Номын хураангуй

Та төсөөлөөд үз дээ. МЭӨ 5-р зуун. Хятадын "Байлдаант улсуудын үе" буюу улс гүрнүүд нэгнээ залгиж, цус асгаруулсан дайн тасралтгүй үргэлжилж байсан тэр цаг үе. Яг энэ хатуу ширүүн цагт Сүнз хэмээх нэгэн гарамгай жанжин 13 бүлэг бүхий нэгэн номлол бичиж үлдээсэн нь өнөөдрийн бидний ярих "Дайтах Урлаг" (The Art of War) юм. Америкийн Нэгдсэн улсын Холбооны мөрдөх товчооны барьцаалагдсан хүнийг аврах тактикын суурь логик нь Сүнзийн стратегитай яв цав нийцдэг. Мөн Харвард, Стэнфордын бизнесийн сургуулийн шилдэг гүйцэтгэх захирал нарт заадаг стратегийн хичээл, тэр ч байтугай дэлхийн шилдэг хөлбөмбөгийн дасгалжуулагчдын ширээн дээр энэ ном байдаг. Яагаад гэж үү? Учир нь энэ ном цус урсгах тухай биш, харин Ялалтын тухай ном юм. Бүр тодруулбал, зөрчилдөөнийг хэрхэн оюун ухаанаар, хамгийн бага хохиролтойгоор даван туулах вэ гэдэг сэтгэл зүйн гарын авлага юм.Амьдрал өөрөө тэр чигтээ тулаан шүү дээ. Бизнесийн өрсөлдөөн, ажлын байран дахь үл ойлголцол, гэр бүлийн маргаан, тэр ч байтугай өөрийнхөө залхуурал, айдастай хийх дотоод тэмцэл... Энэ бүхэнд хэрхэн ялагч байх нууцыг Сүнз бидэнд хэлж өгнө.

Бидний бодол санааг хэн удирдах эрхтэй вэ? Хэрэв түүхийг өчигдөр өөрчилчихвөл, өнөөдөр бид юунд итгэх вэ?Энэ дугаараар бид 20-р зууны хамгийн хүчирхэг, хамгийн аймшигтай антиутопи зохиол болох Жорж Оруеллийн "1984"-ийг задлан шинжилнэ. Эрх чөлөө бол боолчлол, Дайн бол энх тайван, Мэдлэггүй байх нь хүч чадал гэж тунхагладаг "Океан" улсын хар дарсан зүүд шиг бодит байдлыг бид хэрхэн ойлгох вэ?Энэ дугаараас та юу мэдэх вэ?"Том ах" гэж хэн бэ? Түүний нүд бүхнийг харж, чих бүхнийг сонсдог систем хэрхэн ажилладаг вэ?Сэтгэлгээний гэмт хэрэг (Thoughtcrime): Хүн бодож байгаа зүйлийнхээ төлөө яагаад ял авдаг вэ?Шинхэл (Newspeak): Үгсийн санг хумиснаар хүний бодох чадварыг хэрхэн боомилдог вэ?Уинстон Смитийн тэмцэл: Системийн эсрэг ганцаараа тэмцэх нь ялалт уу, эсвэл мөхөл үү?Орвелл бидэнд зөвхөн хуучин үеийн аймшгийг сануулаагүй, харин өнөөгийн технологийн эрин зуунд бидний хувийн орон зай, үнэн бодит байдал хэрхэн аюулд өртөж байгааг харуулсан юм.Мэдлэгийг товчоор, Ухаарлыг гүнээс. Биднийг дагаж, дараагийн дугааруудаар оюун санаагаа цэнэглээрэй!

Бид яагаад заримдаа өөрийгөө бусдаас дутуу, "өнгөгүй" мэт мэдэрдэг вэ? Яагаад хамгийн нандин харилцаа ч гэнэт нуран унадаг вэ? Тазаки Цүкүрү бол галт тэрэгний буудал барьдаг инженер залуу. Гэвч түүний дотор 16 жилийн турш баригдаагүй нэгэн "сэтгэлийн буудал" бий. Энэ дугаараар бид түүний шарх, Финланд хүртэлх алс аялал, нөхөрлөлийн гашуун золиос болон тэрхүү эргэлзээтэй хайрын тухай ярилцах болно.