香港人的故事

分享人生故事嘅主角，曾經令到阿媽心碎、自己亦都覺得迷失方向嘅邊緣青年，竟然喺後來有勇氣燃點夢想，唔單止贏得世界冠軍，翻轉整個人生，仲打破咗一項世界紀錄……

今日嘅主角已經超過 70 歲，喺大多數人弄孫為樂、飲吓茶或係去公園散步嘅年紀，佢竟然擁有三個聽落去完全大纜都扯唔埋嘅身分！佢嘅經歷並唔係一帆風順、人生勝利組嘅故事。到底係乜嘢力量，令一個身心俱疲、甚至想放棄生命嘅人，可以喺古稀之，活得比後生仔更精采、更有火？

家，係我哋每個人嘅避風港，亦係心裏面最柔軟嘅地方。但係，當歲月慢慢偷走咗父母嘅健康，當佢哋連沖涼、食飯都變得力不從心嘅時候，呢個「家」，仲係唔係佢哋可以安享晚年嘅地方呢？抑或，已經變成咗兩代人之間充滿張力同無奈嘅場所？

佢喺貧乏之中長大，經歷過因為窮俾人睇唔起嘅滋味，於是立志要搵錢。以為錢可以修補家庭破碎造成嘅傷口、彌補自感。但內心其實仍然係空虛同破碎。喺佢落入人生最低谷嘅時候，突然間收到一個 WhatsApp……

你同你所愛嘅丈夫或者太太，喺好值得紀念嘅結婚週年，會去邊度慶祝呢？去五星級酒店晚餐？飛去一個浪漫嘅城市渡假？今次同我哋分享嘅一對基督徒夫婦，喺佢哋嘅結婚四週年紀念日，竟然係選擇咗去伊拉克嘅摩蘇爾，一個戰火連天、死亡氣味彌漫嘅地方。佢哋明白會有生命危險，仍願意去，唔係要做英雄，而係因為信仰，願意喺個 人間黑暗嘅戰地當中成為一點「光」。

喺我哋嘅人生裡面，其中一樣令我哋好難受嘅，可能係 睇住至親至愛嘅人嘅生命，慢慢咁被時間偷走。佢雖然仲喺度，但係佢嘅記憶、佢嘅語言，一日一日、一點一滴咁流失。有人話，腦退化症係「一場逐漸告別嘅病」，但喺呢個故事入面，你會聽到呢三姊妹點樣陪住媽媽，由困惑走到釋懷，而且，就算言語消失，愛仍然可以被聽見。

有一班朋友，佢哋嘅世界係「無聲」嘅。對呢班朋友來講，溝通，從來都唔係 理所當然嘅事。同我哋分享嘅美儀，佢選擇咗用一雙手 搭起一道通往「無聲世界」嘅橋樑，用咗超過 25 年嘅時間，風雨不改咁服侍聾人。面對溝通上嘅障礙、人手短缺、甚至係服侍「成本效益」嘅質疑，佢點樣做到「一個都不能少」？

上一集《海難中的那道真光》，分享過南丫海難獲救嘅爸爸同兩個囡囡嘅故事，而今集分享嘅係呢個家庭嘅媽媽。當大家在海難中爭相逃命，一位老婆婆喺佢面前，求佢將手上要救佢兩個女嘅水泡俾咗佢。如果係你，你會點？

唔知大家記唔記得喺 2012 年發生嘅南丫海難？今次同我哋分享嘅呢位爸爸，喺嗰一晚，同太太 同埋兩個囡囡經歷咗呢場生死一刻。一聲巨響，船身猛烈震動之後，就陷入一片漆黑同混亂。眼前完全係黑暗同死亡嘅威脅……

有人形容人生就係一場馬拉松，喺呢段人生長跑之中，有人堅持到底，有人中途放棄；有人對終點目標清晰，亦有人會喺途中迷失，唔知點解仲要咁辛苦跑落去。你又有冇試過，喺人生嘅賽道上，跑到氣喘喘，好辛苦，但仍未見到終點線！於是問自己，捱得咁辛苦，為乜呢？

一對畫家夫婦，佢哋藉住畫筆同愛心，喺香港呢個貧富懸殊嘅城市，點燃一盞盞盼望嘅燈火。喺深水埗嘅劏房、橋底，佢哋唔單止同貧窮人同行，仲帶領一班青少年走入呢啲被遺忘嘅角落，用藝術同關懷去接觸被忽視嘅心靈。

