MuTe

http://www.reverbnation.com/mute4rap http://www.facebook.com/MuTeOffical http://www.twitter.com/MuTe99MuTe MuTe's 8th Rap Track ... Track Name : Masr7ya (Single) Artist : Mohamed Kamal .. A.K.A .. MuTe Lyrics : MuTe (Mohamed Kamal) Recoreded, Mix & Master : At Revolution Records Studio by Mezo Temraz ... YouTube : http://youtu.be/1Ukz-MwK0hU MP3 File : Now Downloading is Enabled Poster : http://www9.0zz0.com/2015/02/02/18/145231909.jpg Respect & Please Like and Share. =========================================== [Lyrics] أراء متلغبطة، أفكار مش مترتبة وبين دول ودول أضيع أتوه أنا مبقتش عارف أفرق بين الصليب والمئذنة حاسس بوحدة مع إن ناسي واقفين حواليا هنا ساعات بتمني تبقى روحي في السما هاعيش إزاي وأنا مدقتش طعم الهنا مرايات في كل حتة بس اللي فيها مش أنا أصوات في دماغي بتقول "ابعد أنت مش مننا" بعدتوا ليه من إمتى كان البعد حلنا المر اللي وصلناله إحنا ساهمنا فيه سوا شدينا الخيط وانقطع بعد أما استوى مستني إيه غير إن الشهوة تئدي لزنا عمر ما الخير هيكون في بعدك عن طريق ربنا بنتقابل يا نستخبى يا ندير وشنا طب ليه بنبني لما كل مرة نهد اللي اتبنا ونقول يوم الحساب "لو بس نرجع سنة" =========================== أفلام وحكايات خلقت جوايا شخصيات وكل شخصية منهم واخدة مني بعض الصفات شخص لسه بيضحك والتاني قلبه مات دا مش انفصام حاد دي مشاعري في بعد الحالات =========================== الزرعة اللي زرعتها ماتت والدمعة على عيني هانت لما افتكرت أيام بيني وبينكم كانت صعبة بس بالصبر علينا هانت شفت الإهانة منكو وعيون الناس منكو ما شافت ورغم كله فضلت شايل في قلبي ساكت بس لما القسوة زادت والغيرة في عيونكوا بانت شديت الخيط وفضلت ثابت بس إيديكوا للخيط سابت قلتو كلام مش صح ماهو مكانش في شواهد والناس خدت كلامكوا عني وفيا عابت خيلتهم زعلوا مني وقلوبهم مني شالت القلب باهت والنفس باعت والذكريات مكانها اتاخد وأهي نار من غير دخان خليت الشمعة ساحت متقوليش مش ذنبك متقليش مكنتش قاصد عايزني أسامحك رجعلي العشرة اللي هانت ولا مبقاش ليها مكان بعد ما قلوبنا آست المسرحية خلصت وقبل نهايتها الناس قامت =========================== أفلام وحكايات خلقت جوايا شخصيات وكل شخصية منهم واخدة مني بعض الصفات شخص لسه بيضحك والتاني قلبه مات دا مش انفصام حاد دي مشاعري في بعد الحالات ===========================

