Jetzt redet mir

E Gschicht, wo zeigt, wie dünn dLinie zwüschet funktioniere und Zerbreche si cha.
Wie lut es im Kopf werde cha, während nach usse alles still würkt.
Und was passiert, wenn me beginnt, sich selber würki zbegegne. Izzy verzellt über ihres Lebe, Essstörig, ADHS, Mobbing, Suizidgedanke und was ihre au ghulfe het. Die Folg isch kein Ratgeber. 
Sie isch ehrlich. Roh. Und nöcher dra, als me vilicht erwartet. Danke Izzy.

Mitm Velo vo Züri uf Japan. Patrick teilt sini Erfahrige mitm Chrigi ,Michael ,mir & de Community. Vorallem, wie er sich dem innere Schweinehund gstellt het. Er enthüllt au Storys wo ihr vo ihm nonig kennet. Zudem redemer über Kampfsport, Philosophischi und Gsellschaftlichi Themene, Storys us de Vergangeheit und e fetti ladig Lachflashs. Ganz nachm Motto: Lernemer vonenand, lachemer mitenand!

Mini hütigi Gästin isch Rachele. Mir redet offe und ehrlich über dPfleg, was lauft falsch, was muess sich ändere. Wo sind die Schatte und Sunnesite. Und vorallem fürd Community einigi Tipps und ahlaufstelle wenn ihr Unterstützig bruchet.www.iaha.chwww.jetztredetmir.ch

Vier Manne, ei Kamera und alles was passiert, wenn me eifach mal frei rede derf. Achtung die Folg enthaltet vulgäri Sprach. Nehmet teil, amene typische Gspröch mit mine Jungs und mir. Viel Gelache aber au das einte oder andere wichtige Thema. Locker und ehrlich.

⚠️ Triggerwarnung: In dieser Folge geht es um sexuelle und häusliche Gewalt.Meine Gästin spricht offen über Erfahrungen aus ihrer Vergangenheit. Zum Schutz ihrer Identität und ihrer Kinder, habe ich mich bewusst dazu entschieden keinen Namen zu nennen und die Folge ohne Video zu posten.Diese Folge soll auch eine klare Botschaft senden:Gewalt, körperlich oder psychisch, gegen schwächere oder verletzliche Menschen ist niemals okay.Wenn du betroffen bist: Du bist nicht allein. Wenn du kannst, sprich darüber und hol dir Unterstützung. Schweigen schützt oft nur die Täter.

Min hütige Gast isch Raul Marugan. Mir redet nöd nur über Droge - mir redet über das, was dehinder steckt. Über Scham, Schutz, Familie, übers Bedürfnis gliebt zwerde und die Sache wo me jahrelang verdrängt. Über das, was nie gseit worde isch - bis jetzt.

Min hütige Gast de Mirco aka Bireweich. Bruchsch au Pause vo de Fake Social Media Welt? Denn herzlich willkomme. Die Folge isch ohni Blatt vors Mul, ohni Filter, Feestaub und Schickimicki. Sie isch roh, ehrlich und vor allem direkt. Die Hütigi Toppings: LGBTQ, Frauenhass, Rassismus, Systemfehler, Straftaten und Dorgenkonsum.

Herzlich Willkomme im neue Studio. Hüt wieder mitm Leroy. Ohni ein Gedanke zmache was mir ufneh werdet simmer ine gstürmt. Toppings: Wie ischs lebe zu dir, e gueti Rundi entweder-oder und zum Abschluss en Waldspaziergang

Eine langjährige Freundin ist zu Besuch. Elena erzählt über ihre Realitystar-Karriere, mit allem was dazu gehört die Sonnen- sowie auch die Schattenseiten. Wie kam es dazu und wie ist das Leben so hinter den Kulissen. Wir reden über die Shows, über unsere Freundschaft, die Mutterrolle und über die menschliche Psyche. Zudem: Wie ist Elena so im Privatleben?

Ich han keis Konzept gha. Ha öppis glese ih de Nachrichte, bin hässig worde und ha die Unverständniss ih mir mit eu welle teile.

Triggerwarnig: Es fallet au Fluechwörter. 2 Jahre Jubiläum vom Podcast. Wie ide erste Folg, eifach mal es typisches "Sunntigs"gspröch. Theme wo eus aktuell beschäftiget. Manne&Fraue, Bezihig oder eifach die Frag, chan ich liebe wenni mit Lebe beschäftigt bin... E folg mit Humor, Tüfgang und vorallem Echt si!

