apéro riche

Lang isches her, welcome back! Apero riche bringt dir di neuste Ihdrück und Stories us de Gnuss-Welt direkt uf dini Ohre. Hüt mit debi: Es ganz speziells Wasser, Oster-Brunches und die neu Definition vom Wort "müed". Vill spass!

Bun di! - Im zweite Teil vom apero riche Dinner-Date lerned ihr de Gieri vo sinere Schoggisiete kenne - und au dasmol dörfed ihr mit spicy Froge und hitzige Diskussione rechne... Vill Spass!

Im erste Teil vo üsere Zweiteilige Spezialreihe lerned ihr de Tim vo sinere Beste - und au nöd so Beste Siete kenne. Sind ready für knallharti Froge, spannendi Hintergründ und de eint oder ander Lacher. Vill Spass!

Wer hets au denkt, mir hend wiedermol kochet - und wie! De Gieri het en ganze Menüplan zemmebastlet und trotzdem schmöckt am Tim d‘Kalbskopfbäggli am beschte… verständlich! Was haltet mir zu verschiedene Brotufstrich? Ihr werdets ghöre 🫰

Vo Koch-fluencer bis zu ganz spezielle Saucissons - au ih dere Folg vo apéro riche erwarted eu ganz vill kulinarischi Gaumeschmäus - wie immer mitere guete Priese Halbwüsse ;)

2026! Let‘s fucking go!Mir mached no en Rückblick zu üsem Wiehnachtsmenu. Was isch guet, was isch schlecht gloffe? Und was hets überhaupt geh? Ihr werdets ghöre!Mir hend wiedermol Gheimtipps für eu und regget üs über de Stadtbus uf…

Churz vor Wiehnachte mörseret de Gieri was das Zeug hält, während de Tim wiedermol nach Strich und Fade verarscht wird... Und was hets mit Olivenöl-Gate uf sich? Das und vill meh - ide neuste Folg vo apero riche. Vill Spass!

Hoppla! Ihr hend leider verletzigsbedingt länger nüt meh vo üs ghört. Mir entschuldiget üs herzlich und de Tim verzellt eu was passiert isch. Kulinarischi Chindheitserinnerige werdet wieder ufglebt und au üses Wiehnachtsmenu ahgsproche. Fondue-Chinoise isch overrated

Pünktlich zu üsem erste Geburtstag meldemer üs mitere Folg zrugg! Wiedermal e queerbeet Plauderstund. Viel Spass!

Fragen über Fragen! Hüt quetsched mir üs gegesitig so richtig us und tüend viel Froge stelle & beantworte. De Gieri het sich nöd lumpe loh und es „Gwürz errate“ vorbereitet.

Ide neuste Folg vo euem Lieblingspodcast het de Gieri en wahre Sinneswandel. De süscht so zrughaltendi mittel-jungi Mah üebt ufzmol harschi Kritik und findet drah Gfalle. Usserdem, was isch besser als e Cremeschnitte? Genau, 2 Cremeschnitte! Und no besser ischs, wenns us Arosa chömed! Vill Spass bide Folg und hebed eu Sorg! <3

apéro riche und rösti - das isch s‘grössti! 😉 Drum gönned eu die Folg! Mir blicked zrugg uf die vergangene Täg (Gieri reggt sich vorallem über sin Hizgi uf).

Mir sueched s beste Cordon Bleu vode Schwiiz! Ihr wüssed wo? Denn lönds üs unbedingt wüsse! Usserdem redemer hüt erneut übers Takeaway Ahgebot in Frauefeld, em Omi ihri Paella, en mittelmässige Restaurant-Bsuech, s Curry vom Gieri und em Marco sin Schinke. Vill Spass und Danke fürs drihlose!

De Tim und de Gieri hend unabhängig vonenand en neue Burger in Frauefeld testet und s‘Fazit isch überraschend schlecht gsi. Sogar ufere Skala vo 1-10 sind sich die beide einig. Mit em Winkelried gits in Frauefeld es neus kulinarisch hochstehends Ahgebot wo de Tim natürlich grad usprobiert het und i de Folg drüber brichtet.Wiiters hets in Frauefeld am Wuchenend no es Asia Streetfood-Festival geh und de Gieri het sini Bünzli-Eigeschafte entdeckt.Viel Spass!

E abwechsligsrichi Folg wo mir eu do chönd uftische! Mir verzelled en Zick-Zack durchs Band und es wird sogar mal ussergwöhnlich Deep. Ganz viel Spass!

