يوميات صفصف (الموسم الحادي عشر)

في حلقة "يا جريد النخل العالي"، حاتم بيحاول يزوغ من مشوار السوبر ماركت، لكن كل باب بيخبطه في خازوق!من صفصف لحتماً لحتمتم... الكل بيزوّغ وهو بيشيل الشيلة لوحده! 

في حلقة "الدنيا ربيع" من يوميات صفصف، صفصف بتقرر تحتفل بالربيع برحلة للقناطر، بس الرحلة تقلب لخناقات، ضيوف غير مرغوب فيهم، وغرق في النيل! حلقة مليانة نكت، حنين للماضي، وناس بتغني وهي بتغرق!

28-في حلقة "سلاسل نحاس" من يوميات صفصف، جعفر بيشك في مراته معقولة علشان واقفة مع بتاع الروبابيكيا. لكن المفاجأة؟ معقولة طلع عندها مشروع سري في النحاس وبتجهزله مفاجأة من قلبها!

في حلقة "وفاء أشكيناز" من يوميات صفصف، شكيب يقع على دماغه وبيفقد الذاكرة ويفتكر نفسه طفل! لكن الغريبة إن أشكيناز بتقرر تفضل جنبه وتخدمه كأنه ابنها مش جوزها.

في حلقة "مشوار للمحكمة" من يوميات صفصف، أشكيناز تكتشف إنها ورثت ورث غامض، وبتاخد سرسورة لايف معاها المحكمة! لكن لما توصل هناك، تكتشف مفاجأة تخليها تعيد حساباتها كلها!

في حلقة "واء واء"، صوت بيبي صغير بيخلّي العمارة كلها ما تعرفش تنام، وجعفر بيهدد يفرّقع نافوخه!بس المفاجأة لما نعرف إن الحل في عروسة قفاز اتعلمت سلمى تصنعها في معرض الكتاب!

في حلقة "مطلوب متبرع"، صفصف بتدور على حد يجرب منتج التجميل الجديد بتاعها في سرية تامة. بس لما جعفر يبقى هو الضحية، الكوميديا بتنفجر والريحة بتقلب العمارة! 

في حلقة "مشوار صغير" من يوميات صفصف، حاتم يدي عربيته لهاني عشان "مشوار مهم"، لكن المفاجأة لما يكتشف إنهم رايحين نفس المكان! وتتقلب الرحلة بدروس عن الكرامة والاجتهاد من سواقة ميكروباص ست بميت راجل.

في حلقة "لقينا المحفظة" من يوميات صفصف، الجري في الشارع بيقلب مغامرة مع سرسورة وبدير! محفظة ضايعة، لايف على التيك توك، وتهمة نشل بتطارد حاتم، بس النهاية فيها مفاجأة جميلة.

في حلقة " ابريل شم النسيم" من "يوميات صفصف"، العيد اتحول لفيلم رعب! فسيخ جدود، بيضة ديناصور، وأشكيناز في الإنعاش! ضحك من القلب على مغامرات شم النسيم لما تتحول لنكبة جماعية.

في حلقة "مشكلة أسرية" من يوميات صفصف، خناقة كبيرة بين سمر وجوزها حسام بسبب فكرة الخلفة! وفي وسط المعركة، صفصف بتحاول تحلها بطريقتها، لكن حاتم زي العادة... بيزوغ من لم السجاجيد! 

في حلقة "مزارع صبار" من "يوميات صفصف"، حتمتم وحتمية بيزرعوا صبار في البلكونة وبيتهم يتقلب رأساً على عقب! الكل فاكر إنهم بيزرعوا حاجة تانية، لكن المفاجأة تطلع مشروع تجميل طبيعي!

في حلقة "مذكرات حاتم" من يوميات صفصف، حاتم قرر يكتب مذكراته ويخلّي العالم يعرف بطولاته... لكن الدنيا اتقلبت لما صفصف قررت تكتب هي كمان!

في حلقة "لا للختان" من يوميات صفصف، الجيران الجداد بيخلّوا سرسورة ترتعش من الرعب، لكن المفاجأة إنهم دكاترة هربوا من التهديد بسبب رفضهم لختان البنات، الحلقة بتسلّط الضوء على خطورة الختان، وإزاي الوعي بيقلب الخوف لشجاعة!

في حلقة "شكيب اتسرق" من يوميات صفصف، شكيب وأشكيناز يقعوا ضحية نصّاب سرق كروت البنك بتاعتهم، والضحك يبدأ لما صفصف وحاتم يقرروا ينتقموا منه بالتنكر في دور عواجيز! الحلقة بتتكلم عن الوعي المالي، وإزاي البساطة ممكن تبقى مدخل للنصب.

في حلقة "قفلة حتماً" من يوميات صفصف، صفصف وحاتم في ورطة لما ينقطع الكهرباء بسبب حاتم اللي حاول يصلح جرس الباب، والمفاجأة لما يظهر الكهربائيّة مهجة، وتبدأ الحكاية اللي مش متوقعة! الحلقة بتتناول فكرة الشجاعة والإصرار على النجاح مهما كانت التحديات.

