Todos os podcast | Mar de ardora

Galicia é coñecida polas súas conservas de produtos do mar. Hoxe imos coñecer a historia dunha marca que se converteu nunha referencia internacional no mercado gourmet. Falamos con Jesús Lorenzo, xerente da conserveira de Carril Os Peperetes. Comezou a veda do polbo tras unha campaña na que medraron as capturas e subiron os prezos na lonxa. Alberto Ordóñez pulsou o sentir do sector. A alga asiática, unha especie invasora que está a causar serios problemas en Andalucía, coloniza xa a costa galega. A profesora de botánica da USC, Pilar Díaz, explícanos que consecuencias pode ter a súa proliferación. David Fernández preséntanos o proxecto "Remuda xeracional: o futuro do mar", unha iniciativa orientada á captación de novas xeracións para garantir o futuro da actividade pesqueira e acuícola. O biólogo Javier García Galdo desvélanos por que os anfibios non poden vivir na auga salgada.

Os mariscadores de Pondeume andan á procura de sacarlle máis rendemento a un recurso que abonda na zona, a ostra rizada. Alberto Ordóñez cóntanos como tentan converter nunha oportunidade a proliferación dunha especie invasora. A investigadora do Instituto Español de Oceoanografía, Begoña Ben-Gigirey fálanos dunha guía internacional sobre o monitoreo de toxinas algais en moluscos bivalvos. Presentamos unha nova ferramenta para a xestión do ourizo, un dron que grava os bancos e analiza as imaxes para contar exemplares e estimar densidades. Coñecemos a Miguel Ángel García, un veciño de Oia que impulsa a creación de puntos limpos no litoral para recoller o lixo que chega á costa. Ademais, o biólogo Javier García Galdo desmonta con datos as noticias que afirman que as augas dos océanos Pacífico e Atlántico non se mesturan.

O Foro Galicia de Sostibilidade Gloibal de Produtos do Mar desenvolve unha nova edición en Vigo. Revisamos os seus contidos da man do seu director Ángel Matamoro. Alberto Ordóñez lévanos a coñecer o traballo dos mergulladores que extraen navalla da ría de Aldán. David Fernández cóntanos como se extraen as mostras dos bancos marisqueiros para saber o seu estado tralos temporais do inverno. Presentamos algunhas aplicacións de Intelixencia Artificial que comezan a utilizarse na industria da pesca. O noso biólogo de cabeceira, Javier García Galdo, dinos todo o que queremos saber do peixe sapo.

Poñemos a ollada en tres empresas do interior de Galicia que teñen os seus produtos a bordo de barcos e a pe de portos. Industrias Guerra, Gruas Fuerte e Hermanos Toimil están radicadas na comarca do Deza e fabrican guindastres. Entrevistamos a Álvaro Roura, director de Optolarvae, filial de I+D+I do grupo Profand. Cóntanos en que consiste a súa investigación sobre cultivo larvario para desenvolver unha acuicultura rexenerativa. Alberto Ordóñez explícanos nunha reportaxe cales son as expectativas da campaña da sardiña. Presentámoslles a Ramón Patiño, Choiño, un percebeiro que acadou sona en Tik Tok. O noso biólogo de cabeceira, Javier García Galdo, introdúcenos no mundo dos animais acuáticos que xeran electricidade.

Contámoslles en que consiste o Proxecto Volaria, unha iniciativa do Instituto Oceanográfico de Vigo que pretende estudar a contaminación que afecta á volandeira na ría e comprobar como se podería volver capturar sen risco para a saúde nin para a reproducción deste bivalvo. A profesora de Lingua e Literatura do IES Illa de Arousa, Elena Martínez, e o patrón Maior da Illa, Juan Rial, fálannos dos nomes e características das 80 praias da illa rcollidas nunha Guía que se acaba de publicar. Alberto Ordóñez amósanos a cara e a cruz dos temporais do inverno: a abundancia de lamprea no Ulla e a mortandade de ameixa en Carril. Coñecemos o traballo dun vendedor ambulante de peixe en Ourense, Antonio Otero. Debullamos o labor que desenvolve en Ribeira a asociacion Amicos para recuperar os corais capturados accidentalmente polos pesqueiros e o noso biólogo de cabeceira Xabier García Galdo explícanos que é a "pesca pantasma".

