Ep19. 詞代母語寫風光 曲替故鄉訴衷腸─《花廳門》

節目來賓：星洋本人 文學作品：【月光花】─陳維斌 【半邊井】─陳維斌 【花廳門】─陳維斌 音樂作品：台北室內合唱團《月光花》─陳維斌 詞曲　冉天豪 編曲 台北室內合唱團《半邊井》─陳維斌 詞曲　陳一涵 編曲 台北室內合唱團《花廳門》─陳維斌 詞曲　黃俊達 編曲 【月光花】 月娘愛媠 愛人讚美伊的面像白瓷 伊驚曝日 天若無暗就無愛出來相見 伊拜託厝邊的星替伊顧 日頭若出來䢝迌愛緊相報 我愛月娘 愛伊親像日月潭的目睭 一看見伊 就隨邀請伊來我的身邊 伊共我睨毋信我情意真 我著急用琴聲來表心情 琴聲起 飛上天 月娘笑微微 琴聲鑽 身軀轉 跳舞掖月光 月光碎 天閃爍 璇石的花 四界亂開 月光淋 璇石飛 銀光落地月娘來相會 ──陳維斌 【半邊井】 想起彼日窗仔邊 窗外樹枝掛花蕊 你說你早早去 早早會轉來阮身邊 今日徛佇窗仔邊 黃葉飄落半邊井 秋風起冷吱吱 等你的跤步幾囉年 半邊井 半圓井 牆圍隔開地佮天 阮守佇裏面這半爿 外面彼半爿揣無你 逐工徛佇窗仔邊 等你入門的笑面 早到晚粧媠媠 隨時攢好欲迎接你 半邊井 半圓井 牆圍隔開地佮天 阮守佇裏面這半爿 外面彼半爿揣無你 半邊井 賰半圓 一半毋知佇佗位 只好攑頭問天星 何時團圓做圓井 ──陳維斌 【花廳門】 花廳門內面 有年代的芳味 有歷史的氣息 有對土地的愛情 每一个黎明 日頭若照佇 宮保第的牌匾 總是會金金爍爍 大花廳的舞台繼續佇演出 兩百春秋的精彩 阿罩霧的媽祖猶原佇看顧 千萬眾生的安泰 百年的風華 滲入去霧中焐印佇心內 家族的傳說 連綿的山峰一代傳一代 花廳門外面 有田園的芳味 有故鄉的氣息 有對土地的愛情 大花廳的門 是希望的門 對過去到現在 對現在行到未來 百年的風華 滲入去霧中焐印佇心內 家族的傳說 連綿的山峰一代傳一代 ──陳維斌 -- Hosting provided by SoundOn