حق مشروط

هل أصحاب الإعاقات عندهم "حق" في الحب والجنس؟وليه المجتمع بيحط أجسادهم تحت وصاية دايمًا، كأنها مش ملكهم؟في ختام الموسم، بنفتح ملف مهم وغايب عن أغلب النقاشات: العلاقة بين الإعاقة والحقوق الجسدية.مع د. إسراء جابر، بنسأل: إمتى نبدأ نشوف الأجساد دي… مش كحالة؟ لكن كحق؟

ليه الجسم بيرفض العلاقة الحميمة؟هل التشنج المهبلي مجرد عرض جسدي… ولا رد فعل أعمق لمشاعر خوف وألم؟في الحلقة دي، بنفتح موضوع حساس ومسكوت عنه، بيأثر على علاقات وحيوات كتير.مع د. نادية عبدالله دسوقي، بنسأل: إزاي نفهم الرسائل اللي جسمنا بيبعتها… قبل ما نحكم عليه؟

ليه بنحس بالوحدة بعد ما نولد؟هل اكتئاب الرضاعة ضعف؟ ولا تجربة نفسية محتاجة نفهمها ونتكلم عنها؟في الحلقة دي، بنناقش مشاعر كتير مسكوت عنها بتمر بيها أمهات كتير بعد الولادة.مع د. إيمان جلال، بنفتح موضوع حساس ومهم، ونسأل: إزاي نميز بين تعب الأمومة الطبيعي… واكتئاب محتاج مساعدة؟

هل لازم كل ولادة تكون "طبيعية"؟هل الولادة القيصرية فشل؟ ولا قرار من حقنا ناخده بإيدينا؟في الحلقة دي، بنفتح ملف من أكتر الملفات المسكوت عنها: تجربة الولادة القيصرية وسط ضغط مجتمعي بيحكم على أجسام الستات واختياراتهم.مع د.وليد سرحان ، بنسمع قصص حقيقية ونحكي عن حقوقنا وقت الولادة، ونسأل: إمتى تكون القيصرية اختيار… مش استسلام؟

هل كل ست لازم تكون أم؟هل الأمومة اختيار… ولا واجب مفروض علينا من أول ما نتولد؟في الحلقة دي، بنفتح واحد من أكتر المواضيع حساسية وتعقيدًا: فكرة الأمومة كفرض اجتماعي، والضغط اللي بتتعرض له الستات لما يقرر المجتمع مصيرهم بدالهم.مع د. ألفت علام، هنحكي عن قصص حقيقية، ونقشّر الصورة النمطية للأمومة، ونسأل: إيه اللي بيحصل لما الأمومة تكون "مش حلم"، بل عبء؟

بطانة الرحم المهاجرة… الوجع اللي مش "عادي"فيه وجع بيعدي، ووجع بيسيب علامة… ووجع كل الناس بتقول عليه "عادي"، بس هو أبعد ما يكون عن الطبيعي.بطانة الرحم المهاجرة مرض بيأثر على حياة ملايين الستات، يغيّر شكل كل يوم في حياتهم… من الألم الشديد للنزيف للتأخر في الإنجاب، وكل ده وسط تشخيص متأخر وسوء فهم مجتمعي.في الحلقة دي، هنتكلم عن المرض اللي مش بيبان بسهولة، وهنفهم أسبابه، أعراضه، وإزاي نقدر نواجهه.

جسمك ضدك… مهما كان الألم الستات متعودة تستحمله، زي الولادة مثلًا، بنعديه ونكمل. لكن لما الألم يبقى يومي، وجسمك كمان ضدك، وكل التحاليل بتقول إنك سليمة—ساعتها بيبدأ الصراع الحقيقي.في الحلقة دي، د. نهاد الشاطبي هتكشف لنا أكتر عن واحد من أكتر الأمراض غموضًا وإهمالًا: الفيبروميالجيا. هنفهم الأعراض، المعاناة، وليه بيتقال عليه "المرض الخفي"

حد بينسى أول مرة دورة شهرية؟ ممكن تكون الذكرى التعيسة في حياة أغلبنا، وكل اللي كنا محتاجينه هو المعرفة والوعي، تسهل علينا المرحلة الجديدةالنهارده هنسمع مع بعض حكاية بسمة مع أول مرة دورة شهرية، ونسمع الرأي الطبي عن الخرافات اللي اتربينا عليها