Kathilethum Pathrangal | കാതിലെത്തും പത്രങ്ങൾ | MediaOne

പഹൽഗാം ഭീകരാക്രമണത്തിന് പിന്നിലെ പാക് ബന്ധത്തിന് വിശ്വസനീയ തെളിവ് കിട്ടിയെന്ന് ഇന്ത്യ. ഭീകരർക്കായി തിരച്ചിൽ തുടരുകയാണ്.ചരിത്ര പണ്ഡിതൻ ഡോ. എം.ജി.എസ് നാരായണൻ അന്തരിച്ചു.ഫ്രാൻസിസ് മാർപാപ്പക്ക് ലോകം വിട ചൊല്ലി. റോമിലെ സാന്ത മരിയ മജോരേ ബസിലിക്കയിൽ ഇന്നലെയായിരുന്നു സംസ്കാരംകേൾക്കാം പത്രവാർത്തകൾ വിശദമായി. കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

കശ്മീർ പഹൽഗാം ഭീകരാക്രമണത്തിന് പിറകെ പാകിസ്താനെതിരെ നടപടി കടുപ്പിക്കുകയാണ് ഇന്ത്യ. പാക് പൗരൻമാരോട് 48 മണിക്കൂറിനകം രാജ്യം വിടാൻ ആവശ്യപ്പെട്ടു.നദീജല കരാറുകൾ റദ്ദാക്കി. ഭീകരാക്രമണക്കേസ് അന്വേഷണവുമായി ബന്ധപ്പട്ട നിർണായക വിവരങ്ങളും പത്രങ്ങളിലുണ്ട്.എ.ജയതിലകിനെ അടുത്ത ചീഫ് സെക്രട്ടറിയാക്കാൻ മന്ത്രിസഭ തീരുമാനിച്ചു.ഫ്രാൻസിസ് മാർപാപ്പയെ അവസാനമായി ഒരു നോക്കു കാണാൻ ആയിരങ്ങൾ വത്തിക്കാനിലേക്കൊഴുകുകയാണ്. ആരാകും പിൻഗാമി എന്നതിലും അനൗദ്യോഗിക ചർച്ചകൾ തുടങ്ങി.കേൾക്കാം പത്രവാർത്തകൾ വിശദമായി. കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

കശ്മീരിൽ ഭീകരാക്രമണം, 26 മരണം, മരിച്ചവരിൽ എറണാകുളം സ്വദേശിയും , ഉത്തരവാദിത്തം ഏറ്റെടുത്ത് ദ റെസിസ്റ്റൻസ് ഫ്രണ്ട്.കശ്മീർ കുരുതിക്കളമായ വാർത്ത തന്നെയാണ് പത്രങ്ങളിലെ ലീഡ്.മാർപാപ്പയുടെ സംസ്കാര ചടങ്ങുകൾ ശനിയാഴ്ചയാണ്. ബുധനാഴ്ച മുതൽ ജനങ്ങൾക്ക് അന്ത്യോപചാരമർപ്പിക്കാൻ അവസരം. അമേരിക്കൻ പ്രസിഡൻ്റ് ഡൊണാൾഡ് ട്രംപ് ഉൾപ്പെടെ പ്രമുഖർ ചടങ്ങിൽ പങ്കെടുക്കും.സിവിൽ സർവീസ് പരീക്ഷയിൽ യുപി സ്വദേശിനി ശക്തി ദുബേക്ക് ഒന്നാം റാങ്ക്. ആദ്യ 100 റാങ്കിൽ 6 മലയാളികളുണ്ട്.വീണ്ടും പരിധിവിട്ട് ഉപരാഷ്ട്രപതി ജഗ്ദീപ് ധൻകർ . ജനപ്രതിനിധികൾ ഭരണഘടനയുടെ യജമാനൻമാർ എന്നും , പാർലമെൻ്റിന് മുകളിൽ മറ്റൊരു പരമാധികാരി ഇല്ലെന്നുമാണ് പ്രസ്താവന.നോക്കാം ഇന്നത്തെ പത്രവാർത്തകൾ വിശദമായി.കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

ഫ്രാൻസിസ് മാർപാപ്പയുടെ വിയോഗമാണ് പത്രങ്ങളിൽ നിറയുന്നത്. തലക്കെട്ടും ഡിസ്പ്ലേയും മികച്ചതാക്കാൻ ശ്രദ്ധിച്ചിരിക്കുന്നു എല്ലാ പത്രങ്ങളും.സ്വർഗതാരകം എന്ന് മലയാള മനോരമ പ്രധാന തലക്കെട്ട് നൽകി. നിത്യസ്നേഹം എന്ന് മാതൃഭൂമി, ഹൃദയങ്ങളിൽ എന്ന് മാധ്യമം. നിത്യപ്രചോദനം എന്ന് ദേശാഭിമാനി. തിങ്കളാഴ്ച ഇന്ത്യൻ സമയം 11.05 നാണ് ഫ്രാൻസിസ് പാപ്പയുടെ വിയോഗം.മരണത്തിന് തൊട്ടുമുൻപും ഗസ്സയിലെ ക്രൂരത നിർത്തൂ എന്നു പറഞ്ഞ ഫ്രാൻസിസ് മാർപാപ്പ സഭയിലും പുറത്തും നവീകരണ വക്താവായിരുന്നു.ഷൈൻ ടോം ചാക്കോക്കെതിരെ നൽകിയ പരാതിയിൽ ഉറച്ചുനിൽക്കുകയാണ് വിൻസി അലോഷ്യസ് . അതേസമയം നിയമനടപടികൾക്കില്ലെന്നും വിൻസി ആവർത്തിച്ചു.പത്രവാർത്തകളിലേക്ക് വിശദമായി | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

നാഷണൽ ഹെറാൾഡ് കേസിൽ കോൺഗ്രസിന് പിന്തുണയുമായി ഡിഎംകെയും സിപിഎമ്മും. അന്വേഷണ ഏജൻസികളെ ഉപയോഗിച്ച് പ്രതിപക്ഷ കക്ഷികളെ വേട്ടയാടുന്ന കേന്ദ്ര നടപടിയെ എതിർക്കുമെന്ന് ഇരു പാർട്ടികളും വ്യക്തമാക്കി- ഇതാണ് മാതൃഭൂമിക്ക് ലീഡ്ലഹരി കേസിൽ അറസ്റ്റിലായ നടൻ ഷൈൻ ടോം ചാക്കോ കേസ് റദ്ദാക്കണമെന്ന് ആവശ്യപ്പെട്ട് കോടതിയെ സമീപിക്കാൻ ഒരുങ്ങുകയാണ്. രണ്ടാംഘട്ട ചോദ്യം ചെയ്യൽ വൈകുമെന്ന് പത്രങ്ങൾ റിപ്പോർട്ട് ചെയ്യുന്നു..ഗസയിൽ വെടിനിടത്തിൽ വേണമെന്ന് ഫ്രാൻസിസ് മാർപാപ്പ ഈസ്റ്റർ ദിന സന്ദേശത്തിൽ ആവശ്യപ്പെട്ടു. ബന്ദികളെ വിട്ടേക്കണമെന്ന് ഹമാസിനോടും അദ്ദേഹം അഭ്യർത്ഥിച്ചു. ഈ വാർത്ത പ്രാധാന്യത്തോടെ നൽകിയിട്ടുണ്ട് പത്രങ്ങൾ..ബംഗളൂരുവിൽ റിട്ടയേഡ് ഡിജിപി ഓംപ്രകാശ് ദുരൂഹ സാഹചര്യത്തിൽ കൊല്ലപ്പെട്ടത് ഉൾപ്പെടെ പത്രങ്ങളിൽ വാർത്തകൾ നിരവധിയുണ്ട് കേൾക്കാം വിശദമായി...കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

വിൽപത്ര ഭൂമിയുടെ പോക്കുവരവ് ചെയ്യാൻ ഇനി കടമ്പകളേറെ. റജിസ്റ്റർ ചെയ്ത വിൽപത്രത്തിലെ ഭൂമി പോക്കുവരവ് ചെയ്യാൻ പോലും ഇനി അവകാശികളുടെ സമ്മതം വേണം. റജിസ്റ്റർ ചെയ്യാത്ത വിൽപത്രത്തിന് പോലും നിയമപ്രാബല്യം ഉണ്ടായിരിക്കെയാണ് പുതിയ നീക്കമെന്ന് മാധ്യമത്തിൽ ലീഡ് വാർത്ത.ലഹരി ഉപയോഗം സമ്മതിച്ച ഷൈൻ ടോം ചാക്കോയെ അറസ്റ്റു ചെയ്ത് ജാമ്യത്തിൽ വിട്ടു.പെസഹ വ്യാഴവും ദുഃഖവെള്ളിയും ഉൾപ്പെട്ട 48 മണിക്കൂറിൽ ഇസ്രയേൽ കൊന്നൊടുക്കിയത് നൂറോളം പലസ്തീൻകാരെ എന്ന വാർത്ത ദേശാഭിമാനി ഒന്നാം പേജിൽ.കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

