Xurde Álvarez: "Lo escrito nel silenciu ye dalgu más qu'una hestoria d'amor"/Deprendi:xéneru y númberu/#TVnaRadio

Esta selmana nel nuesu programa radio entamamos falando con Xurde Álvarez, escritor de Llangréu, que vien d'asoleyar la so última obra col nome de "Lo escrito nel silenciu". Na seición "Deprendi l'asturianu", la mayestra Ana María Suárez desplícanos el xéneru y númberu nel nuesu idioma amás d'ufrinos la pallabra d'esta selmana que ye "esguilar". Rematamos cola otra seición del programa #TvnaRadio onde'l periodista Damián Barreiro sigui afondando nel desenvolvimientu del euskera en Navarra/Nafarroa. Música: Trasmerana del Discu Lliendes (2006) del grupu asturianu Xera Igua: Adrián Gradín TOLES SELMANES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l'asturianu. Tate sollerte.....Iniciativa pol Asturianu nes Ondes...... www.alderiquesdasturies.com