Қазақша подкаст: "BIRTÚRLI QYZDAR"

Он жыл бұрын қазақ спорт журналистикасында қыз баланың белсенді болуы тың дүние еді. Стереотиптерді бұзып, тек ТВдан көрген адамдармен достастым. Қиыншылығы да бар, дегенмен шын жақсы көретін, көп мүмкіндігі бар сала. Уақыт тауып тыңдап көріңіз.

Подкастымыздың жаңа санын күтіп қалған боларсыз? Ұзақ уақыт эпизодтардың жазылмауына себеп бар. Өткен төрт ай бойы қанша жерді аралап, қайталанбас әсер алдық, тәжірибе жинадық. Жаңа маусымды сол демалыс туралы әңгімеден бастадық.

Бүгін бізде қонақта жиһанкез жан құрбымыз Марфуға Шапиян!

Бізге күнделікті қазақша, орысша сауатты сөйлеу және жазу жайында сұрақтар жиі жолданады. Ең қарапайым кеңестерді осы подкаста топтастырдық.

Үлкендер жастарды неге менсінбейді? Біліктілік пен білім таразыда жасыңның кішілігінен ауыр бола ала ма?

Кезекті "қияли" шығарылым:)

Соңғы он жылда күнделікті тіршілігімізде көп дүние өзгерді. Өзгерістің жылдамдығы соншалық, біз қолданған "гаджеттерді" қазіргі балалар білмейді. Өте актуалды болған #10yearchallenge біз де жасадық, бірақ суретпен емес, көп нәрсені подкаста қамтыдық.

Жаңа шығарылымда біртүрлі қыздар "1 млн $ болса не істер едік..." деп қиялдап көрді. Қаракөз бен Назеркенің жоспарларын тыңдап, өзіңіз де сол жағдайда не істер едіңіз, соны ойланып көріңіз...

Астанаға келген адамның бәрі бір нәрсені айтады: "Астаналықтар күлмейді, сөйлеспейді, біртүрлі ғой!" Бұл жалпыға ортақ нәрсе ме әлде жеке пікір ме? Егер көпшілік солай ойласа, демек себеп бар. Біз соны анықтап көрдік.

Жастық шақ қай кезде аяқталады? 29 жастағылар үшін бұл көңілді кезеңнің соңғы сәттері ме, әлде бүгінгі 30 жаңартылған 20 жас па? Қаракөз бен Назерке алғашқы шығарылымда осы туралы ой толғайды.