Тэлебудка

Сказаць, што Аліна Ваўранюк – школьная настаўніца з Беластоку, значыць не сказаць нічога. Бо яе асабістая і прафесійная значнасць ніяк не вымяраюцца фармальным статусам. Спадарыня Аліна шмат гадоў гадуе ў родным рэгіёне памежную беларушчыну – жывое жыццё культурнай меншасці на тэрыторыі суседняй дзяржавы. Падручнікі, культурныя праекты, музычныя ініцыятывы, тэматычныя вандроўкі, літаратурныя чытанкі… Некалькі генерацый месцічаў прайшлі праз досвед адбудовы самасвядомасці. Каб зразумець, што сапраўдная беларускасць – не прымусовая адукаванасць, а натуральны лад жыцця. Пра тое, як “Салідарнасць” паспрыяла беларускай справе, навошта дзеткам бабуліна памяць, як захаваць сваё сярод іншамоўя і ці ёсць жыццё пасля “Басовішча” Аліна Ваўранюк распавядае Сяргею Будкіну ў чарговым выпуску “Тэлебудкі”

У новай Тэлебудцы – паэтка і выкладчыца Анхела Эспіноса. • Пра шаблон «гішпанка, якая размаўляе па-беларуску» • Сувязі з чыноўнікамі і ігнор вострых пытанняў • Макей, гарачая лінія «Вясны» і арышт хлопца • Вершы, пераклады Багдановіча і дысертацыя • Жыццё Гішпаніі пасля дыктатуры

Павел Бераговіч (Падкарытаў) – адзінства несумяшчальнага. Дзве адукацыі (вайсковая ды юрыдычная). Пяць год за кратамі па крымінальным артыкуле. Паспяховы еўрапейскі бізнес і моцная зацікаўленасць ў развіцці беларускай культуры. Жыцце на тры краіны і настойлівае жаданне вяртацца ў Беларусь ды ўкладацца ў краіну, дзе мецэнатам быць небяспечна. Беларускасць Бераговіча – асабістая справа эфектыўнага бізнесоўца. Яна будуецца не на разліку, а на любові. І свядома адмаўляецца ад звычайных схем камерцыйнай мэтазгоднасці. Пра нястачу пракурорскай кар’еры і дзіўны мінскі сэрвіс, свой раман з беллітам ды правілы поспеху, пра плюсы зняволення і мільён на культуру Павел Бераговіч распавядае Сяргею Будкіну ў чарговым выпуску “Тэлебудкі”.

Марціньш Стакіс – чалавек з паралельнага сусвету. Там істотна размаўляць па-свойму. А яшчэ па-ангельску. Ды й па-расейску – калі спатрэбіцца. Там у парламентарыі прыходзяць з замежных сеткавых бізнесаў і дробных кавярань. Там улада – не прыбытак, а чэлендж. І – о божухна! – прэзідэнта можна мяняць. Стакіс – мэр Рыгі, кіраўнік новай фармацыі. З тых, каго выгадавалі трыццаць год латвійскай незалежнасці. З тых, пра каго ў сучаснай Беларусі даводзіцца толькі марыць. І якім да Беларусі ёсць справа. Пра харавыя спевы як школу нацыянальнай свядомасці і зняты на пару з міністрам замежных справаў чырвона-зялены сцяг, пра тое, што рабіць з радзімай і чаму варушняк – таксама дыпляматыя, як быць калі цябе не любяць і як хутка чакаць перамен – Марціньш Стакіс у чарговым выпуску “Тэлебудкі”.

Стэфан Эрыксан ніколі не быў змагаром ды падпольшчыкам. Перакладчык з расейскай, выдатны спецыяліст з добрымі кар’ернымі перспектывамі, узорны дыпламат… Жыццё выглядала чыстай гісторыяй поспеху, пакуль спадар Эрыксан не трапіў у краіну пад белымі крыламі. Ён і тут паводзіў сябе як звычайна: вывучаў мову, знаёміўся з культурнай элітай, рабіў праекты… Але гэтым разам звычайнае апынулася праблемным, а сяброўская зацікаўленасць – амаль палітычным выклікам. Пра культурны “экстрэмізм” ды пухнатых дыверсантаў, пра Караткевіча ды Вайцюшкевіча, пра дзіўную любоў да дзіўнай краіны ды пра тое, ці варта беларусам рабіцца шведамі, першы амбасадар Швецыі ў Беларусі Стэфан Эрыксан распавядзе Сяргею Будкіну ў новай “Тэлебудцы”

