Á öðrum bjór!

Erlingur er í fríi svo Ingvar Þóroddsson og Natan fara yfir hvað er í gangi á hinu háa Alþingi, nýja ríkisstjórn Hollands og taka góða umræðu um þingbundið konungsræði.

Ingibjörg Isaksen, formannsframbjóðandi Framsóknarflokksins og þingflokksformaður kíkir í gott spjall. Hún ræðir sína sýn á framtíð flokksins og fræðumst við um hennar pólitíska feril og kynnumst fyrirkomulagi flokksþingsins sem er helgina 14. - 15. febrúar.

Bjórsnáðarnir viðhalda áhuga sínum á Kópavogi og ræða við hann Ísak Leon um framboð sitt í prófkjöri Viðreisnar. Kynnumst þessum yngsta frambjóðanda í baráttunni, hverju hann vill breyta í bænum og hvað fékk hann til að taka þátt í Viðreisn til að byrja með.

Jónas Már Torfason, oddvitaframbjóðandi í prófkjöri Samfylkingarinnar í Kópavogi og lögfræðingur ræðir málefni Kópavogs, hugmyndir hans um sterkari samfélagstengsl og pólitíkina almennt. Mikil gleði í stúdíóinu hjá bjórsnáðunum.

Bjórsnáðarnir setjast niður með Breka Atlasyni alþjóðafulltrúa Miðflokksins og Sigurði Orra íþróttahlaðvarpara og fyrrum blaðamanni að ræða fréttir vikunnar, prófkjör Samfylkingarinnar á laugardaginn, nýjustu könnun og margt fleira.

Heiða Björg Hilmisdóttir, borgarstjóri og oddvitaframbjóðandi Samfylkingarinnar kíkir á bjórsnáðana Erling og Natan. Þau ræða meirihlutasamstarfið, áherslur Heiðu í borgarstjóratíð sinni og anrúmsloftið í prófkjörinu.

Karl Héðinn, ritari framkvæmdastjórnar Sósíalistaflokksins, mætir til bjórsnáðanna og eiga þeir sósíalískar samræður um framtíðina í borginni, aðgerðir bandaríkjanna í Venesúela og Natan rifjar upp kynni sín við fræðin.

Bjórsnáðarnir gera upp árið ásamt Bjarna Þór Péturssyni, stjórnmálafræðingi og Helga Hrafni Gunnarssyni, fyrrverandi þingmanni og staðgengils Evu Pandoru. Farið er yfir sigurvegara ársins og spá þeir í spilin um næsta ár.

Þorbjörg Gunnlaugsdóttir, dómsmálaráðherra kíkir á bjórsnáðana og fer yfir sitt fyrsta ár í starfi og fer yfir útlendingamálin, ræðir brottfararstöð, hún talar um það sem hún telur að þurfi að gera í menntamálum, ásamt því að tala um sínar jólahefðir.

Erlingur og Natan hittast og ræða málefni líðandi stunda í góðu tómi. Þeir ræða flokkaskipti borgarfulltrúa pírata, kynþokka á alþingi og skoða Spotify Wrapped hjá hvor öðrum.

Róbert Ragnarsson, oddvitaframbjóðandi Viðreisnar í Reykjavík mætir til bjórsnáðanna. Þeir ræða áherslur hans í borginni, hvað hann telur vera stærstu áskoranir Reykjavíkurborgar og það veganesti sem hann telur sig hafa í verkefnið.

Bjarnveig Birta Bjarnadóttir, rekstrarstjóri Tulipop og frambjóðandi í forprófkjöri Hallveigar, ungra jafnaðarmanna í Reykjavík mætir til bjórstrákanna. Birta ræðir sínar áherslur í borginni, nefnir þar sérstaklega leikskólamálin, en hún er þriggja barna móðir, hún hefur skoðanir á rekstri borgarinnar og er boðberi kynslóðaskipta í Borgarstjórn.

Pétur G. Markan, bæjarstjóri Hveragerðis, kom og ræddi þá fjölmörgu hatta sem hann hefur borið í gegnum tíðina. Við förum yfir stöðu Hveragerðis sem ört vaxandi sveitarfélag, við ræðum tíð hans sem sveitarstjóri Súðavíkur, umbætur sem hann átti stóran þátt í hjá embætti biskups og segir hann frá sínum pólitísku fyrirmyndum.

Pawel Bartoszek, formaður utanríkisnefndar Alþingis og þingmaður Viðreisnar í Reykjavíkurkjördæmi Norður, kíkir á bjórnsnáðana og ræðir útspil Evrópusambandsins þegar kemur að verndartollum á járnblendi, við ræðum mikilvægi ferða hans á erlenda grundu og það hvernig reykvískir þingmenn geta bætt tengsl sín við sína kjósendur.