Du lächelst, schluckst runter, hältst die Klappe - und nennst es Stärke. In Wahrheit gibst du jeden Tag ein bisschen von deiner Identität her. Diese Folge ist dein Weckruf, bevor du dich komplett löschst!

In der Folge Pause, geht es um eine unbequeme Wahrheit: Nicht sie sind das Problem. Sondern das System - uns undere eigene Rolle darin. Wir scrollen, konsumieren, vergleichen - und merken nicht, dass wir dabei auf „Pause“ drücken. Nicht auf das Video. Sondern auf unser eigenes Leben.

Alle guten Dinge sind drei. Schön bisch wieder da NBA! De Brüeder het wieder geili Snacks mitbracht, aber au unagnehmi, suuri Themene. Sprach isch vulgär aber zu 100% authentisch. Schön sinder wieder debi bi süesse Snacks aber suuri Themene.

Diese Folge ist nichts für nebenbei. Sie ist für alle, die funktionieren, aber sich selbst kaum noch spüren.Diese Folge trifft dich dort, wo du dich lange nicht mehr gespürt hast. Unbequem. Ehrlich. Und vielleicht der Anfang von etwas Echtem.

De Brüeder Enbiya isch wieder zGast. Mir begrüesset eu zur neue Kategorie. Mir esset verschiedeni Snacks vom SüssundSauer-Shop und redet über Sache wo nöd so süess sind. Eher Suur. E Folg mit viel Witz und Tüüfi.

Isch ADHS e Krankheit, e Usred oder e Superkraft? Einige Gedanke und Fakte alles zum Thema ADHS. Es wird amigs unbequem aber ehrlich und respektvoll

Eigentlich het de Leroy e Umfrag gmacht uf insta und het 1000 Themene bracht. Bin chli kritisch gsie und ha denkt mir startet mal is Gspräch mitm Kartespiel “We are not really Strangers“ es Spiel mit tüfe Frage zu sich besser kenne lerne (Au guet für Dates). De Zuefall het entschiede dass mir die andere Themene zumene andere Zitpukt verschiebet. Und das Meisterwerk isch debi use cho…

E neui Episode vom Format „Jetzt lernet mir.“ Es Thema wo oft gwünscht worde isch: Angst & Panikattacke. Chli Fakte, aktuelles und die menschlichi Psychie. Au en chline Exkurs ih mini Gedankewelt. Untypisch bi dere Folg, ich stelle eu sehr viel Frage und lah sie unbeantwortet. Vilicht lösts es Nahdenke ih eu us…

Herzlich Willkomme zunere neue Folg vo Jetzt redet mir! Hüt zu Gast Enbiya vom SüssundSauer Shop. Er und sin Couse hend sich selbstständig mit dem Verkauf vo Süessigkeite gmacht. Was steckt hinter dem TikTok Wunder Duo. Alles nur Show oder richtigi Macher Mentalität? Vieli Fanfrage wo gstellt worde sind werdet beantwortet, zu dem wird de Gwünner vom Gwünnspiel bekannt geh.

Ha mega Freud min nöchste Gast zbegrüesse: Sali Fabian! Ihr kennet ihn au als „der Praktikant.“ Fabian isch eine vo de erfolgrichste Content Creator ide Schwiz und teilt sis Wüsse mit eus! Gratis-Tipps für jede! Ganz nachm Motto vo Jetzt redet mir: lernemer vonenand und lachet mitenand ih dere Folg. Wieso gumpt er ih sine Videos? Het er ADHS? Wie gaht er mit Hate um? Und was bruchts zum erfolgrich Content mache? Alli Frage werdet ih de Folg beantwortet, ich wünsch eu viel Spass.

Finest Deeptalk mitm Brüeder LieVin. Selbstverständlich redemer über sini Musik, wie isch er dezue cho und ih wellem Prozess isch er aktuell? Zu dem redemer über sehr bewegendi Sache wo ungwollt meh Rum ihgnoh hend. Simmer es Produkt vo eusem Kind-Ich und das Umfeld wo mir inegebore sind? Chömer durbreche? Wie bekämpfemer die Stimme us de Vergangeheit? Wie stritemer wie liebemer wie funktionieremer...

