diesundas.

Das isch d’Datingfolg Volume II. Es sind etz zwar nur no 50% vo de Podcasterinne single, aber die andere 50% chönd sich no guet a d’Datingziit erinnere. Mir reded über online vs. offline Dating, Stressfaktore wie unterschidlichi politischi Asichte und wiemer d’Balance findet zwüsched swipe und mal Pause mache. Wie chömer romantischi Beziehige dezentriere und was sind Gründ, wieso das mir überhaupt i Beziehige wennd si? Und vorallem; was sind Gründ, wieso snöd klappet? Da werded ihr eusi Expertinnemeinig dezue ghöre.Linkshttps://www.youtube.com/watch?v=eMAXQxVWCc0https://time.com/6966317/dating-polarized-world-essay/https://open.spotify.com/episode/20ZEMefph8ym6Sw8Rfem8O?si=1_XWGNlAQy-cWSff7iymMQhttps://open.spotify.com/episode/27xZPDi4mg280ndNQtwpnJ?si=YLl68rcDSGWgU4xqJPdqxQ&ct=49&t=212

Willkomme zruuug im neue Jahr! 2026 und diesundas isch immer no am Start. Mir hoffed, ihr hend sJahr guet agfange und mit eus uf de Ohre wird sJanuarloch chli erträglicher (oder unerträglicher?). Mir stelled eus gegesiitig Frage wo irgendöbis mit em 2026 ztue hend. Mal lustig, mal ernst, aber immer mit ehrliche Antworte! Und was meined ihr so zum neue Jahr? Hoffentlich stönd dSterne guet!

Insta anstatt Idee, Browser anstatt Buech, scrolle anstatt Sport, subermache anstatt Studium. Wenn dir das bekannt vorchunt, bisch wahrschindli au Expert:in im prokrastiniere. Aber kei Angst, du bisch da i gueter Gsellschaft. Wie hängt Prokrastination mit Stress und Perfektionismus zeme? Wieso bin ich so fuul? Mir reded natürli au über Tipps geg s’Prokrastiniere und hoffed, du findsch öbis wo dir hilft, wenn snächste Mal im Freeze Modus bisch und nüme witerweisch. Usserdem redemer bitzli über svergangene Jahr und merked debi, dass euse Podcast sganze 2025 dure gäh het. Allne en guete Rutsch und mir freued eus uf snächste Jahr mit eu!Linkshttps://open.spotify.com/episode/7Dk5gTQ0GW2vE0SaPa0Ge9?si=G_KjTu7dQAuFrFaccjbB3Q&t=271&ct=108https://open.spotify.com/episode/0p3EZFRsuGruzjj7IQwf9P?si=BHLJmo4qREO2smhNBO9OJA&t=1345https://www.privatpraxis-psychotherapie-bonn.de/glossar/prokrastination/https://www.verywellmind.com/the-psychology-of-procrastination-2795944

Euse hütigi Gast isch niemert anderst als de Johannes aka Hoji, (ehemalige) Radprofi und Ex-Mitbewohner vo eus, usserdem Kaffikenner und Barista, schaffe tuet er nebedbi au no. Er isch als Jugendliche dütsche Meister gsi im Teamziitfahre, 2018 sechste worde bi de Tour of Antalya und usserdem isch er a de WM mitgfahre. Er redt mit eus über sin Weg vo sine erste 1 Kilometer Radrenne als Kind, über Stürz und mentali Challenges, zum Karriereendi und was für e Rolle de Radsport hüt i sim Lebe spielt. Heter öbis bereut, was het sich i de Radszene veränderet über all die Jahr und was het ihn de Spitzesport glehrt? Er git eus au no sini beste Buech-, Podcast-, und Filmtipps.