Está a anguía en perigo de extinción nos nosos rios? O goberno español, científicos e organizacións ecoloxistas pensan que si e propoñen que se deixen de capturar. O goberno da Xunta e os pescadores opóñense. Recollemos os argumentos duns e doutros. Explicamos o proxecto Maja, unha iniciativa da Universidade de Vigo que conseguiu pechar o ciclo completo da cria da centola en catividade. Coa axuda do profesor do CSIC Fiz Fernández lembramos á oceanógrafa viguesa Aída Fernández Ríos, elixida científica do ano. Coñecemos a María José Cacabelos, presidenta de Guimatur, asociación cultural que organiza roteiros para coñecer a nosa cultura mariñeira. O biólogo da asociación Hábitat, Damián Cosme, explícanos as razóns da alta mortandade de aves mariñas deste inverno e outro biólogo, Javier García Galdo, fálanos das raias.

Comezamos o programa falando dos danos que os continuos temporais deste inverno están causando nos bancos marisqueiros das rías. Abordamos a polémica xerada en torno á proposta do goberno de declarar a anguía especie en perigo de extinción. David Fernández fai balance da pasada campaña do polbo e pregúntalle ao sector como garantir a sustentabilidade da pesquería. Unha reportaxe de Alberto Ordóñez explícanos os problemas que provocan os golfiños nos aparellos dos barcos de cerco. Presentamos "As arestas da sustentabilidade", un libro divulgativo do catedrático de Enxeñería Química Gumersindo Feijoo. O biólogo mariño Xabier García Galdo fálanos dos bivalvos furadores.

Tota la informació de les comarques de Lleida i d'arreu, a l'informatiu matinal de l'Un Dia Més.

Neste programa falamos co investigador do Instituto de Investigacións Mariñas de Vigo, Luis Taboada, sobre dous proxectos nos que traballa: o primeiro, o aproveitamento de restos de pesca e especies sen valor comercial para producir oleoxeles; o outro, establecer pautas para a explotación sustentable do ourizo de mar. Alberto Ordóñez trasládanos o grave problema da crecente contaminación das augas costeiras. Infórmanos sobre a invasión de toalliñas hixiénicas na ría de Ferrol e sobre o proxecto Placton no que centos de voluntarios retiran lixo do mar. Conversamos co escritor Santiago Llovo sobre "Corcubión, a súa historia salgada", o libro no que debulla a historia das fábricas de salgadura da vila coruñesa. O noso biólogo de cabeceira, Xavier García Galdo cóntanos que é a ecolocalización, o sistema que utilizan algúns depredadores mariños para captura-las súas presas.

Neste programa abordamos a polémica xurdida tralo anuncio do goberno de que se incluirá a anguía entre as especies en perigo de extinción. Conversamos sobre a situación deste peixe nas nosas augas co edafólogo Serafín González, presidente da Sociedade Galega de Historia Natural. En Galicia houbo tempos nos que se fabricaban motores para barcos. Albertyo Ordóñez lémbranos nunha reportaxe aos mecánicos, case sempre autodidactas, que realizaban ese traballo. Ademais falamos da ostra. O biólogo Xavier García Galdo ensínanos a diferenciar entre os diferentes tipos deste molusco e conversamos con Lucas Daporta, xerente de Mariscos Daporta, unha empresa de Cambados que comercializa ostras con certificado ecolóxico.

O sector da baixura conseguiu que o Ministerio de Pesca suspendera a aplicación das medidas máis lesivas do Regulamento Europeo de Control da Pesca. Sen embargo, os mariñeiros seguen pendentes da decisión final da Comisión Europea. Imos coñecer o seu punto de vista sobre esta polémica. Entrevistamos a Francisco López Valladares, presidente do Consello Regulador de Acuicultura Ecolóxica de Galicia. Participamos na campaña de retirada de reló nos bancos marisqueiros de Aguiño. A investigadora Cristina Gallego cóntanos como se pode extraer xelatina de alta calidade da pel do peixe. O biólogo Xavier García Galdo desvélanos se hai remuiños no mar.

