الحكاية أبسط من كده

أنا مين… من غيرك؟ | الحلقة العاشرةفي الجلسات، أول سؤال بسأله دايماً هو: عرفني على نفسك.وساعات بقعد ساعة كاملة أسمع — من غير ما حد يقدر يجاوب.في الحلقة دي بنتكلم عن ظاهرة بتحصل في علاقات كتير — إن الواحد بيفقد هويته جوا العلاقة من غير ما يحس. بيتشكل على حسب الناس اللي حواليه، بيقول حاضر من غير ما يعرف ليه، وفي يوم بيصحى ومش عارف مين هو.في الحلقة دي:✦ قصة حقيقية من الجلسات عن ست طلبت الطلاق — وإزاي اكتشفنا إن المشكلة مش في الجواز.✦ دراسات علمية عن الفراغ النفسي وعلاقته بفقدان الهوية.✦ ظاهرة الـ Gray Divorce — ليه ناس بيطلقوا بعد 30 سنة جواز.✦ هيوم وسارتر — وإيه اللي قالوه عن سؤال “أنا مين؟”✦ أداة عملية من الجلسات تساعدك تعرف قيمك وتبني هويتك.الحلقة دي مش بس عن الشخص اللي فاقد هويته — دي عن كل واحد فينا بيهرب من سؤال “أنا مين؟”

مش كل مرة حد يبعد عنك… يبقى هو اللي سابك،في الحلقة دي بنتكلم عن نوع من العلاقات اللي ممكن تكون عيشتها قبل كده…تقرب أوي…  وبعدين تبعد فجأة.تحب بعمق…  وتخاف بنفس العمق.النمط ده مش صدفة.وله تفسير نفسي حقيقي…وبيحصل لناس كتير — يمكن تكون واحد منهم.في الحلقة دي هتفهم:• ليه بتقرب وبعدين تبعد  • إيه اللي بيحصل جواك في اللحظات دي  • وليه نفس القصة بتتكرر  • وإزاي تبدأ تخرج من الدايرة ديالحلقة دي مش تشخيص…لكن يمكن تكون أول خطوة إنك تفهم نفسك بشكل أعمق.ولو حسيت إن الكلام ده أثر فيك…فده طبيعي.لأن الفهم… هو بداية التغيير ممكن تكون محتاج حد يمشي معاك في الرحلة دي.تقدر تتواصل معايا من خلال اللينك https://www.instagram.com/maha.hasabo?igsh=bndncnlua3hzNG0x&utm_source=qr…ونفهم ده سوا خطوه خطوه

“مش كل ألم… معناه إنك ضحية.ومش كل جرح… لازم تعيش جواه.في الحلقة دي…بنتكلم عن الفرق بين إنك تفهم جرحك…وإنك تبني هويتك على اساسه.ليه بعض الناس بتفضل واقفة مكانها؟وليه اللوم أحيانًا بيخلّصنا من المسؤولية…بس ما بيخرجناش من الألم؟وهل الوعي النفسي… بيحررك؟ولا بيفضل سجن تاني؟في طريق بيبدأ من اختيارك دلوقتي.حلقة عن:الجرح، المسؤولية، والفرق بين إنك تعيش القصة…أو تخرج منها.”

ماحدش قال | الحلقة السابعة بودكاست الحكاية أبسط من كده | مها حسبو بتتكلم في الحلقة دي عن اللي بيحصل في بيوت كتير، في جمل اتحبست. مش لأن محدش حب. لكن لأن محدش عرف يقولها. الحلقة دي بتسأل سؤال صعب: إحنا في علاقاتنا مع أهلنا… بنسمع بعض فعلاً؟ ولا كل واحد فينا لسه مستني يتسمع الأول؟ هنتكلم عن الطفل اللي لسه جوانا، عن أهلنا اللي كانوا هما كمان أطفال، وعن الفرق بين إنك تحب… وإنك تختار. لأن ربنا ما طلبش منك مشاعر. طلب منك اختيار بقلب حاضر.

في حاجه بتحصل معانا كلناحد يقول كلمة ، وانت ما قدرتش تنساهامش لانه معاه حقانما لان جزء منك كان بيصدقهفي الحلقة دي بنتكلم عن:الفرق بين مشاعر الذنب ومشاعر العاروعن الصوت جوايا اللي بيحول غلطة لحكم عليكوعن ازاي تبدأ تسمعه من غير ما تمشس وراه"الناس هتقول ايه" سؤال مهمانما الأهم: إنت هتصدق مين؟

انتصار خسران | الحلقة الخامسة "مش كل اللي سكت... استقر."في علاقات كتير، الهدوء ما بيكونش أمان - بيكون خوف يبدو تفكير عقلاني.في الحلقة دي، بشارككم قصة شخصية عن 25 سنة من الخلط بين السكوت والاستقرار، وإزاي اكتشفت إن اللي كنت فاكراه نضج... كان في الحقيقة هروب.هنتكلم عن:• ليه بنسكت في علاقاتنا؟• إيه هو الانكشاف العاطفي؟• الفرق بين السكوت الواعي والسكوت الخائف• إزاي نتكلم بطريقة صح من غير ما نخسر؟• ليه الكتابة أحيانًا أحسن من الكلام المباشر؟

"في الحلقة الرابعة من بودكاست "الحكاية أبسط من كدهبتكلم في حلقة بعنوان “أدخل أوضتك” عن مفهوم الوحدة والعزلة وإنالوحده مش عيب يجب اصلاحهولا فضيلة يجب تمجيدها إنما مرحلة .مهم فهمها والعبور منها بوعي

في الحلقة الثالثة من بودكاست “الحكاية أبسط من كده” بنتكلم عن إننا ممكن بنبدأ السنة بقوائم طويلة من الأهداف… بنضغط على نفسنا… بنقسى على نفسنا علشان “نبقى أحسن”. بس في سؤال مهم: هل كل اللي بنسميه تطوير ذات… بيطورنا فعلاً؟ ولا بيبعدنا عن نفسنا أكتر؟

في الحلقة الثانية من بودكاست “الحكاية أبسط من كده” بنتكلم عن الباب لما يتقفل من غير صوت..والقلب واقف عند آخر دقة… لما الغياب يسبق الكلام… وفجأة يبقى الفراغ اصدق من الوجود.. حكاية رحيل مفاجئ.“إعمل لك قفلة”

في الحلقة الأولى من “الحكاية أبسط من كده”، بنتكلم عن البساطة كوسيلة مش هدف. إزاي الزحمة اللي حوالينا بتخلق دوشة جوانا، وليه بنلاقي نفسنا دايمًا بندورعلى “حاجة تانية” رغم إن كل اللي محتاجينه هو نقلل مش نزيد.للتواصل على منصات التواصل الإجتماعيتابعنا علىhttps://www.instagram.com/maha.hasabo?igsh=bndncnlua3hzNG0xutm_source=qr

الحكاية أبسط من كده