تسلسل لأهم أحداث الثورة المصرية من 25 يناير لحد النهاردة في تراك واحد Artist : MuTe (Mohamed Kamal) Lyrics : MuTe (Mohamed Kamal) Mastering By : Rooney HoodStar [Lyrics] جه الوقت إني أحكي عشان فاض بيا الكيل وشق من يوم 25 ينانير وفجر الثورة بدأ كنت مع حزب الكنبة - متفرج ميقولش لأ- مبقولش رأيي أصله عمره ما غير ولا فرق شفت نظام بيخوف شعبه فتح السجون نشر قلق بحمي الشارع مع جيراني نتخانق مين سبق طلع الرئيس يهدي الشعب ويخطب فينا عالملأ حكومة جديدة وأخر مدة ليه فكرنا هفأ ماعدتش أثق فيك بعد ما نظامك قتل سرق وأخيراً بعد 18 يوم وعد الحرية صدق والمجلس مسك الدولة وأنقذها من الغرق عايزين محاكمو لرموز النظام ولكل اللي اتفق تعديلات دستورية واللي عايز حزب نشأ 850 شهيد رجعوا للي خلق ومذبحة ماسبيرو نتيجة هجوم على كنايس تتحرق والقتل في محمد محمود والجيش طلع ورق دستور جديد وحكومة عواجيز والإسم جديدة مش عايزين دولة العسكر والميادين مكانتش بعيدة جيش بيفض الإعتصام وجنود دماغها مريضة سحلوا البنت قطعوا هدومها الواسعة العرضة تجسس تمويل أجنبي تلفيق قضايا عديدة مفيش ديموقراطية بلدك عسكرية وأمشي جنب الحيطة مجلس الشعب اتقسم بين سلف واخوان العقيدة 74 شهيد في ماتش والنهاية مش سعيدة سباق انتخابات الرئاسة والمواجهة شديدة شاطر مش نافع جهز غيره أصل الجماعة حويطة خيرونا بين استبن وبلوفر شفت الثورة المجيدة ناس عصرت ليمون وناس من غير تفكير فريضة أهلاً بيك في عهد الحوادث كل دقيقة حل المجلس، رجعه، طب حله تاني وإقرا في الجريدة جنود بتموت عالحدود والشعب عالحديدة 9 حوادث لقطارات وقطع النور حاجة أكيدة ماحنا قولنا بعد ثورة شعبنا العظيم على نظام بالى وقديم صاحب فكر عقيم هتيجي حكومة جديدة ورئيس حكيم وخلاص مش هنلاقي في الأغاني كلام أليم بس اتضح إن العكس هو الصح والقويم ومظاهرات نازلة بتقول كلام سليم وتهديد إعلاميين بالحبس والمبرر كلامه قبيح لئيم ورئيس بيخطب وكلامه مش مفهوم ولا مستقيم نظام إخوان ونظام مبارك انعكاس لبعض في المراية كل همه اسرق وانهب وهي دي الغاية يمكن غلطنا في إننا عملنا الثورة من البداية لأ .. دي فكرة عايزين يوصلوها ويقلبوا تاني الآية نظام تخويف سلب حرية الضعيف اغتصب بنات عري الرجالة ماهو مش نضيف مهما يهدد ويعذب فينا أو لو هنام عالرصيف هاتفضل الثورة مستمرة وطعم الحرية مش رخيص ظهرت فكرة تمرد بعد ما كانت مستخبية وفي 30/6 رجعنا للخطوة الأولية ازدياد الإرهاب والتفويض مسئولية نظام يقتل بدم بارد وفصيل من شعبه هو الضحية حبس قيادات الجماعة على ذمة أحداث الإتحادية وفزاعة أنصار بيت المقدس والأعمال التفجيرية وإعلان الجماعة جماعة إرهابية منظر الدم ميخوفش بقت حاجة طبيعية دستور جديد من تاني والأغاني تشجيعية وانتخابات رئاسية على هيئة مسرحية إعلام بنفخ يطبل يخلق فرعون ماهي وظيفته العادية يارب ولي الأصلح وابعد عنا شر الأذية التفجيرات بتزيد وناس بتموت واطفي نور عينيا الشرطة أقوى من الأول وزادت كمان شوية براءات وإخلاءات سبيل نسيوا القصاص ليا رئيس اخترناه والظاهر باع القضية يسقط كل من خان (عسكر فلول سلف قضاة إخوان) وثقنا فيكو وادنالكوا الأمان كان ثمن الثقة الضرب عالإفيان خنتوا الثورة ودم الشهداء بسببكوا اتهان والعين تدمع وتبكي عاللي كان أملها ومات وبقى في طي النسيان يا خسارة شباب زي الورد مات عشان بلده تعيش بس دمه .. راح هدر وهان الحل آن الأوان أهج من بلد الغربان فيها الفقير يموت والسجن للغلبان الحق فيها ضايع مش معتبرينك إنسان من كتر التناقض فيها هيصيبك الجنان ما فيهاش إتزان ومن العنوان الحكم بان ... صدر البيان ببراءة جميع المتهمين والله الموفق والمستعان ساكت ليه زرعوا فيك الخوف ولا الظلم خلاك جبان *من متى الظلم كسرنا .. راجعين تاني للميدان*