വഖഫ് ഭേദഗതിയിലെ വിവാദ വ്യവസ്ഥകൾക്കെതിരെ സുപ്രിം കോടതി. വഖഫ് സ്വത്തുക്കളിൽ മാറ്റം അരുത്, ബോർഡിലും കൗൺസിലിലും മുസ്‌ലിംകൾ മതി , അന്തിമ തീരുമാനം കലക്ടർ എടുക്കേണ്ട തുടങ്ങി സുപ്രധാന തിരുത്തൽ നിർദ്ദേശങ്ങൾ കോടതി നൽകി. ഇന്നാണ് ഇടക്കാല വിധി.അനധികൃത സ്വത്ത് സമ്പാദനക്കേസിൽ എഡിജിപി എംആർ അജിത് കുമാറിനെ കുറ്റവിമുക്തമാക്കിയ വിജിലൻസ് റിപ്പോർട്ട് മുഖ്യമന്ത്രി അംഗീകരിച്ചു. ഇതോടെ പോലീസ് മേധാവി ആകാനുള്ള തടസ്സം മാറി.സ്വർണ്ണം കുതിപ്പ് തുടരുന്നു. പവൻ വില 70,520 രൂപയിലെത്തി | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

നാഷണൽ ഹെറാൾഡ് കേസിൽ പ്രതിപക്ഷ നേതാവ് രാഹുൽ ഗാന്ധി, കോൺഗ്രസ് പാർലമെൻററി പാർട്ടി അധ്യക്ഷ സോണിയ ഗാന്ധി എന്നിവർക്കെതിരെ ഇ ഡി കുറ്റപത്രം സമർപ്പിച്ചു. ഭൂമി ഇടപാടുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ സോണിയയുടെ മരുമകൻ റോബർട്ട് വദ്രയെ ഇഡി അഞ്ചു മണിക്കൂർ ചോദ്യം ചെയ്തു. CMRL കേസിൽ SFIO കുറ്റപത്രം EDയുടെ കൈകളിലേക്കെത്തുന്നതോടെ മുഖ്യമന്ത്രിയുടെ മകൾ വീണവിജയൻ ഉൾപ്പെടെയുള്ളവരെ ചോദ്യം ചെയ്യും.ഇങ്ങിനെ സർവ്വത്ര പത്രവാർത്തകളിൽ ഇഡി മയം. വഖഫ് നിയമ ഭേദഗതിയിലൂടെ മുനമ്പത്ത് പരിഹാരമാകില്ലെന്ന കേന്ദ്രമന്ത്രി കിരൺ റിജിജുവിൻ്റെ പ്രസ്താവന കേന്ദ്ര സർക്കാരിൻ്റെയും BJP യുടെയും മലക്കം മറിച്ചിലിന് അടിവരയിട്ടു.ലാറ്റിൻ അമേരിക്കൻ ജീവിത യാഥാർഥ്യങ്ങളെ ലോകത്തിന് പരിചയപ്പെടുത്തിയ നൊബേൽ സമ്മാന ജേതാവായ പെറുവിയൻ സാഹിത്യകാരൻ മരിയോ വർഗാസ് യോസ അന്തരിച്ചു.നോക്കാം പത്ര വാർത്തകളിലേക്ക് വിശദമായി | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

ആഗോള വ്യാപാര യുദ്ധം പുതിയ തലത്തിലേക്ക്.. ചൈനക്കെതിരെ ട്രംപ് 145 ശതമാനം ഏർപ്പെടുത്തിയതിന് തിരിച്ചടിയായി യുഎസ് ഉൽപ്പന്നങ്ങൾക്കുള്ള അധിക തീരുവ ചൈന 125 ശതമാനമാക്കി.125 ശതമാനം വീറോടെ ചൈന എന്ന് മാധ്യമം തലക്കെട്ട്.എക്സാലോജി കേസിൽ ന്യായീകരിക്കാൻ ഇല്ലെന്ന് സിപിഐ. മുഖ്യമന്ത്രിയുടെ മകൾ ഉൾപ്പെട്ട കേസ് എൽഡിഎഫിന്റെ കേസ് അല്ലെന്നും ബിനോയ് വിശ്വം തുറന്നടിച്ചു. വീണ വിജയന്റെ കേസും മുഖ്യമന്ത്രിയുടെ വിഷയവും രണ്ടും രണ്ടാണെന്നും ബിനോയ് വിശ്വം വിശദീകരിച്ചു.ഈ വാർത്തയാണ് മനോരമയുടെ പ്രധാന തലക്കെട്ട്.കെഎം എബ്രഹാമിന് എതിരായ വരവിൽ കവിഞ്ഞ സ്വത്ത് സമ്പാദിച്ചെന്ന കേസ് ഹൈക്കോടതി സിബിഐക്ക് വിട്ടു.. അന്വേഷണം നടത്താൻ നിർദ്ദേശിച്ചത് സിബിഐ കൊച്ചി യൂണിറ്റിനോട് .മുൻ ചീഫ് സെക്രട്ടറിയും, മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറിയും, കിഫ്ബി സി.ഇ.ഒയുമായ കെഎം എബ്രഹാമിനെതിരായ ഉത്തരവ് പത്രങ്ങളിൽ പ്രാധാന്യത്തോടെയുണ്ട്.നോക്കാം പത്രവാർത്തകളിലേക്ക് വിശദമായി | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

മുംബൈ ഭീകരാക്രമണത്തിൻ്റെ സൂത്രധാരൻ തഹാവൂർ റാണയെ ഡൽഹിയിലെത്തിച്ചു. 15 വർഷം നീണ്ട കാത്തിപ്പിനൊടുവിലാണ് പ്രതിയെ US ൽ നിന്ന് വിട്ടുകിട്ടിയത്. ഭീകരസംഘടനകൾക്കെതിരായ ഇന്ത്യയുടെ പോരാട്ടത്തിൽ ഇത് ചരിത്ര ദിനമാണ്.പൂക്കോട് വെറ്ററിനറി കോളേജ് വിദ്യാർഥി സിദ്ധാർഥൻ്റെ മരണത്തിൽ പ്രതികളായ 19 വിദ്യാർഥികളെയും സർവകലാശാല പുറത്താക്കി. 3 വർഷത്തേക്ക് പഠന വിലക്കും ഏർപ്പെടുത്തി.സ്വർണവിലയിൽ ഇതുവരെയില്ലാത്ത കുതിപ്പാണ്. ഒറ്റ ദിവസം കൊണ്ട് 2160 രൂപ കൂടി പവൻ വില 68480 ആയി.| കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

യുഎസ് പകരച്ചുങ്കത്തിൽ ആടിയുകയാണ് ലോകവിപണി. സാമ്പത്തിക മാന്ദ്യ ആശങ്ക ഓഹരി വിപണികളെ പരിഭ്രാന്തിയിലാക്കുന്നു. ഇന്ത്യൻ വിപണിയിലും തകർച്ച തുടരുകയാണ്. ഈ വാർത്തയാണ് മാധ്യമത്തിൻ്റെ ലീഡ്. LPG ഗാർഹിക സിലിണ്ടറിന് 50 രൂപ വർധിപ്പിച്ചതും, പെട്രോളിനും ഡീസലിനും തീരുവ രണ്ട് രൂപ കൂട്ടിയതു കൂടി ചേർത്ത് 'കത്തിക്കയറി ഗ്യാസ് വില ' കുത്തിക്കീറി വിപണി എന്നാണ് മാതൃഭൂമിക്ക് തലക്കെട്ട്.മുനമ്പം കമ്മിഷൻ നിയമനം റദ്ദാക്കിയ ഉത്തരവ് സ്റ്റേ ചെയ്‌തു. സർക്കാർ നിയോഗിച്ച കമ്മിഷന് പ്രവർത്തനം തുടരാൻ ഹൈക്കോടതി അനുമതി നൽകി. | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

പ്രതിപക്ഷത്തിന്റെയും മുസ്‌ലിം സമുദായ സംഘടനകളുടെയും പ്രതിഷേധം വകവയ്ക്കാതെ വഖഫ് ഭേദഗതി ബിൽ ഇന്ന് ലോക്‌സഭയിൽ. ചർച്ചക്ക് 12 മണിക്കൂർ വേണമെന്ന പ്രതിപക്ഷ ആവശ്യം തള്ളി. മാധ്യമം, മലയാള മനോരമ ഉൾപ്പെടെ മിക്ക പത്രങ്ങളുടെയും ഒന്നാം പേജിൽ തന്നെയുണ്ട് ഈ വാർത്ത.ട്രംപിന്റെ പകരത്തിനു പകരം തീരുവ പ്രഖ്യാപനം ഇന്നാണ്. ആശങ്കയിൽ ഓഹരി വിപണികൾ ഇടിഞ്ഞു. ഇത് പ്രധാന വാർത്തയാക്കി കേരളകൗമുദി.CPM പാർട്ടി കോൺഗ്രസിന് ഇന്ന് കൊടി ഉയരുകയാണ്. സംഘടനാ റിപ്പോർട്ടിലെ വിവരങ്ങളും, അടുത്ത സെക്രട്ടറി ആരാകും എന്നതുമൊക്കെ വിശദമായി ചർച്ച ചെയ്യുന്നു പത്രങ്ങൾ.24 വെട്ടേറ്റ എമ്പുരാൻ ഇന്ന് തിയറ്ററുകളിലെത്തുകയാണ്.നോക്കാം പത്രത്താളുകളിലൂടെ വിശദമായി.കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

