Chopfchaos

Du bist in deinem Job nie über einen Paragraphen gestolpert und trotzdem hast du manchmal das Gefühl, es sei etwas gebrochen worden? Das liegt am psychologischen Vertrag – dem stillen Deal zwischen dir und deinem Arbeitgeber oder sogar deinem Team.In Folge 35 sprechen wir über das, was nie auf Papier steht, aber trotzdem jeden Tag mitläuft: die unausgesprochenen Erwartungen. Wir schauen an, woher das Konzept kommt (Denise Rousseau hat es Ende der 80er-Jahre geprägt), warum ein gebrochener psychologischer Vertrag so wehtun kann, und was ihr konkret tun könnt, bevor er reisst.Plus ein paar sehr ehrliche Beispiele aus unserem eigenen Alltag.Viel Spass bi dere Folg – und mached's guet.Ivo & TimWeitere Infos im Chaoslabor. —Chopfchaos ist der Psychologie-Podcast aus Zürich auf Schweizerdeutsch. Alle zwei Wochen eine neue Folge zu einem Thema, das dir im Leben wirklich begegnet.Stichworte: Psychologischer Vertrag, Denise Rousseau, unausgesprochene Erwartungen, Arbeitsbeziehung, innere Kündigung, Organisationspsychologie.

Rot, gelb, grün oder blau – was deine „Farbe" laut DISC über dich verrät, wo das Modell hilfreich ist und wo Vorsicht geboten ist. Dazu gibt's einen Selbsttest, den du direkt mitmachen kannst.In dieser Folge sprechen wir über das DISC-Modell bzw. die vier Farbtypen und wie menschliches Verhalten diesen Quadranten zugeordnet werden kann. Wir schauen uns an, wie das Modell aufgebaut ist, welche Dimensionen dahinterstehen und was die vier Quadranten beziehungsweise Farben über unterschiedliche Verhaltensstile aussagen.Dabei geht es nicht nur um die Grundlagen: Wir beleuchten das Modell auch kritisch, ordnen seine Aussagekraft ein und sprechen darüber, wo es sinnvoll eingesetzt werden kann – und wo Vorsicht angebracht ist. Anhand von praxisnahen Beispielen zeigen wir, in welchen Kontexten das DISC-Modell hilfreich sein kann, etwa in der Kommunikation, Zusammenarbeit oder Selbstreflexion.Dein Test kannst unter https://chopfchaos.ch/chaoslabor?folge=34 ausfüllen. Viel Spass 🫶

De Ivo und de Tim hend beidi vor emene Monet uufghört mit Nikotin. Ums gnau zneh mit Snus.Sie bespreched zemme wie sie demit umgönd und vor allem wo sie die grosse Unterschied zwüsched ihrne Vorgehe sind.Wenner Tipps hend, wie mer langfristig vo Nikotin wegchunt, denn schriebeds bitte id Kommentär. Mer nehmed jedi Hilf wo mer chönd becho

Egal ob brueflich oder privat: Feedback hilft eus, sis eigene Selbstbild mit de Wahrnehmig vo eusne Mitmensche abzgliche und durch das en Entwicklig azstrebe... Doch wie git mer Feedback so, dass es wohlwollend formuliert isch und wie nimmt mers es feedback ah?All das besprechemer i de 33. Folg. Viel spass!

Holy Cow was e Folg!! Selte hemmer direkt Inhält so umgsetzt wie i dere Folg. De Tim schafft i dere Folg de ersti Schritt zu öpisem wo er scho lang vorgah het und es eifach nöd gschafft het.Isch es no e Podcastfolg oder eifach es Live-Coaching vom Ivo für de Tim?? Egal mir findets geil!Okay jetzt no schnell e chlini Beschriebig zu was eigentli "erlernti Hilflosigkeit" isch: Mir chönd lerne, dass mer eus selber nöd chönd helfe...vermeintlich. Ursprünglich testet a Hünd und Elektroschoks vom Seligman (massiv nöd okay Bro) hend sie das Modell entdeckt und au grad Methode geh, wie mer drus use chan cho.Und da schlüsst sich de Chreis. De Tim setzt grad um und wer weiss, viellicht zieht de Ivo ja no nah.Und für die wo Tickets für de Vortrag wend chaufe. Jetzt uf https://chopfchaos.ch/live-events

