喂我想講呢

呢期興打網球

本集內容含紅姐

超能力呢回事，你無嗰陣就會FF點用點用，有嗰陣都唔代表你會用。

久違了嘅新一集，志在大家傾吓計，睇吓近排睇咗乜。

軼事不一定柒，柒又不一定不堪回首，而不堪回首柒事，就一定要講出嚟俾人笑吓。

適逢有《死神來了》、《Tom Cruis又玩命》、《廿八日之後又廿八日廿八年都嚟》，不如講吓有乜電影系列

繼續日常生活update

本身個題目係你想頂手嘅小生意/舖頭，但不意外地講咗其他嘢。

全城熱話（錄嗰陣）。

大家記住，唔好三月尾或者四月尾去Keukenkof 睇tulip, 係無嘢睇嘅。

返返轉頭講買嘢，講吓大家有咩買嘢嘅pattern。

我哋未係咁有名氣，冇人投稿俾我哋。不過近排我哋睇到一啲好搞笑嘅投稿想分享吓。

Christy買兒童拖鞋慳咁啲錢｜Marc消費模式大改變｜Elvis回憶踏上fashion路嘅第一步

Christy話自己今年係有好多桃花，而佢理想對象嘅條件係...?

唔好再問候我（不限於農曆新年）

新年又嚟喇！賀歲片又嚟喇！

3位主持各自9噏吓新年到而家究竟有冇做過嘢...

如果唔洗諗budget而又唔係無限budget, 三位主持有啲咩project係想做嘅呢？

其實，點解可以有啲game, 玩足十幾廿年都仲玩緊？係咪痴L線？

其實Marc Lee都唔係離開咗香港咗好耐，但係佢已經唔係好記得香港嘅特有文化

成長過程入面，總有啲遊戲你係無玩過都有聽過，更加會有啲遊戲你係一玩上手就停唔到。唔係講緊玩嗰幾個鐘入面停唔到，係直頭講緊十年、廿年、卅年你都間唔時會玩返，係快樂嘅！

有一種體質係特別容易吸引人埋嚟搭訕。搭訕嘅時間可以係維持五分鐘、三十分鐘、或者係成餐飯咁長嘅時間...至於enjoy唔enjoy, 真係見仁見智。

本集繼續由Elvis分享日本花火大會之旅

先唔講內容，個標題咁長已經係痴L線。 主持Elvis啱啱去完日本睇煙花。 呀唔係，應該係話： 主持Elvis啱啱去完日本揸咗好耐車去睇煙花。 都唔係，應該係話： 主持Elvis啱啱去完日本揸咗好耐車去睇痴L線咁靚嘅煙花。 唔係，應該係話： 痴L線主持Elvis啱啱去完日本揸咗好耐車去睇痴L線咁靚嘅煙花。

喂講還講，你講我好啦，做乜要講屋企人。唔係講你屋企人呀，我哋係講緊人哋嘅屋企人。 哦～咁好好多。

第一個出現嘅靈長類動物已經問： 「究竟應該做自己定係迎合別人？」(亂嗡/你唔係佢你點知佢無諗) 呢個問題係包含咗好多個引申出嚟嘅問題，你自己係邊個？點做自己？點迎合別人？係咪所有人都迎合？...好多好多問題炒埋一碟變咗做： 「痴L線㗎，做人咁難㗎咩？」 「係。」

每個人都有佢嘅天賦，而Marc Lee嘅技能係多愁但不善感。

就係因為經歷過體罰，所以先知道呢種教導方法其實係唔啱，大家咁難得帶你哋嘅仔女嚟到呢個世上，俾多啲耐性去教。

索鼻但死都唔呻出嚟；放狗放到條狗帶成公里咁遠；條街咁窄都仲要行中間；操完唔執餅...一切一切，做呢啲嘢嘅人知唔知自己其實好擾人，真係痴L線。

諗住講吓識得嘅人當中有乜搞笑嘅花名，到頭來主持人自己都唔撐自己，平時悶親聽眾都唔緊要，呢個可以話係我哋嘅忠旨，但今集可以解鎖咗另一個層次 - 悶到自己都打喊路！有啲想幫佢改個花名叫Sleepy。

喺公開又高流量嘅平台上面，總會見到一啲咁嘅posts - 「走咗去邊度邊度行山食好西。 #WFH真爽」 「上司日日都遲大到，真係好嘢！我打完卡落去買個早餐先」 「#公司最好瞓嘅位」 其實，點解唔可以靜靜哋贏？係要做到通哂天咁搏炒嘅。