安徒生童話「醜小鴨」嘅故事，相信大部分人都有聽過，唔知你有冇聽過呢？又或者你有冇遇過有人喺成長路上經歷咗好多失落、唔如意嘅事，以致自我標籤為「醜小鴨」？

如果你身上突然出現咗一個「計時炸彈」，正係倒數當中，隨時會爆炸，你會點樣？好驚？夜晚仲係咪瞓得着？每日活喺恐懼同焦慮當中？

當你身處嘅手術室，冷氣壞咗，器械失靈，窗外仲傳嚟槍聲同炮火；而病人嘅生命，就係掌握喺你手上。你嘅心情會係點？病人就靠晒你，咁你又可以靠咩呢？

人生真係好奇妙，改變我哋人生軌跡嘅，可能係一句簡單嘅說話，或係一次偶然嘅相遇，甚至，只係一本書！今日同我哋分享嘅朋友，會同我哋講一個好奇特嘅經歷。當時佢完全唔在意，甚至冇諗過打開來睇。點知幾年之後，呢份禮物竟然成為佢人生嘅轉捩點……

細細個就喺家暴、嗌交、貧窮嘅環境長大，結咗婚以為可以脫離苦海，點知家庭壓力、親人離世、子女學習障礙，全部都一齊衝埋嚟。佢更自稱係「黑仔王」，覺得人生只會嘗到苦味……

曾經係風水師，仲將玄學同投資結合，生意做到好大規模，收入相當可觀。不過，一次意想唔到嘅經歷，令佢開始認真思考自己嘅人生，亦懷疑自己嘅工作價值，甚至對生命有咗新嘅追求。由一個專靠命理風水同計算搵生意嘅人，變成願意放棄高收入，祝福別人嘅生命。

一位真真正正「打出個未來」嘅男人，喺擂台上呢位硬漢可以話係所向披靡。不過，喺人生嘅擂台上，佢卻係輸得一敗塗地，一次又一次被擊倒！佢曾經成為階下囚，坐過監、跌落人生谷底，連家庭都差啲保唔住，佢最終能夠喺一片黑暗之中搵到新嘅出路……

單親爸爸呢幾個字，聽落就已經令人覺得好唔容易。既要獨力面對太太離世嘅悲痛，仲要養育子女，當中嘅眼淚、挫折相信唔會少。今日同我哋分享嘅弟兄，要獨力撫養一對年幼嘅仔女，好特別嘅係，佢從臺北故宮博物館嘅藝術珍品「翠玉白菜」，領悟到教養子女嘅重要原則，幫助仔女去尋找屬於自己嘅人生路！

人生原來可以有「TAKE TWO」？生命竟然可以重頭來過？今日要同大家分享嘅真實故事，你可能想像唔到一個人嘅人生可以爛到咁，但佢竟然可以「翻生」！佢唔止無死到，仲可以生活落去，而且過得精采、有意義，依家仲去幫助其他人！究竟佢遇到咩嘢人？或係有乜嘢奇遇，令佢嘅生命徹底反轉？

唔少人覺得，有時人生就好似行緊一條冇出口嘅樓梯，明知喺度轉圈，但又唔知可以點停落嚟。每日忙完工作、照顧家庭、應付人情世故，但喺夜闌人靜時，心入面只係覺得空虛、攰、甚至會問：生命究竟有咩意義？今日，我哋會聽到一位姊妹嘅生命故事，從初信嘅時候係「糊里糊塗」，到後來喺禱告之中真實經歷到上帝；呢個嘅歷程係點嘅呢？

喺香港呢個咁大壓力嘅城市，患上情緒病，例如抑鬱症，一啲都唔出奇，好多人會誤解咗患者，以為係佢睇唔開，唔識諗，唔識得積極正向思想！其實，抑鬱症，係一個身體出現咗問題嘅病。今次同我哋分享真實故事嘅姊妹，但突然間嘅一場大病，令佢墮入抑鬱症嘅黑暗深淵，將佢嘅人生完全顛覆，甚至徘徊喺自殺邊緣……

唔知大家有冇覺得，而家世界好似愈嚟愈複雜，又好混亂，令你產生一啲無力感？甚至有時會忍唔住問：「點解呢個世界會變成咁樣？如果真係有上帝，祢究竟去咗邊？」我會同大家分享一位姊妹點樣喺菲律賓同香港呢兩個好唔同嘅地方，睇見最黑暗嘅人性時，見證上帝嘅憐憫、公義同埋對生命嘅改變。

喺非常繁忙嘅香港生活之中，沉重嘅工作壓力同埋無可推卸嘅家庭責任，好多時會壓迫到我哋抖唔到氣，搞到個人好迷茫同疲憊。甚至會質疑：工作，除咗賺錢之外，係咪毫無意義嘅呢？