Wetsch mis Fettli ha? Oder wetsch lieber mini Gschicht ghöre? De Nadir & ich kennet eus vom Gfängnis. Er verzellt über sis Lebe, ahgfange vo de Flucht vo Afghanistan id Schwiz, bis zu sinere Zit im Knast. Weli Gschicht het er müesse durlebe? Er verzellt über ihdrücklihchi Moment wo passiert sind, über sini Fehler und was er hüt bereut. 

Im Neue Format "jetzt lernet mir" suechet ihr es Thema us us mim Bruefsalltag. Ihr hends eu gwünscht, e Folg über Narzissmus - Voila. Ih dere Folg gahts um das Krankehitsbild Narzissmus, wie erkennt me en Narzist was sind Verhaltenswise, möglichi Ursache, etc.  Wie immer bringi eui no Bispiel us de Praxis. Viel Spass.

Volume 2 vom neue Genre: Jetzt lernet mir! Hütiges Thema im Fokus: Stimmen hören. Chlini ihblick au id Themene Psychose und Schizophrenie. Wie chunts dezue dass me Stimme ghört, isch das ihbildig oder ghörets würki Stimme. Chli Fakte und Zahle und natürlich au persönlichi Erfahrige woni gern mit eu teile. 

E neui Kategorie isch gebore: Jetzt lernet mir! Ich verzell eu über spannendi Situatione woni im Knast, ide Psychiatrie oder sust im Lebe erlebt han. Wüsse wo ich ufgschnappt han, bibracht becho han oder uf die bitteri Art ha müesse lerne woni gern mit eu wür teile. Hütigs Thema: Zwangserkrankungen und Philosophie

Sorry für die lang Pause, aber min sind back wie rugge uf englisch. Hüt mit de Estella, zu Gast. Sie verzellt über ihre Start id Musikwelt, was sie bewegt und wie sie ihri Texte schribt. Estella git ih dere Folg viel ihblick ih ihri Gedankegäng und ihri Überzügige wo die präget, sehr schöni Wert wo me für sich selber cha mitneh. Zudem viel spannendi Frage vo de Community.

Mir kennet ihn, herzlich willkomme es witers Mal - Leroy. Das isch so wie de 2. Teil vo de Folg: #28 - Manne und Dating. Alles ums Thema date und Bezihig. Was isch ide Bezihig en No-Go, was bruchts inere Bezihig eusere Meinig nah, wenn fangt betrüge ah, isch de Bodycount wichtig und vieles meh. Mir sind nöd immer einere Meinig aber das machts grad spannend.

Endlich, de Doppelplatin Rapper Drini zu Gast bi JetztRedetMir. Ich ha soviel plant, so viel Frage vorbereitet, doch die Folg isch voll nöd so cho wie plant. Eis Thema hets andere eröffnet und de Drini und ich sind mies in es Ping-Pong-Spiel mit Weisheite und Philosophie inekeit. Was hets Lebe eus glernt, weli Fehler hemer müesse mache und was hemer chöne mitneh fürs Lebe. Weli Struggles het de Drini müesse durlebe zum hüt de sie, wo er worde isch! Musik, Familie, Selbstreflektion, uf was im Lebe chunts ah und viel witeri spannendi Theme. E Folg wo min Slogan „Lernemer vonenand, lachemer mitenand“ perfekt darstellt.

Ih de 2. folg mitm onur gahts um all eui frage! Hesch au mitere frau öppis gha? Gahsch au gschminkt id Türkei? Wie gahsch du mit Negativität um? Und vieles meh. Zudem erklärt de Onur die herschendi Homophobie ih de Gayszene! Jap du hesch richtig ghört, los dri..

Hüt zu Gast: Onur - so vielfältig wie en Regeboge. Vilicht kennet ihr ihn vo Social Media unter dem Name ONYOUMUA. Er isch Content Creator für MAC Cosmetics, als Mah nöd de gängist Bruef, vorallem nöd mit türkische Wurzle. Hinderem Strahle ih sim Gsicht steckt au e Gschicht vo Hürde, vo viel Hass, Vorurteil aber genau soviel Muet und Tatedrang - sich selber chöne zsie! Alles was uf Social Media glänzt, het au sini Schattesite. Onur beantwortet all eui Frage, sehr persönlich und echt. Freuet eu uf e tüüfi Folg.