Happy Cyber Monday! Scherz, alles Kommerz. Mir reded hüt über alles wos um Rabatt gaht. Black Friday, 50% Agebot, sogenannti Schnäpplis, Mangelwar und au de Single Tag (yes, it’s a thing). Wieso jaged mir überhaupt ‘Deals’ hinedri, was isch de Bsitztumseffekt und wie vil Päckli verschickt d’Post i de Schwiiz um de Black Friday ume? Es werded Tipps besproche wiemer eus vo de Versuechig fern halted und bi was mir glich nöd chönd widerschtah. Viel Spass miteme Gym Desaster und de Schnäppchenjagd.Linkshttps://www.psychologytoday.com/us/blog/consumption-and-lifestyles/202411/why-we-shop-on-black-fridayhttps://www.blackfridaydeals.ch/zahlen-fakten-black-friday/

Mir sind zruuuug. Nach foif Wuche. Es isch vil passiert und irgendwie au nöd. D’Michèle isch in Südafrika gsi, het d’Golfschläger wieder mal uspackt (beziehigswiis gmietet) und d’Lisa het de trockni Herbst in Züri ufem Roller erlebt. De Podcast isch 1 worde und d’Lisa 31 meh. Es gaht i dere Folg um Selbstwert(gfühl) und vil Begriff wo ähnlich töned, ähnlich sind und mir immer nonig gnau tschegged was genau de Unterschied isch, simer mal ehrlich. De Selbstwert zerhöche ghört zu eusne Grundbedürfnis, aber das isch irgendwie gar nöd so eifach. Mir probiered trotzdem über hilfrichi (und villicht au weniger hilfrichi) Tipps zrede und was de Selbstwert für eus überhaupt usmacht. Welcome back, schön bisch da!Linkshttps://open.spotify.com/episode/1hesbAgj9fytJqwCKcyGMl?si=Ce6v9gFjQ822BH-kCDNJaQhttps://www.youtube.com/watch?v=847eCuLlIdohttps://www.youtube.com/watch?v=EirlZ7fy3bEhttps://positivepsychology.com/self-worth/

D’Lisa het en Fangirl Moment gha und d’Michèle e lustigi Begegnig im Alnatura. Bald packt d’Michèle ihri sibe(zg) Sache und gaht die wiiti Welt go entdecke. Drum hemer denkt, mir reded mal über Veränderige. Mir liebed Veränderige, also solang si selber gwählt sind, aber si chönd au Angst mache. Weli hend eus prägt, weli Frage chamer sich stelle bi unerwartete Veränderige und was chan helfe, mit Veränderige umzgah? Mir erkläred Luminalität und de Heraclitus git sin Senf au no dezue. Guete Wuchestart ihr Liebe!Linkshttps://www.youtube.com/watch?v=Q2s-WLW6UxUhttps://www.psychologytoday.com/us/blog/here-there-and-everywhere/201701/10-ways-to-cope-with-big-changeshttps://www.youtube.com/watch?v=Tt0arZN6EBMhttps://open.spotify.com/episode/2uJBPVsBGvffCQsRrDyxR5?si=2hYp2JgTSGGqVB-fyVyv0Ahttps://open.spotify.com/episode/6ZZZiFtQWJ3DbzzV2KmqVb?si=ubsKLst9SsSqwmx_9EHMsg&context=spotify%3Aplaylist%3A78pDsmzAIHL1jZU1mndDr4

Also hä wie etz? Scho wieder diesundas? Jaaa ihr ghöred richtig, mir hends doch nach zwei Wuche wieder gschafft mitere neue Folg (ob das in Zuekunft so blibt staht no i de Sterne). Probiers mal mit Gemütlichkeit, mit Ruhe und Gemütlichkeit… De Balu weiss uf jede Fall wies funktioniert. D’Michèle chas au zimli guet, d’Lisa ischs no am üebe; wie mit Stress umgah. Weli Situatione stressed eus am meiste und i was für Symptom üsseret sich das. Mir reded usserdem über die verschidene Arte vo Stress und was i eusem Körper genau passiert, wenn mer gstresst isch. Und mir sind au nur scho gstresst vom über Stress zrede (zumindist öber vo eus). Au gits es paar Tipps und Tricks zum Stress vermide oder wenn er scho da isch, mit ihm fertig zwerde. Am Schluss git eus d’Michèle no en chline recap vom Alpebrevet (yes, she did it!) und en Usblick uf die nächschti Velochallenge. D’Michèle isch dur Stress vergesslich worde, drum vergisst sie de Sportjingle. Nöd so schlimm, stelled en eu eifach vor (oder no besser, singed ihn luut). Links​https://www.who.int/news-room/questions-and-answers/item/stresshttps://open.spotify.com/episode/01avf9b8EGW456IANEYHH2?si=Dz45vsPQSHG8V_VmrH0daw&context=spotify%3Ashow%3A6FR54VBmUrzGyG18VD1ikv​https://www.usz.ch/krankheit/stress/https://www.bfs.admin.ch/bfs/de/home/statistiken/gesundheit/determinanten/arbeitsbedingungen.html​https://www.bfs.admin.ch/asset/de/3186645