Арцемі Троіцкі ніколі не цікавіўся палітыкай. Але палітыка ўвесь час нагадвала пра сябе. Ад першых падпольных рок-сэйшнаў да пратэстных мітынгаў 2012-га і сённяшняй сеткавай публіцыстыкі лепшы музычны крытык спачатку СССР, а потым Расіі ператварае рок-н-рольную энергетыку ў грамадзянскую пазыцыю. І пераканаўча даводзіць, што выкшталцонае меламанства і практыкаванні ў нязгодзе з дзяржаўнай шызой – рэчы цалкам сумяшчальныя. Пра аксамітнае падпольле і беларускі сьлед у асабістым лёсе, пра Playboy і “пудзеля Пуціна”, пра пратэст і перамогу Троіцкі размаўляе з Сяргеем Будкіным у новай Тэлебудцы. Інжой!

Сябар? Вораг? Гасцінны сусед? Замежны агент? Новы герой “Тэлебудкі” Віціс Юрконіс здолеў трапіць ва ўсе магчымыя чорныя ды белыя спісы вакол беларускай справы. Камусьці дыверсант-разбуральнік айчыннай дзяржаўнасці, камусьці – герой-ратавальнік. Амбітны, спрэчны, гіперактыўны, Віціс – чалавек з праграмай. Місія: Беларусь. Адкуль у літоўскага разумніка беларускія сантыменты, як быць з КДБ, ці варта дзяліць гісторыю, куды вядзе найноўшая эміграцыя і чыя Вільня – у шчырай размове з Сяргеем Будкіным.

У новым выданні Тэлебудкі размаўляем з Максімам Жбанковым. Чалавекам, які збірае гэтую эпоху як канструктар. Для кагосці ён нязручны ў адносінах. А для кагосці — духоўны настаўнік. Чалавек з густам, пазіцыяй і асаблівай оптыкай. Чалавек, які сам сябе называе «гіперспасылкай» Гэтая размова — фінальная ў першым сезоне «Тэлебудкі»

Нармальны сцэнар маладога нацыяналіста часоў адбудовы незалежнасці: беларуская мова, ліцэй, актывізм, рок-н-рол. Франак Вячорка – узорны сын свайго бацькі, майстар актыўнага самапіяру ды баявога медыя-менеджменту, прайшоў той шлях, не абмінаючы аніводнай прыступкі. Каб у выніку апынуцца сярод топавых стваральнікаў новай Беларусі. Франак распавёў Сяргею Будкіну як у маленстве біўся за беларушчыну, чаму чытае плёткі, колькі каштаваў яму сыход у палітыку, калі нам будзе шчасце і пры чым тут Шрэк.

Тэлебудка. Лібер пра сябе, код Перамогі і Беларусь будучыні by Сяргей Будкін

У іншай краіне ён быў бы Мікам Джагерам. У лепшым жыцці ён стаўся б Джудам Лоу. Ці Томам Стопардам. Але Мікалай Халезін адбыўся як асоба ў дзіўныя часы ў няпростай краіне. Таму давялося фарцаваць вінілам, выдумляць газэты, ляпіць палітычныя калажы, ствараць тэатры, шалець ад “пінкфлойдаў”, цытаваць Леніна міліцыянтам ды ківачом матляцца ад сцэнічнай рэжысуры да палітычнага кансалтынгу – і наадварот. У эпічнай размове з Сяргеем Будкіным першы “лялькавод” найноўшай айчыннай гісторыі агучыць усё, што вы хацелі пра яго ведаць. Але баяліся запытацца. Кураж, дыслексія, эміграцыя, джынса, дэпрэсія, каханне ды перамога – у адным пакунку. Халезін плюс Будкін. Рыхтуйце насоўкі!))