വിവാദഭാഗങ്ങൾ ഒഴിവാക്കുമെന്ന് വാർത്തകൾ വന്നതോടെ എമ്പുരാൻ സിനിമ കാണാൻ വൻ തിരക്കാണ്. ഫേസ്ബുക്കിൽ ഖേദം പ്രകടിപ്പിച്ച് മോഹൻലാൽ, കുറിപ്പ് പങ്കുവെച്ച് പൃഥ്വിരാജ്. എമ്പുരാൻ ഇന്നും പത്രങ്ങൾക്ക് പ്രധാന വാർത്തയാണ്. ഈജിപ്തും ഖത്തറും മുന്നോട്ടുവെച്ച വെടിനിർത്തൽ അംഗീകരിച്ച് ഹമാസ്.എന്നാൽ ബദൽ നിർദ്ദേശം സമർപ്പിച്ചതായാണ് ഇസ്രായേൽ വാദം. വംശഹത്യയുടെ ദുരിതത്തിനിടെയാണ് ഫലസ്തീനികളുടെ ഈദുൽ ഫിത്ർ. ആശ സമരം ഇന്ന് അൻപതാം ദിവസമാണ്. ആവശ്യങ്ങൾ അംഗീകരിക്കാത്തതിലും ചർച്ചക്ക് തയ്യാറാകാത്തതിലും പ്രതിഷേധിച്ച് ഇന്ന് ആശമാർ മുടിമുറിച്ച് പ്രതിഷേധിക്കും | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

സുനിതാ വില്യംസും ബുച്ച് വിൽമോറും ബഹിരാകാശ നിലയത്തിൽ നിന്ന് തിരിച്ചെത്തിയതും അതിന്റെ വിശേഷങ്ങളുമാണ് എല്ലാ പത്രങ്ങളുടെയും മധുരവിഭവം. ആശാസമരം ഇന്നലെ രണ്ടുതവണ ചർച്ച ചെയ്തിട്ടും പരിഹാരമാകാതെ തുടരുന്നുമുണ്ട്. ഏതാണ്ട് എല്ലാ പത്രങ്ങളുടെയും ലീഡ് വാർത്ത അതാണ്. വിഴിഞ്ഞത്തേക്ക് റെയിൽ തുരങ്കം നിർമ്മിക്കാൻ മന്ത്രിസഭ തീരുമാനിച്ചതുണ്ട്. അങ്ങനെ വാർത്തകൾ പലതുണ്ട്.| കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

വനിതാദിനത്തെ പത്രങ്ങൾ വരവേൽക്കുന്നത് വ്യത്യസ്തതയോടെയാണ്.മാസ്റ്റ് ഹെഡിൽ അഥവാ പത്രങ്ങളുടെ പേരെഴുതിയിരിക്കുന്ന ഭാഗത്ത് വനിതാദിന തീം കൊണ്ടുവന്നിട്ടുണ്ട് ഒട്ടുമിക്ക പത്രങ്ങളും. മാതൃഭൂമിയുടെ ഒന്നാം പേജിലെ വനിതാദിന വാർത്തകൾ തീരുമാനിച്ചത് ഗസ്റ്റ് എഡിറ്ററായി എത്തിയ എഴുത്തുകാരി ആർ. രാജശ്രീയാണ്. സുനിതാ വില്യംസിനെ ഓർമിപ്പിച്ചാണ് മാധ്യമത്തിൻ്റെ വനിതാദിന സന്ദേശം. ധീരമായ പോരാട്ടത്തിനൊടുവിൽ അവൾ വരും. കാരണം അവൾ സുനിതയാണ്. വനിതയാണ് എന്നാണ് അവളുടെ ആകാശം എന്ന തലക്കെട്ടിനൊപ്പം നൽകിയ ആശംസാ വാചകം. വനിതാ ദിനത്തിലും സമരജീവിതം തുടരുകയാണ് ആശമാർ.കണ്ണൂർ ലോബിയുടെ ആധിപത്യത്തിനെതിരെ കൊല്ലം സംസ്ഥാന സമ്മേളനത്തിൽ ചോദ്യശരം എന്ന വാർത്തയാണ് മാധ്യമത്തിൻ്റെ ലീഡ്.പൊതുമേഖലയിൽ സ്വകാര്യ പങ്കാളിത്തത്തിന് സി.പി.എം എന്ന സംസ്ഥാന സമ്മേളന വാർത്ത മാതൃഭൂമിക്ക് പ്രധാന തലക്കെട്ടായി . സംസ്ഥാന സമ്മേളനത്തിൽ മുഖ്യമന്ത്രി അവതരിപ്പിച്ച രേഖയിൽ എം.വി. ഗോവിന്ദൻ്റെ വിശദീകരണം 'സെസ് ഭരണം അനിവാര്യം' എന്ന തലക്കെട്ടിൽ മലയാള മനോരമ ഒന്നാം പേജിൽ പ്രധാന വാർത്തയായി നൽകി.സംസ്ഥാനത്ത് ക്രൂരതക്ക് അറുതിയില്ല. സ്റ്റോപ്പിൽ നിർത്തി യാത്രക്കാരെ കയറ്റി എന്നാരോപിച്ച് ഓട്ടോ ഡ്രൈവറെ ബസ് ജീവനക്കാർ കൊലപ്പെടുത്തിയ സംഭവം മലപ്പുറത്താണ്.നോക്കാം പത്ര വാർത്തകൾ വിശദമായി...കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

കടൽമണൽ ഖനനത്തിന്റെ പരിസ്ഥിതി ആഘാതത്തെ കുറിച്ച് പഠനം നടത്തുമെന്ന് കേന്ദ്രസർക്കാർ വ്യക്തമാക്കിയതാണ് ഇന്നത്തെ പ്രധാന വാർത്ത. പഠനം കഴിഞ്ഞേ ഖനനമുണ്ടാവൂ... ലോക്‌സഭാ മണ്ഡലങ്ങൾ പുനർനിർണയിക്കുന്നതിനെ കുറിച്ച് പാർലമെന്റിൽ നടക്കുന്ന ചർച്ചകൾ എല്ലാ പത്രങ്ങളും ശ്രദ്ധേയമായ വിധം വിന്യസിച്ചിട്ടുണ്ട്. മുണ്ടക്കൈ- ചൂരൽമല പുനരധിവാസ പദ്ധതിയിൽ വരുത്തിക്കൊണ്ടിരിക്കുന്ന മാറ്റങ്ങളാണ് മനോരമയുടെ ലീഡ് വാർത്ത... കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

പിഎസ്‌സി അംഗങ്ങളുടെ ശമ്പളം കൂട്ടാനുള്ള ഉത്സാഹം നിയമനത്തിന്റെ കാര്യത്തിൽ സർക്കാരിനില്ലെന്ന് കണക്കുകൾ. കാലാവധി തീരാറായ റാങ്ക് ലിസ്റ്റുകളിൽ പോലും നിയമനം 40 ശതമാനത്തിൽ താഴെയാണ്. ഡൽഹിയിലെ കേരളത്തിന്റെ പ്രതിനിധി കെ.വി. തോമസിന്റെ യാത്രാ ബത്ത അഞ്ച് ലക്ഷത്തിൽ നിന്ന് 11.30 ലക്ഷമായി ഉയർത്താൻ ശിപാർശ. ഗവൺമെന്റ് പ്ലീഡർമാരുടെ ശമ്പളം മുൻകാല പ്രാബല്യത്തോടെ മുപ്പതിനായിരം രൂപയാണ് കൂട്ടിയത്. തരം മാറ്റാനുള്ള ഭൂമി 25 സെന്റിൽ കൂടുതലെങ്കിൽ മുഴുവൻ സ്ഥലത്തിന്റെയും ഫീസ് ഈടാക്കാൻ സുപീം കോടതി സംസ്ഥാന സർക്കാരിന് അനുമതി നൽകി. കേൾക്കാം കാതിലെത്തും പത്രങ്ങൾ... | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

ഇന്ത്യ- ഖത്തർ കരാറാണ് ഇന്നത്തെ പ്രധാന വാർത്ത. ഇന്ത്യയിൽ എത്തിയ ഖത്തർ അമീർ തന്ത്ര പ്രധാന കരാറുകളെക്കുറിച്ചുള്ള ചർച്ചകൾ പൂർത്തിയാക്കിയത് ഏതാണ്ടെല്ലാ പത്രങ്ങളും ഒന്നാം പേജിൽ തന്നെ നൽകിയിരുന്നു. പാതിവില ഓഫർ തട്ടിപ്പ് ഇ.ഡി അന്വേഷിക്കുന്നു... സമരം ചെയ്യുന്ന ആശാവർക്കർമാർക്ക് ചില ആനുകൂല്യങ്ങൾ പ്രഖ്യാപിച്ചിട്ടുണ്ട് | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

