"Memories of a Poet" by Nyein Wai

ရေးသူပြောသူ မျှဝေယူကြတဲ့ ကဗျာလောကသဘောကို "ဇောချွေး" ဆိုတဲ့ ကဗျာနဲ့ ရှာဖွေတင်ပြထားတာမို့ သောတရှင်များ နားဆင်မှတ်သားနိုင်ပါတယ်။

ကဗျာဆရာတွေဟာ ကဗျာ့နည်းပရိယာယ်၊ ကဗျာ့အတတ်ပညာနဲ့ အဖိနှိပ်ခံဘဝတွေကို သက်သေခံပြီး မှတ်တမ်းတင်ကြပါတယ်။ ကဗျာဆရာငြိမ်းဝေ(ကဗျာ့အိုးဝေ)ဟာလည်း သက်ရှိသက်သေတစ်ဦးဖြစ်တယ်ဆိုတာ ဒီအပိုင်းမှာ အထင်းသားတွေ့ရမှာပါ။

Noble ဆုရခဲ့သူ မြန်မာပြည်နဲ့ အလွန်နီးစပ်သူ၊ ကမ္ဘာငြိမ်းချမ်းရေး အကျိုးရှေးရှုတစ်ဦးရဲ့ ဘဝနဲ့ကဗျာများကို ကဗျာဆရာ၏ မှတ်ဉာဏ်များမှ တင်ဆက်လိုက်ရပါတယ်။ 

ရုရှားပြည်သူတွေကို ဖိနှိပ်တဲ့ ရုရှားအာဏာရှင်ကြီးကို လက်နက်မဲ့ ကဗျာဆရာတစ်ယောက်က လက်နက်မဲ့ကဗျာတစ်ပုဒ်နဲ့ အသေခံတိုက်ခိုက်ခဲ့တဲ့ ကဗျာဆရာ အိုစစ် မင်ဒယ်လ်စတန်းရဲ့ ကဗျာတစ်ပုဒ်ကို ရွတ်ဖတ်လိုက်ပါတယ်။ ကဗျာချပ်ဝပ်နဲ့အသေခံ ကာကွယ်သွားရအောင် ဒါကဘယ်လိုကဗျာမျိုးပါလဲ။

ကစဥ့်ကလျားအခြေအနေကြားက မိသားစုကဗျာတစ်ပုဒ်ကို နားဆင်ကြရမှာပါ။ ကဗျာဆရာယောဟန်အောင်ဟာ "သူငိုရင်တကမ္ဘာလုံးလှုပ်တယ်" ဆိုတဲ့ကဗျာနဲ့ ငြိမ်းဝေကို ဖမ်းစားနိုင်ခဲ့ပါတယ်။ ဒီအပိုင်းဟာ ဒီကဗျာကို ဂုဏ်တင်တဲ့ အပိုင်းပါပဲ။

ငြိမ်းဝေရှာဖွေထားတဲ့ ကဗျာဆရာမိုဃ်းဇော်ရဲ့ နောက်ထပ်ကဗျာတစ်ပုဒ်ဖြစ်ပါတယ်။ ကြပ်တည်းလှတဲ့ ဘဝအခြေအနေတွေကို ကဗျာအပေါ်မှာ အရှင်းလင်းဆုံး မြင်တွေ့ခံစားရမှာပါ။

ကဗျာဒဿနဆိုတာ သဘာဝကို အခြေခံတယ်လို့ ဆိုရမှာပါ။ သစ်ရွက်တစ်ရွက်ကြွေတာကို လူတစ်ယောက်က မရေမတွက်နိုင်တဲ့ ခံစားချက်တွေနဲ့ ကွဲပြားတွေ့ရှိနိုင်တာကို နားဆင်ကြရမှာပါ။