I dere Folg besprechemer alles rund um T`Selbstbestimmigstheorie vom Deci und Ryan. Die Theorie beschriebt unterschiedliche Arte vo Motivation - vo Amotivation bis intrinischi Motivation. Wie mer nöchher richtig intrinsischi Motivation chunt, erchläret die 3 wichtige psychologische Bedürfnis: Autonomie, Kompetenz und sozialer igebundeheit.T`übersicht wo mer im Podcast erwähnet findisch uf eusere Website

Jubiläumsfolge!!I de 30. Folg redemer wieder über positivi Psychologie. Dasmal aber nöd e so tüüfgründig und deep, sondern eher liecht und locker. Eifach gseit: für was sind positivi Emotione überhaupt da und wie chömmer chlini, churzi Moment gnüsse und positivi Emotione erlebe?Das ganze baut uf em Theorie vo de Barbara Fredrickson uuf und gaht um "Broaden and Build". Also wie positivi Emotione eusi Erlebniswelt erwiiteret und mir Ressource uufbaued.Mir freued eus uf de Znacht mit zwei Gäst und für die wo no das Insta-Video wend luege wo de Tim es Tränli defür vergosse het:https://www.instagram.com/reel/DUYhEg7jcoF/?igsh=MTc4ZGtkOWFuZ2tkOA==

Für de Valentinstag hemmer über T`Gottmann-Methode gredet. De John und Julie Gottmann hend i ihrne Untersuechige über 3000 Paar beobachtet und unterschiedlichi Erkenntniss drus abgleitet. Die Methode beschribt Zeiche vo dysfunktionale Muster i Liebesbeziehige (4 Apokalyptische Reiter), wie au 7 Stufe für e glingendi Beziehig. Mir wünschet eu viel Spass debi!Links:Mehr zu de Methode: https://www.gottman.com/Für Entspannig: https://www.youtube.com/breathewithsandy

I de 28. Folg und churz nach Neujahr, wenn die meischte Neujahrsvorsätz wieder über Board gworfe worde sind, möchtemer eu erneut Hoffnig geh.Wie setzt mer Ziel richtig, was bruuchts, dass mer die Ziel au durreziet und wie sie ein glücklich mached; all das besprechemer i dere Folg.Losed inne und kommentiered doch eli Neujahrsvorsätz und gend Bscheid öbs no aktuell sind.

I de erste Folg vom Jahr widmet mir eus de 5 innere Atrieber us de Transaktionanalyse: Sei perfekt! Sei Stark! Sei gefällig! Streng dich an! Sei Schnell!Wie die 5 innere Atrieber sich bi eus entwickelt, wie sie sich im Alltag zeiget und zu was es füere chan, wenns is extreme gheit, lernsch i dere Folg. Natürlich redet mir au über eusi Atrieber und über de Test wot au du diheime mache chasch unter:https://transaktionsanalyse-online.de/antreiber-test/

E chopfCHAOTISCHI Spezialfolg zum Jahresendi.I dere Folg erfahrsch du was mir eus fürs 2026 alles vorgno hend - wies Wiehnachtsgschenk vom Ivo demit zemme hengt UND du chasch öppis günne. Drum unbedingt lose, de entsprechend name kommentiere und mir freuet eus druf!Mir wünschet eu en super Start is neue Jahr und danke eu ganz herzlich dass ihr eus so fliessig glosst und unterstützt hend! Danke vielmals!Bis im neue Jahr, eues Chopfchaos-Duo.

Mir alli sind hin und wieder Opfer vo Prokrastination oder Uufschieberitis (läck isch das es wüeschts Wort)!Gwüssi (Tim) meh als anderi (Ivo).I de letschte offizielle Folg vom 2025 luegemer ah, wieso das mer prokrastiniered und Sache uufschiebed, welle Situation dezue füehred und was mer degege chan mache!Wenner für 2026 chli weniger wend uufschiebe, denn losed inne und schriebed eui eigene Erfahrige id Kommentär.

