教育心理學家Jakie解答迷思🔎。希望大家可以「接納由了解開始，一起認識ASD」！ 聯合國將每年4月2日定為「世界提高自閉症意識日」，以增加大眾對自閉症譜系障礙(自閉症)的認識及支持。本會亦於每年4月初舉辦「自閉症關注周」，今年以「接納由了解開始 一起認識ASD」為主題，希望大家可以多了解自閉症人士特質，從而接納及支持他們。 自閉症關注周2025 https://aaw.heephong.org/ -- Hosting provided by SoundOn

嬰幼兒發展有好多方面，包括感官、體能和語言等等，而原來爸爸媽媽同BB嘅互動，都有助促進BB發展㗎！講到親子互動，大家可能都諗到瞓覺前講故事、同BB玩玩具，但係家長點先知道自己做得正唔正確？又點樣可以透過呢啲活動，更有效加強BB發展呢？ -- Hosting provided by SoundOn

嬰幼兒階段嘅玩樂大部分建構於「感覺動作」以及「感知動作」嘅活動，透過玩樂過程，可以促進嬰幼兒發展及鞏固七大感官，例如視覺、聽覺、觸覺等等。今集協康會職業治療師Candice會就感知動作，同大家分享對幼兒成長嘅重要性。 -- Hosting provided by SoundOn

上集職業治療師Eddie同我哋分享咗ADHD學童在情緒處理上面對嘅困難。而喺學校入面，老師係最直接支援佢哋嘅角色，今集Eddie會就幼稚園支援上分享專業意見，例如老師可以點樣加強角色，成功令學童留意指令之外，仲更加有效幫助呢類學童 -- Hosting provided by SoundOn

早前出現ADHD學童喺校內輕生嘅新聞，令大家更關注呢類學童嘅精神健康，呢班小朋友喺校內會出現咩情緒或行為問題？佢哋又可以點適應校園生活？一齊聽吓協康會職業治療師Eddie Lui分享ADHD學童嘅情緒處理問題，仲會教家長幫助孩子管理情緒嘅三大方法！ -- Hosting provided by SoundOn

上集就同大家拆解咗兒童偏食嘅成因，但要令小朋友接受新食物都唔容易㗎，唔覺意仲可能會造成反效果！協康會言語治療師Danny會教大家一啲技巧同方法，家長就記得唔好錯過喇！ -- Hosting provided by SoundOn

小朋友揀飲擇食嘅情況好常見，尤其係幼兒和學前階段嘅小朋友，可能會唔願意嘗試一啲新嘅食物。呢個問題相信都令唔少家長好煩惱，到底點樣可以令小朋友接受新嘅食物呢？協康會言語治療師Danny會同大家拆解兒童偏食問題！ -- Hosting provided by SoundOn

小朋友一出世，進食已經成為每日不可或缺嘅生活流程，由流質食物過渡至加固食物，BB嘅進食能力會隨年紀不斷發展。今日有協康會言語治療師Danny同大家分享小朋友進食發展里程，俾家長有個參考！ -- Hosting provided by SoundOn

上集就講到情緒抗逆力對學童嚟講非常重要，父母過度干預同批評都會引起反效果。今集繼續有協康會教育心理學家顏瑋林，同大家分享正確嘅管教技巧，以及有咩方法可以提高小朋友抗逆力。 -- Hosting provided by SoundOn

學童出現情緒困擾，甚或輕生嘅新聞不斷，可見佢哋面對的壓力都唔細。作為家長，有冇機會可以及早察覺小朋友嘅問題，幫助佢哋渡過難關呢？今集請嚟協康會教育心理學家顏瑋林，同我哋傾下學童抗逆力。 -- Hosting provided by SoundOn

上集就同大家分享咗親子溝通要留意嘅地方，但如果發現同小朋友都係唔啱嘴型，小朋友又唔係好想理家長，又有冇計仔呢？協康會教育心理學家Neo會同大家傾下改善方法！ -- Hosting provided by SoundOn

相信唔少家長都認同，同小朋友相處係好高深嘅學問，由引導小朋友講野，以至建立正向嘅溝通一啲都唔簡單！如果係有特殊需要嘅小朋友，就更加需要唔同技巧。今集請嚟協康會教育心理學家Neo, 同大家分享下親子溝通有咩要留意。 -- Hosting provided by SoundOn

大家生活圈子中可能都會認識SEN人士，有時可能會覺得佢哋肢體動作較為誇張，或者好似「論論盡盡」咁，甚至因為咁令唔認識佢哋嘅人產生反感。其實點解佢哋會咁呢？大眾遇到呢啲情況又可以點做？今集繼續有協康會物理治療師Amanda, 俾啲建議大家，一齊促進社會共融！ -- Hosting provided by SoundOn

唔少人都會好擔心自己坐姿唔好，尤其係長期在辦公室工作嘅人，更加容易出現坐姿站姿問題。而呢啲問題喺SEN人士上可能會更常見，仲可能唔單止對體態做成影響。今集繼續有協康會物理治療師Amanda，同我哋拆解下SEN人士姿勢不良嘅成因，以及對生活造成嘅影響。 -- Hosting provided by SoundOn

香港生活節奏非常急速，不同年齡層嘅香港人，都面對著唔同生活壓力。一般中學階段嘅學生面對青春期同學業，壓力已經非常大，何況係有特殊學習需要嘅青少年。今集我們邀請到協康會物理治療師Amanda, 教大家舒緩壓力嘅運動，等大家一齊跟著做！ -- Hosting provided by SoundOn

根據教育局嘅統計，每年大約有3萬名SEN中學生，當中佔最多數嘅是特殊學習障礙，以及過度活躍/專注力不足（ADHD）嘅學生。呢班學生智力發展正常，但成長階段往往俾人覺得周身郁、坐唔定咁。今集我們邀請到協康會物理治療師Amanda, 同我哋分享背後嘅原因，運動又點幫助佢哋呢？ -- Hosting provided by SoundOn

開學接近一個月，小朋友喺新環境可能仲未識到朋友，又可能認識咗一啲新嘅朋友仔，但就未必識得同佢哋相處。家長有時又會擔心小朋友識錯人，又唔想過度介入小朋友嘅社交圈，協康會教育心理學家Vania教大家取得親子關係平衡！ -- Hosting provided by SoundOn

面對小朋友升小學，或者係初小升高小，相信父母都會有種覺得小朋友一夜長大、唔再係小朋友嘅感覺，甚至可能會放唔開手。協康會教育心理學家Vania會教家長點樣調節心情，先唔會令自己或小朋友太大壓力。 -- Hosting provided by SoundOn

小朋友開學冇耐，上集就講完點樣幫小朋友收心，應付新學年。唔少家長都想幫仔女「開個靚頭」，就訂立唔少目標俾佢哋，咁樣做又好唔好呢？會唔會有反效果呢？今集繼續有協康會教育心理學家Vania俾啲貼士大家。 -- Hosting provided by SoundOn