意外意外，意料之外。（主持人Marclee表示廢話）但你又無可否認最諗唔到嘅事情，永遠就係發生喺最估唔到嘅時空。 你點會諗到，好哋哋一條唔起眼嘅罅，係一定會夠大俾你一邊嘅耳機通過。你更加唔會諗到，點解你挨個頭落去巴士落車位附近嗰條扶手，但又會無啦啦俾度門夾住咗個頭呢。兩個字可以解釋哂 - 「意外」（或者「柒囉」）！

我哋三位主持都有返咁上下年紀，有幸仲郁得走得，做到幾吓運動。

呢個「低票房電影欣賞系列」誕生過程源自於一次閒計，講到去不如睇吓某一年上映嘅戲，跟住就發現咗呢一部得四位數字票房嘅電話，當然就引起咗我哋嘅好奇，而呢部戲真係一套...嘩...

今集我哋講【陰謀】。究竟有咩陰謀令到我哋要講一集陰謀？陰謀嘅背後有冇陰謀？呢個陰謀背後嘅陰謀又有冇陰謀？如果所有嘅陰謀連埋一齊係一個循環，咁最後面嗰個陰謀嘅背後係咪第一個陰謀？ 喂你究竟想講乜？你永遠唔會知。

如果上一集令到你疑神疑鬼，相信今集Elvis講嘅親身經歷會令你更加覺得 -「喂嚇鬼呀？！」

未講鬼故之前先用咗半集講鬼片

喂你哋講完旅行未？未。因為除咗喺歐洲有痴L線旅行經歷之外，喺亞洲旅行都唔會正常得去邊。今次無分上下篇，但係podcast尾段會預告下集內容。

世界很大，講嚟講去都仲係歐洲，仲要講嚟講去都仲係嗰幾個大路國家。Elvis繼續講佢嘅法國巴士故事、Christy講大霧少女峰、Marc講極光之旅。

曾經歐洲旅遊都係遙不可及，而未踏足歐洲之前，通常都會充滿幻想。「浪漫之都」、「童話小鎮」、「羊多過人」...去咗之後就會發現係「刀」唔係「都」，係「𨳒」唔係「小」，係文雀多過羊多過人。

唔係...唔好誤會，我唔係針對你。我係話在座各位，都係...忍唔到啲無禮貌嘅人同行為。本身應唔應該有禮貌呢回事根本唔值得講，有禮貌係基本啦下話，而咁都要開一集嚟講，你話係咪痴L線。

有咩痴L線得過無啦啦完咗第一季，又無啦啦話第二季？終於再次集齊三個主持，繼續痴L線咁乜都吹吓。第二季第一講嘅內容就由交友開始...

有始有終真女子，女主持Christy a.k.a. 找數KOL 打破沉默，用最入咪嘅聲音話俾你哋（包括Elvis & Marc）知，演唱會對佢嚟講係咩一回事。

＊＊＊＊＊＊＊＊＊＊＊＊＊＊＊＊＊＊＊ 由於唯一註場歌手兼節目氣氛專員 - Christy, 臨時承接三桶貨櫃組裝工程，現場遺下兩位冷場主持 - Elvis & Marc 勉強分享睇演唱會經歷感受。 對於未能現場欣賞Christy 笑聲，兩位主持表示極度難過，強烈且嚴正要求回水。

佢病完到你病，你病完到我病，我病完...喂停一停先，邊個病完？跟本就無人係會病完！琴日有啲鼻水，今日又有啲腳軟，好多病都係無可避免，但係，有種病係自己攞嚟嘅，嗰種病叫做 -「唔識死」。

喂又話講城市入面有乜野令到你燥嘅噪音，點解最尾又會扯咗去講星期日影院、明珠930、潮爆開運王...？離題已經變咗嘅個節目嘅特色。

承接前編，兩位男主持嘗試了解推唔郁的原因，女主持回應：「佛系嘅同時又唔可以太佛系」...

兩位男主持想話出一出力推女主持出pool，可惜唔係咁易推得郁。

本集缺少咗我哋最重要嘅成員情況下，笑聲同氣氛可以話係近乎零。而剩低嘅兩位主持，決定以最唔擅長嘅打氣方式為未能參與嘅成員打一打氣。

明明平日都好哋哋，點解每逢大時大節前後，都會有意無意間受到朋友、親戚、你、你哋、佢、佢哋、呢個、嗰個...等等嘅迫害，最終導致身心「零」嘅狀態。