D’Michèle dropt zerst mal News zu eusem Podcast und denn gaht’s los. Was ghört alles uf d’30-er-Checkliste? Hürate, Chind, Job, Huus. Wie stabil sind mir als Fraue um die 30gi ume? Mir reded vorallem über s’Hürate, Chind ha und Wohneigetum. Und da scho mal en chline Spoiler: Mir chömed nöd so vil 30er Pünkt über. Am Schluss machemer no e chlini Imaginationsreis und stelled eus vor, wie euses Lebe jetzt anderst wär, wäremer mit eusne Expartner zemeblibe.Links https://www.bfs.admin.ch/bfs/de/home/statistiken/bevoelkerung/heiraten-eingetragene-partnerschaften-scheidungen/heiratshaeufigkeit.html https://www.bfs.admin.ch/bfs/de/home/statistiken/bevoelkerung/familien/kinderwunsch-elternschaft.html https://www.bfs.admin.ch/bfs/de/home/statistiken/bevoelkerung/familien/paare.htmlhttps://www.bfs.admin.ch/asset/de/32486281

Wie guet sind mir im Entscheidige treffe, wer vo eus isch maximiser und wer satisficer und weles sind eusi schwierigste Entscheid gsi? Und gits falschi Entscheidige? De Kierkegaard het gseit, egal wiemer eus entscheidet, ironischerwiis entscheidet mir eus für all Optione, will die womer nöd wähled, verfolged eus als Geist oder Echo dur s’Lebe. Mir reded drüber, wie mir Entscheidige agönd, was eus hilft und weli Tipps mir i Zuekunft werded usprobiere (d’Recherche dezue isch ergibig gsi). Egal wiemer eus entscheidet, es wird immer au Lebe gäh, womer nöd chönd lebe. Und genau drum sind Entscheidige treffe mengmal so schwirig.Linkshttps://www.psychologytoday.com/us/blog/our-devices-our-selves/202508/how-to-make-decisionshttps://open.spotify.com/episode/2bnWq2bXz7DMSB8eYwFw0y?si=YCJ1iISuSyuoVbrMB6YgVAhttps://open.spotify.com/episode/3oGKhjaEXKVIE5PxazTqQH?si=nZCsC1ccSByOSXZGs7jXvQhttps://open.spotify.com/episode/4XzP1y8sT7iztQl3n4QMHy?si=A3jTAb4jTPmR6M3lLRhTcA

Mir schwelged i de Vergangeheit; was hemer hüt voreme Jahr gmacht? Spoiler: gloffe. Lang! D’Lisa weiss nöd mal meh was si und d’Michèle vorere Wuche gmacht het. Spoiler: tanzt. Nöd so lang. Hüt gahts um s’Thema Perfektionismus. Unrealistischi Erwartige, kritischi Selbstischätzig, Prokrastination. Wer kennts? Mir reded über d’Ursache, d’Folge und was mer chan mache, zum de Perfektionismus in Schach z’halte. Und was isch maladaptive und adaptive Perfektionismus? D’News us de Sportszene chömed dasmal us Göteburg: Abklatsche, Frisbeegolf und Hobbyhorsing stönd ufem Programm. Links* https://www.sunburstpsych.com/blog/what-is-the-root-cause-of-perfectionism* https://www.goodtherapy.org/learn-about-therapy/issues/perfectionism/overcome* https://www.forbes.com/health/mind/perfectionism/

Wer vo eus fangt bald wieder a Fuessball spiele und wär wür immer nur foule? Anstatt Highs und Lows het d’Schelmi mal paar Frage mitbracht zum Start, will euses Lebe so durchschnittlich isch und weder Highs no Lows beinhaltet (Scheeerz!). Was isch eusi letzt Gönnig gsi, weli Trends nerved langsam und was isch euse aktuelli Emojivibe? Mir reded i dere Folg über Essstörige und verzelled eusi persönliche Erfahrige demit. Was verbindet all Essstörige mitenand, was sind Unterschied und wie vil Lüt sind devo betroffe? Mir reded über Bulimie, Binge-Eating und Anorexie. Was sind Uslöser gsi bi eus und wie gahts eus aktuell demit? Was würed mir Betroffnige mitgäh? Und was natürli immer gilt: Alles i Masse. Ussert Schoggi, das en masse!Links* https://sges-ssta-ssda.ch/