Mir probiereds wieder mit em Sunntigs-Turnus! Hüt uf em Menü: ​Restauranterlebnis inkl. Wespeplag​Pommes Tipps & Tricks mit apéro riche​Restauranttipp vom Tim​Pfeffer!Gruess us de Chuchi isch das mol gsponseret vom Tim - en Jäger-Shot.

Mit Versprecher und Militärstories simmer au die Wuche wieder back mitere neue Folg. De Gieri grüesst mit kulinarische Tüfpünkt vode Front, während de Tim sini Bewertig vonere Frauefelder Gaststätte revidiert. Usserdem isches auno saumässig heiss. Vill Spass :*

Spezialahgebot! 1 Podcast lose, zwei Folge ghöre. Dank de überfüllte Festplatte gits hüt imne erste Part es Review vom Restaurant Schlössli Bottighofe. Ide zweite Halbziit staht de Leon für all Schläckmüler unter üs iih. Eh Reunion vode bsundrige Art. Losed drii!

Hüt wird s‘Openair Frauefeld usenand gnoh. Es werdet Sache in Himmel ufe globt, aber au mol chli strengi Wort gsproche. Am Tim sini Weihe wird es wiiters mol bestätigt und de Gieri entschuldigt sich vo tüfem Herze 🤪

Wieder back nachme Wuchenend Pause! Darum viel die bessere Gschichtli wie süst amel. De Tim entpuppt sich als Weihe-Maestro und de Gieri isch uf Bsuech im Rentnerparadies Steckborn. Gmeinsam erlebemer e ultra weirdi Situation imme neue Thai z‘Frauefeld. Allez-Hopp!

De Gieri beginnt sin Rachefeldzug gege en bekannte Grossverteiler... Wie wiet isch er bereit zgoh? Usserdem zeigt er üs d Fortschritt vo sine Gsangs-Skills, während de Tim eifach nüme chan ufhöre Tiramisu esse. Mir gönd dri. Vill Spass bi de neue Folg!! <3

De Tim isch i de Ferie gsi und verzellt vo sine Ferie im Jura (oder doch Bärn?!). Viel gesse het er nöd drum spieled mir no Spieli wuhuu!!

Ah Pfingste gohts bekanntlich am ringste! Vo Backdöner über orientalischi Grillkunst, Flammkueche, Smashburger und Pizza isch hüt wieder für alli öppis debi. Usserdem gits wieder Blind Rankings und es neues Minispiel (vo üsem neue Mitarbeiter erfunde). Vill Spass! :D

SERVUS und GRIASS GOTT! Heit griagst a gscheide Gschicht erzählt – mia red’n nämlich über unser'n Aufenthalt in Minga. Vom Weißwurschtfrühstück bis zum Mass-Overload, da war ois dabei. Der Reih’ noch geh’n ma durch, was ma uns kulinarisch eini'gnoss’n ham, und nebenbei gibt’s no a paar Gschichtln vom verlängerten Wochenende – Spoiler: da Leberkäs war ned des einzig Deftige!

„Seged öppis“: Di einte hends echli zu wörtlich gnoh, di andere hend nur seich useloh und es par gueti vorschläg hets gott sei dank auno debi gha. Di ersti Community Folg - und scho jetzt en absolute Erfolg. Danke eu fürs mitmache und vill spass! 🥰

Mir hend en Wii! und trinked de während mir die 24. Episode ufnehmed 🤩 Mir redet dasmol wieder mal chli queer durchs Band. Stichwörter: Papst, Ihklemmts & Negroni. 🥃

Sali zeme, hüt luegemer ufs Street Food Festival Frauefeld zrug, de Tim bindet em Gieri en zimliche Bär uf und es haglet, eimol meh, Kritik. Enjoy <3

Mer chönt fast sege mir hend es neus Lieblingswort... uf jede Fall isch aber de Louis (Gamma Kite) hüt bi üs zGast, er verzellt vo sim Trip uf Japan, sinere Schwizer Lieblingsstadt (Spoiler: es isch nöd Frauefeld...), und mir reded über vergangeni Zite. Danke eu allne fürs inelose, Enjoy!

U40 Special im Schöfli Wigoltinge und mir sind debi gsi! Mir verzelled vo dem feine Erlebnis und nehmed eu chli mit. De Tim meint sogar er cha no chli Kritik verüebe…

Mir chömed eifach nöd weg vom Bärlauch, de Gieri verzehlt vo sinere Irrfahrt ufem Velo und de Tim droppt Fischeri-Knowledge...Vill Spass!