Was isch würklich Wirklichkeit? Dere sehr tüüfe, philosophische aber au sehr Alltagsrelevante Frag stellemer eus i de 25. Folg.Wie nehmet mir Sache wahr? Nehmet alli sgliche wahr oder giz da au Unterschied? Du erfahrsch wie unterschied i de Wahrnehmig aber au i de Interpretation entstönd, wie mer so au viele Missverständnis und Konflikt chönd umagh und was isch würklich Realität. Kei Sorge... so philosophisch wie das tönt, mir hend eus die besti Müeh geh, so alltagsnöch, mit vielne Bispiel zerkläre. Viel spass bim kreiere vo euere Würklichkeit während em lose vo dere Folg.

Das isch chli e anderi Folg als mer das susch mached aber hey, mer sind am Sache uusprobiere.Mir hend scho lang mal welle über Einsamkeit rede und was es mit eus chan mache. Wieso isch die Folg andersch? Will mer imene 3er Gspann mit de Ines drüber redet, was eigentli Einsamkeit für eus bedütet und was mer so degege chan mache.Gend eus gern es Feedback zu dere bitzeli andere Folg.Ihr findet Ivy Community und ihri Events uf ihrere Website ⁠https://ivycommunity.com/

Was passiert, wenn nüt „drin“ isch – aber din Körper trotzdem voll reagiert? I dere Folg tauched mir i d’Faszination vom Placebo und Nocebo ab: Wie chönd hoffnigsvolli Gedanke Heiluuslöser si – und wieso angschterfüllti Erwartige plötzlich Symptom uslöse, wo körperlich gar nöd „müesstet“ uufcho.Als rote Faden nemmed mir eu mit i d’Gschicht us em Postverteiligszentrum Schlieren: Es wises Pulver im Couvert, Alarmstimmig, Polizei – und viel Mitarbeitendi, wo plötzlich Kopfweh, Schwindel und Übelkeit verspürted. Spöter het sich denn sPulver als harmlose Maisstärchi usegstellt. De Körper het trotzdem reagiert – en klassische Nocebo. Mir lösed uf, was genau da im Chopf ablauft, wenn Erwartige zum „Wirkstoff“ werde.

1964 in New York: D’Kitty Genovese wird spaat am Abig vor ihrem Huus agriffe. In de Medie isch denn d’Gschicht umgange, es het zig Nachbare geh, wo's gseh händ – aber niemert hätt richtig iiggriffe. D’Zahle sind hüt umstritte, aber d’Story het es Phänomen berüehmt gmacht: de Zuschauereffekt (Bystander-Effekt).Kurz gseit: Je meh Lüüt debi sind, desto chlinner isch d’Wahrschinlichkeit, dass e einzelne Person hilft. Verwantwortig verteilt sich („Verantwortungsdiffusion“), mer luegt, was di andere mached („pluralistische Ignoranz“), und mer het Angscht, öppis falschs z’mache oder bewertet z’werde.I dere Folge vo Chopfchaos tauchemer i d’Psychologie hinderem Zuschauereffekt ii: vo klassische Experiment bis zu Bispiel us em ÖV, im Büro und online.Mer redet drüber, wieso mer mängisch paralyisiert sind – und vor allem, wie mer’s durchbreche chönd: Situation klar benenne, direkt a Lüt adressiere („Du im rote Pulli, ruf bitte 144!“), und Uufgabe zuewiese statt vage „chann öpper…?“ z’fröge.Hesch du so en Moment schomal erlebt? Schick eus dini Gschicht – und lern mit eus, wie mer vo Zuschauer:in zur Helfer:in wird. 💬🎧

Tüüfgang it Persönlichkeitspsychologie mitem Gast Giani Bardy. De Giani isch Psycholog und Expert im Bereich Diagnostik vor allem Managementdiagnostik. Mit ihm tauchemer ab is Big 5 Persönlichkeitsmodell. Das bestaht us 5 Dimensione: Neurotizismus, Extraversion, Offeheit, Gwüssehaftigkeit und Verträglichkeit. Und dass das ganze nöd theoretisch bliebt, hend mir en Persönlichkeitsfrageboge usgfüllt, vom Giani uswerte lah und gmeinsam i dere Folg besproche. Wer vo eus zwei isch offener, wer isch hilfsbereiter und wie extravertiert sind mir? Das alles und no viel meh i dere Folg!Viel Spass! 😃Links: Email Giani: [email protected] (ZHAW)IAP Institut für Angewandte Psychologie