മുണ്ടക്കൈ പുനരധിവാസത്തിന് 529.5 കോടി പലിശരഹിത വായ്‌പ കേന്ദ്രം അനുവദിച്ചു. ഗ്രാൻഡ് ചോദിച്ചപ്പോളാണ് കടം നൽകൽ.ചാലക്കുടി പോട്ടയിൽ ജീവനക്കാരെ പൂട്ടിയിട്ട് കത്തിമുനയിൽ ബാങ്ക് കവർച്ച. മൂന്നു മിനിറ്റിനുള്ളിൽ 15 ലക്ഷമാണ് കൊള്ളയടിച്ചത്.യുഎസ് പര്യടനം പൂർത്തിയാക്കി മോദി മടങ്ങി. F-35 യുദ്ധവിമാനങ്ങൾ ഇന്ത്യക്ക് നൽകുന്നതിൽ ഉൾപ്പെടെ പ്രതിരോധ മേഖലയിൽ സഹകരണത്തിന് ധാരണയായി. എന്നാൽ വിലങ്ങണിയിച്ച് നാടുകടത്തൽ, അദാനി ഉൾപ്പെടെ വിവാദ വിഷയങ്ങളിൽ നിലപാടില്ലാതെയാണ് മോദിയുടെ സൗഹൃദം ഊട്ടിയുറപ്പിക്കൽ.കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

ആംആദ്മി പാർട്ടിയെ തോൽപ്പിച്ച് ഡൽഹി ഭരണം ബിജെപി പിടിച്ചതാണ് പ്രധാന വാർത്ത. ആപ്പും കെജ്‌രിവാളും വീണു. ഡൽഹിയിലും ബിജെപിയെന്നാണ് മാധ്യമത്തിന്റെ തലക്കെട്ട്.പുഷ്പം പോലെ 27 വർഷത്തിന് ശേഷം ഭരണം പിടിച്ച് ബിജെപി എന്ന് മനോരമ. തലയിൽ താമരചൂടി എന്ന് മാതൃഭൂമി. ഡൽഹിയിൽ താമര തരംഗമെന്ന് ദീപിക. ദില്ലിക്ക് താമരച്ചന്തമെന്ന് കേരളകൗമുദി.കോൺഗ്രസ് ചതിച്ചു എന്ന് ദേശാഭിമാനി വിലപിക്കുമ്പോൾ, ആപ്പ് ഊരി തലവിധി എന്ന് വീക്ഷണം ചിരിക്കുന്നു. വേറെയും വാർത്തകളുണ്ട്. കേൾക്കാം... കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcastഅവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

കിഫ്ബി ഫണ്ടുപയോഗിച്ച് നിർമ്മിക്കുന്ന സംസ്ഥാനപാതകളിലും ടോൾ ഏർപ്പെടുത്താൻ പോകുന്നു എന്നതാണ് ഇന്നത്തെ പ്രധാനവാർത്ത. മലയാള മനോരമയുടെ ലീഡ് അതാണ്. ലോക്‌സഭയിൽ മോദിയെയും കേന്ദ്രസർക്കാരിനെയും പ്രതിക്കൂട്ടിൽ നിർത്തി രാഹുൽ ഗാന്ധി നടത്തിയ പ്രസംഗമാണ് മാധ്യമത്തിന്റെ ലീഡ്. റെയിൽവേ പ്രഖ്യാപനത്തിലും കേരളത്തിന് പുതുതായി ഒന്നുമില്ലെന്ന് മാതൃഭൂമി. ഏറ്റുമാനൂരിൽ ഗുണ്ട പൊലീസുകാരനെ ചവിട്ടിക്കൊന്നതും കോഴിക്കോട് ദേശീയപാതയോരത്തെ കിടങ്ങിൽ ബൈക്ക് വീണ് യുവാവ് മരിച്ചതുമൊക്കെയുണ്ട് പത്രങ്ങളുടെ ഒന്നാംപേജിൽ | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ബജറ്റാനന്തര സംഭവ വികാസങ്ങളാണ് സ്വാഭാവികമായും പത്രങ്ങൾക്കിന്ന് പ്രധാന വിഭവം. കേന്ദ്ര ബജറ്റിലെ അവഗണനയിൽ പ്രതിഷേധിച്ച് കേരള സർക്കാർ പ്രധാനമന്ത്രിക്ക് കത്തയക്കും. അതേസമയം കേരളത്തെ അവഗണിച്ചെന്ന ആരോപണത്തിൽ കേന്ദ്രമന്ത്രിമാരായ ജോർജ് കുര്യൻ്റെയും സുരേഷ് ഗോപിയുടെയും പ്രസ്താവനകൾ വൻ വിവാദമായി. പിന്നോക്കമെന്ന് സമ്മതിച്ചാൽ സഹായം ലഭിക്കുമെന്ന ജോർജ് കുര്യൻ്റെ കേരള വിരുദ്ധ പ്രസ്താവനയുടെ ചുവടുപിടിച്ചായിരുന്നു സുരേഷ് ഗോപിയുടെയും കുത്ത്. പ്രധാന വ്യാപാര പങ്കാളികളായ ചൈനക്കും മെക്സിക്കോയ്ക്കും കാനഡയ്ക്കും അമേരിക്ക അധിക ഇറക്കുമതി തീരുവ ചുമത്തിയതോടെ വ്യാപാര യുദ്ധത്തിന് തുടക്കമായിരിക്കുന്നു. യു.എസിന് 25% ഇറക്കുമതി തീരുവ പ്രഖ്യാപിച്ച് കാനഡ തിരിച്ചടിച്ചു. ലോക വ്യാപാര സംഘടനയെ സമീപിക്കുമെന്ന് ചൈന അറിയിച്ചു. അണ്ടർ 19 വനിതാ ക്രിക്കറ്റ് ലോകകപ്പിൽ ഇന്ത്യ വീണ്ടും ജേതാക്കളായതാണ് കായിക ലോകത്തുനിന്നുള്ള പ്രധാന വാർത്ത. പത്ര വാർത്തകൾ നോക്കാം വിശദമായി. | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ

12 ലക്ഷം വരെ വരുമാനമുള്ളവർക്ക് ആദായ നികുതി ഒഴിവാക്കി മധ്യവർഗത്തെ കൈയിലെടുക്കാനാണ് ബജറ്റിലൂടെ കേന്ദ്ര സർക്കാർ ശ്രമം. വോട്ടിൽ കണ്ണുനട്ട് ബിഹാറിന് വാരിക്കോരി നൽകിയപ്പോൾ കേരളത്തിന് വീണ്ടും അവഗണന. 2002 ഗുജറാത്ത് വംശഹത്യയിൽ നിയമപോരാട്ടം നടത്തിയ സകിയ ജാഫരി അഹമ്മദാബാദിൽ അന്തരിച്ചു. ഗാന്ധി വധവുമായി ബന്ധപ്പെട്ട കെ.ആർ മീരയുടെ ഫേസ്ബുക്ക് പോസ്റ്റിൽ വിവാദം കൊഴുക്കുകയാണ്. മീരയും ബിന്യാമിനും തമ്മിൽ വാക്പോര് മുറുകി. നോക്കാം പത്രത്താളുകളിലൂടെ വിശദമായി... കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം- സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ബജറ്റിന് മുന്നോടിയായി കേന്ദ്ര ധനകാര്യമന്ത്രി പാർലമെന്റിൽ അവതരിപ്പിച്ച സാമ്പത്തിക സർവേയുടെ വിശദാംശങ്ങളാണ് പല പത്രങ്ങളും പ്രധാനവാർത്തയാക്കിയത്. പട്ടികജാതി വിഭാഗങ്ങൾക്കുള്ള പദ്ധതികൾ സർക്കാർ വെട്ടിക്കുറച്ചെന്ന വാർത്തയാണ് മലയാള മനോരമയുടെ മുഖ്യവാർത്ത. ക്രൂരതകളുടെയും കൊലപാതകങ്ങളുടെയും വാർത്തകൾ ഇന്നുമുണ്ട്... ഡൽഹിയിൽ ആം ആദ്മി പാർട്ടിയിൽ നിന്ന് എം.എൽ.എമാർ തുടർച്ചയായി രാജി വയ്ക്കുന്നതും രാഷ്ട്രപതിയുടെ നയപ്രഖ്യാപന പ്രസംഗത്തെ സോണിയാഗാന്ധി വിമർശിച്ചതുമെല്ലാം പത്രങ്ങളിലുണ്ട്... കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

