Vita capita – radionovela

L'ultim stida la glisch Els bandunan la val: Ils giuvens, quels en ils megliers onns, ed era da quels pli vegls. I vegn quiet en il vitg. Tgi resta insumma anc a Surgonda? Ma almain quatter per in jass vegnan bain anc a restar. U na? In cumià cun Hans, Martin, Erenesta, ils auters vischins da Surgonda e blera nostalgia. L'ultima emna da «Vita Capita». Reschia: Michel Decurtins

La maridaglia Ina lunga istorgia è la stada, la relaziun tranter Lucia dal Volg e Roland Battaglia: Ina lunga istorgia plaina da grittas, frust e larmas. Però era ina istorgia da surpraisas. Uss maridan Lucia e Roland. La lunga istorgia po pia ir a fin cun in happy end. U na? Be tant: In vestgì piglia fieu. Reschia: Michel Decurtins

Speranza! «Oha» po dir Lucia dal Volg. «Oha» di era Duri Bachman il droghist da Surgonda. Lucia ha numnadamain cumprà in test da gravidanza en l'apoteca da Surgonda. La dumonda è uss simplamain: Per tgi è quest test propi? Duri smina ed: «Oha!» Reschia: Michel Decurtins

Dalunsch datiers Paula e Remo? In perin? «Quai na vegn bain betg ad esser», pensa Ernesta. Ma forsa schont? Paula, la sora d'Ernesta, aveva gì ina affera zuppada cun Remo Casty 'tanti anni fa'. Da lezzas uras aveva Remo refusà Paula. In grond drama. Ed uss? Tadlai sez Reschia: Michel Decurtins

Opziun optimala Oha! Ussa bain. Quella offerta na po Gabriel Schmid l'ortoped e marus da Paula betg laschar passar. Ir a lavurar en LA clinica per ortopedia a NY. E tge pomai di Paula da quai? Van las larmas, u è quai ad ella sco ins po dir uschè plastic «liongia»? Reschia: Michel Decurtins

La brev è vegnida. Ella po sa preschentar. Ma tgi e nua? Quai n'è betg uschè simpel da respunder, perquai ch'igl èn gist omaduas giuvnas da Surgonda: Marisa Demarmels po ir a sa preschentar en in biro da viadis a Turitg e Pirmina Caflisch en in hotel a Montreux. Ha quai bain baud num: «Ciao Surgonda»? Reschia: Michel Decurtins

Salut Montreux? Ditg na va quai betg pli enfin la fin da l'emprendissadi da Pirmina. E lura tge? L'offerta dal schef da Pirmina dad ir a lavurar Montreux vegn qua gist al dretg temp. Mo tge di ses marus Patrick da quai? Reschia: Michel Decurtins

«Wegen zu geschlossen» Ma tge èsi uss? La garascha da Jöri Gartmann è serrada. Vid l'isch penda mo in cedel. I n'è bain betg capità insatge? E tge è atgnamain cun Paula e Gabi? Anc tut bun, u na? Reschia: Michel Decurtins

Martin survegn la crisa Oje! Martin po festegiar anniversari. Mo sche pertge «Oje!»? Igl è il 49avel. Quai basta per ina crisa. Datti ina moto per Martin? E tge rolla giogan pomfrits? Reschia: Michel Decurtins

Regurdientschas vid il passà El vegn tuttina, l'expert dad UFOs, a guardar las curiusas encrennadas da Surgonda. Quai malgrà che tut è atgnamain mo ina filistucca da Jöri e Duri ed in martè da furar. Sa tge che Roland Battaglia fa uss cun l'expert? Dir la verdad? Roland Battaglia? Tgi sa? E tgi è quest expert? Reschia: Michel Decurtins

Segns vid la paraid Giu sper il dutg ha el chattà ellas: encrennadas en il grip. Però betg simplamain simpels sgriffels, na, messadis dad extraterresters ord il passà. Quai pensa almain l'ustier e da nov ufolog Roland Battaglia. Uss va quai pir endretg liber cun UFOs, resp. OSNIs a Surgonda. Reschia: Michel Decurtins

English first Yes please. Ma betg per Marisa Demarmels. Ils examens finals da lemprendissadi na stattan betg mo avant porta, na els vegnan cun lezza dad isch en. E la giuvna emprendista è gnervusa pervia da la clausura denglais, gea tant gnervusa chella dovra ina pirla da durmir. Ma bain betg ina giuvna uschè giuvna – u na? Reschia: Michel Decurtins

I manca la cultura Surgonda ha tut. U quasi tut. I manca però la cultura, manegia almain il droghist Duri Bachmann. E perquai vegni organisà a la spert sperta ina saira culturala. Quai sto bain ir per l'aua giu. U na? Reschia: Michel Decurtins

Sche ti bajegias, vegnani Uss è el tras, l'ustier da Surgonda. El crai en UFOs, resp. OSNIs e vul schizunt carmalar natiers in. U plirs. Ed: Dieus ans pertgira: il radio rapporta da tut. Quai na plascha gnanca in zichel al president da vischnanca Alfons. Reschia: Michel Decurtins