Mir sind i de Berge viel Kilometer gradlet und grennt. D’Lisa isch drum richtig erschöpft und d’Michèle erst recht motiviert. Wies im hohe Norde gsi isch ufem Schiff erfahremer vo de Michèle und unter was für Umständ de Lisa ihri Birkestock verschwunde sind ghörsch au. Hüt simer zrug mitere Laberfolg. Es gaht um würsch du eher DIES oder DAS. Meer oder Berge? Hürate oder trenne? Unscharf oder schwarz-wiis? Es gaht um Amöbe, Ängst, hüpfe, s’Lebe neu lebe und d’Emma Watson. Und au bitzeli um Elefante und Hüehner.

Premiereeee! Hüt isch s’erste Mal e Gästin bi eus - und was für e unglaublichi Socke! Mer chönti meine, si macht amal de Podcast und mir sind s’erste Mal debi, drum übernimmt si au gad mal s’Intro für eus. D’Lorena redt mit eus über ihri Erfahrig schwanger zsi und sich für en Schwangerschaftsabbruch z‘entscheide. Mir derfed si alles fräge und d’Antworte berüehred eus uf ganz vilne Ebene. Mir erfahred Aspekt zum Thema Abtribig, wo mir eus nöd bewusst gsi sind und denn isch da natürli de Iblick vonere Person, wo das alles selber durlebt het. Es isch für eus wichtig, nöd über sondern mit öberem z’rede und das Thema belüchte. Zeme diskutiered mir, wieso mir’s so wichtig finded, dass jedi schwangeri Person s’Recht het, chöne abztribe, wie d’Situation i de Schwiiz isch und warum mir Pro Choice sind (#mybodymychoice). Danke Lorena für dini Offeheit und danke allne, wo offe zuelosed. Links* https://www.bfs.admin.ch/bfs/de/home/statistiken/gesundheit/gesundheitszustand/reproduktive/schwangerschaftsabbrueche.html* https://www.who.int/news-room/fact-sheets/detail/abortion* https://www.seco.admin.ch/seco/de/home/Arbeit/Arbeitsbedingungen/mutterschutz/mutterschutz_arbeitgeber/mutterschutz_stillen.html* https://www.sexuelle-gesundheit.ch/themen/schwangerschaft-gewollt-ungewollt/abbrechen* https://open.spotify.com/episode/4SzA8vIFmd2JVHR9JZkhTq?si=9iGbExMuT6yDxJP0dX7OyAwiitere Podcast zum Thema* https://open.spotify.com/episode/64g9V1lHnoYzUFRHqyAhz9?si=hG0-hNdDTtSKykSkx_Lz_g

Mir sind wieder im Rhythmus drin und pünktlich da mitere no lauwarme Podcastfolg. D’Michèle verzellt vo ihrem Triathlon und ihrere Luxemburgische (oder Berlinerische?) Fründin und d’Lisa macht en chline Rückblick uf de feministisch Streik. Hüt redemer über öbis, wo vil gad etz im Summer au wieder mached: (elei) reise. Was lernt eus s’elei Reise, wirds eus mengmal langwilig debi und was isch no uf eusere Bucket List? Hitzig diskutiert wird au, wer vo eus scho i meh Länder gsi isch (ihr erfahreds i de nächschte Folg, mir müend zerst mal zähle, will ja, es isch es chlises Battle). Für all wo Flugangst hend, die Folg machts nöd besser (just so you know). Und etz wünschemer eu en super Wuchestart und planed eui nächschti Reis!Linkshttps://www.goabroad.com/articles/why-traveling-is-importanthttps://adventure.com/why-we-travel-12-universal-motivations/https://www.factretriever.com/travel-factshttps://open.spotify.com/episode/5uw7MOAjmlr70lSEkdXC0i?si=I0tR3pDbQiuS4ZBl5fZmRw

