News in Slow Luxembourgish

Prospicere saluti civium. Dës Woch konzentréiere mir eis op Lëtzebuerg. Mir fänken u mat engem Wuert, dat dës Woch oft gefall ass: Tripartite. Duerno zéie mir de Bilan vum europäesche Speedmarathon. Ausserdeem kucke mir eis un, wéi ee sech zu Lëtzebuerg op d’Zukunft virbereet: De Fluchhafen um Findel kritt ee Masterplang fir 2050 an et sollen 11 nei Lycéeën am Grand-Duché entstoen. Zum Schluss verrode mir iech, firwat dir onbedéngt en Ausfluch op Duelem maache sollt.

Haut beschäftegt eis fir d’éischt d’Situatioun am Noen Osten, wou eng Wafferou tëscht den USA an dem Iran potenziell Verhandlungsgespréicher kéint erméiglechen. Ausserdeem kucke mir op Ungarn, wou muer um Sonndeg Parlamentswale stattfannen. Duerno geet et ëm en Insekt, dat e Risiko fir d’europäesch Biodiversitéit duerstellt, a mir schwätzen iwwert zwee wichteg Chantieren zu Lëtzebuerg. Zum Schluss gëtt et nach e Grond fir ze feieren.

Fir déi drëtt Episod beschäftegt eis nach emol de Konflikt am Noen Osten, dee säit fënnef Wochen undauert. An eisem Bléck op Lëtzebuerg geet et ëm d’Diskussioune ronderëm de Mindestloun an eng Cyber-Attack op d’Parlament. Ma et ass net alles schlecht! Mir schwätzen och iwwer zwou gutt Neiegkeeten, déi allebéid op hir Manéier e klengt Stéck Hoffnung a sech droen: ee Konschtwierk, dat op eemol mat ganz aneren Ae betruecht gëtt, an eng spektakulär Missioun am Weltall, déi d’lescht Woch fir vill Jubel gesuergt huet.