Sie isch Lehrerin und Mediepädagogin,(wtf ts that?) WELCOME AMRA - Redemer doch! Sind alli Streber vo früehner, hüt Lehrer? Wie findsch euses Schuelsystem, was chönt me verbessere? Was het sich veränderet ide Schuel, wo du Schüelerin gsie bisch im Verglich zu etz wo du Lehrerin bisch? Zudem mega spannendi Gschichte wo Amra als Lehrerin erlebt het und Themene us de Kinderpsychologie wo mir besprechet. Au viel Frage us de Community cho- wo wie immer, all beantwortet worde sind!

Chiara verzellt hüt über ihre Job. Sie isch Kinder- und Jugendpsychologin. Was sind Hürde, Sunne- & Schattesite ih ihrem Bruef. Wichtigi Frage bzgl. Erzihig sind vo eu cho wo sie eu gern beantwortet het. Wie ischs früehner gsie, wies ischs hüt? Mir packet paar Storys us de Psychiatrie us und öppis lerne chasch dezue au no.

Millionär werde, wer will das nöd? Es paar gönd defür au de illegal weg. Enis verzellt vo sim Lebe und sim Traum Millionär zwerde. Het ers gschafft und was hets defür brucht? Alles was e gueti Gschicht brucht: Drama, Kriminalität, viel Geld, türi Autos und e grossi Wendi ih sim Lebe. Isch er happy gsie und was isch ufm Weg kaputt gange? Wür ers wieder so mache und was het er us dem ganze glernt?

Willkomme bim neue Format: Jetzt Diskutieret Mir. Es git kei Tabu Themene. WICHTIG: Loset das Intro, de isch Matchentscheidend. Mir redet über Übergwicht, Pädophilie, LGBTQ, Psyche, Feminismus und alles was eus so in Sinn cho isch wo aktuell ide Gsellschaft kursiert und grosse Platz ihnimmt. Viel Spass 

Alle guten Dinge sind drei, herzlich wilkomme Mike! Mir redet über eusi Fründschaft, wo mittlerwile scho 13 Jahr verhebet. Grosses Thema ih dere Folg, was sind eusere meinig nah d`Grundbaustei für e Fründschaft und weli Wert und No-Goes bi Fründschafte gsehnd mir. Wenn merksch, dass en Kolleg keine wahre Kolleg isch? Söll me ehrlich und direkt sie oder ufd Schnure hocke und Gfühl vom gegeüber nöd verletze?

Kei Folg isch so sehr vo eu gwünscht worde wie die! De Sam endlich bi Jetzt Redet Mir! Die Folg heisst zurecht Klartext, wil da nüt in Watte ihpackt isch und es wird RAW,DIREKT & EHRLICH kommuniziert, ohni Rücksicht uf Verlüst. Spannendi Themene wie: Sis Mindset, The Road to Blackbelt, de Verlust vo de Muetter, die hütig Generation und viel gsellschaftskritischi Themene. “Muess ich mich als Secondo entscheide zwüschet Karrieremensch oder Krasse Siech oder gits au anderi Optione?“ Au vo de Community isch en riese Fragekatalog zemmecho wele mir au selbstverständlich und gern abgarbeitet hend. 

Hüt zu Gast de Miro, en Kolleg woni vom Kampfsport kenne. Er isch Selbstständig und het e klari Meinig wieso er sich dezue entschide het. Usserdem schafft er bim FC Züri als Krafttrainer. De Miro isch bekannt für sini direkti Art, so isch er au im Podcast. Gsellschaftskritisch, offe und ohni Samthändsche. Zudem klärt er eus uf über einigi Fitnessmythe. ENJOY

Linus zu Gast bi JRM! De Brüeder isch erst 18, macht sini Lehr als Koch und het nebetbi no sin Kleiderlabel ufd Bei gstellt: 2 Face! Mir redet drüber wies dezue cho isch und verglichet chli eusi Generatione. E superschöni Lebens- und Denkenswiis het er. Au Themene wo gwünscht worde sind vo eu sind ahgsproche worde.

Knappi 2h Gspröch mitm EAZ. Theme-Hopping vom feinste. Vom Ihstieg ih die Musikszene, zu prägende Gschichte wo de EAZ gformt hend bis zunere Horrorgschicht wo er het müesse erlebe. Mir redet über ALLES, de EAZ packt us: Liebi, Familie, Gschichte us de Kindheit und vieles meh - eifach geile Deeptalk. Lernet ihn besser kenne und findet use wer hinder dem erfolgriche Künstler steckt. Abgschlosse hemer natürlich mit de Frage us de Community. E sehr schöni Folg worde, schaltet unbedingt ih!