http://www.reverbnation.com/mute4rap/songs https://www.facebook.com/MuTeOffical My 5th Rap Track ... Track Name : 7aflet RAP (Single) Artist : Mohamed Kamal .. A.K.A .. MuTe Lyrics : MuTe (Mohamed Kamal) ... YouTube : http://youtu.be/VHoBsH5pWdw Respect . ========================================== [Chours] لما تلاقينى فى حفلة راب بغنى أحسلك خدلك ساتر وابعد عنى لأنى مستعد أكسر أدمر أجيب أى حد تحتى وأدينى أخليت مسؤليتى مالى فرقبتى واحد اتنين تلاتة اسمعنى بس يا باشا هاخدها تاتا تاتا وأخلعك بالكماشة اترعبت ليه دا أنا وشى مليان بشاشة صدقنى لما أقولك إني فى يوم طالع عالشاشة واحد زيي مكانو فوق والباقى تحتو مش هتوصلولى ولو مهما عملتوا مجرد ماسمعتونى قمتوا بسرعة وقفتوا فأنا اسمي أول ماتولدت فى التاريخ كتبتو دى الحفلة بيا ولعت والناس من كتر الرقص روحها طلعت معايا يبقى رافع إيدك ضدى .. يلا إبعد سكت أخت وقت كتير وأدينى اتكلمت يعنى ليا جه الوقت وعمرى ما أقول تعبت فلما تلقينى متشال فوق دماغك فدا عادىييي وإوعى تفكر تشتم لأنك هتكون البادىييي استحمل كلامك ومتقولش الحقنى يادادىييي كلمتى كلمة راجل مش هتلاقينى على حد بنادىييي [Chours] لما تلاقينى فى حفلة راب بغنى أحسلك خدلك ساتر وابعد عنى لأنى مستعد أكسر أدمر أجيب أى حد تحتى وأدينى أخليت مسؤليتى مالى فرقبتى سيبهم .. سيبهم يحكوا فى ضهرى لما بجيلهم بأدبهم حاول معايا ناس كتيرة منهم وفى النهاية لما احتاروا اختاروا حد بينهم لما واجهنى طبعا أكيد عرفوا مقامهم جبت أخرك وبردو مش عارف تجبنى من فلو لـ فلو بتحاول ومش عاجبنى فمهما تعمل ياحلو عمرك ماهتبقى ادى هافضل أغنى وأكيد فى نارك ومش هتعرف توقفنى فلما أشوفك هاشنكلك ومش هاسمى مش قادر تشوف غير شبح شايل صورة ليا شل عقلك فعملك إيه لما تشوفنى شوفتك اتخضيت لما شوفت شعاع جاى من بعيد شايل اسمى اللى انت عارفه طيب واسمه ميوت زمانه خلاص انتهى الطيبة خلصت والعافية جه وقتها فخدها كلمة منى وخليك فاكر إنى قلتها يوم ما أشوفك هاستخدم كلماتى اللى جهزتها [Chours] لما تلاقينى فى حفلة راب بغنى أحسلك خدلك ساتر وابعد عنى لأنى مستعد أكسر أدمر أجيب أى حد تحتى وأدينى أخليت مسؤليتى مالى فرقبتى اللى أنت سامعه دا الأقل عندى والأعلى فى السوق فلما تسمع منى امسح وشك يلا فووق تحب تيجى بالعافية ولا هاتمشى معايا بالزوق لا هتفضل تحت رجلى وأنا أبص عليك من فوق جمعت كلام الناس وكتبته فى ورق حطيته تحت رجلى لقيت الطول فرق أحسن من واحد سلم ودنه فكان مصيره الغرق بطل تعيد كلامك لأنى قربت اتخنق فى حد خد كلام الناس وادى لنفسه دفعة والتانى اتزحلق وأخد منه أكبر وقعة لسه الطريق أدامك يلا اسعى وحاول انفض هموم الدنيا من عليك وأنت مش هتتزاول بنيت نفسى بنفسى ووقفت قصاد الدنيا مانحنتش لحد وراسى كانت دايماً عاليا وفضلت ألعب لحد مامسكت بإيدى خيوط اللعبة شاااه كلمة صغيرة احب اقولها للى واقف ضدى إوعى شاااه [Chours] لما تلاقينى فى حفلة راب بغنى أحسلك خدلك ساتر وابعد عنى لأنى مستعد أكسر أدمر أجيب أى حد تحتى وأدينى أخليت مسؤليتى مالى فرقبتى لما تلاقينى فى حفلة راب بغنى خدلك ساتر وابعد عنى ....... مستعد أكسر أدمر أجيب أى حد تحتى ..... وأدينى أخليت مسؤليتى مالى فرقبتي

http://www.reverbnation.com/mute4rap/songs https://www.facebook.com/MuTeOffical My First Rap Track ... Track Name : Kan Lwa7do (Single) Artist : Mohamed Kamal .. A.K.A .. MuTe Lyrics : MuTe (Mohamed Kamal) Mix & Master : Hesham Rahal ... YouTube : http://youtu.be/NuTq7BSeT7Q Respect .

http://www.reverbnation.com/mute4rap/songs https://www.facebook.com/MuTeOffical MuTe's 4th Rap Track ... Track Name : Ana El Masry (Single) Artist : Mohamed Kamal .. A.K.A .. MuTe Lyrics : MuTe (Mohamed Kamal) ... YouTube : http://youtu.be/rrW078FSWKY Respect . =============================================== [Lyrics] إهداء .... لكل أم ابنها مات أنا القلم اللي كتبت بيه قدري أنا الصوت اللي مابيتسمعش في بلدي أنا اللي حلمت إني أعيش في خير أنا وولدي أنا الشهيد اللي لسه ماتختش حقي أنا الإنسان اللي قطر عمره عده وفات أنا المواطن اللي راكب قطر الممات أنا الطفل اللي قبل مايتعلم يحلم مات أنا الأب اللي سمعت خبر ابني رديت بالسكات أنا الطفل اللي اتبقى لوحده من غير صحاب أنا اللي نجيت بس عايش مصاب أنا اللي عوضوني عن خسارتي بالفتات أنا الأم اللي ماشفتش ابنها كبر وشاب أنا الطفل اللي مات وميعرفش ذنبه إيه أنا اللي رحت ماتش كورة ومش عارف مرجعتش ليه أنا الجندي اللي مات على حدود بلده وهو بيحميه [Chours] مالأخر أنا المصري اللي عايش متهان أنا اللي لما شفت هم غيري همي عليا هان أنا اللي باين هادي وفوقت الشدة بظهر وأبان أنا اللي لما قلت حقي ردوا عليا بالإفيان أنا المصرى .. فوقت الشدة .. بظهر وأبان