Weg interne Unstimmigkeite chunt de Podcast ei Wuche zspat. Uf Dütsch, mir hend Strit gha. Jetzt isches (fast) wieder guet. Hüt isch alles debi! News us de Sportszene, Chindsgi Plausch, Malle Content und Date Updates. D’Lisa het letzt Mal s’falsche Thema akündigt. Mir reded hüt nämli über s’Thema Feminismus us gegebenem Alass (14. Juni = Feministische Streik!). Was hend Velosättel demit ztue und was bedütet eigentlich ‘Rape Culture’? Weli Männer sind s’Problem, was findemer zu Kleidervorschrifte und was für e Rolle spielt d’Sprach? Wie vil weniger verdiened Fraue i de Schwiiz, was für e Uswürkig het das uf d’Rente und a welne Länder chöntemer eus es Bispiel näh? Und ganz wichtig: Was chömer mache geg die Gaps? Mir hoffed, nach dem chline Input sinder all motiviert zum friedlich uf d’Strass zgah und für feministischi Belange izstah. Will wie d’Marie Shear scho gseit het: Feminismus isch die radikali Vorstellig, dass Fraue Mensche sind.LinksBuch von Agota Lavoyer - Jede_ FrauBuch von Kübra Gümüşay - Sprache und Seinhttps://open.spotify.com/episode/17hbl5CdA6ECeHA1A77l9P?si=09VewoIfRfStvfOx-LDs8whttps://open.spotify.com/episode/1eIn9ULKxhaph3T6CZfbOO?si=mhoW7UA-Sum6zF3vApPQaQhttps://www.bfs.admin.ch/bfs/de/home/statistiken/wirtschaftliche-soziale-situation-bevoelkerung/gleichstellung-frau-mann/einkommen/pension-gap.htmlhttps://www.instagram.com/p/DJE7k-wsPd8/?igsh=M3N2YmwyNm8xd28w

Neus bi eus: Balkonmöbel (i eusere Wohnig), Haarschnitt (bi de Lisa ufem Kopf), nüt (bi de Michèle). Wenn fühlsch du dich gliebt? Nachere lange Umarmig, emene bedütsame Gspräch, wenn du dini Lieblingsschoggi überchunsch, dir öber en Kafi macht am Morge oder du e ufmunterndi Nachricht überchunsch? I dere Folg gahts um d’Theorie vo de 5 Liebessprache. Wo gsemer ihri Vorteil, wie chömer si im Alltag nutze und wo ligged d’Grenze? I eusere repräsentative Studie (aka Insta Abstimmig mit 4 Beteiligunge) hend 75% scho mal vo de Liebessprache ghört. Doch nöd nur mir mached Umfrage zu dem Thema, es isch mittlerwile au im Datinglebe uf Hinge und Co acho. Also drum, find dini Liebessprach use und spread the love!Links⁠https://5lovelanguages.com/quizzes/love-language⁠https://www.simplypsychology.org/five-love-languages.htmlhttps://therapist.com/relationships/love-languages/https://open.spotify.com/episode/6h0beBZik3ousKEQnZSBs4?si=KYGF3erCQpuj3FjtKjRSYQhttps://open.spotify.com/episode/4mYZtIjPiSEFiOC9GmY4Uj?si=XeUAqYjeQzGFcFk_BmsRaQhttps://open.spotify.com/episode/5Rtouvx39nsLzPWGhB7KSA?si=zUSmENgdQ9-TL08p6uSyDQ

D’Michèle isch anere Hochziit gsi und het sich mit em Alkohol extra zrugghalte (us Brides Maid Gründe) und d’Lisa verzellt vom Farbspektrum vo de Tuube in Spanie. Hüt gahts um (kei) Gschwüschterti. Wer vo eus wär lieber es Einzelchind und wie vil Chind wennd mir eigentlich selber mal ha? Sind Einzelchinde und die Jüngste würkli verwöhnt und wer sind d’Rebell:inne unter de Gschwüstert? Irgendwie au beruhigend zum ghöre; die meiste Eltere hend Lieblingschinde (mir hends ja scho immer gwüsst!) und meh als d’Hälfti liebt ihri Gschwüsterti, au wenn mer mengmal nidisch isch uf si (si hend aber au würkli immer meh Süessigkeite übercho). Vieles - aber nöd alles - i dere Folg über Gschwüsterti, d’Reihefolg und die jewiligi Rolle, wo mir innerhalb vonere Familie inehmed.https://open.spotify.com/episode/2Tp16WS5pvEZFjEe6YwDTv?si=t-HQ9phSS7qCymCvqs9HMghttps://open.spotify.com/episode/4xVdG60FhpDpnkY8p2crCF?si=cuWimn7ASHSPHcETjHbT5whttps://open.spotify.com/episode/77RVpLAPYYGo9HwzxtnqLL?si=KghPlD0kQCmHwq81H_fw8whttps://open.spotify.com/episode/4MMJWKKU0XioDkms5x61AI?si=jLa9lT5SRx-vQeyK27zCuwhttps://open.spotify.com/episode/7m0jqWdHgd7ik80gDzT3uG?si=_FzqWd75QN6zIQEE6aNuNwhttps://open.spotify.com/episode/0JGyNw4KdD9a8tEeBGQAfG?si=R9BVZkm5TQyuCk9Kr41IVw