Imposter Syndrom isch aktuell es riese Thema. Das Gefühl womer bechunt, wenn mer denkt, dass mer nöd gnueg guet isch und mer ständig Angst het, dass mer jetzt denn grad ufdeckt wird und allne bewusst wird, dass mer nöd da anne ghöred.Was im Volksmund gang und gäbe isch, chan grossi Uuswürkige uf euses Chopfchaos ha.Mir redet drüber, was es genau isch, wer devo betroffenisch und vor allem, was mer denn eigentli chan mache, zum besser demit umzga!Ah und für die wo letschti Wuche gloset hend: Mir hend no es Geständnis. De Tim het gseit, dass er ei Wuche lang sie Handy ersch 30 Minute nach em Aufwache ahlueget und devo berichtet. Mir hend luuter Jubiläumsgfühl total vergesse zverzelle.Also de TIm hets 5 vo 7 Täg gschafft (a dene zwei Tag wos nöd klappet het, hets dra glegge, dass er het müesse de Kalender ahluege zum wüsse was er muess packe - eventuell au Uusrede haha)A dene Tag was klappet het, het er sich jedoch würkli entspannter gfühlt vor allem will denn wenner as Handy isch, es en bewusste Entscheid gsie isch.So gnueg glese/gschriebe, loset jetzt inne und mir sind sehr gspanne uf euer Feedback uf Imposter Syndrom!!

Brandkatuells Thema! Wie viel Ziit verbringemer eigentlich am Handy? Immer erreichbar, immer ufem neuste Stand und selte mal e Minute vo de rueh... Algorithme wo eus besser kennet als eusi Familie, Bildschirmziite wo au Arbeitszite chöntet si und Folge wo nachere schlimme Droge tönet.Was macht das mit eus und wie gönd mir zwei demit um, das alles i de 19. Folg. Viel spass!

Was isch passiert? Ez wetsch doch Geld spare und denn chunts zume Impuls-ichauf... naja: "ich ha mer scho lang nüt meh gönnt." Hüd abig min Vorsatz vo Gsund esse umsetzte? Nei, ich ha hüd so härt gschaffte, ich bstell öppis. Eigentlich welle ufhöre mit Rauche... aber ja ez trinki gad en aperol, da cha mer sich scho so e "Gnuss-Zigi" genehmige...Mir kennets alli: Ab und zue chunts zu innere Widersprüch, de sogenannte Kognitive Dissonanz. I dere Folg erfahrsch alles dezue, wie sie entstaht, was für Strategie mir Mensche so awendet zum sie uflöse und wie schlimm isch es eigentlich würklich??? Viel Spass und gnüsstes!

I de 17. Folg isch de Kyle Varley, Sportpsycholog us Züri bi eus z`Gast. Mir redet drüber wie mer mit Niederlage umgat, was wichtigi mentali Fähigkeite sind, wie gat mer mit Verletzige um und ganz spannend: Söll mer sini dunkli Motivation würklich witer verfolge und nutze? Check it out: Zum Kyle: https://kyleardenvarley.com/ 4 Quadrant vo de Attributionstheorie: https://www.spektrum.de/lexikon/psychologie/attribution/1584Optimale Leistungszustand: https://rtp-alpin.deutscherskiverband.de/trainingstheorie/sportpsychologie/aktivierungsregulation/

Hoi zemmeChlises Chrüsimüsi mit de Folge: Mer hend die Folg müsse vorzieh, will mer no uf sOK vomene Gast wartet.I dere Folg gahts ums Reflektiere und wieso es mengisch so schwer isch, dass mer sich Ziit für sini eigene Gedanke nimmt.Ihr findet sModell vom Gibbs da: ⁠Gibbs Reflective Cycle⁠Und da findeder no die Verteilige vo Persönlichkeite: ⁠Grafik⁠Und ganz wichtig!! Wenner Muster bi eus erchenned oder eus eifach eui Fremdwahrnehmig wend geh (chan au eifach es Feedback sii), denn schriebed eus bitte unbedingt, mir schätzed das sehr!

Warum seget mir Ja, wenn mir oft nei meinet?Was steckt dehinter, was sind "People Pleaser" und warum nei sege dir niemert übel nimmt.I de 15 Folg gaz voll und ganz ums Thema Nei sege. De Tim und de Ivo redet über unterschiedlichi Gründ, warum das eus so schwer chan falle und au was ihne hilft, besser chönne NEI sege.