Аляксандр Дабравольскі – чалавек з дзівоснай эпохі нечаканых кар’ер і непрадказальных альянсаў. Сведка і саўдзельнік распаду чырвонай імперыі. Упарты будаўнік новай краіны. У вялікай размове з Сяргеем Будкіным Аляксандр распавядзе пра рок-н-ролл свайго лёсу, патаемныя шляхі беларускай палітыкі, тусоўкі з Маргарэт Тэтчэр, цёркі з Лукашэнкам, навошта ён з Ціханоўскай і чаму “Deep Purple In Rock” – гэта крута. А яшчэ бонусам – акустычны кавер “Крамы” ад шэрага кардынала пераменаў!

Марыніч… Гучыць годна. Ён здольны зрабіць непатрэбнай Ярмошыну. Мае баявое вулічнае мінулае. Наўпрост размаўляе з прэзідэнтамі. Выляцеў з музычнай класы пасля першага занятку. Ведае, хто забіў ягонага бацьку. І марыць пра лічбавую дзяржаву. Таямнічы “менеджэр апазіцыі” ўпершыню выходзіць з ценю, каб распавесці пра атруту ўлады, энергію супрацьстаяння і агульны з бацькам лёс будаўніка новай Беларусі. Размова Сяргея Будкіна з Паўлам Марынічам ў чарговым выпуску “Тэлебудкі”.

Тэлебудка з Маргарытай Ляўчук. Вясковая хуліганка, міжнародная зорка, Баба Рыта з оперным вакалам, нястомная інстаграмшчыца, амаль міністр культуры і дзяўчо, якое не агучвае імя свайго кахання. Першае вялікае інтэрв’ю пасля кан’яку з Лукашэнкам ды разрыву з Оперным тэатрам, агра-бамондам і беларускім рэжымам.

Тэлебудка з Паўлам Латушкам. Ён 25 гадоў правёў на дзяржаўнай службе — быў у сістэме і выломваўся з яе адначасова, служыў і супраціўляўся. Сяргей Будкін пагутарыў з ім пра працу ў міністэрствах, хлусню, забароны і дасягненні на высокіх пасадах, а таксама пра ягоны сыход у апазіцыю і ад’езд з краіны. Шмат якія факты ў размове гучаць упершыню.

Другое выданне «Тэлебудкі» прысвечанае Купалаўцам, якія сталі адным з сімвалаў беларускіх пратэстаў. Тры розныя гісторыі актораў Тэатра розных пакаленняў і сустрэча з чалавекам, які ўсе гэтыя гісторыі яднае. Героі праграмы: Зінаіда Зубкова, Зоя Белахвосцік, Іван Трус і Мікалай Пінігін.

Юра Стыльскі – лідар гурта Дай Дарогу! – распавядае, як ён стаў лідарам паслявыбарчых пратэстаў і пра сваё жыццё да затрымання і пасля.

«Ілюжан» глыбока капае (прэм’ера) Гурт «Ілюжан» прадстаўляе на Tuzin.fm самотнік, у які ўвайшлі песьні «Верыш» і «Ільняная», які папярэднічае выхаду першага студыйнага альбома «Ці чуеш». Падрабязнасьці - http://tuzinfm.by/article/2561/iluzan-hlyboka-kapaje-premjera.html

Падрабязнасьці - http://tuzinfm.by/article/2561/iluzan-hlyboka-kapaje-premjera.html

ZnaROCK прэзэнтаваў самотнік «Хачу Tattoo!»: «Гэта падарунак нашым хэйтэрам» (прэм’ера!) http://tuzinfm.by/zhamerun/2106/znarock-prezentavau-samotnik-chacu-tattoo-heta-padarunak.html

Лідэр гурта «Ягорава гара» Ягор Палешук прадставіў сольны праект (прэм’ера) Кампазыцыя пад назвай «Натхненьне» паклала пачатак новаму інструмэнтальнаму праекту заснавальніка фольк-гурта «Ягорава гара». Падрабязнасьці - http://tuzinfm.by/zhamerun/2056/lider-hurta-jahorava-hara-jahor-palesuk-pradstaviu.html

ПАЛАЦ - Калядка-Іардан by Сяргей Будкін