Natan og Erlingur fá ekki gest að þessu sinni, heldur eiga þeir góða samverustund og smakka jólabjóra. Þeir flokka bjóra eftir því hvað stjórnmálaflokki þeir tilheyra og ræða hvern flokk sem tekinn er fyrir.

Bjórsnáðarnir fá til sín Aðalstein Leifsson guðfræðinema og aðstoðarmann Utanríkisráðherra. Ræða þeir hvernig Aðalsteinn kom Íslandi á evruna, stöðuna í Evrópumálum, rekstur borgarinnar og hvernig hann fann Jesús í kærleikanum.

Kári Sigurðsson, formaður Sameykis og fyrrverandi sérfræðingur á sviði forvarna hjá Reykjavíkurborg mætir og ræðir við bjórsnáðana. Kjaramál eru rædd, áminningarskylda opinberra starfsmanna krufin ásamt því að tekin voru fyrir málefni ungmenna og ríkissáttasemjari.

Júlíus Viggó, nýkjörinn formaður SUS og Jóhannes Óli nýkjörinn forseti Ungs jafnaðarfólks mæta til bjórsnáðanna. Þeir ræða Evrópumálin, húsnæðismál og Natan er skammaður fyrir álit sitt á Hallgrímskirkju.

Björg Magnúsdóttir, fyrrum fjölmiðlakona og stjórnmálafræðingur mætir til bjórsnáðanna. Borgarmálin eru krufin af mikilli dýpt, leikskólamál og rekstur tekinn fyrir. Björg fer yfir það hvernig hún endar í Viðreisn og ræðir hennar helstu fyrirmyndir í pólitík.

Einar Jóhannes Guðnason, varaþingmaður Miðflokksins, mætir til bjórsnáðanna, landsþing Miðflokksins er rætt og hvar skoðanir skarast innan flokksins. Við ræðum samgönguáherslur Miðflokksins, innfluttar skoðanir og frelsið.

Bjórsnáðarnir Erlingur og Natan fá Svanborgu Sigmarsdóttur, framkvæmdastjóra Viðreisnar til sín ásamt Þórði Snæ Júlíusyni, starfsmanni þingflokks Samfylkingarinnar. Þau ræða og greina landslagið í Miðflokknum í kjölfar þingflokksformannsbreytingar, þau komast að því hve sammála þau eru í mörgum málaflokknum, ræða kjördæmaviku þingmanna og fall Play.

Bjórsnáðarnir fá Svandísi Svavarsdóttur til sín og ræða þau stöðu Vinstri Grænna, förum yfir sögu vinstrisins vítt og breytt. Framboðsmál í borginni rædd og ferill Svandísar, helsti árangur hennar og áskoranir.

Bjórsnáðarnir fá Jóhönnu Dýrunni varaborgarfulltrúi Viðreisnar og Bjarka Fjalar formann ungra Evrópusinna til sín að ræða vendingar í borginni og komandi landsþing Viðreisnar.

Viktor Pétur Finnsson formaður SUS og Sverrir Páll Einarsson forseti Uppreisnar koma til bjórsnáðanna og ræða hægri málefni. Staða Viðreisnar og Sjálfstæðisflokks er rædd, hækkun skrásetningagjalda, Viktor veltir því fyrir sér hvort að Viðreisn sé raunverulega hægri flokkur og lýkur þættinum á kröftulegum umræðum um Evrópusambandið.

Við fáum til okkar blaðakonuna og sviðshöfundinn Elínborgu Unu Einarsdóttur. Við ræðum málefni vikunnar og förum yfir greiningu Elínborgar á ungliðastarf í Sjálfstæðisflokknum, en hún skrifaði lokaritgerð sína í LHÍ um unga Sjálfstæðismenn.

Natan fær til sín Dóru Sif Tynes og Ingvar Þóroddsson að ræða norskar þingkosningar á mannamáli og greina stöðuna.

Bjórsnáðarnir ræða við Tómas Þór Þórðarson, aðstoðarmann þingflokks sjálfstæðisflokksins og Pétur Björgvin Sveinsson, aðstoðarmann þingflokks Viðreisnar. Við ræðum pólitíkina í sumar og stóru málin í vetur.

Stjórnmálaspekúlantarnir Eyrún Þórsdóttir og Lísa Margrét Gunnarsdóttir koma til okkar og ræða liðinn þingvetur, við förum yfir lof og last liðins veturs á marga vegu. Hvaða þingmaður fær last Natans? Hvaða flokki lofar Erlingur óvænt? Allt kemur þetta í ljós í lokaþætti þessarar seríu.