പല പല പ്രധാന വാർത്തകളാണിന്ന് മലയാള പത്രങ്ങൾക്ക്. പല പത്രത്തിനും പലതാണ് ലീഡ്. ആരോ​ഗ്യ ഇൻഷൂറൻസ് സംബന്ധിച്ച വാർത്തയാണ് മനോരമയിൽ. 60 കഴിഞ്ഞവരുടെ ഇൻഷൂറൻസ് പ്രിമീയം 10 ശതമാനത്തിലധികം കൂട്ടരുത് എന്ന ഉത്തരവ് ഇറങ്ങിയ വാർത്ത. എലപ്പുള്ളിയിൽ വൻ തോതിൽ ജലം ഉപയോ​ഗിക്കേണ്ടി വരുന്ന മദ്യ ഫാക്ടറി വരും മുമ്പ് തന്നെ പാലക്കാട് ജില്ലയിൽ ജലദൗർലഭ്യമുണ്ട് എന്ന് മാതൃഭൂമിയുടെ ലീഡ് വാർത്ത. തർക്കത്തിൽ ആറ് പള്ളികളു‌ടെ ഏറ്റെടുക്കൽ പൂർത്തിയാക്കാൻ സർക്കാരിനോട് നിർദേശിച്ച ഹൈക്കോടതി ഉത്തരവ് സുപ്രിം കോടതി തടഞ്ഞതാണ് മാധ്യമത്തിൽ ലീഡ്. ന്യൂനപക്ഷ സ്കോളർഷിപ്പ് സർക്കാർ വെട്ടിയെന്ന വാർത്തയാണ് ദീപികയിൽ. ദേശീയ ഭാരോ​ദ്വഹനത്തിൽ തൃശൂർ കാരി സുഫ്ന ജാസ്മിൻ സ്വർണമെഡൽ നേടിയ വാർത്ത ഏതാണ്ടെല്ലാ പത്രങ്ങളും പ്രാധാന്യത്തോടെ കൊടുത്തിട്ടുണ്ട്. അമേരിക്കയിൽ ആകാശത്ത് വിമാനങ്ങൾ കൂട്ടിയിടിച്ച് 67 പേർ മരിച്ചതുമുണ്ട്. | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ഷാരോൺ വധത്തിലും, ആർ.ജി കർ പീഡനത്തിലും വിധിച്ച ശിക്ഷയാണ് പത്രങ്ങൾക്കിന്ന് പ്രധാന തലക്കെട്ട്. പ്രണയം വേർപെടുത്താനുള്ള ചതിക്കൊലക്ക് ഗ്രീഷ്മക്ക് കോടതി വിധിച്ചത് വധശിക്ഷ. കൊൽക്കത്ത ബലാത്സംഗക്കൊലയിൽ സഞ്ജയ് റോയിക്ക് ശിഷ്ടകാലം ജയിൽ ജീവിതമാണ് ശിക്ഷ. യു.എസ്. പ്രസിഡൻ്റായി ഡൊണാൾഡ് ട്രംപ് സ്ഥാനമേറ്റ വാർത്തക്കും പ്രധാന പത്രങ്ങളെല്ലാം ഒന്നാം പേജിൽ സ്ഥലം കണ്ടെത്തി. ട്രംപവർ എന്നാണ് മാധ്യമം നൽകിയ തലക്കെട്ട്. രണ്ട് ഗഡു ക്ഷേമ പെൻഷൻ കൂടി സർക്കാർ അനുവദിച്ചതാണ് ഒന്നാം പേജിൽ കണ്ട ആശ്വാസ വാർത്ത. നോക്കാം പത്രത്താളുകളിലേക്ക് വിശദമായി | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം- സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

വെടിനിർത്തൽ നടപ്പാകുന്നതും ആദ്യപടിയായി മൂന്ന് ഇസ്രായേൽ ബന്ദികളെ ഹമാസ് പോരാളികൾ റെഡ്‌ക്രോസിന് കൈമാറിയതുമാണ് ഇന്നത്തെ പ്രധാനവാർത്ത. ട്രംപിന്റെ രണ്ടാമൂഴമുണ്ട്, ഇന്നാണ് അധികാരമേൽക്കുന്നത്. ഇന്ത്യൻ സമയം രാത്രി പത്ത് മണിയാകും. അതിന്റെ വിശദാംശങ്ങളുമുണ്ട്. സെയ്ഫ് അലിഖാനെ ആക്രമിച്ചയാൾ അറസ്റ്റിലായെന്നും അയാളൊരു ബംഗ്ലാദേശിയാണെന്നുമുളള വിവരങ്ങൾ എല്ലാ പത്രങ്ങളും ഒന്നാംപേജിൽ തന്നെ ചേർത്തിട്ടുണ്ട്. പി.എഫ് പെൻഷൻ തീരുമാനിക്കുന്നത് സംബന്ധിച്ച് കേന്ദ്രത്തിന് കടുംപിടിത്തമുണ്ട് എന്നും വാർത്തയുണ്ട് | കേൾക്കാം | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

ISROയുടെ രണ്ട് ഉപ​ഗ്രഹ​ങ്ങൾ ബഹിരാകാശത്തുവച്ച് പരസ്പരം ബന്ധിച്ചതു സംബന്ധിച്ച ശാസ്ത്രവാർത്തയാണ് ഇന്നത്തെ പ്രധാന വിഭവം. ഇപ്പോഴും അനിശ്ചിതത്വത്തിൽ കിടക്കുന്ന ​ഗസ്സയിലെ വെടിനിർത്തലുണ്ട്. മുംബൈയിലെ വീട്ടിൽ വെച്ച് സൈഫ് അലി ഖാന് കുത്തേറ്റ വാർത്തയുണ്ട്. മക്കളുടെ കാർമികത്വത്തിൽ സമാധിയടഞ്ഞ നെയ്യാറ്റിൻകരയിലെ ​ഗോപൻ്റെ പോസ്റ്റ്മോർട്ടമുണ്ട്... അങ്ങനയങ്ങനെ വാർത്തകൾ ഏറെയുണ്ട്. | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ഗസ്സ വെടിനിർത്തലിനുള്ള മധ്യസ്ഥ ചർച്ചകളിൽ കാര്യമായ പുരോഗതിയെന്നും തടസ്സങ്ങൾ പരിഹരിക്കപ്പെട്ടെന്നും പ്രധാന മധ്യസ്ഥരായ ഖത്തർ അറിയിച്ച വാർത്ത മാധ്യമത്തിൻ്റ ഒന്നാം പേജിലുണ്ട്. വെടിനിർത്തൽ രേഖ ഹമാസ് അംഗീകരിച്ചെന്ന തലക്കെട്ടിൽ മലയാള മനോരമയും വാർത്ത ഒന്നാം പേജിൽ നൽകി. ബോബി ചെമ്മണൂരിന് ജാമ്യം അനുവദിച്ച ഹൈക്കോടതി, ബോഡി ഷെയ്മിങിനെതിരെ കർശന താക്കീത് നൽകി. ഇതിനിടെ മലപ്പുറത്ത് നവവധുവിൻ്റെ ആത്മഹത്യക്ക് കാരണം കറുത്തതെന്ന അവഹേളനമെന്ന് പരാതി ഉയരുകയാണ്. മുണ്ടക്കൈയിൽ കാണാതായവരെ മരിച്ചതായി കണക്കാക്കി ആശിതർക്ക് സഹായധനം നൽകാൻ സർക്കാർ തീരുമാനിച്ചു. അതേസമയം പുനരധിവാസത്തിന് വെല്ലുവിളിയായി ഭൂമി ഏറ്റെടുക്കൽ നിയമനടപടികളിലേക്ക് നീങ്ങുകയാണ്. | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം- സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

എംഎൽഎ സ്ഥാനം രാജിവെച്ച പി.വി.അൻവർ നിലമ്പൂരിൽ മൽസരിക്കില്ല. കോൺഗ്രസിന് നിരുപാധിക പിന്തുണയെന്ന് പ്രഖ്യാപിച്ചെങ്കിലും അൻവറിന്റെ ആവശ്യം മലപ്പുറം ഡി.സി.സി അധ്യക്ഷൻ വി.എസ്. ജോയിയെ യുഡിഎഫ് സ്ഥാനാർത്ഥിയാക്കണമെന്നാണ്. ഗസ്സയിൽ വെടിനിർത്തൽ ചർച്ചകൾ യാഥാർത്ഥ്യത്തോട് അടുക്കുകയാണ്. അമേരിക്കയിലെ ലോസാഞ്ചൽസിൽ ഒരാഴ്ചയായി ആളിപ്പടരുന്ന കാട്ടുതീയിൽ മരണം 24 ആയി. ശബരിമലയിൽ മകരവിളക്ക് ഇന്നാണ് | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം- സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പി.വി അൻവർ എംഎൽഎ അറസ്റ്റിലായതാണ് ഇന്നത്തെ പത്രങ്ങളുടെ കോഴിക്കോടൻ പതിപ്പുകളിൽ പ്രധാനവാർത്ത. നിലമ്പൂരിലെ കരുളായി വനത്തിൽ ആദിവാസി യുവാവ് കാട്ടാനയുടെ ആക്രമണത്തിൽ കൊല്ലപ്പെട്ടതിനെ തുടർന്നുണ്ടായ പ്രതിഷേധവും വനംവകുപ്പിന്റെ ഓഫിസിൽ കാണിച്ച കടുത്ത രോഷവുമൊക്കെയാണ് അൻവറിന്റെ അറസ്റ്റിലെത്തിച്ചത്. മനോരമയിലും മാധ്യമത്തിലും അതാണ് ലീഡ്. പക്ഷേ മാതൃഭൂമിയിൽ അഭിമന്യു വധക്കേസാണ്. കേസ് നടത്തിപ്പിന്റെ നിരീക്ഷണത്തിന് സിപിഎം പ്രത്യേക സംവിധാനം ഏർപ്പെടുത്തുന്നുവെന്ന്. പെരിയ ഇരട്ടക്കൊലക്കേസിലെ പ്രതികൾക്ക് കണ്ണൂർ ജയിലിൽ പി.ജയരാജന്റെ നേതൃത്വത്തിൽ പാർട്ടിക്കാർ ആചാരപരമായ സ്വീകരണം കൊടുക്കുന്നതുമുണ്ട് പത്രങ്ങളിൽ | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