D’Michèle wöt nöd über d’Lows rede, machts aber glich. Defür het si neui Laufschueh extra für de Halbmarathon. Zwar z‘spat kauft (het ich dir scho chöne sege!) aber what can you do. Meh zum Halbmarathon i spätere Folge. D’Lisa isch flissig am Spanisch lerne imene Sprachtandem. Wenn mir nöd Sport mached oder Sprache lerned verbringed mir sehr gern und viel Ziit elei. Das isch au s’Thema vo dere Folg: Introversion (und Extraversion). Wieso mir d’Türe zuemached bim Schaffe, s’Telefon oft nöd abnehmed und mengmal Wuchenend vom Wuchenend bruched - alles exclusiv bi diesundas. Passend dezue seit d’Susan Cain ‘Solitude matters, and for some people it is the air that they breathe.’Links​https://www.youtube.com/watch?v=c0KYU2j0TM4https://open.spotify.com/episode/7IJF4jyOWysAtS7hxuJhVd?si=kW1JW8-RQaWKV_bZ87qy5Qhttps://open.spotify.com/episode/16g6aEJNGk4WAQccHMFaBv?si=LUglf4KIRE--NsS4C0hWfAhttps://open.spotify.com/episode/5Z1mQ8P2Jiqz7jJtGZRvKd?si=HJfykP0TRJqGPFdsVvROhA​https://scilogs.spektrum.de/hirn-und-weg/warum-ist-man-eher-extravertiert-oder-introvertiert/​https://www.youtube.com/shorts/TK5-V-IwfLU

20er oder 30er, was isch besser? Mir hend uf jede Fall paar Vorschläg! Wemer nomal 20i si und am Fritigabig Party hard oder findemer s’Lebe ufem Sofa au ganz stimulierend? Mir teiled eusi Highs und sind im Reisefieber, d’Michèle schafft defür zvil und d’Migräne isch leider zrug. Ja und wies de Titel seit, mir bespreched die neuste Trends in Züri. Ufem Velo. Uf de Bahn gits wieder Ärger. Es git au dasmal wieder Penisgschichte us em Chindsgi, will’s ja würkli das isch wo d’Buebe scho i junge Jahre beschäftigt, nebst em Meitli alocke. (Gwüssi Zemehäng mit em Patriarchat sind da eidütig ersichtlich!). I dem Sinn: Growing old is mandatory, growing up is optional.Linkshttps://www.businessinsider.com/differences-20s-vs-30s-2019-5https://www.boredpanda.com/20s-vs-30s-age-difference-illustrations-lifehack/https://open.spotify.com/episode/7rHQpqHOAHpyi9ifT8BHW9?si=i53DE2cpSAKdMrplHOrCEwhttps://open.spotify.com/episode/7A3Bh8q5bE5Ll6abtZsvcF?si=rx5gahtCQFOpkNa_Wf9j6gBuch ‘Mitte des Lebens - Barbara Bleisch’ https://barbarableisch.ch/buecher/mitte-des-lebens-eine-philosophie-der-besten-jahre/

