A5aFk

ما انت نزوة ولا عابر سبيل وما انت ردة فعل للي حصل انت شيء كبير ومستحيل سافر لداخل القلب .. ووصل لو كلامي نقص ماني بخيل حايرٍ في الوصايف و الخصل بين قطر الندى و السلسبيل جيت تكتب بدايات الفصل شوفتك ماهي الشي القليل وضحكتك بيدها حبل الوصل من جمالك تعرف إنك جميل يوم تلعب بشعرك والخصل ما دريت انك تشب الفتيل في خفوقٍ عليلٍ منفصل كان عايش بلا خل وخليل وصار عايش برجوى تتصل عبدالله البكر

كثيرة ذكرياتي في المحبة زي غصون من الظمأ وفروعها يبسا ، أحبك ايه أحبك بس وش بيديّ إذا إني ما قدرت أسامحك وأنسى ، بعض مني يشوفك بالظلام الضي وبعض مني يشوفك ليلةٍ خرسى ، لك الحق بحياتك .. واحترامك لي هو لباس الغرام وزينة المكسى ، وأنا لا شفت وجهك قلت فيها شي ملامحها من ظروف الزمان أقسى ، إلين أشوف حالي وش تغير بي و أنا مركب نجاة ولا لقا مرسى ، ترى العاشق يخاف من الظلام شوي تحاصره الحياة بكبرها لا أمسى ، أبي قلبي يموت ولي ضميرٍ حي اذا ضاقت ذكرت كفوفك الملسى ، أحبك إيه أحب و ما بقى بيّدي سوى اني انتظر .. لين أبتدي أنسى عبدالله البكر

قصيدة ( أحيان ) من ديوان ( قصايدنا الأخيرة ) للشاعر عبدالله البكر أحيان أحس إني وسط خافقك ذبت ! وأحيان أجي بالبال لاصرت فاضي يا صاحبي ليه أكره الناس لاغبت وأقول خذ قلبي معك .. منت راضي كم ضاقت الدنيا علي وتعذبت وكم جيت لك قاضي وعوّدت قاضي لا إنت الذي قدرت حالي وقربت ولاإنت الذي خليتني لإفتراضي داخل عليك إن شفتني ليلة السبت خلك عن الوجه العبوس امتغاضي ولاتسأل شلوني .. تراني تقلبت حتى بياض الوجه ماهو بياضي لاتلومني .. كم شفت ناس وتغربت وكم دست بإحساسي ديار وأراضي وإن كان حسيت إنك بوصلك أذنبت فالله .. ولا حب ٍ شقوقه عراضي ولو أسألوك أهل الشماته .. وجاوبت قيل : سيرته مايسمعه غير واضي بآغيب أحبك وأذكرك .. وإنت لاغبت غيب بسلامة رب العباد راضي عبدالله البكر

قصيدة ( وإنتهينا ) من ديوان ( قصايدنا الأخيرة ) للشاعر عبدالله البكر وإنتهينا والزمن يضحك علينا لا بكينا ! والوداع اللي دريت إنه نصيبي .. ياحبيبي .. مو بيدينا !! ماعلينا .. أدري ظروفك قوية ياحبيبي . يا حبيبي . يا حبيبي . وأكثر اللي بأفقده كلمة حبيبي !! كانت شفاهك تهجاها علي كنها قصيدة مب جديدة بس مامرت علينا الغدير مصدر هدير الماء .. نشف الزفير .. صوتي وأنا أتنفس .. وقف وضاعت أنفاسي مابين الريح واللي صار فينا صرت قاسي صرت أصب أحلامي الحلوة بكاسي .. وأكسره ! صرت أخاف أتذكره وقبل ميلاد الظروف اللي احصلت لك بعت ناسي ! صرت مثلك صرت قاسي ! ما أحس برقة القمرا وهي تضوي جبينك أو أحس برقة القمرا ولا أدري إنت وينك ! ياحبيبي . ظنك الدنيا تنسينا بعضنا ! لك معي بأكثر تفاصيلي ملامح إمسح أبياتي من الدنيا وأنا والله مسامح ! من زمان أتخيل إحساسي وأنا أودعك راحل للحنين .. لآخر حدود المدينة والسواحل للسنين .. اللي مثل جسمي وأنا ناحل حبيبي . يا حبيبي ! يا حبيبي ! يا أعز انسان يطعني وأنا راضي عليه يا أحن أحضان ضمتني وأنا غارق بعيبي ! قول ليه .. ليه أحس إنك تحاول من زمان وآخر أيامك قدرت لين بان ! نظرة الواقع بعينك صورتي وآنا أدور عنك وينك ! قللي بس وش صار فينا وين كل وعودنا ! وين آثار البكى بخدودنا وين حلفك لي إذا طاري على الهجران على طاري ما تصد ! تحكي أعذارك .. وانا والله مسامح ! ما علينا .. يمكن العشق القديم يظل فينا أو يموت إليا بكينا ! المهم . إنا إنتهينا ! والزمن يضحك على باقي حكينا ! والوداع اللي دريت إنه نصيبي يا حبيبي مو بيدينا ! عبدالله البكر