ဆိုးမွေဟာ မျိုးဆက်များစွာတိုင်ခဲ့ပါပြီ။ မပြတ်သေးသမျှ အဖြစ်အပျက်တွေ တူနေဦးမှာပဲ။ ရှေ့မျိုးဆက်ကငြိမ်းဝေဟာ ခေတ်အဖြစ်အပျက်ချင်းတူနေတဲ့ အကြောင်းအရာတွေကို လူငယ်ကဗျာဆရာတစ်ယောက်ရဲ့ကဗျာနဲ့ ကိုးကားတင်ဆက်လိုက်ပါတယ်။

အဆုံးသတ်တိုက်ပွဲရင်ခုန်သံကို ငြိမ်းဝေက ကဗျာတစ်ပုဒ်နဲ့တင်စားပြီး မြင်ယောင်မိပါတယ်။ ကဗျာဆရာမောင်လမင်းလေးရဲ့ ပန်းတွေပွင့်စေ ဆိုတဲ့ကဗျာဟာ ဒီလိုအားသစ်တွေဆက်ပေးရာ ကဗျာတစ်ပုဒ်ပါပဲ။

ဗုဒ္ဓတောင်မှ အိုနာသေခြင်းကို ကြောက်စိတ်ကြောင့် ဒီတရားတွေကင်းရာ နိဗ္ဗာန်ကို ရှာဖွေခဲ့ပါတယ်။ ကြောက်ကြောက်နဲ့လုပ်ခဲ့တာတွေဟာ ကြောက်စိတ်ကို ရင်ဆိုင်ခဲ့ကြတာဖြစ်ကြောင်း ရှာဖွေသက်သေခံထားပါတယ်။

မိသားစုစိတ်ဓါတ်ဆိုတာ ဘာလဲ။ ငြိမ်းဝေဖတ်ခဲ့ရတဲ့ ဆောင်းပါးတစ်ပုဒ်နဲ့ သက်သေပြထားပါတယ်။ ဘင်္ဂါလီကဗျာကဝိကြီး ရာဘင်ဒြာနတ်တဂိုးရဲ့ ကဗျာတစ်ပုဒ်ကို ဆရာမြသန်းတင့်ဘာသာပြန်ထားတဲ့ကဗျာကိုလည်း ကြည်နူးဖွယ်ကြားကြရမှာပါ။ နားဆင်ကြည့်ကြပါဦး။

ကဗျာဆရာတွေရဲ့ ဘဝအပေါ်ကျင်လည်ရပုံတွေ၊ စိတ်ထားတွေ၊ ခံစားချက်တွေ ရူးသွပ်ပုံနဲ့ ဘာတွေကို အားကျနေကြလဲဆိုတာတွေကို မိုဃ်းဇော်ရဲ့ကဗျာနဲ့ သရုပ်ဖော် ရွတ်ဖတ်လိုက်ပါတယ်။ ကဗျာရေးသူတွေရဲ့ဘဝကို နားဆင်ကိုယ်ချင်းစာနိုင်ပါတယ်။

ကပ်ဆိုက်နေတဲ့ ကမ္ဘာကြီးမှာ ငြိမ်းချမ်းရေးတရားတွေနဲ့ ပြည့်စုံနေသူတစ်ဦးရဲ့ စိတ်ထားနဲ့ အမူအကျင့်တွေကို ဖွင့်ဆိုဖော်ပြထားတဲ့အပိုင်း ဖြစ်ပါတယ်။ ဆရာမောင်ဆုရှင်ရဲ့ တဂိုးကဗျာဘာသာပြန် လက်ရာကိုလည်း ရွတ်ဆိုထားပါတယ်။

ဆရာကြီး ဟံသာဝတီဦးဝင်းတင်ကွယ်လွန်စဥ်က ငြိမ်းဝေတသထားတဲ့ ကဗျာတစ်ပုဒ်ကို တင်ပြထားပါတယ်။ ဦးဝင်းတင်ရဲ့ ရပ်တည်မှု၊ မာန်မာနနဲ့ သိက္ခာတရားကို တစ်စိတ်တစ်ပိုင်း မြင်ယောင်နားဆင်ရမှာ ဖြစ်ပါတယ်။