In däre Folge tauched mer i di wilde und skurrile Welte vo psychologische Theorie und Experiment ab. Mir lueged, warum s'vielleicht e gueti Idee isch, s'erscht Date uf e Hängebrugg z'verschiebe, was es Chind dezue bringt, zum e Puppe z’erschüsse, wie mir eus i Gruppe verhaltet und warum mir im Lift eigentlich immer i di glichi Richtung lueged. Und mir lüget sogar a, wieso e Autoritätsperson eus dezue chan bringe, dass mer tödliche Elektroschocks verteiled.Psychologie, wo zum Schmunzle, Stuune und Nachdenke ahregt. Chaos garantiert. 🌀Lift-Video: https://youtu.be/aOOsfkM-nGQ?si=3X5iTL4Q4EQ_I92dWartezimmer Video: https://www.youtube.com/watch?v=Ka1jEn_Kbjk

I de 13. Folg gaz rund ums Thema Erwartige. Vo wo chömet eigentlich all die Erwartige? Erchlärt anhand vom Malzacher & Tenger Modell redemer über Erwartige vo andere, vo de Gsellschaft und die eigene. Achtung: Oftmals sind Erwartige au unbewusst bzw. implizit, das macht die Sach gad no spannender. Viel Spass! Outro-Song: Id Badi ga - Laurent & Maxhttps://open.spotify.com/intl-de/track/2qZcyOl2titinL247N0Xj0

Im zweite Teil zum Thema ADHS sitzemer wieder mit de Elena Arici zäme (mehr zu Elena). Mir redet drüber, wie sich ADHS im Alltag zeigt, was d’Diagnose für Betroffene und ihre Umfäld bedeuted, und wieso ADHS nöd nur Schwierigkeite, sondern au Stärche mit sich bringt. Was für Unterschied gits zwüsched Manne und Fraue und wie gseht ADHS im Erwachsenealter uus?Egal ob du selber betroffe bisch, im Umfeld Lüüt mit ADHS hesch oder eifach interessiert bisch – i däre Folge gits viel alltagsnahe Infos, Erfahrige und Tipps.Wichtigi Links:👶 Für Eltere mit Chind, wo ADHS hei: elpos.ch👩‍🦰 Für Erwachsene mit ADHS: adhs20plus.chLos inne und lern mit üs zämme no meh über ADHS.

Wie gstaltet mer sin Alltag, chasch du dich konzentriere oder zabblisch numme und wieso zur Höll düemer als ADHS-ler immer Sache uufschiebe. Das Thema AD(H)S ist brandaktuell, unzählige Zeitschriftenartikel, Dokumentationen und Social Media Beiträge versuchen das Thema zu erfassen. In der 12. Folge sprechen wir mit Elena Arici, Psychologin und Praxisinhaberin. Sie arbeitet seit über 20 Jahren mit Menschen, die eine ADHS Diagnose erhalten haben und öffnet neue Perspektiven auf das Thema ADHS.

Push-Nachrichten, endlose To-do-Listen, ständig online – digitaler Stress betrifft uns alle. In dieser Folge von Chopfchaos tauchen wir ein in die Psychologie hinter dem digitalen Overload: Was genau ist digitaler Stress? Welche Auswirkungen hat er auf unser Gehirn, unsere Konzentration und unser Wohlbefinden? Und warum fühlen wir uns manchmal gestresst, obwohl wir "nur" am Handy waren?Wenner chli good old analogi Lektüre wend:https://shop.lindeverlag.at/buch/digitaler-stress-19019Wenner doch lieber das ganze in digital und unterhaltsam wend: InstagramStressmodell vom Lazarus wenns Audio eu verwirrt het.