Wahnsinn! Mir nehmed die erst Folg us üsem neue Studio uf! D‘Sunne isch duss, de Früehlig isch cho und somit au d‘Grillsaison 🤩 Was gits süscht no saisonals? Genau! Bärlauch!

Was gits bessers als en perfekte Burger?... Nöd vill, aber uf jede Fall üsen hütige Gast! De Mika bringt vili Jahre ah Burgererfahrig mit und beehrt üs hüt mit sinere Expertise. Vill Spass! :D

De Tim und Gieri hocked anne und haued Fakte use. Mir nehmed Ernährigs- und Essensmythe für eu usenand und gebed üsen Senf dezue. Mir wetted ihr kenned nöd all Mythene wo mir im peto hend, darum VIIIEL SPASS! Ah und es neus Cover hemmer au no!! 🤩🤩

Nach churzer Verschnufspause sind mir mitme Banger zrugg! Absoluti 10/10 ;) Wieso? Ghöreder!De Tim het in Landquart en Alleigang gha und drum froged mir üs wieviel e Atmosphäre usmacht bim Esse. Nebet Esse hemmer au süsch no dringendi Thematike zum bespreche.

Weiter im Takt! I de Folg 15 redemer über Malfatti und wie mir sie gmacht hend. + Es git wiedermal es Ranking!! + Viel Gequasel süsch no 🤪

Mir müend die Wuche üsem Frust chli freie Lauf loh. Über Kulinarik redemer natürli au no chli.

Mir beidi verzelled quasi de zweiti Teil vo de Ferie in Laax & Jamaica. ❄️☀️ De Tim muen fasch na was bichte was er sich wieder gönnt het und verzellt vom Valetinstag-zNacht wo sich glohnt het.

De Gieri und de Tim sind so wiet vonenand entfernt wie nonie...oder?! Jamaica trifft uf Laax, was üsi kulinarische Highlights sind und was susch no so passiert isch - du erfahrsches ide 12. Folg vo apero riche. Vill spass!

Mir sind wortwörtlich am cooke... Usserdem verreised eui heissgliebte apero riche hosts, mir reded über üsi lieblings Pisteklassiker und was susch no so gloffe isch die Wuche. Vill spass! <3

Hüt hemmer d Ehr gha üsen Fittness- und Ernährigsexpert, de Robin, dörfe z begrüesse. Uf was du bim Muskelufbau muesch luege und weli Nahrigsergänzigsmittel würklich was bringed? Das erfahrsch ide 10. Jubiläumsfolg vo apero riche!

de z‘mittag vom gieri isch fasch so tüür wie e gwehr gsi & de tim isch vo sim iichhauf enttüscht worde… …mir hend aber nöd nur z‘mötzele sondern lieferet eu wieder heissi tipps! 🔥🔥

de tim laht chli dampf ab und de gieri findeds dumm. nachdem mir uf en grüene zwiig cho sind redemer über am gieri sis gschenk a sich selber, e neuigkeit vom goldige m und chli inspo usem menuplan vom tim.

wiehnachtsesse, raclette, too good to go, berlin, burger, etc - afach alles mögliche halt. viiiiel spass!

Olé olé olé oleééé, MARCOO MARCOOO! Mir begrüessed üsen 2. Gast, reded über sini Lieblingsgricht, obmer Raclette au im Summer chan esse und warum er Limette liebt. Das alles ide Hoffnig, daser üs wiedermal zum Znacht ihladet. Und gömmer.

✋ high five für die bereits 5. episode! mir redet über unnötige hype wie mr. beast und steve merson. und s’wichtigste: mir redet au über würst.

weiter im takt: mir hends hüt vo erschwingliche, eifache gricht wo molto bene sind. die letscht wuche simmer no bim marco iihglade gsi - en absolute gaumeschmaus. 🌮

JUHUIII! mir hend mit de jana en tolle gast für üses vegi spécial. mit ihre redemer über vegetarischi ernährig und bespreched de wandel vom vegi-sortiment. zudem verzellt sie au über ihri erfahrige bim reise und züüg&sache. de tim und de gieri gebed au no ihren senf dezue. lets go!

mir hend üs nomel mit de erste folg befasst und lösed no e offeni frog uf. zuesätzlich reggt sich de gieri fürchterlich über öppis uf wo alli betrifft.

bi üsere erste folg redemer über üsi kulinarische erlebnis vo de letschte paar wuchene. zudem besprechemer die neu burgerlinie vom mecces und was es mit ihrne neue sauce chönt uf sich ha.