喺夫妻關係、婚姻嘅旅途中，你有冇試過因為彼此嘅誤解而感到氣餒、關係搞到好僵？今日嘅故事主角，同我哋分享佢同太太攜手走過35年婚姻嘅心路歷程。佢哋經歷過誤解、爭拗，但係亦發現咗溝通、聆聽、包容同愛嘅真正意義，更認識到唯有倚靠上帝嘅力量，呢份愛先至能夠歷久常新。等我們一齊來細心聆聽呢位丈夫嘅真實分享。

我哋今日嘅故事主角郭先生，佢曾經以為自己就係人生嘅主宰，無論係電腦網絡遊戲抑或現實生活，佢都鍾意自己掌控一切，由細到大，家庭又好、朋友又多，事業亦都順風順水，自信滿滿，認為自己乜都唔使靠人。但偏偏一次特殊嘅經歷，徹底打亂咗佢原本嘅人生觀，甚至令佢開始質疑自己過去一直相信嘅價值觀。究竟係咩事咁有力量，令佢突然轉向？一齊嚟聽下佢點講。

今日同我哋分享嘅姊妹，就係有咁樣嘅故事——佢細細個就要面對家人嘅冷漠、同學嘅欺凌，長大後喺職場，又面對人性嘅醜惡，點知就喺最無助嘅一刻，佢遇到咗一位喺佢嘅生命中最重要嘅知心友，改變咗佢嘅人生。呢位知心友係邊個？佢點樣幫姊妹走出黑暗？等我哋一齊嚟聽聽佢嘅見證！

唔知大家會唔會想像得到，若果喺你毫無心理準備之下，突然間一個你至親嘅人離世，嗰種痛楚、嗰份遺憾，會係幾咁令人難以接受！而今日同大家分享嘅香港人的故事，裏面嘅主角，用佢嘅說話去講，就係上咗一堂生死教育。不過呢一課，真係一啲都唔容易。佢點樣喺失去父親嘅悲痛之中，重新明白生命嘅意義，同埋基督信仰點樣俾到佢嗰份真實嘅安慰同埋盼望，一齊嚟聽聽佢嘅故事……

返工出門口唔記得帶鎖匙要翻轉頭拎；差一個位就上到架小巴；地鐵無端端信號故障；最後一個入𨋢但竟然響起超重。返到公司咩都未做就已經好攰，可能你會想大叫：我今日真係黑仔！不過，如果黑仔唔係一日，而係跟住你一生呢？我地可以點樣面對？呢個故事係講一個喺15歲時因爲意外失去手指，之後又因為遺傳病雙眼慢慢失明，連光都見唔到嘅男士嘅故事。當人生唔好嘅嘢好似劇集咁連續突然發生，究竟我地可以點樣過呢？

聖經話施比受更爲有福，我地都可能曾經幫助過其他人，可能我地願意付出金錢、付出時間、付出心力，而今日嘅主角佢願意付出佢個肝。佢見到一位姊妹急需換肝，佢自己係一位醫護人員，明知捐肝嘅風險，但係就因爲聽到心底一把聲音，催促佢成為恩典嘅器皿，於是佢付諸捐肝行動。喺丈夫反對、手術風險同內心掙扎中，佢點樣靠住禱告經歷上帝嘅平安而踏出呢一步呢？究竟上帝點樣用呢一刀來醫治兩個家庭嘅傷痛……

今日嘅故事係講一個自小患有先天性膽管閉塞嘅女士，出世四十幾日就被醫生斷言話「養唔大」，但結果係靠住上帝嘅恩典活下來。點知大個結婚之後，個病復發，肝硬化來襲，醫生話只剩番十年壽命；仲有，佢嘅仔有發展遲緩問題、媽媽同妹妹仲相繼患重病，人生彷彿就係一浪接一浪嘅試煉！喺一切低谷中，佢點樣仍然帶住喜樂服侍、關心其他人呢？點樣喺等待肝臟移植嘅煎熬中，仲可以見證上帝奇妙嘅作為……

「我不想存在呀！」呢句説話每一日都從一個成績優異嘅小學女生口中講出黎，佢突然患上抑鬱症同强迫症，連去廁所都要花幾粒鐘。身為母親，見到個女日日以淚洗面，仲要面對無休止嘅重複問題同奇怪行為，身心疲憊到幾乎崩潰。喺呢個似乎無希望嘅低谷，究竟係咩支撐住呢個家庭走落去呢？佢哋點樣喺絕望中搵到出路……