ചൂരൽമല മുണ്ടക്കൈ പുനരധിവാസ പദ്ധതിക്ക് മന്ത്രിസഭ അംഗീകാരം നൽകിയതാണ് പത്രങ്ങളിലെ പ്രധാന തലക്കെട്ട്. അതിവേഗം രണ്ട് ടൗൺഷിപ്പ് എന്ന് മലയാള മനോരമ. പുതിയ നാട് എന്ന് മാതൃഭൂമി തലക്കെട്ട്. യു.പി മൊറാദബാദിൽ പശുവിന്റെ പേരിൽ വീണ്ടും കൊല. സ്‌കൂൾ ബസ് മറിഞ്ഞ് വിദ്യാർഥിനി മരിച്ച അപകടം കണ്ണൂർ വളക്കൈയിൽ. കേരളത്തിലെ സസ്യ സമ്പത്തിനെക്കുറിച്ച് പതിനേഴാം നൂറ്റാണ്ടിൽ എഴുതിയ ഹോർത്തൂസ് മലബാറിക്കൂസ് ഇംഗ്ലീഷിലേക്കും മലയാളത്തിലേക്കും വിവർത്തനം ചെയ്ത സസ്യ ശാസ്ത്രജ്ഞൻ ഡോ.കെ എസ് മണിലാൽ അന്തരിച്ചു. വാർത്തകൾ നിരവധിയുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പുതു വർഷത്തിൽ പുതു ചിന്തകൾ പങ്കു വയ്ക്കുകയാണ് പത്രങ്ങൾ. വരട്ടെ സമാധാനത്തിന്റെ Al വർഷമെന്ന് മാധ്യമം. ഒരു കുഞ്ഞു മൊബൈൽ ഫോണിലേക്ക് ലോകം ചുരുങ്ങുമ്പോൾ വരാനിരിക്കുന്ന പുതിയ സാങ്കേതിക വിദ്യകളെക്കുറിച്ചാണ് മാതൃഭൂമിയും പറയുന്നത്. പുതുവർഷത്തിൽ ഒരു പിടി നല്ല വാർത്തകളുമായാണ് മനോരമ ഒന്നാം പേജ്. മണിപ്പൂരിലെ വംശീയ കലാപത്തിൽ മുഖ്യമന്തി എൻ. ബിരേൻ സിങ് മാപ്പു പറഞ്ഞതും പുതുവർഷത്തലേന്ന്.. പത്രത്താളുകളിലേക്ക് വിശദമായി... | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുണ്ടക്കൈ - ചൂരൽമല ഉരുൾപൊട്ടൽ അതി തീവ്രമെന്ന് ദുരന്തത്തിന്റെ 153 - ആം നാൾ കേന്ദ്രം സമ്മതിച്ചു. പൊലീസ് റിപ്പോർട്ട് അവഗണിച്ച് കൊടി സുനിക്ക് ഒരു മാസം പരോൾ. നിമിഷ പ്രിയയുടെ വധശിക്ഷ യെമൻ പ്രസിഡന്റ് ശരിവച്ചു. മോചന സാധ്യത മങ്ങുകയാണ്. ഇതൊക്കെയാണ് പത്രങ്ങളിൽ ഇന്നത്ത പ്രധാന തലക്കെട്ടുകൾ. ഉമാ തോമസിന്റെ ആരോഗ്യ നില ഗുരുതരമായി തുടരുകയാണ്. പത്രവാർത്തകളിലേക്ക് വിശദമായി.... | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുണ്ടക്കൈ ചൂരൽമല പുനരധിവാസത്തിന് എസ്റ്റേറ്റുകളുടെ ഭൂമി ഏറ്റെടുക്കാൻ സർക്കാരിന് ഹൈക്കോടതി അനുമതി നൽകിയതാണ് പത്രങ്ങളിലെ പ്രധാന തലക്കെട്ട്. സൂചി കുത്തിയതിന്റെ വേദനയില്ലാതെ മരുന്ന് ശശീരത്തിലെത്തിക്കുന്ന സിറിഞ്ച് ബോംബെ ഐ.ഐ.ടി. കണ്ടെത്തിയിരിക്കുന്നു. മുതിർന്ന കോൺഗ്രസ് നേതാവ് എ.കെ ആന്റണിക്ക് ഇന്ന് എൺപത്തിനാലാം പിറന്നാൾ. മാരുതി എണ്ണൂറിന്റെ ശിൽപി അന്തരിച്ചതും പത്രങ്ങളിലുണ്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഒരു ഒഴിവുദിവസത്തിൻ്റെ ഇടവേളക്ക് ശേഷം പത്രങ്ങൾ വരുമ്പോൾ രണ്ട്‍ യാത്രാമൊഴികളാണ് പ്രധാനം. എം ടി വാസുദേവൻ നായരുടേയും ഡോ. മൻമോഹൻ സിം​ഗിൻ്റെയും. മാതൃഭൂമിയും മലയാള മനോരമയും കോഴിക്കോട് എഡിഷനോടൊപ്പം എംടിക്കായി പ്രത്യേക പതിപ്പുകൾ ഇറക്കിയിട്ടുണ്ട്. മറ്റുപത്രങ്ങൾ ഒന്നാം പേജ് രണ്ടുപേർക്കുമായി പങ്കിട്ടിരിക്കുകയാണ്. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

മുണ്ടക്കൈ - ചൂരൽമല പുനരധിവാസത്തിൽ പ്രാഥമിക രൂപരേഖ മന്ത്രിസഭ ചർച്ച ചെയ്തതാണ് പത്രങ്ങളിൽ പ്രധാന തലക്കെട്ട്. തൃശൂർ പൂരം കലക്കൽ വോട്ടിനു വേണ്ടിയുള്ള അട്ടിമറിയെന്ന പൊലീസ് റിപ്പോർട്ടാണ് മറ്റൊരു പ്രധാന വാർത്ത. എം.ടിയുടെ ആരോഗ്യനില മാറ്റമില്ലാതെ തുടരുന്നു. ഇസ്രായേൽ തുടരുന്ന വംശഹത്യക്കിടയിൽ തണുത്തു വിറങ്ങലിക്കുകയാണ് ഗസ്സ |കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പൊതുവായി കനമേറിയ ഒരു തലക്കെട്ട് ഇല്ലാത്തതുകൊണ്ടാകാം പത്രങ്ങൾക്ക് ഇന്ന് ലീഡ് വാർത്തകൾ പലതാണ്. അംഗീകാരമില്ലാത്ത വായ്പ വിലക്കി കേന്ദ്രനിയമം വരുന്നു എന്നതാണ് 'പലിശക്കാരെ പൂട്ടും' എന്ന തലക്കെട്ടിൽ മാതൃഭൂമി പ്രധാന വാർത്ത. മദ്യനയ കേസിൽ ഡൽഹി മുഖ്യമന്ത്രി അരവിന്ദ് കെജ്‌രിവാളിനെ പ്രോസിക്യൂട്ട് ചെയ്യാൻ അനുമതി നൽകിയതാണ് വോട്ടിനു മുൻപേ കുരുക്കിട്ട് ഇ.ഡി എന്ന തലക്കെട്ടിൽ മനോരമ ലീഡ്.പി.എസ്.സി വിവരച്ചോർച്ചയിൽ വാർത്ത നൽകിയ മാധ്യമം ലേഖകന്റെ ഫോൺ പിടിച്ചെടുക്കാനുള്ള ക്രൈംബ്രാഞ്ച് നീക്കമാണ് 'വാർത്തയ്ക്ക് വിലക്ക് ' എന്ന തലക്കെട്ടിൽ മാധ്യമം പ്രധാന വാർത്ത. എംടിയുടെ ആരോഗ്യനിലയിൽ നേരിയ പുരോഗതിയുണ്ടെന്നതിലൂടെ പത്രങ്ങളിലെ ഒന്നാം പേജ് ആശ്വാസം തരുന്നു. കേരളത്തിന് 10 പ്രത്യേക തീവണ്ടികൾ അനുവദിച്ചു. ജീവനൊടുക്കിയ നിക്ഷേപകനെ സിപിഎം ഏരിയ സെക്രട്ടറി നേരത്തെ ഭീഷണിപ്പെടുത്തുന്ന ശബ്ദസന്ദേശം പുറത്തുവന്നതോടെ സിപിഎം പ്രതിരോധത്തിലായ വാർത്തയുമുണ്ട് പത്രങ്ങളിൽ | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

