حكايات التلات- Tuesday Talks

حلقة فنية نارية مع اشهر صديقة للبرنامج وصاحبة اقوى بودكاست مجاور بيسو من بودكاست "عشان محدش مهتم"

الأحلام مجانًا وانا حلمت أكون أمير👑الأحلام مش بفلوس، وسع مخك واحلم،احلم،احلم؛ بس متنساش على قد لحافك مد رجليك….حلقة عن الأحلام و الطموحات وحدودها؛ ده لو ليها حدود اصلاً!!

بداية السيزون الخامس وبداية رمضان، فتعالوا نتكلم عن ازاي نستغل رمضان اننا نخرج منه اشخاص افضل.

في الحلقة الاربعين ومع نهاية سيزون ٤ هحكيلكوا القصة بدأت امتى وازاي وليه اتركنت سنين في الدرج!

النهاردة بقولكوا يا تلحقونا يا متلقوناشحلقة جديدة من بودكاست حكايات التلات بعنوان "الحقونا" عن اللي عملته فينا حياة الكبار والصدمات اللي شوفناها اما وصلنا،

حلقة جديدة من حكايات التلات عن ان الفشل مش هو عكس النجاح و لكن هو جزء علشان نوصل للنجاح!

اخر حكاية من حكايات التلات في ٢٠٢٤، هنقفل السنة مع بعض و نفتح صفحة جديدة لسنة جديدة ونحط شوية اهداف و نعرف ازاي نحققها

هو no risk no fun ولا من خاف سلم؟طب ما تيجوا نشوف مع بعض..حكاية جديدة من حكايات التلات

للبنات فقط!! ١٠ حاجات كنت اتمنى حد يقولهم لي من كام سنة فاتوا، ف عشان كدة قولت اقولهم لكوا!

طول م احنا في سوق العمل هتفضل اكبر معادلة هي ال work-life balance وهتفضل المعضلة في ازاي حياتنا العملية متجيش على حياتنا الشخصية، حلقة جدلية عن ال work life balance

ارجع يا زمان..حن يا ماضيالزمن الجميل..هل هو جميل فعلاً ولا كل واحد شايف زمنه زمن جميل؟

حلقة جديدة و طويلة مع صديقتي الإسكندرانية فرح عن الخيانة و مبرراتها، اسمعوها و قولوا لي رأيكم

حلقة جديدة وحكاية جديدة عن ماهية النجاح في الفترات المختلفة، والفترات اللي بنحس اننا مبنحققش فيها حاجة جديدة، اسمعوا الحلقة وقولوا لي رأيكم!

في حكاية النهاردة من حكايات التلات هحكيلكم عن تجربتي في جروبات البنات على الفيسبوك !

في حكاية النهاردة من حكايات التلات هكلمكم عن قانون الجذب، وكل المصطلحات المشابهة اللي هتخلينا نحقق احلامنا وحياتنا تبقى وردية🫡

في حكاية النهاردة من حكايات التلات قولت ارغي معاكوا في موضوع شاغلني بقاله فترة، ألا و هو التغيير اللي بقى فرض علينا و الرفض العام للحياة العادية الخالية من ال small business و ال local brands واي الاستقالة من الوظيفة أم ٨ ساعات، اسمعوا الحلقة وقولوا لي رأيكم!

وبعد طول انتظار، حكايات التلات رجعت من جديد، وفي حكاية النهاردة هنتكلم عن ازمة ربع العمر، ايووووة ربع العمر مش نصه

فاكرين العيد زمان، وقد ايه كنا بنبقى متحمسين؟! طب احنا ليه مبقاش متحمسين زي زمان وازاي نتحمس تاني؟

لكل اخواتي اللي في الثانوية العامة اللي داخلين على الامتحانات ، الحلقة دي ليكوا مني، بنقل لكم خبرتي في الثانوية العامة من ٦ سنين و قد ايه هي فعلاً مش نهاية الدنيا ولا حتى بتحدد مصيرنا زي ما بيقولوا، انتوا قدها❤️ متنسوش تبعتوا الحلقة لكل حد تعرفوه في ثانوية عامة!

هي الست ملهاش غير بيت جوزها ولا الست من حقها تشتغل ولا الست تعمل الإتنين ولا تعمل اييييه؟؟؟؟

بناءًا على طلبات مستمعي حكايات التلات، عملنالكم حلقة فيها خلاصة" زيتونة" الثقة بالنفس وليه بنحس اننا مش واثقين في نفسنا وازاي نغير ده؛ اسمعوا الحلقة كاملة وإن شاء الله هتفيدكم!

الحلقة النهاردة موضوعها جد بيلمس كل بنت محجبة أو لا، هنتكلم عن اللي بيدور جوا دماغ وبال كل بنت محجبة، وهنسمع حكايات حقيقية لبنات حقيقيين بيشاركونا تجربتهم كاملة.