當你聽到有人同你講「我係同性戀」你會有咩感覺同想法？可能你未認識呢個人就已經有好多預先嘅想法。不過就算係同性戀者，佢地都係一個活生生嘅人，有佢地嘅想法同故事。你又願唔願意先放低心裏面嘅想法，唔帶批判咁去聆聽佢嘅故事呢？願唔願意好好去認識佢呢？或者我地可以嘗試由今集嘅故事開始……

今日故事嘅主角 APPLE 意識到好多人因為香港嘅變化，感到疲乏、壓抑；需要被安慰、鼓勵；需要比心靈唞唞氣，但又唔知點樣為自己個心搵到空間，於是佢選擇咗留低，喺九龍嘅鬧市彌敦道開咗一間樓上繪本書店。佢點解會有呢個選擇？佢嘅目標究竟係咩呢？

唔知你有冇試過，喺人生裏面有一段時間，嗰啲難處、苦難呀，好似潮水咁一浪接一浪咁冚過嚟？今日故事嘅主角喺佢人生最黑暗嘅時期，連續面對家人重病、離世、自己又患病，重重打擊，幾乎走唔落去。佢係點樣喺呢啲深深嘅孤單同傷痛入面，一步一步撐過去，重新得到盼望呢？

職場有時就好似一個戰場，你要好搏命，至可以生存落去。喺香港工作唔容易，唔單止工時長、仲好大壓力；不過香港人出名勤奮，辛苦啲有時都唔係最大問題。今日嘅故事主角童先生，喺一間公司工作咗廿幾年，一直都係又忠心又勤力，但係就被客戶誣捏、被同事誤解，甚至差啲連份工都冇埋。究竟佢點樣喺冤屈嘅處境入面重新振作，最後仲得到平反，甚至獲得賞識呢？

移民，實在係一段好特別嘅人生歷程，甚至有人話係一場冒險，因為充滿未知數。移民咗去英國三年嘅 Vicky，佢點樣適應嗰邊嘅生活，無論係天氣變化、日常習慣，定係事業同身分認同上嘅掙扎，佢都經歷咗唔少挑戰；甚至曾經懷疑自己嘅選擇，佢最終係點樣適應落嚟？佢又點樣藉住基督信仰搵到平安？一齊黎聽吓佢嘅故事！

今日嘅故事係講一位父親嘅心路歷程：佢嘅仔喺自己生日嗰日出世，佢滿心興奮咁迎接呢份來自天上嘅禮物。但係，隨住時間過去，佢發現呢份禮物原來與眾不同，帶嚟好多考驗，亦令佢嘅人生進入咗一段前所未有嘅旅程……

相信你哋平日都會留意到，身邊一啲身體唔係咁好嘅長者，佢哋甚至唔能夠自理，冇辦法自己去洗手間，沖涼，或係飲食；又或者一啲長期病患者、失智症嘅病人。不過，唔知你又有冇留意到，正係照顧緊佢哋嘅照顧者呢？今日，我哋來聽下一位照顧者嘅故事。一位女兒面對爸爸健康急轉直下，佢成為咗照顧病患中嘅爸爸嘅照顧者。佢要承受體力同情感上各種壓力……

俗語話：「小病是福」；但我相信無人會鍾意病，偏偏呢個卻係每個人都必定要面對。今日呢個故事，係講一位女士喺病痛之中，經歷過徬徨、無助，但佢最後，終於搵到真正嘅平安……

唔知你有冇試過喺人生低谷嘅時候，感受到親情同友情嘅力量呢？今日分享嘅故事，係講述一個女仔點樣喺面對焦慮同抑鬱嘅時候，靠住身邊人嘅支持，尤其係父母無私嘅愛，最終走出陰霾……

你有冇諗過做廚師，唔單止係一份工作，目標唔係只為咗餐廳日日爆滿、或者為咗成為一星、二星甚至三星主廚？今日分享嘅故事，係講述一位總廚點樣從茶餐廳侍應到頂級餐廳嘅大廚，再轉而成為服務萬千病人嘅醫院總廚……

你有冇曾經諗過：一生只愛一人、同初戀攜手共渡餘生呢？一對深愛對方嘅初戀情人，佢哋由甜蜜拍拖到步入婚姻，但係喺現實生活中嘅磨合，令到呢份愛變得艱難，甚至越行越遠，面臨婚姻破裂。佢哋係點樣由危機中重新搵番對方，修復破碎嘅關係呢？

一個香港人點樣喺逆境中，藉住信仰俾佢嘅信心，喺最無助嘅時候仍然能有盼望同勇氣。透過分享者呢段深刻嘅人生旅程，感受吓佢點樣藉上帝嘅愛同奇妙嘅引領，行出由創業到服務社區嘅每一步……