Die 10. Folg - wow! Immer no en Babypodcast, langsam chömer eus de Nuggi abtrainiere und chömed usem Windelalter use, mir blibed uf jede Fall witerhin dra, wills eus eifach Spass macht. Screen Time und Social Media isch s’hütige Thema. Und will das ja bi eus allne z’höch und z’vil isch, hend mir passend dezue jetzt au no Instagram: diesundas_podcast, willkomme! D’Michèle verratet ihri beste Tipps zum Insta und Co. de Rucke zuezkehre und d’Lisa verzellt, was für radikali Massnahme si scho ergriffe het im Kampf gege d’Bildschirmziit. Mir fräged eus: Wieso reded d’Chinde im Chindsgi plötzli akzentfrei Englisch und weles Land verbringt am meiste Ziit uf Soziale Medie? Und au no wichtig: Derfmer i de Schuel eigentlich furze? Ja und ganz passend dezue: Social Media is free, because you pay for it with your time.Linkshttps://open.spotify.com/episode/5MYqaHfRKxCiPDpB1eieio?si=-HY5Fq6XRLC1be-Fp18adg&context=spotify%3Aplaylist%3A5PLtwe1f2QyuoJVmbApwDEhttps://open.spotify.com/episode/4bgK9oWoHoLAtLk9l1zefs?si=JIzRAIqiQ4GB0nyp5K2nNAhttps://datareportal.com/reports/digital-2024-global-overview-reporthttps://www.youtube.com/watch?v=4TMPXK9tw5U

Warum e defekti Tramtüre d’Michèle zum brüele bringt und d’Dubai Schoggi d’Lisa an Rand vo de Verzwiflig tribt. Neuerdings hend mir au d’Kompetenze zum Hörer:innefrage z’beantworte. Mir tüend e neui Rubrik uf und natürli gits dezue en neue Jingle (#jinglelove). Minimalismus isch s’Thema vo dere Folg. Und mir sind so minimalistisch und seged gar nöd meh dezue. Gnüssed s’Lebe!Linkshttps://www.theminimalists.com/rulebook/https://www.latimes.com/health/la-he-keeping-stuff-20140322-story.html

D’Lisa het Kreislaufproblem wege kalt und d’Michèle wöt nöd gfrägt werde, was si i Zuekunft wöt mache, will si gaht eifach mitem Flow. Mir reded über platonischi Beziehige. Friends are for a reason, a season, or a lifetime (sehr kitschig, aber what can you do?). Weli Faktore halted e Fründ:inneschaft ufrecht und wieso hend eigentlich Liebesbeziehige en höhere Stellewert? Wer vo eus die beste Tipps git inere Krise und wer tüferi Konversatione füehrt wird au verrate. Und nöd vergesse: Du kennsch nonig alli Lüüt wo dich liebe werded und wo du no wirsch liebe. Drum: Spread looove!Linkshttps://www.apa.org/monitor/2023/06/cover-story-science-friendshiphttps://open.spotify.com/episode/0BYj7VCVUN8Fdij9UyIkmx?si=cxdAvRCTTW6dUFJTns74_ghttps://open.spotify.com/episode/6ddv3OEce9kbCFH5PxRRyJ?si=mA89RVVKQAeujewll83HEQhttps://open.spotify.com/episode/0WcXRFbDkM8oWeZbvP3rWB?si=yhOB5VQ6TDa0KQk5qMXx7Q&context=spotify%3Ashow%3A2HGcJRYrjGnpce6bRp8UXmhttps://open.spotify.com/episode/1pjz4s8LDmI2xQNEZXALoq?si=e58Jj6iiSuGniHCcy3dzug

Welcome back, welcome back! Mir bringed unterhaltsami Lows mit. No Garmin, no Training. Isch ja klar! Spätestens, wenn au du uf Strava bisch, weisch vo was mir reded (obwohl vo eus nur 50% i dem Club sind). De Lisa ihres Date isch keis Date worde, mangels z’wenig Infos und naja, was chamer sege, er isch en Ma?! Hüt isch’s chli ernst bi eus, es gaht um MS - Multiple Sklerose. D’Michèle verzellt, wie ihres Lebe mit MS verlauft und au wieso MS ihre nöd Angst macht. Si findets wichtig drüber z’rede, drum machemer das i dere Folg.Linkshttps://www.multiplesklerose.ch/de/

Mir sind zügled, drum, isch d’Soundqualität jetzt extra guet (well, villicht isch das au nur es leers verspreche, finds use!). Wieso d’Lisa ihri Umzugskiste nonig uspackt und warum d’Michèle e Art Philantrophin isch, erfahrsch i dere Folg. Es gaht usserdem um Dating! Banker sind Red Flags und Speedos gebed eus de Ick (de Ick chasch du villicht maximal no mit tüfe Gspräch wieder usgliche). Und apropos Sport: Weisch du was Pumpfoil isch? Nei? Denn bisch nöd elei! Und no öbis: bittebitte gebed doch Trinkgeld. Danke Merci Adieu!