في حلقة "قفص فاكهة" من يوميات صفصف، صفصف وحاتم بيكتشفوا عالم غريب من الفاكهة والأقفاص مع ضيفتيهم سرسورة وغندورة. من الضحك على الماتشات للتيك توك، لسه عندهم حاجات كتير يكشفوها!

في حلقة "فستان لايف" من يوميات صفصف، سرسورة الأمورة بتكتشف إن لايفاتها مش ماشية زي الأول بسبب نقص المتابعات. صفصف تقترح عليها فكرة جديدة لتطوير نفسها وتحقيق النجاح، بس الحكاية مش خالية من المفاجآت واللحظات الكوميدية.

في حلقة "طين صلصال" من يوميات صفصف، صفصف قررت تعمل تمثال لحاتم من الصلصال، لكن شكيب قرر يدخل في لعبة جديدة، وده هيقودهم لمواقف مضحكة ومحرجة مع الشرطة! تابعوا الحلقة علشان تشوفوا الحكاية كلها.

في حلقة "رحلة طيران" من يوميات صفصف، شكيب فاز برحلة لشرم الشيخ، بس كانت المفاجأة لما طلع الطيّار كابتن لطيفة! هيتعلموا إزاي يواجهوا المخاوف في السماء، وكمان هيكتشفوا إن شكيب لسه عايش في زمن تاني. تابعوا الحلقة علشان تضحكوا وتستمتعوا.

في حلقة "درس سواقة" من "يوميات صفصف"، جعفر بيطلب من حاتم إنه يعلمه السواقة، ويبدأ أول درس في فتح باب السيارة. لكن المفاجأة بتكون مع لبيبة، اللي حكت عن كفاحها في قيادة عربية النقل بعد ما زوجها اتسجن. الحلقة بتتناول التحديات اليومية وإصرار الناس على التغيير.

في حلقة "حاتم وأحلامه" من "يوميات صفصف"، حاتم بيحكي لصفصف عن حلمه اللي تعب بطنه بعد ما أكل كتير في الحلم! تتناول الحلقة فكاهة وتفاعلات بين الشخصيات، مع لمسات من التوعية حول التغذية الصحية وتنظيم الوقت.

في حلقة "جعفر العمدة" من "يوميات صفصف"، جعفر بيترقى ويصبح عمدة البلد، ولكن المفاجأة الكبيرة لما صفصف تكتشف إنه مش هو العمدة الحقيقي! الحلقة بتناقش موضوعات اجتماعية زي المناصب والاحتيال، وبتحمل كوميديا وضحك مستمر.

في حلقة "تنمر" من "يوميات صفصف", العمارة بتنهار وصفصف عايزة تعمل صيانة. لكن بدل ما يجمعوا فلوس، جعفر ومعقولة اتنمروا على السكان واتطردوا من كل شقة!

في حلقة "بورتريه" من يوميات صفصف، صفصف بتقرر ترسم بورتريه لجوزها حاتم، بس الهدوء ما بيكملش لما هاني وولاء يدخلوا المشهد. الحلقة فيها مقلب مجنون من حتماً يخلي الضيوف يصرخوا من الضحك!

في حلقة "العجلة نامت" من "يوميات صفصف"، رحلة إنقاذ خالة جعفر بتتحول لمغامرة في الصحرا مع شخير جعفر ومعقولة، وانفجار الكاوتش! بس المفاجأة الأكبر بتكون في ورشة الأسطى تهاني، البنت اللي كسرت كل التوقعات.

في حلقة "الرسم على القماش" من يوميات صفصف، حتمية بتدخل ورشة تدريب علشان تبدأ مشروع خاص بالرسم على القماش، لكن أمها تفهم غلط وتبدأ تزن… وتتقلب الحلقة بين خناقة ومفاجأة حلوة آخرها دعم وتشجيع!

 في حلقة "فطار جماعي" من "يوميات صفصف"، صفصف بتقرر تفطر مع البنات على عربية فول في الشارع! بس الصدمة الكبيرة لما تكتشف إن حاتم بيأكل من وراها فول بالزيت الحار وبيخون الجبنة الرومي!

في حلقة "اختفاء جعفر ومعقولة"، صفصف وحاتم بيلاقوا نفسهم في مهمة تحقيق بعد ما الجيران اختفوا فجأة! بس المفاجأة لما يرجعوا من معسكر التنشئة ويقلبوا الدنيا بفلسفة جديدة عن الجواز والعيلة!

في حلقة "كذبة إبريل" من يوميات صفصف، هاني بيصرخ وبيقول مراته اتخطفت، والعصابة طالبة فدية بمليون دولار! بس المفاجأة اللي بتفجر الضحك… إن دي كلها كانت كذبة إبريل من مراته ولاء!