Neste programa coñecemos como foron as vendas nas lonxas galegas en 2025. Falamos de Redecos, unha rede de sondas en augas pouco profundas para controlar as condicións das augas. Alberto Ordóñez cóntanos nunha reportaxe como evolucionaron os faros galegos. Visitamos en Vimianzo un muiño de marea construido hai maís de 300 anos e en Moaña duas carpinterías de ribeira reconvertidas en museo.

Neste programa Alberto Ordóñez acode a unha granxa de rodaballo para explicarnos o proceso de cría deste peixe plano. David Fernández cóntanos como se recolle e comercializan as algas en Galicia e resúmenos o ocorrido no Foroacui, o Foro dos Recursos Mariños e Acuicultura das Rías Galegas que se desenvolve en outubro pasado no Grove.

A consellería do Mar autoriza a captura de ouxas que devoran o berberecho e a ameixa nas rías. Preguntámoslle como se combate esta praga á patroa mnaior de Lourizán, Carmen Vázquez. Imos a un mercado de Vigo para que a pescantina Olaia Suárez nos diga como vai a campaña de Nadal. O director adxunto do porto de Celeiro, Eduardo Míguez, fálanos do seu acordo cunha sociedade irlandesa para capturar lirio en augas internacionais. O xerente da empresa Artio Nutrición, José Gigerín explícanos como transforma auga de mar en bebidas isotónicas. O biólogo Xavier García dinos como se forman as "ondas cadradas".

A flota palangreira galega reclama o remate da veda de pesca do marraxo. A xerente da Organización de Palangreiros Galegos, Juana Parada, fálanos do estado da pesquería. Na última década caeu o consumo de peixe en España un 30 por cento. Un grupo de expertos nutricionistas entre os que están Elvira Larque, Rosaura Leis e Federico Costa dannos motivos para que introduzamos os produtos do mar na nosa dieta. Con David Fernández repasamos a historia do servizo de gardacostas galego. Visitamos o muiño de marea de Vimianzo. Coñecemos a investigación que apunta a que as sardiñas malladas son vítimas dun parasito.

Os cerqueiros galegos seguen capturando bocarte ás portas do inverno. Falamos desta inusual situación co voceiro da Asociación de Armadores do Cerco de Galicia, Manuel Suárez. Os españois consumen un 30% menos de peixe que hai unha década. Preguntámoslle os motivos a Luisa Álvarez, directora da federación que agrupa aos comercializadores de pescado. A oceanógrafa Marta Álvarez explícanos en que consiste BioGeoSea, un proxecto para examina-la saúde dos océanos. O enxeñeiro naval Raul Villa cóntanos a historia do patrulleiro "Cabo Fradera", o segundo barco máis antigo da armada, que ten base en Tui. O biólogo Javier García dinos como localizan o seu alimento as aves mariñas.

Falamos coa xerente adxunta da Cooperativa de Armadores de Vigo, Mercedes Rodríguez, sobre os efectos da proliferación de megaarastreiros nos caladoiros comunitarios. Carlos Lois, da confraría do Grove, infórmanos da marcha da campaña do ourizo. David Villar cóntanos nunha reportaxe como se xestiona a colleita de algas en Galicia. Tamén coñecemos un proxecto da Universidade de Santiago e a empresa Porto Muiños sobre cultivo e comercialización das algas salicornias. Conversamos con Pilar Otero, presidenta da Asociación Nacional de Mulleres da Pesca e o biólogo Javier García descúbrenos os moluscos máis raros das nosas costas.