သောတရှင်များအတွက် ကဗျာဆိုင်ရာ ဖွဲ့ဆိုရေးသားမှု၊ အတွင်းသဘောဆိုလိုချက်တွေအပေါ် အကောက်အယူဆိုင်ရာ ရှင်းလင်းချက်တွေကို ငြိမ်းဝေက မျှဝေထားပါတယ်။

ရူးချင်ယောင်ဆောင်ရင်း တကယ်ရူးသွားတတ်တာကို ဆရာကိုရွေးက "စိုးတယ်ရန်ကုန်" ဆိုတဲ့ ကဗျာနဲ့ တိုတောင်းပြတ်သားစွာ ဖော်ထုတ်ထားတာကို ငြိမ်းဝေရဲ့ တင်ဆက်မှုနဲ့အတူ နားဆင်ခံစားကြရမှာပါ။

လပြည့်ညရဲ့ ဆွဲငင်အားကြောင့် အလွမ်းဓာတ်ခံများ ပြည့်လျှံလာတဲ့ လူသားဆန်မှုမှ ပေါက်ဖွားလာသော ကဗျာတစ်ပုဒ်။

အိပ်မက်ဆိုးတွေကြားက စစ်အာဏာရှင်တွေရဲ့ မထူးဇာတ်ခင်းနေတဲ့အကြောင်း ကဗျာဆရာဝင်းမင်းခိုင်ရဲ့ ကြိုတင်နိမိတ်ဖတ်ထားတဲ့ ကဗျာတစ်ပုဒ်ကို ရွတ်ဆိုဖွင့်ဟ ထားပါတယ်။

အမယ်ဘုတ်သူ့ချည်ခင်လူ့အဖွဲ့အစည်းနဲ့ အင်တာနက်ခေတ်ရဲ့ ရှုပ်ထွေးမှုတွေကြား ပန်းတိုင်မပျောက်လျှောက်လှမ်းဖို့ ကဗျာဆရာကြီးတင်မိုးရဲ့ကဗျာက မီးမောင်းထိုးပြ သံဝေဂရစေမှာ ဖြစ်ပါတယ်။

ချစ်ခင်လေးစားရပါသော ပရိတ်သတ်များခင်ဗျာ လို့ အစချီတဲ့ ဆရာငြိမ်းဝေရဲ့ အသံတင်ဆက်မှုများဟာ အခုဆို အပိုင်း ၁၁ ကိုရောက်လာခဲ့ပါပြီ။ နားဆင်ကြပါဦးခင်ဗျာ။

လေတိုးခံရတဲ့ ကြိုးတစ်ချောင်းနဲ့တူတဲ့ သောင်ရင်းမြစ်ဟာ ခေတ်အဆက်ဆက် မြန်မာပြည်က တော်လှန်လူငယ်တွေရဲ့ မှတ်စုစာအုပ်ငယ်လေးတွေထဲ ကဗျာဘယ်နပုဒ်များ ပေါ်ပေါက်စေခဲ့ပြီလဲ။

ရက္ခိုင့်တပ်မတော် ဒုစစ်ဦးစီးချုပ် ဒေါက်တာ ညိုထွန်းအောင်ဟာ "သူပုန်ဖြူ"ပါပဲ။ ကဗျာဆိုတာ ရင်ခုန်သံပါပဲလို့ ဆရာကြီး ဒဂုန်တာရာက ပြောခဲ့သလို သူပုန်ဖြူရဲ့ တော်လှန်သော ရင်ခုန်သံဟာ ငြိမ်းဝေကို လာငြိတယ်၊ မြန်မာပြည်သူတွေကို သွားငြိတယ်၊ ခင်ဗျားတို့ ကျွန်တော်တို့လူငယ်တွေကိုလည်း လာငြိခဲ့ပါတယ်။ နားဆင်ကြပါဦးဗျာ။