അംബേദ്കർ നിന്ദയിൽ രോഷം സഭ കടന്ന് രാജ്യത്താകമാനം ഉയരുമ്പോൾ വഴിതിരിച്ചു വിടാനാണ് ബിജെപി ശ്രമം.പാർലമെൻറ് കവാടത്തിൽ ഇന്ത്യ എംപിമാരെ ബിജെപി തടഞ്ഞതും തുടർന്നുണ്ടായ സംഘർഷങ്ങളുമാണ് പത്രങ്ങളിലെ പ്രധാന വാർത്ത. 'അംബേദ്കറിൽ പൊള്ളി, പുറത്തും ചൂട് 'എന്ന് മാതൃഭൂമി തലക്കെട്ട്. 'വഴിതിരിച്ച് ബിജെപി' എന്ന് മാധ്യമം. സഭയ്ക്ക് പുറത്ത് കയ്യാങ്കളി എന്ന് മലയാള മനോരമ, നില തെറ്റി ബിജെപി എന്ന് ദേശാഭിമാനി. രക്ഷിക്കാൻ അക്രമ നാടകം എന്ന് ചന്ദ്രിക. ആന എഴുന്നള്ളിപ്പിലെ ഹൈക്കോടതി നിർദേശങ്ങൾ സുപ്രീംകോടതി സ്റ്റേ ചെയ്തതും ക്ഷേമപെൻഷൻ തട്ടിപ്പിൽ ആറുപേരെ സസ്‌പെൻഡ് ചെയ്തതും ഉൾപ്പെടെ പ്രാധാന്യത്തോടെ പത്രങ്ങളിലുണ്ട്. കൈമുട്ട് വേദനയ്ക്ക് ശസ്ത്രക്രിയ ചെയ്തപ്പോൾ കിട്ടിയത് പട്ടിയുടെ പല്ല് എന്ന വാർത്ത മാതൃഭൂമിയിൽ |കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഒരു രാജ്യം, ഒരു തെരഞ്ഞെടുപ്പ് ബിൽ ലോക്‌സഭയിൽ അവതരിച്ചു. പ്രതിപക്ഷം ഒറ്റക്കെട്ടായി എതിർത്തതോടെ ബിൽ ജെ.പി.സിക്ക് വിടാൻ സർക്കാർ നിർബന്ധിതരായി. ഇതാണ് മിക്ക പത്രങ്ങളുടെയും ലീഡ് വാർത്ത. ഒറ്റ തെരഞ്ഞെടുപ്പിൽ കേന്ദ്രത്തിന് പ്രഹരമെന്ന് മാധ്യമം തലക്കെട്ട്. ബില്ലിനെതിരെ വൻ പ്രതിഷേധം: ഇനി ജെ.പി.സി എന്ന് മലയാള മനോരമ. വിപ്പുണ്ടായിട്ടും 20 BJP എം.പി.മാർ വിട്ടുനിന്നതാണ് മാതൃഭൂമി തലക്കെട്ടാക്കിയത്. സഭ കടക്കില്ല എന്ന് ദേശാഭിമാനി തലക്കെട്ട്. പാസാവാൻ വേണം പ്രതിപക്ഷ സമവായമെന്ന് കേരളകൗമുദി ഹെഡ് ലൈൻ നൽകി. സ്വകാര്യ ബസ് അപകട മരണമുണ്ടായാൽ പെർമിറ്റ് പോകുമെന്നത് ഉൾപ്പെടെയുള്ള പരിഷ്‌കാരങ്ങളുടെ വാർത്തയും പത്രങ്ങൾ പ്രാധാന്യത്തോടെ നൽകി. കൊപ്രയുടെയും പച്ചത്തേങ്ങയുടെയും വില സർവകാല ഉയരത്തിലെത്തിയത് മനോരമ ഒന്നാം പേജ് വാർത്തയാണ് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പല പത്രങ്ങൾക്കും പലതാണിന്ന് പ്രധാനവാർത്തകൾ. റോ‍ഡ‍് സുരക്ഷക്കായുള്ള വാഹനനിരീക്ഷണപദ്ധതി പാളിയെന്ന് മനോരമ. സംഭലിൽ ബുൾഡോസർ രാജെന്ന് മാധ്യമം. വിദ്വേഷം പ്രസം​ഗിച്ച ജ‍ഡ്ജിയെ സുപ്രിംകോടതി വിളിപ്പിച്ചതാണ് മാതൃഭൂമിക്ക് ലീഡ്. കേൾക്കാം വാർത്തകൾ....|കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവൺ

സ്‌കൂൾ പരീക്ഷകളിലെ ചോദ്യപേപ്പർ ചോർച്ചയിൽ സർക്കാർ കർശന നടപടിക്ക് ഒരുങ്ങുന്നു എന്നാണ് 'സ്വകാര്യ ട്യൂഷന് കടിഞ്ഞാൺ' എന്ന തലക്കെട്ടിൽ മാതൃഭൂമി ലീഡ്. ചോദ്യപേപ്പർ ചോർച്ച മറ്റുപത്രങ്ങളുടെയും ഒന്നാം പേജ് വാർത്തയാണ്. ലോക്‌സഭയിൽ ഭരണഘടന ചർച്ചയ്ക്ക് സമാപനമായി, ഏക സിവിൽ കോഡിൽ ഉറച്ച് മോദി. സാമൂഹിക നീതിക്ക് പ്രതിപക്ഷം. 'പോർമുഖം ഭരണഘടന ' എന്നാണ് മാധ്യമത്തിലെ പ്രധാന വാർത്ത. ദേശാഭിമാനിയിലേക്ക് വന്നാൽ അവഗണിച്ചാലും കുതിച്ചുയരും ഇതാ കേരളത്തിൻറെ മറുപടിയെന്ന് തലക്കെട്ട്. കേരളത്തെ അടക്കം കേന്ദ്രം അവഗണിക്കുന്നു എന്ന് കനിമൊഴി, കൈമലർത്തി അപഹസിച്ച് സുരേഷ് ഗോപി എന്ന വാർത്തയും ദേശാഭിമാനി നൽകി | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

2018 പ്രളയം മുതൽ മുണ്ടക്കൈ ദുരന്തം വരെ വ്യോമരക്ഷാ ദൗത്യത്തിന് കേരളം 132.62 കോടി തിരച്ചടക്കാനുണ്ടെന്നും ഇതിൽ 13.65 കോടി ഉടൻ നൽകണമെന്നും കേന്ദ്ര സർക്കാർ ആവശ്യപ്പെട്ടതാണ് മിക്ക പത്രങ്ങളുടെയും ലീഡ്. 'ജീവനും കൂലി' എന്ന് മാധ്യമം , വാർത്തക്ക് 'കാശെടുക്ക് ' എന്ന തലക്കെട്ട് നൽകി മലയാള മനോരമ. നാടുകടത്തൽ പേടിയിൽ അമേരിക്കയിലെ ഇന്ത്യൻ സമൂഹം എന്ന വാർത്തയാണ് ട്രംപ് ഭീഷണി എന്ന തലക്കെട്ടിൽ മാതൃഭൂമി പ്രധാന വാർത്തയാക്കിയത്. തിക്കിലും തിരക്കിലും ആരാധിക മരിച്ച സംഭവത്തിൽ അറസ്റ്റിലായ നടൻ അല്ലു അർജുനെ ജാമ്യത്തിൽ വിട്ടതും പത്രങ്ങളുടെ ഒന്നാം പേജിൽ തന്നെയുണ്ട്. കല്ലടിക്കോട് അപകടത്തിൽ മരിച്ച നാല് കളിക്കൂട്ടുകാർക്കും ഒറ്റ ഖബറിടത്തിൽ അന്ത്യവിശ്രമം ഒരുക്കിയതും പത്രങ്ങൾ പ്രാധാന്യത്തോടെ നൽകി| കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഇന്ത്യക്ക് അഭിമാനമായി ഗുകേഷ് പ്രായം കുറഞ്ഞ ലോക ചെസ് ചാമ്പ്യനായതാണ് പത്രങ്ങളിലെ സന്തോഷ വാർത്ത. എന്നാൽ ലോറി പാഞ്ഞുകയറി പരീക്ഷ കഴിഞ്ഞ് മടങ്ങിയ നാല് വിദ്യാർത്ഥികൾ ചതഞ്ഞരഞ്ഞ് മരിച്ച വാർത്ത കണ്ണ് നനയ്ക്കുന്നതാണ്. ഗുകേഷ് ലോക ചെസ് ചാമ്പ്യനായ വാർത്തക്ക് അശ്വമേധം എന്നാണ് മാതൃഭൂമി തലക്കെട്ട്. കരുത്തൻ എന്ന് മാധ്യമവും ദേശാഭിമാനിയും. ആരാധനാലയങ്ങളിൽ അവകാശവാദമുന്നയിച്ചുള്ള പുതിയ ഹരജികൾ സ്വീകരിക്കരുതെന്നും, കേസുകളും സർവേകളും പാടില്ലെന്നുമുള്ള സുപ്രീം കോടതി ഉത്തരവാണ് മാധ്യമവും മലയാള മനോരമയും ഉൾപ്പെടെ ഭൂരിഭാഗം പത്രങ്ങളുടെയും ലീഡ് വാർത്ത | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