O presidente da Federación Nacional de Confrarías, Basilio Otero, cóntanos o tratado na xuntanza que mantiveron os pósitos do Cantábrico para poñer sobre a mesa os probelas da pesca artesanal. Para facer balance do bono-peixe falamos coa Conselleira do Mar, Marta Villaverde, e coa propietaria dunha peixería de Lugo, Isabel Peña. Conversamos sobre os accidentes no mar con Fran Pena, coordinador do sector marítimo de CCOO de Galicia. Con Alberto Ordóñez coñecemos a historia da conserveira máis antiga de España, Palacio de Oriente. Xavier García deixa a un lado desta volta os peixes para centrar a súa atención nos pescadores; concretamente na etnia Bajau de Malaisia e Indonesia, uns homes cunhas facultades inigualables para o mergullo en apnea.

O descenso da produtividade das rías galegas alarma á xente do mar. Entrevistamos á directora de Desenvolvemento Pesqueiro da Xunta, Ángeles Vázquez, para que nos conte como aborda a administración este problema. Nas illas británicas quéixanse da proliferación do polbo nas súas augas. Ángel González, científico do Instituto de Investigacións Mariñas, explícanos as razóns de que haxa variacións profundas na poboación desta especie. Susana Ares fálanos dos cursos para inspectores de pesca que desenvolve a FAO en Vigo. Unha reportaxe de Alberto Ordóñez ilústranos sobre o funcionamento do "rol dixital". O director en Pontevedra da Consellería de Medio Ambiente, Nicolás Lorenzo, cóntanos como se combate no Miño a praga da alga Egeria Densa. Miguel Rodríguez, secretario xeral da Asociación Galega de Pesca Submariña, introdúcenos nesta práctica deportiva.

Rematou Conxemar e facemos balance da Feira dos productos conxelados do mar falando co seu presidente, Eloy García. Tamén queremos saber como foi a osteira do bonito deste ano e para iso contamos co xeente dos armadores de BVurela, Miguel Neira. Álvaro Roura, director técnico de Octolarvae, explícanos como esta empresa está tentando recuperar a poboación de camarón na ría de Vigo

Comentamos con Iván López, presidente da Asociación Internacional de Asociacións Pesqueiras, as intencións da Comisión Europea de recurta-los fondos europeos dirixidos ao sector pesqueiro. Lucía Junquera infórmanos sobre o proxecto da confraría de Cangas de sementar ourizo. David Fernández asistiu ao encontro sobre o "Pacto europeo polo oceano" que se desenvolveu en Ribeira. Fidel Rodríguez, de Redeia, cóntanos que é un hospital de gorgonias e como se restauran. Ademais falamos das capturas ilegais de polbo e do proxecto "bateas", que desenvolve o CETMAR.

O patrón maior de Barallobre, Jorge López, cóntanos como a confraría está tentando recuperar a ostra plana. No día do Mexillón Quique Magdalena repasa a situación da Denominación de Orixe Protexida Mexillón de Galicia. O investigador de Centro Oceanográfico de Vigo, Camilo Saavedra, fálanos da visitas dos rorcuais a augas galegas no perido estival. Outro investigador do IEO, Xulio Valeira, explícanos como se proban dispositivos nas redes de arrastre para reducir os descartes e evitar a captura accidental de especies protexidas. Asistimos á xornada sobre o patrimonio toponímico mariño organizada pola RAG e rematamos pedíndolle a Xavier garcía Galdo que nos describa un curioso peixe, o dragón azul.

O naufraxio do pesqueiro galego Tafra 3 sacou a luz as prácticas abusivas dos grandes buques factoría en caladoiros como o de Mauritania. Diso falamos co presidente da Cooperativa de Armadores de Vigo, Javier Touza. En Cambados as mariscadoras exercen tamén como guias turísticas. María Xosé Cacabelos, presidenta da Asociación Guimatur, cóntanos por que. Desvelamos a faceta poética do armador e presidente de Interfish, Joaquín Cadilla. Explicamos como se cultiva mexillón en laboratorio no Centro de Investigacións Mariñas de Vigo para realizar unha seleción xenética. José Antonio Álvarez Rocha preséntanos a Asociación de Modelismo Naval de Vigo. Xavier García Galdo fálanos sobre a caravela portuguesa.