Mir werded im neue Jahr au nüme jünger. D’Michèle isch etz sogar scho so wiit, dass si ihres Bett büglet und föhnt (Spoiler: gnützt hets nüt). Aber Frau Doktor wirds ja wüsse. Mir helfed dir debi, dini Neujahrsvorsätz durezzieh und verzelled vo eusne. Es wird sweaty, finanziell und au intellektuell. Links https://open.spotify.com/episode/5otKi3rrxfN6EZPntVz2t9?si=uNTF7NpvR5ST-QtowuNdMg

Wer a Wiehnachte igschlafe isch und wie s’Flötespiel tönt het, erfahreder i dere vierte Folg vo diesundas. Aber au warum mir Wiehnachte negscht Jahr abschaffed (Spoiler! D’Lisa tscheggt immer nonig gnau wie das Fest funktioniert. Hä, weles Fest?). Mir reded hüt vo eusne Challenges: vo Triathlon, über Vasalauf und Alpebrevet, bis zu Meditationsretreat, Schoggientzug, kalt dusche und neui Sprache lerne isch alles debi. Wieso isches eigentlich so schwer, weniger nachem iPhone zgrife? Und was sich natürli all scho fräged; wie tönt de Sportjingle? Stimm ab und lass eus wüsse i de Kommentär, was dini Lieblings-Challenges sind und mit was mer dich jage chan. Links Studie ‘How are habits formed: Modelling habit formation in the real world’: https://onlinelibrary.wiley.com/doi/full/10.1002/ejsp.674 Audiobook ‘Atomic Habits’: https://open.spotify.com/episode/0cGcwiNrJ9eao27rokGTFc?si=uWzE7rp9S4OOKd3cqZsLcw https://open.spotify.com/episode/2tWiKRR72VH2bNvfcVAkpW?si=eaL_ZrTfSoKp0QSNrXcGNg https://open.spotify.com/episode/0ggdTVD7StDHItwgeK13X1?si=KATfH2TGRoOldJCJze2AHg&t=7699

D’Michèle verzellt, dass si sit si erwachse isch überzügti Atheistin isch und de Lisa muess zerst mal erklärt werde, was für es Fest a Wiehnachte gfiiret wird. Mier reded hüt über Unsicherheite, wer wöt nöd gern drüber rede? D’Michèle het mengmal es Loch im Kopf, lönd eu nöd devo ablenke. Vo Unsicherheite im Job bis zum unsichere Bindigsstil isch vieles debi. Us de Sportszene gits nüt Neus, aber defür het s’Abstimmigsergebnis es 100%igs ‘ja’ für en Jingle ergäh (danke a dere Stell a die einti Person wo absgtumme het nebst de Lisa!). Drum denked dra dasmal fliessig abzstimme (e 5-Sterne-Bewertig alternativ wird au akzeptiert). Vil Liebi vo eus a alli! Links https://www.onattachment.com/resources (Free Guide - Attachment 101) https://open.spotify.com/episode/2U3y84inSPgJU09UU7yu9z?si=i58abz-2QIyfCzIJMparaA&t=101

D’Michèle beglicht ihri Schulde, d’Lisa verzellt wo de Pumpkin Spice Latte würkli, würkli, würkli guet isch und wer sis Brot in Züri verlore het. Mir reded übers Schaffe-Pause-Kaffi trinke, wo uf de Welt d Life-Work-Balance top isch und was mir mached als Usglich zum Job. Und es git au wieder News us de Laufszene, leider no ohni Jingle. Links ⁠⁠https://edition.cnn.com/2024/10/25/business/iceland-shorter-working-week-economy/index.html ⁠ ⁠⁠https://www.sp-ps.ch/partei/sp-frauen/unsere-themen/⁠ ⁠https://www.kmu.admin.ch/kmu/de/home/aktuell/news/2022/ungleichheit-zwischen-frauen-und-maennern-in-der-schweiz-weiterhin-hoch.html⁠

Wieso öper miteme Chinderwage uf de Bahn rennt, wie d Michèle s Uswandere uf Fribourg überlebt het und wo d Lisa mit 4/5 Hund in Tarasp gwohnt het.