പല പത്രങ്ങൾക്കും പലതാണ് ഇന്ന് പ്രധാനവാർത്തകൾ. വിജിലൻസ് അന്വേഷണം എഡിജിപി അജിത്കുമാറിന് ഡിജിപിയാകുന്നതിന് തടസമാകില്ലാ എന്ന വാർത്തയാണ് മനോരമയ്ക്ക് മുഖ്യവാർത്ത. പ്രോവിഡന്റ് ഫണ്ട് തുക എടിഎം വഴിയെടുക്കാൻ സംവിധാനം വരുന്നുവെന്ന വിവരമാണ് മാതൃഭൂമിക്ക് മുഖ്യം. സ്കൂൾ പരീക്ഷാരീതി മാറ്റുന്നുവെന്ന വാർത്തയാണ് മാധ്യമത്തിന് പ്രധാനം. സ്ത്രീധനനിയമവും സ്ത്രീപീഡനക്കേസുകളും ദുരുപയോഗം ചെയ്യുന്നതിനെതിരെ സുപ്രിംകോടതിയും കേരള ഹൈക്കോടതിയും നിലപാടെടുത്തതാണ് ദീപിക, മംഗളം, കേരള കൗമുദി പത്രങ്ങൾ ലീഡ് വാർത്തയാക്കിയത്. പുരുഷനും അന്തസുണ്ട് എന്ന്  കേരള കൗമുദിയുടെ തലക്കെട്ട് | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - പി.ടി നാസർ, എക്സിക്യൂട്ടീവ് എഡിറ്റർ, മീഡിയവണ്‍

വിദ്വേഷ പ്രസംഗത്തിൽ അലഹാബാദ് ഹൈക്കോടതി ജഡ്ജി ശേഖർ കുമാർ യാദവിന് നേരെ പ്രതിഷേധം ശക്തമാവുകയാണ്. വിഷയത്തിൽ സുപ്രീം കോടതി റിപ്പോർട്ട് തേടുകയും ചെയ്തു. ഇതാണ് മാതൃഭൂമിയുടെ പ്രധാന തലക്കെട്ട്. രാജ്യസഭ ചെയർമാൻ ജഗ്ദീപ് ദൻഖഡിനെതിരെ ഇൻഡ്യാ സഖ്യം കൊണ്ടുവന്ന അവിശ്വാസവും, അവസരം മുതലാക്കി ഇസ്രായേൽ സിറിയയിൽ നടത്തുന്ന അധിനിവേശവും മാധ്യമം പ്രാധാന്യത്തോടെ നൽകി. മുണ്ടിനീര് രോഗബാധിതരിൽ ഇക്കൊല്ലം 30 മടങ്ങ് വർധനയെന്നതാണ് മലയാള മനോരമക്ക് ലീഡ്. കോഴിക്കോട് മത്സരയോട്ടം ചിത്രീകരിക്കുന്നതിനിടെ കാറിടിച്ച് യുവാവ് മരിച്ചത് മിക്ക പത്രങ്ങളുടെയും ഒന്നാം പേജ് വാർത്തയാണ്. നമുക്ക് വിശദമായി പരിശോധിക്കാം | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ഇന്ന് പത്രങ്ങൾക്ക് ലീഡ് വാർത്തകൾ പലതാണ്. സിറിയയിലെ സംഭവ വികാസങ്ങളാണ് മാധ്യമത്തിൻ്റെ പ്രധാന വാർത്ത. സിറിയയിൽ ഇസ്രായേൽ കൈയേറ്റം എന്ന് തലക്കെട്ട്. മുണ്ടക്കൈ പുനരധിവാസത്തിൽ ഉൾപ്പെടെ കേന്ദ്രത്തിനെതിരെ മുഖ്യമന്ത്രി ആഞ്ഞടിച്ചതും, സ്മാർട് സിറ്റിയിലെ വിശദീകരണവും പത്രങ്ങളുടെ ഒന്നാം പേജിലുണ്ട്. പമ്പ-അച്ചൻകോവിൽ- വൈപ്പാർ നദീസംയോജന പദ്ധതി - കേരളത്തോട് വീണ്ടും ജലച്ചതി എന്നാണ് മാതൃഭൂമി ലീഡ്. പി.ആർ പ്രവർത്തനങ്ങൾക്ക് പബ്ലിക് റിലേഷൻസ് വകുപ്പിനെ മാത്രമേ ആശ്രയിക്കാറുള്ളൂ എന്ന മുഖ്യമന്ത്രിയുടെ വാദത്തെ ഖണ്ഡിച്ച് പി.ആർ.ഡിക്കും പി.ആർ എന്ന വാർത്ത പുറത്തു കൊണ്ടു വരുന്നു മലയാള മനോരമ. പത്രത്താളുകളിലേക്ക് വിശദമായി...| കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

മുണ്ടക്കൈ പുനരധിവാസത്തിൽ സർക്കാറിനെ ഹൈക്കോടതി രൂക്ഷമായി വിമർശിച്ചതാണ് പത്രങ്ങളുടെ ഇന്നത്തെ ലീഡ് വാർത്ത. ആരെയാണ് നിങ്ങൾ വിഡ്ഢികളാക്കുന്നത് എന്ന് മലയാള മനോരമ. കണക്കില്ല കണക്കിന് കിട്ടിയെന്ന് മാതൃഭൂമി. വയനാട് ദുരന്തബാധിതരെ അപമാനിക്കരുത് എന്ന് മാധ്യമം. മാർ ജോർജ് കൂവക്കാട് കർദിനാളായി അഭിഷിക്തനായ വാർത്തയും പത്രങ്ങൾ പ്രാധാന്യത്തോടെ നൽകി. ആരാധനാലയ നിയമം റദ്ദാക്കണമെന്ന ഹരജികളിൽ 12ന് ചീഫ് ജസ്റ്റിസിൻ്റെ നേതൃത്വത്തിലുള്ള പ്രത്യേക ബഞ്ച് വാദം കേൾക്കും എന്നതാണ് മറ്റൊരു പ്രധാന വാർത്ത. സിറിയൻ വിമതർ ഡമസ്കസിന് അടുത്തെത്തിയതും ദക്ഷിണകൊറിയൻ പ്രസിഡൻ്റിനെ പുറത്താക്കാനുള്ള നീക്കം പരാജയപ്പെട്ടതും ഉൾപ്പെടെ അന്താരാഷ്ട്ര വാർത്തകളും നിരവധിയുണ്ട് പത്രങ്ങളിൽ നമുക്ക് വിശദമായി പരിശോധിക്കാം... | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

സ്മാർട്ട് സിറ്റി പദ്ധതിയിൽ നിന്ന് ദുബായ് കമ്പനിയെ ഒഴിവാക്കുമ്പോൾ നഷ്ടപരിഹാരം നൽകാനുള്ള മന്ത്രിസഭാ തീരുമാനം വിവാദമായതാണ് മിക്ക പത്രങ്ങളുടെയും ഇന്നത്തെ ലീഡ്‌. ഓവറാണ്, സ്മാർട്ടല്ല എന്ന് മലയാള മനോരമയിലെ തലക്കെട്ട്. നഷ്ട്ടപരിഹാരം വെറുതെയോ എന്ന് മാതൃഭൂമി. ഓവർ സ്മാർട്ട് നഷ്ടപരിഹാരം എന്ന് മാധ്യമം. നഷ്ടം നാടിന് , ലാഭം ദുബയ് കമ്പനിക്ക് എന്ന് മംഗളം. വിമാന നിരക്ക് കൂട്ടാൻ ഒരു മാസം മുൻപ് അറിയിക്കണമെന്ന വ്യോമയാന മന്ത്രിയുടെ നിർദേശവും മാതൃഭൂമി പ്രധാന വാർത്തയാക്കി. കാസർകോട് ഒരു വർഷം മുൻപ് മരിച്ച പ്രവാസിയുടെ മരണം കൊലപാതകമെന്ന് തെളിഞ്ഞതും , മന്ത്രവാദിനി ഉൾപ്പെടെ 4 പേർ അറസ്റ്റിലായതും പത്രങ്ങളിലുണ്ട്. പ്രോബ 3 ISRO വിജയകരമായി വിക്ഷേപിച്ചത് ഉൾപ്പെടെ അറിയാൻ ഏറെയുണ്ട് പത്രത്താളുകളിൽ. നമുക്ക് വിശദമായി പരിശോധിക്കാം.. | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ

ബാങ്കിങ് നിയമഭേദഗതി ബിൽ ലോക്സഭ പാസാക്കിയതാണ് മാതൃഭൂമിയുടെ ഇന്നത്തെ ലീഡ്. ആലപ്പുഴ വാഹനാപകടത്തിൽ മരിച്ച അഞ്ച് വിദ്യാർഥികൾക്ക് നാട് യാത്രാമൊഴി നൽകിയത് 'കണ്ണീർ കായൽ' എന്ന തലക്കെട്ടിൽ മാധ്യമത്തിൽ. മറ്റുപത്രങ്ങളുടെ ഒന്നാം പേജിലുമുണ്ട് ഈ വാർത്ത. തർക്കത്തിലുള്ള ആറ് പള്ളികൾ യാക്കോബായ സഭ ഓർത്തഡോക്സ് വിഭാഗത്തിന് കൈമാറണമെന്ന സുപ്രിംകോടതി വിധിയാണ് പത്രങ്ങളിലെ മറ്റൊരു പ്രധാനവാർത്ത. തിരുവനന്തപുരത്ത് രണ്ടരവയസുകാരിയുടെ ജനനേന്ദ്രിയത്തിൽ മുറിവേൽപിച്ച മൂന്ന് ആയമാർ അറസ്റ്റിലായതും പത്രങ്ങൾ പ്രാധാന്യത്തോടെ നൽകി | കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast അവതരണം - സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