FP dual marítima. Hai alumnos? Saídas profesionais? Preocupación entre as mariscadoras das Rías Baixas pola ouxa, unha especie de raia que lles papa o marisco. Redes de arrastre selectivas. Imos ata o Ulla. Estamos nos últimos días da pesca da anguía. Percorremos a a costa pra falar de vagar dun oficio tan tradicional como clave prá construción de barcos ata mediados do século pasado: a carptintería de ribeira. Colaboración de Javier García Salido.

Mar de fóra: O Tribunal da UE rexeita os recursos contra 87 prohibicións de pesca en profundidade Técnicos de pesca da flota española van reclamar a equiparación á hora de tributar que os mariños militares. O IEO lanza a campaña Platuxa para avaliar os recursos pesqueiros no Gran Banco de Terranova Mar de proa: Rescates en Camariñas e en Ribeira.

1.- Remuda na Consellaria do mar. Falamos con Basilio Otero, presidente das contrarias españolas 2.- Primeiro libro sobre o naufraxio do Villa de Pitanxo, de Xosé Manuel Solla Santos

Falamos do comnezo da costeira do bonito co presidente da Asociación de Armadores de Burela, Abelardo Basanta. O percebeiro Toñico Haz explícanos os problemas que xeran os furtivos en Muxía. Analizamos co naturalista Alfredo López a diminución das interaccións das candorcas con barcos en Galicia. O historiador Fernando Patricio Cortizo preséntanos o seu libro "Na escuridade das ondas: a traxedia do pesqueiro La Isla no mar da torre de Hércules". Ademais lembramos aso armador muxián Abrahan Pérez Búa, falecido nun accidente cunha moto náutica.

Europa: acordo pesqueiro con Inglaterra. Con Danievl Voces de Anaindi, Juan Carlos Corrás, Sergio López e Javier Touza. Mar de vento: Ollada ao tempo, que din os prognósticos do mar? Con Marcial Sar, patrón de Fisterra e armador. Colaboración de Javier García Galdo, Biólogo Mariño e experto en pesca sostible. Hoxe: crustáceos.

Balance da Seafood Expo de Barcelona con Roberto Alonso (ANFACO-Cecopesca) e Manuel Suárez (ACERGA). Mar de fóra: balance da costeira da anchoa con Eduardo Carreño, da frota do cerco de Portosín. Mar de proa: Entrevista a Amalia González ‘Lita’. vicepatroa da Confraría de Pescadores de Camariñas.Vicepresidenta Terceira da Federación Nacional de Confrarías. Empezou como mariscadora aos 16 anos. Leva 40 no oficio. Inspectores de pesca en folga indefinida. Entrevista a Sandra González, inspectora. Mar Vivido. Falamos dun libro no que se explica o nacemento da Cruz Vermella do Mar e os grupos de mergulladores especializados e os Helimer Galicia: 'Na escuridade das ondas'.

Mar de Proa: A próxima semana comezan as xornadas EXPOMAR en Burela Mar de fóra: O comisario europeo de pesca visitou España. A Federación de Confrarías de Pontevedra podería deixar a Federación Galega Mar Vivido: Manolo do Coral. Corenta anos navegando en arrastreiros.

O Bonopeixe, anunciado por Rueda no debate do estado da autonomía. Mar de Proa: O Consello Consultivo das augas do sur celebrou reunións dos grupos de traballo en Santiago de Compostela. Celebrouse en Avilés unha xornada monográfica sobre a pescada. Mar Vivido: Entrevista con Juan José Fernández Prol, xefe de máquinas. Natural de Aguiño. Traballou no cerco, no arrastre e no palangre. Mar de fóra: As familias da 'Villa de Pitanxo' amosaron o seu pesar pola morte do Papa Francisco Javier García Salido fálanos das luras e das potas. Mar de vento: Ollada ao tempo que espera no mar.

