holy screen

بالحلقة الأولى من بودكاست Holyscreen نعرفكم على طاقم العمل والأدمنية ونعرفكم على البودكاست؛ شنو راح يكون وشنو راح يتضمن ومنو حيكون موجود ويانا بالحلقات الجاية. ونشارككم أيضاً بآرائنا على الأفلام والمسلسلات الي شفناها وحبيناها بالفترة الأخيرة. انضموا ويانا كل اسبوع وشاركونا بالنقاش واذا عجبتكم الكعدة، تعالوا ويانا شربوا چاي حار وسولفوا على اقرب انتاجات السينما لگلبكم. ولتخافون، ماكو حرگ!

حية طيبة  هذه مراجعة فيلم توب غان مافريك احداث توب غان مافريك اتصير بعد مرور 35 سنة من الجزء الأول. توم كروز يلعب دور كابتن بيت ميتشل المعروف بلقب مارفيك، طيار حربي متهور لكن ماهر جداً، بيت اصبح عمره فوك ال60 سنة لذلك خيرته إدارة البحرية الامريكية بين التقاعد او تدريب مجموعة طيارين شباب. فيختار تدريبهم داخل برنامج تدريب للطيارين النخبة اسمه توب غان. تماماً مثل الفيلم الأول، الاحداث مبنية على تنافس بين هؤلاء الطيارين وتدريبهم على مهمة خاصة شبه مستحيلة و احنه في عصر الؤثرات البصرية اصر توم كروز على استخدام طائرات حربية حقيقية والاهم خله الممثلين داخل هاي الطيارات بعد تدريبهم لمدة 3 اشهر.. توب غان مليء بمشاهد الاكشن الرائعة والاهتمام بالشخصيات وتطورها بمرور الوقت، هيج أفلام اصحبت نادرة بزمن التركيز فيه بس على المشاهد البصرية الضخمة الطرشة. نصيحة شوف الفيلم على اكبر شاشة ممكنة حتى تستمتع بالتجربة وهو حالياً يعرض بالسينما العراقية