ဦးငြိမ်းဝေရဲ့ အတွေ့ကြုံများထဲက တစ်ခုဖြစ်တဲ့ တောတောင်အတွင်း ဖြတ်သန်းမှုများက စိတ်ထိခိုက်စရာ၊ မှင်သက်အံ့သြစရာ ကောင်းလှပါတယ်။ ၅ နှစ်အရွယ် ကရင်ကလေးငယ်နှင့်အတူ စစ်ပြေးကြရင်း အဖေနဲ့ဝေးရတဲ့ ကရင်ကလေးငယ်၊ တစ်ဦးတည်းသော သားငယ်ကို ထားခဲ့ရတဲ့ ကဗျာဆရာငြိမ်းဝေတို့ရဲ့ အဖြစ်အပျက် မှတ်ဉာဏ် တစ်ပိုင်းတစ်စကို မွန်ဂိုလီယား ကဗျာဆရာ ရဲ့ "စစ်ပွဲ" ဆိုတဲ့ ကဗျာနဲ့ ခံစား ဝေမျှထားပါတယ်။ နားဆင်ကြပါဦးဗျာ။

ကဗျာဆရာ ငြိမ်းဝေဟာ မြန်မာပြည်ဖွား ခေတ်ပေါ် ကဗျာ လမ်းသစ်ဖောက်ခဲ့သူ ကဗျာစွန့်ဦးဆရာတစ်ဦးဖြစ်တဲ့ မောင်ချောနွယ်ရဲ့ ကဗျာ " ပင်မှည့်တေး" ကို ခံစားတင်ဆက်ထားပါတယ်။ ခေတ်တစ်ခုကို အတူဖြတ်သန်းခဲ့ကြတဲ့ ကဗျာဆရာတစ်ဦးက တစ်ဦးအပေါ် ဂုဏ်ပြုခံစားတင်ဆက်ထားခြင်းဟာ ချစ်စဖွယ်ပါပဲ။ နားဆင်သူတွေအတွက် ချစ်သူစစ်စစ်နဲ့ ရန်သူစစ်စစ်ကို ခွဲခြားနိုင်ဖို့ ဆုတောင်းပေးလိုက်ပါတယ်။ သောတဆင်ကြပါဦးခင်ဗျာ။

ဗိုလ်နေဝင်း စစ်အစိုးရ လက်ထက်မှာ ကဗျာဆရာတွေဟာ ဘယ်အခန်းကဏ္ဍကနေပြီး ပြည်သူ့ဖက်က ရပ်နေကြသလဲ။ အာဏာရှင်ရဲ့ စိစစ်ရေးအမှောင်ခန်းကို ပရိယာယ်ဝင်္ကဝုတ်နဲ့ ဘယ်လိုကျော်ဖြတ်ခဲ့လည်း ဆိုတာ သက်သေပြခဲ့တဲ့ ပထမဆုံးကဗျာတစ်ပုဒ်အကြောင်းကို တင်ဆက်ထားပါတယ်။

ကဗျာဆရာ ငြိမ်းဝေဟာ လွန်ခဲ့သော နှစ် ၃၀ က သူကြုံဆုံခဲ့ရသော စစ်ဒဏ်သင့် ကရင်ပြည်နယ် ကြုံစိန်ရွာမှ ငယ်ရွယ်စွာ အသက်ဆုံးပါးခဲ့ရသော ကရင် သူနာပြုဆရာမလေး နော်ဖောကေ နဲ့ ဘဝနောက်ခံတူ နိုဘယ်ဆုရ စစ်ပြေးကဗျာဆရာမ မင်ချူးရာရဲ့ " နယ်စပ်ကိုဖြတ်ကျော်၍" ဆိုတဲ့ ကဗျာကို ရွတ်ဆိုဝေမျှ ဖြစ်ခဲ့ပါတယ်။ နားဆင်ခံစားကြပါအုံးခင်ဗျာ။