Gschäftsleitig vo de Sony Music Switzerland zGast bi Jetzt Redet Mir. Prost Julie, schön bisch da. Mir redet über ihri Karriere und wer Julie als Mensch isch, was bewegt sie? Wie isch sie da ane cho wo sie hüt isch und was hets defür brucht? Was hets für Opfer brucht uf dem Weg? Karriere oder Familie, isch sie vor dere Entscheidig gstande? Zudem viel spannendi Frage us de Community wo gstellt und beantwortet worde sind. Zum Bispiel: Hesch müesse als Frau meh Leiste als en Mah zum da ane cho wo hüt bisch? Was brucht en Künstler zum erfolgrich sie? Und viel witeri Frage! Viel Spass

Add some Spyce! De Brüeder verzellt über en heftige Skiunfall. Vom Hergang zum Wirbelbruch bis zur Oxycodon Sucht. Medikament werdet eus hützutags zu schnell und extrem verantwortingslos abgeh! Redemer drüber, was sind am Spyce sini Erfahrige, mit was het er zkämpfe gha, wie het ers Weg vo dem starke Opiat gschafft und welli Tipps chan er eus mitgeh demit mir nöd inekeiet! 

Die Folg beinhaltet Satire und vulgäri ussprach, wenn du sensibel bisch oder die Art vo Humor nöd verstahsch - mir hend dich gwarnt! Das isch eusi Art vo Psychohygiene. She is back! The Queen! Cis und ich leset eui Hate-Kommentär vor und reagieret druf. Au de eint oder ander schön Kommentar natürlich. E Freestyle Folg wos dasmal meh ums lache gaht, aber au es lerne mitenand natürlich nöd zkurz chunt!

Endlich! De zweit Teil isch da vom Deeptalk mit L Loko. Mir sind chli tüfer ih de Deeptalk inekeit. L Lokos Kindheit, Probleme mit Autorität und dem Gsetz, sini Jugend und es grosses Wort wo mir diskutieret: INFLUENCE. Zudem redemer chli über Musik und no paar lustigi Storys, viel Spass!

Folge 31 mit dem lyrische Genie vo Wiedike Züri! Finest Deeptalk wie ihrs vom L Loko no nie ghört hend! Was steckt hinter dem Künstler? Mit wellne Problem het er zkämpfte gha und wem verdankt er sin Erfolg, nebet sim Bluetschweiss wo er Tag täglich investiert? Viel witeri spannendi Frage us de Community und vo mir! Schaltet ih und lernet ihn besser kenne!

Wieder mit im Boot sind die technische Schwierigkeite, sorry dafür. Feminini und maskulini Energie - redemer drüber! Hüt im Trio, willkomme Noemi, es neus Gsicht, wo ihr öfter gseh werdet! Vieles über s’Thema Mah & Frau, seg das Fründschaft, Redflags, Dating oder Rolleufteilig!

TikTok Queen bi: Jetzt Redet Mir! Ganz nachm Motto lernemer vonenand, lachemer mitenand! Wer steckt hinder de TikTok Fassade? Cis zeigt e anderi Site vo sich! E Folg mit Witz und Tüfi! Ehrlich. Direkt & REAL!

Triggerwarnig: Nüt für zarti Seelene wo sich grad weg allem ahgrife fühlet. So oft usdrücklich gwünscht worde vorallem vo de Fraue: es Gspröch under Männer so wies underenand redet ohni es Blatt vors Mul zneh. Thema: Date, No-Goes, Interesse, Killerkriterie etc.! REAL. FRECH. DIREKT! 

Kurz zemmegfasst: Wie isch das sin Vater zvelüre, jung Papi zwerde, Problem ide Schuel zha, die Problem weg zkiffe, zstottere & Mobbing! E tüüfi Folg, viel Spass!

Dome und ich hocket hüt bi JRM. Eine isch im Gfängnis gsie de andere schafft det. Mir redet über sini Erfahrige und vor allem über sis Zitat: „Die 6 Mönet im Gfängnis isch die besti zit ih mim Lebe gsie, ich ha mich selber chöne kenne lerne.“ Wie chunt er zu dere ussag imene Zwangskontext wo sehr fest negativ behaftet isch und eim dFreiheit gno wird. Mir rollet us, vo de Straftat bis zur Entlassig.