Who the f**k isch de Csikszentmihalyi??In unserer Jubiläumsfolge tauchen wir tief in die Welt der Positiven Psychologie ein und stellen euch das PERMA-Modell vor. Was verbirgt sich hinter diesen fünf Buchstaben und wie kannst du sie nutzen, um dein Wohlbefinden nachhaltig zu steigern? Wir sprechen darüber, warum positive Emotionen nicht alles sind, wie Beziehungen als Kraftquelle wirken und wie du durch Sinn und Zielsetzung mehr Erfüllung im Alltag finden kannst. Ausserdem teilen wir unsere persönlichen Erfahrungen mit den PERMA-Komponenten und geben dir praktische Tipps, wie du PERMA direkt in deinen Alltag integrieren kannst. Hör rein und entdecke, wie kleine Veränderungen grosse Wirkung haben können!Ihr findet de Charakterstärken-Test uf https://www.charakterstaerken.org

Folge 9: "Networking – meh als nume Visitekarte z'übergä"I dere Chopfchaos-Folg wird’s sozial! Mir redet über Networking – öpis, wo viellicht bi dä meiste für unangnehmi Smalltalk-Moment sorgt, aber eigentlich so viel meh cha sii. Wie baut mer sich e ehrliche und nachhaltigi Beziehung uf, ohni dass mer sich wie en Verkäufer fühlt? Wieso isch Networking nöd nume öppis für Business-Events, sondern au für s'ganz normal Lebe wichtig? Und wie gasch mit dem um, wenn du eher introvertiert bisch?Mir teiled eusi eigene Erfahrige, lüfted paar psychologischi Tricks und reded drüber, wie mer demit chan anfange.Los ine, wenn du willsch wüsse, wie mer mit weniger Cringe und meh Authentizität sini Kontakt chan pflege und vielleicht sogar d'Freud am Networking entdeckt.

I de achte Folg wird schnell Hose abeglah! Mir redet über eusi eugene Emotione und wie mir demit umgönd. Was mir für eus glernt hend und wo mir Schwierigkeite hend.

Vom höchste Höch, zum tüüfste Tüüf; vom Runners-High zu "de Wand". In 42 Kilometer erlebt mer so einiges. De Ivo redet über sini Erfahrige und was mer useme Marathon-Erlebnis fürs Lebe chan lerne.

I de 7 Folg luegemer die 4 Grundbedürfnis vom Klaus Grawe ah. Wieso füehret sie dezue, dass mer Konflikt hend, wenn sie nöd befriedigt sind, was mer für eusi eigeni Emotionsregulation chönd lerne und wieso genau Veränderigs-Prozess so schlimm sind für die Grundbedürfnis??Shoutout ad Sybille Infanger. Wenner interessiert sind was sie so macht, gönd doch mal go verbiluege uf https://jobstyle.ch.Here we go!

I de 6. Folg gahts um Heuristike und Biases. Mer zeigen uuf, wo mer überall Denkfehler mached und wo das au i de Politik passiert! Wieso düemer eus immer bestätige, warum werded Problem immer komplexer und wieso du nöd wetsch mache, was dir öper befiehlt!Los inne und find use, wo au mir dummi Denkfehler mached!

Warum mir ticket wie mer ticket!I de 5. Folg redemer drüber wie mer lerned und wie mer konditioniert werdet. Mer gend es Update, wies am little Albert gaht, was am Pavlov sin Hund het müese mache und lösed uuf, wieso de eine Song bi dir immerno uuslööst, dass du muesch a ihn oder sie denke.

Sind Emotione universell? Zeiged alli ihri Emotione gliich und was hend Powerposes demit ztue, wie mir eus fühled. I de 4. Folg redemer über dBasisemotione vom Paul Ekman, dPowerposes vo de Amy Cudy und de litttle Albert chunt au no irgendwo vor!

Euses Arbeitsgedächtnis isch super wichtig zum Information aktuell zphalte und zbearbeite. Es wird aber leider au super schnell abglenkt...Was mer degege chönd mache und vieles meh i de 3. Folg.

Nudges sind chlini Ahstupser wo eues Verhalte chönd beihflusse. Wie die aber genau funktioniered und wie mir sie selber für eus chönd nutze, erfahreder i de 2. Folg.

Was isch de Circle of Influence? Wie chasch du Kontrolle über Situatione i dim Lebe a dich neh und wie setzet mir de Circle of Influence i eusem Alltag um? All das erfahrsch i dere Folg. Viel Spass! :)

Und so gahts los! Zwei Psychologe us Züri versuechet Chaos im Chopf e chli uufzruume und psychologisches Wüsse zteile!Mer freued eus, dass es los gaht und chönd chum erwarte, eu die ersti richtige Folg denn am 6. Januar zpräsentiere. Thema: Circle of Influence.Ihr findet eus uf YouTube, TikTok oder Instagram mit Churzvideos @chopf_chaos