بما ان بداية السيزون التالت من حكايات التلات هي هي بداية الصيف و الأجازات ف حبينا نتكلم عن ازاي نقدر نقدي الصيف بسلام في زمن السوشيال ميديا…

مفيش علاقة ولا صداقة منغير خناقات، وطالما هنتخانق يبقى نتخانق صح…! السيزون خلص ولكن لنا عودة قريبًا جدًا!

العشرينات هي المرحلة الانتقالية من الطفولة لحياة الكبار، وبتبقى مليانة بكل المشاعر و عكسها، ده هو موضوع حكايتنا النهاردة!

العشرينات هي المرحلة الانتقالية من الطفولة لحياة الكبار، وبتبقى مليانة بكل المشاعر و عكسها، ده هو موضوع حكايتنا النهاردة!

لو كنا عارفين إن دي المرة الأخيرة تفتكروا كانت هتفرق في الوداع؟آراء مختلفة عن الوداع و نهايات العلاقات ولكن المرة دي مش رأيي لوحدي، ده رأيي و رأيكم و رأي ضيفي العزيز: أحمد حاتم.

بما اننا في شهر الحب اللي كمان بيصادف انه موسم الbreak ups و الmoving on حتى تلاقي الچيم زحمة حبتين ف قولت نتكلم عن قواعد الmoving on اللي مش ٤٠ ولا حاجة.

عارفين لما توصلوا لمرحلة كدة من العلاقة و تسألوا "هو احنا إيه؟!" ده بالظبط موضوع الحلقة بتاعتنا النهاردة.

عارفين لما حد يقعد يهتم بيكوا بشكل غير طبيعي و فجأة يبطل يهتم و يخرَّج نفسه من حياتكم؟ ده بالظبط اللي حصل مع مريم… تعالوا نعرف ايه قصة مريم و ايه اللي حصل معاها.

العلاقات في زمن السوشيال ميديا. ازاي ممكن نكون بنبوظ علاقاتنا بنفسنا؟

السنة بتخلص والسنة الجديدة بتبدأ و بيبدأ معاها موسم التغيير.

شوية من الاسئلة الذهبية اللي بعض الناس بتسألها في التجمعات وياترى لحد امتى هنفضل نسألها؟!

هل فعلًا الوقت فات اننا نعمل حاجة؟ هل فعلًا الفرصة اللي بتضيع مبتجيش تاني؟ اسئلة بتدور في دماغنا كتير، وفي حكاية النهاردة من "حكايات التلات" بحكيلكم بالظبط ايه اللي بيدور في دماغي..

نساعد الناس و نقدم لهم خدمات حاجة، و ان حياتنا كلها تبقى مسخرة لإسعادهم وارضائهم حاجة تانية خالص. حكاية "مبسوط مني" من "حكايات التلات" هتفهمنا اكتر عن الاشخاص ال People Pleasers

استكمالًا لكلامنا التلات اللي فات، هنتكلم عن التعلق الإجتنابي و التعلق الآمن وهنعرف صفات كل نوع فيهم .

مين فينا مسمعش جملة "بس خلي بالك متتعلقش" قبل ما يدخل على اي حاجة جديدة؟ طب عمرنا سألنا نفسنا هو اي حكاية التعلق ده؟ النهاردة بقى هنعرف حكاية التعلق ده في حكاية جديدة من حكايات التلات.

كل حاجة فعلًا بتعدى بس المهم اننا نكون مدركين انها هتعدي فنعيشها بحلوها و مرها. حكاية النهاردة هي نبذة بسيطة عن قد ايه احنا محتاجين نعيش اللحظة بكل طاقتنا.

اجدادنا دايمًا بيقولوا "جنة منغير ناس ما تنداس". في حكاية النهاردة من "حكايات التلات" هقولكم وجهة نظري و تفسيري للمقولة دي.

كتير كنا بنحاول نتواصل عشان نفهم الطرف التاني وجهة نظرنا و نلاقيه برضو بيسأل "قصدك إيه؟" في حكاية النهاردة من "حكايات التلات" هنتكلم مع بعض عن قد ايه التواصل الصح ممكن يخلينا نتجنب كتير من التصادمات.

كام مرة أجلنا حاجات المفروض نعملها؟وكام مرة كنا المفروض نعمل حاجات بس مفيش طاقة نعملها؟ في حكاية النهاردة من "حكايات التلات" هنتكلم عن يا ترى ايه السبب في ده.

ازاي نحافظ على سلامنا النفسي ونحافظ على علاقاتنا مع الناس اللي حوالينا ومع نفسنا؟ إجابة السؤال ده وأسئلة تانية كتير موجودة في حكاية انهاردة من "حكايات التلات".

من الطبيعي أن أول كل حاجة جديدة خارج نطاق الروتين بتاعنا تكون مختلفة وفيها صعوبات كثيرة جدا…طيب وماذا بعد التخرج؟

يوم التلات،يوم مظلوم معانا في وسط الأسبوع بس بحكاية من حكايات التلات المملل هيروح خالص.