Bjórsnáðarnir fá Daða Má Kristófersson fjármálaráðherra og varaformann Viðreisnar til sín. Ræða þeir nýtt hlutverk hans sem áfengismálaráðherra, hvernig Natan er sammála Miðflokknum, Erlingur gleymir brúðkaupinu sínu, Daði tekur drengina í stutta hagfræðikennslu auk þess sem veiðigjöldin eru rædd.

Bjórsnáðarnir fá enga aðra en Líf Magneu til sín. Við ræðum leikskólamálin, næturlífið í Reykjavík, þegar karlmaður vildi mynda meirihlutamyndun með Líf en ræddi það bara við karlmenn í kringum hana, sólmyrkva á næsta ári og stemninguna á vinstrivængnum fyrir komandi kosningar.

Gunnar Ásgrímsson, framsóknarmaður með meiru, kíkir á bjórsnáðana og ræðir lægð framsóknar í skoðanakönnunum, sóknarfæri á landsvísu og í borg. Við ræðum bjórverðlag og ólík hjól á höfuðborgarsvæðinu ásamt því að kynnast því hver hinn týpíski ungi framsóknarmaður er.

Bjórsnáðarnir fá Júlíus Viggó, fyrrverandi formann Heimdalls til sín. Þeir ræða stjórnmálin í dag, stöðu Sjálfstæðisflokksins í borginni og á þingi og tónlistarmenningu stjórnmálanna.

Bjórsnáðarnir ræða við nýkjörinn forseta Uppreisnar, ungliðahreyfingar Viðreisnar. Við ræðum stjórnmálin, meinta landasölu Sverris og veitingastaðinn Metro.

Bjórsnáðarnir hitta Heiðu Ingimarsdóttur, fyrsta varaþingmann Viðreisnar í Norðausturkjördæmi. Við ræðum áherslur hennar á þeim vikum sem hún hleypur í skarðið fyrir Ingvar Þóroddsson, lífið og Múlaþing.

Við fáum Margréti Erlu Þórsdóttur til okkar. Margrét er súperstjarna, master í heimspeki og meðframleiðandi hjá RIFF. Við ræðum um raunir hennar, hot gaura og lítilmennskubrjálæði.

Bjórsnáðarnir ræða líðandi stundir og hitta Grím Grímsson, alþingismann og fyrrverandi lögreglumann. Rætt er um áfengisverslun, fangelsismál, hugvíkkandi efni og persónuna Grím.

Bókmennta- og leikhúsfræðingurinn Katla Ársælsdóttir kíkir á bjórsnáðana. Leikhúsin eru rædd, frelsisbarátta Írlands og hagsmunabarátta stúdenta.

Bjórsnáðarnir ræða ævintýri sín á sunnanverðum Vestfjörðum, hitta Friðrik Schram sem heldur úti hlaðvarpinu Z & Guð, ræðum um ungt fólk sem leitar í trúnna, hans persónulegu vegferð og lífið.

Bjórsnáðarnir hitta Ármann Leifsson, varaformann Ungra Jafnaðarmanna og gjaldkera, landsfundur Samfylkingarinnar er ræddur, ríkisstjórnina, ungt fólk í pólitík og vegferð flokksins yfirhöfuð.

Fyrrum þingmaðurinn og fyrrum Píratinn hittir bjórsnáðana og ræðir samband sitt með Helga Hrafni pírata, Sauðárkrók og hvernig hún fór út í stjórnmál.

Verkalýðskempan og fyrrum þingmaðurinn Sigríður Ingibjörg Ingadóttir mætir til bjórsnáðanna og ræðir kvenfrelsismál, stjórnmálaferil sinn, verkalýðsbaráttuna og vegferð núverandi ríkisstjórnar. Mikil gleði og mikið hlegið.

Natan og Erlingur ræða við Dr. Silju Báru R. Ómarsdóttur frambjóðanda til rektors Háskóla Íslands, þau ræða framboðið, bandarísk stjórnmál og Drekktu betur á Ölstofunni.

Dularfullur leynigestur kíkir á bjórsnáðana, á mjög persónulegum nótum og er gleði ríkjandi.

Yngstu kjörnu fulltrúar landins í fullu starfi ræða landsmálin, borgarmálin og góðan bjór.

Gestur þáttarins að þessu sinni er Þórdís Lóa Þórhallsdóttir, borgarfulltrúi Viðreisnar, skógræktarbóndi og Eurovision-spekingur.

Fyrsti þáttur af Á öðrum bjór! Gestur þáttarins er Vigdís Hauksdóttir blómaskreytingakona, lögfræðingur, fyrrum borgarfulltrúi og þingkona.