قصيدة ( تجاهلت الوداع ) من ديوان قصايدنا الاخيرة للشاعر عبدالله البكر. -- ذعاذيـع الشمـال بعـز ليـلـي هــزت الشـبـاك تبـي تطـرد هواجيـس الغيـاب وتقطـع أحـلامـي برد صدري وأنا " أشهق " من لقاك و " أزفر " بفرقاك ترى ما أقسى من غياب الحبايـب .. غيـر أوهامـي نبت بأرض السنين المجدبة حبك .. وصـرت أهـواك رضيـت أعيـش بآجمـل ذكرياتـك باقـي أيـامـي حبيبي لو لقيت اللـي تبـي مـن هالحيـاة .. هنـاك أنـا باقـي ( هنـا ) ليـن الليالـي تزهـق آلامــي على بابك وقفت أمـس أبتسـم لـك كنـي أترجـاك تعيـد اللـي سرقتـه مـن هنـاي إن كنـت قدامـي مشينـا مـن زمـان .. وقـدر الله ينتهـي ممشـاك على درب الغياب .. وخطوتك أسـرع مـن أقدامـي تجاهلت الوداع .. وقلت لك : ياصاحبي وش جاك ؟! ترش الماء على رمضى الطريق .. وصاحبك ضامي !! حنين اللي نقش إسمك علـى صـدري وخـلا شفـاك تهجـا مـا يـدور بداخلـي مـن جرحـي الـدامـي جمعني بالورق قصة وفاء .. عاشـت علـى ذكـراك طمست إسمك من أوراق القصيد .. وصرت بإبهامي ! أنا الوافي علـى كثـر الذنـوب اللـي تبـي أنسـاك تحزمـت الـوداع .. وشلـت لـك تذكـار بحزامـي فمـان الله .. رح فـج الغـيـاب ولــوح بيمـنـاك أبرسـم صورتـك فـي داخلـي وأحييـك بإلهامـي جمعنا ماضـي الحـب الحقيقـي يـا عسـاي أفـداك أبيـك تطمـن رمـوش السهـر وتقـولـه نـامـي فزع بعض القصيـد بهاجسـي مـن هـزت الشبـاك كتبت آخـر تفاصيـل اللقـا .. وإنقطعـت أحلامـي -- عبدالله البكر

ما يسمع المقفين صوت الباب وما ينفع الباقين مزلاجه وما يرجع اللي غاب .. لأنه غاب وما باقي بصدره ولا حاجه ! غير القصيد .. الصادق الكذاب اللي بحوره عذر لأمواجه بأسباب .. أو حتى بدون أسباب يكفيني من القلب ما لاجه يشفق علي .. لا عشت بين أغراب ويضوي علي الليل بسراجه بأشتاق لك يا سيد الأحباب ! ياللي مقلدك الحسن تاجه يا ناسي ٍ خلانك الأقراب يا نايم ٍ ما ودي إزعاجه .. راحل بعيد بسكة الغياب ! درب ٍ طويل .. وشمس وهاجه شايل عناي وكم جرح ٍ طاب وجرحك .. عساي ألقى له علاجه .. بتمر ضيقات السنين .. أسراب ومصيرنا في يوم نتواجه ! أناظرك .. ودموعنا تنساب والله يجازي الدمع وإحراجه .. يفضح خفايا الصدر للأجناب كنه سجين ٍ قرب إفراجه قلب ٍ يفز ومبسم ٍ مرتاب وذهن ٍ شرد بأفكار دواجه وأمرّ .. كني ما حسبت حساب وأقول لك ما كنت محتاجه .. أبطى حنيني في حشاي وذاب وليتك تعاوني على إخراجه !! إن قلت لك راجع .. فأنا كذاب ! لكن .. عسى في يوم نتواجه