Nuns meses cumpriranse 50 anos exactos da caza da última balea na costa galega. Foi levada a Caneliñas, concello de Cee. Falamos con Paula Castiñeira, unha das autoras do documental "Caneliñas: 100 anos ". Tamén co historiador Santiago Llovo e o escritor Chisco Fernández Naval.

Actos en Aguiño en lembranza do ´Cartagena´. Con Luís Crujeiras. Mar de Proa: ACERGA celebrou xornada anual en Sada. Comeza a veda do polbo. . Mar de fóra: Como afectarán os aranceis ao sector agropecuario? Mar de vento: Ollada ao tempo que espera no mar. Javier García Salido fálanos dos moluscos bivalvos.

O prezo do lirio dispárase nas lonxas por mor da súa escaseza. Tentamos saber as causas en conversa coa xerente da OPP de Ribeira, María Xosé Casais. Preocupámonos do futuro da empresa en concurso Pescados Rubén falando con Isabel López, da UXT. O investigador Juan Trigo contanos o que se sabe da chegada á costa galega dun verme exótico que parasita os moluscos, a planaria.

Guerra de aranceis. Cal debe ser o papel da Unión Europea coa conserva española? A pesca española avanza no primeiro marco colectivo laboral da súa historia. Consumo de peixe en febreiro. Prezos. Como está afectando a baixada de ingresos ás confrarías?

Nesta edición falamos dun producto 'premium' dos mares galegos : o ourizo. E fixémolo cunha mariscadora de A Guarda e un vendedor de Arou Na lonxa de Aguiño cotizou cun rexistro marca : cerca de 18 euros o quilo Tamen falamos do regreso das vieiras as lonxas galegas ; das reservas marinas en augas internacionais; dos icebergs e de si resulta factible aplicar a reducción da xornada laboral ao sector pesqueiro.

Entrevista monografica ao señor Maño. 93 anos e máis de 60 de mar Foi o último patrón de lanchas xeiteiras da provincia da Coruña. Navegaba fundamentalmente na Ría de Fisterra e cercanía A entrevista foi gravada na illa grande de Lobeira a carón do vello faro. Ata ali chegamos en barco.

Adecuación da frota de arrastre un mes despois do Consello de Ministros da UE. A crise de Atunlo vive momentos decisivos. Que pasou con Pescados Rubén de Burela? Como van as grandes empresas pesqueiras no inicio de 2025? Lembranza a Bernardino Graña, poeta do mar.

MAR DE POPA: Comeza o proceso electoral na Federación Nacional de Confrarías. Falamos con Basilio Otero. MAR DE FÁBULA. Barallobre aumenta nun 30 por cento as súas ventas despois da súa xira de promoción. Con Jorge López, patrón maior de Barallobre. MAR DE PROA. Situación crítica do marisqueo a flote da ría de Pontevedra, con Iago Tomé, patrón maior de Raxó MAR VIVIDO. A Xunta declara de interese galego a Fundación Estaleiros Fra. Entrevista a Francisco Fra. Ollada ao tempo, que dín os prognósticos do mar? Con Marcial Sar, patrón de Fisterra e armador. Colaboración de Javier García Galdo, Biólogo Marino. Experto en pesca sostible. Tema: as artes e aparellos de pesca: arte do xeito.

Neste programa falamos de dous libros que contan historias do mar de Galicia. O catedrático de bioloxía aninal Alex Aguilar cóntanos como investigou a historia da caza de baleas que reflicte na súa obra "Chimán". Con Noemí Sabugal facemos unha viaxe pola vida e historia das nosas costas como a que describe en "Laberinto mar". O noso colaborador Xavier García Galdo lévanos ao mundo dos seres mariños de lenda.

Débrief de Liverpool - Real Madrid, cinquième journée de la Ligue des Champions. Le Real Madrid s'incline à Anfield (2-0) et glisse au classement tandis que Kylian Mbappé a manqué un penalty. Ce podcast est hébergé par Podcastics, la plateforme pour créer et diffuser votre podcast facilement.