خيال"... سرمد الحكايات في نوادر المخطوطات"

حلقة النهاردة هي الحلقة الأخيرة من الموسم الاول من بودكاست "خيال" وكمان آخر حلقة من حكاية الملكة "شفق السماء" مع ساحرها "زاهاك". في الحلقة هنعرف ازاي الجنيه "افنان" هتوصل لبيضة طائر "الهوما" و ايه اللي هيحصل لما الملكة تملك التلات طلبات و كمان هنعرف اكتر عن العلاقة بين الفتى "أمرفاز" و الجنيه الفاتنه "أفنان"حلقة النهاردة هترسم طريق جديد قي قصتنا الكبيرة, و زي ما قلتلكم في بداية الموسم انو القصه ليها فروع كثيرة متشابكة و كلها حكايات موصولة ببعضها.استنوا الجزء التاني من بودكاست "خيال" سرمد الحكايات في نوادر المخطوطات اللي أبطاله جزء من قصص و حكايات  الموسم الاول.

في حلقة النهاردة هنتعرف على فصيل جديد من الجان و هنتعرف كمان علي اميرة من أميراته. تعالو نعيش قصة جديدة بطلها مساعد غلبان بس ذكي جدا. القصة دية هتلعب دور في حكايتنا الحالية و حكاوي جايه كتير.

في الحلقه ديه هنعرف ايه اللي هيحصل مع "شمس الدين" و الملكة "شفق السماء" زز هل هيقدر يوفي بكلامه و يجيب فاكهة الشجرة المسحورة و لا المارد "الاجدع شيصبان" هيخلص عليه ؟ تعالو نعرف اخر جزء من مغامرة "شمس الدين" و نعيش معاه الحكاية..

في الحلقة ديه هنعرف حيلة "شمس الدين" اللي خططلها مع "وردشاه" علشان ينقذ والدها العراف "نور الهدي" من قبضة المخلوق اللي اسمه " النسناس"... تعالو نعيش مغامرة مع "شمس الدين" و نستخدم أدوات سحرية اللي منكم يعرفها و اللي منكم ميعرفهاش.

حلقة النهارده بتدور خلال الليالي السبعه في مغامرة "شمس الدين" و فيها هيعرف اكتر عن المخلوق "بوداريا" جني البحر. و في الحلقه ديه هنكمل مغامرته علي جزيرة "سراي" و هنعرف ايه قصة اختفاء العراف "نور الهدي" و ازاي "شمس الدين" هيوصله.

في الحلقه ديه هنعرف اللي هيدور بين "شمس الدين" و "بكسان البلان" صاحب حمام "المسك" و كمان هنعرف أكتر عن خطة "شمس الدين" في انه يحصل فاكهة الشجرة المسحوره. تعالو معايا نخوض مغامرة لا علي البال و لا علي الخاطرونقاتل مخلوق اسطوري جديد في قلب البحر.   

تعالو في الجلقه ديه نعرف هيعمل ايه "دينار" في مواجهة الوحش الاسطوري, و كمان نعرف ازاي "قطرة الندي" هتساعده يتكتبله عمر جديد. كمان في الحلقه ديه هتاخدنا الحكاية من تاني للصبيه "بدر البدور" و :شمس الدين" الفتي الوسيم.

في الحلقه ديه هنتعرف علي الطلبات التلاته اللي هتقولهم العرافه "سرافس" و كمان هنعرف اكتر عن خطة الملكه "شفق السماء" في جمعهم. و هنتعرف علي الفتي "دينار" و مغامرته في مواجهة كائن "الشادافار" الأسطوري.

في الحلقه هتقدرو تعرفو اكتر عن مصير المسحورة "تاج الحسن" و هتعرفو ازاي هتصبح الملكه "شفق السماء". و كمان مع بعض هنغوص في حكايات الغابه و نسمع خطة الساحر الملعون "زاهاك" و ازاي قدر يخطط انه يخدع الملك "شهد الزمان"

فالحلقه احداث خطيرة و فيها هنتعرف علي المطلوب تعمله "تاج الحسن" بطلب من الساحر اللعين "زاهاك" علسان تتحول لصبيه جميله.. تعالو بينا نعيش شوية خيال ممزوج مع حبة تشويق.

الحلقه بتدور في صندوق ذكريات الملكه "شفق السماء" أيام ما كانت بنت لحطاب و كان اسمها و شكلها علي حال غير الحال!! تعالو نعيش لحظات من الغموض الممزوج بشوية خيال و نتعرف علي الربط بين الصبيه في الذكريات و الساحر "زاهاك ابن أهنسيا"

في الحلقه هتعرف ايه اللي هيحصل مع "بدرالبدور" و هل هتقدر الصبيه "نوارة" انها تفك سحر المارد و ترجعها انسيه من تاني ؟ و ايه يا تري دور الفتي "شمس الدين" ؟! تعالو نسمع و نعيش شوية خيال

في الحلقه هنعرف ايه اللي هيحصل مع الصبيه "بدرالبدور" المسحوره في صورة غزاله و كمان هنعيش صراع الفتي "شمس الدين" مع جنية المايه.

في الحلقه هنشوف ايه اللي هيحصل "لبدرالبدور" و الصياد "ابو الفوارس" جوا غابة مملكة "بيسان"

حكايتنا بتحصل في مملكة اسمها "بيسان"، وبتدور حوالين "بدرالبدور"، بنت "عم مندور" الخبّاز. تعالوا نغوص سوا في بحر الخيال، ونعيش حكاية يمكن تحسّوا إنكم عارفينها… بس اللي متأكد منه انكم عمركم ما سمعتوها بالشكل ده قبل كده!!

اهلا بيك في بودكاست خيال، هنا هناخدك في رحلات سحرية بين العوالم الخيالية والقصص الغامضة. استمع إلى حكايات متتنسيش، ومغامرات تنقلك لعالم مختلف في كل حلقة. تابعنا علشان تعيش لحظات من الخيال، الدهشة، والمغامرة.