shim's podcast

هاد الحلقة سجلتها بعد حفلة عيد ميلادي الخامسة و العشرين منذ مدة و حتى لليوم باش حطيتها .. جاية طويلية شوية ( بزاف ) بصح تستاهلخطرش خارجة من القلب .. enjoy

حديث قصير لا أعتبره حلقة لكنك قد تحبه فحواه أنك  لو كنت قد اتخذت قرارت كثيرة خاطئة في حياتك ندمت عليها فيما بعد فأنا وأنت "والسبعة وتسعة من عشره بليون شخص على وجه الأرض" نشترك جميعاً في ذلك…. والفروق بين البشر ليست في كم الأخطاء التي إرتكبوها، ولكن تكمن في القدرة على مسامحة النفس والتواضع أمام الخطأ والتعلم منه وإكتساب الصلابة النفسية والمضي قدما  دائماً وعدم العودة للخلف ~ دمتم بخير 

ليس لأحدٍ أن يصعد، فيلقي نفسه من شاهقٍ، ويقول: قدَّر لي ربي، ولكن يجد، ويجتهد، ويتقي؛ فإن أصابه شيء علم أنّه لن يصيبه إلّا ما كتب الله له. في هاد الحلقة حكينا على المكتوب ~ enjoy 🤍

حلقة خفيفة على حكايتي لي بدات من الصغر مع التدوين بدءا ملي كنت طفلة صغيرة تكتب في مذكراتها كل ليلة و مرورا بالخواطر الخاصة بتقلبات المراهقة و افكار الاصدقاء العميقة و السطحية حتى لوين كبرت ووليت نخدم بالدفتر و ستيلو كوسيلة للتنفيس على كلش داخلي ..كيفاش خلاني التدوين نفهم روحي و الناس لي حولي و علاش لازم تبدا تجورنالي حتى نتا

في هاد الحلقة هدرت على عقلية راهي دور بزاف فهاد الوقت ، نسميوها بالعامية عقلية أخطي راسي ، و بلغة رسمية كتر الحياة الفردية ، كيفاش جات ، كيفاش تقدر تتبناها ، و آسكو تقدر صح تعيش الحياة بشكلها الطبيعي كي يخطيو راسك !

في هاد  الحلقة ناقشنا الادوات لي يستعملهم دكتور ستاتز في علاجه النفسي لمرضاه .. هاد الادوات طرحهم الممثل جونا هيل في فلم وثائقي من انتاجه والشخصية الرئيسية فيه هو  طبيبه النفسي ستاتز . اسمعوا الحلقة و اتفرجوا الفلم و استمتعوا ..

وش تدير كي تتفارق مع انسان .. في هاد الحلقة راح نهدرو على الفراق ..نفهمو وش يصرالنا بعدو و كيفاش نعيشوه بكل ما فيه  و نتجاوزوه 

في هاد الحلقة راح نحاولو نتعرفو على خطوات تمكنا باش نتعرفوا على نفسنا الحقيقية باش نقدرو نفهمو رواحنا, نفهمو حنا كيفاش جايين,  و بالتالي نفقهوا واش يخرج علينا و واش يوالمنا وواش ما يوالمناش و اهم حاجة  وين رانا رايحين.

 جات في بالكم من قبل بلي الجيل تاعنا مزعزع نفسيا بزاف و الهو لي يجي يقيسو , في هاد البودكاست راح  نعرفو علاش حنا جايين هكا و كيفاش نقدروا نصقلو رواحنا من جديد