Peyjapúlsinn

Farið yfir Hljómey. Einnig hvað er að gerast í Puffin Run.Landeyjahöfn og Herjólf.Heyrt í stjórnmálafólkinu sem er í eldlínunni.Biðjumst afsökunar að hafa ekki náð í fólk á Eyjalistanum. En tökum tvöfalt næst. (Kom í ljós að þau voru með félagsfund).Mikið af símtölum, Biggi Nielsen, Hannes Haralds, Þórunn Páls, Maggi Braga, Aníta Jó, Jóhann Ingi og Stjáni á Emmunni.

Farið yfir allt milli himins og jarðar. Eyjagöng, Herjólf, Landeyjarhöfn, Hljómey og margt fleira.Hringt út um allar trissur. Svo sem í Benna Gull sem er yfir borun á tilraunaholunum. Einnig Halla Páls sem er yfir verkefninu.Heyrt í Pétri Eyjólfs vélstjóra á Herjólfi. Þar sem hann fer yfir stóra mótormálið og stöðuna á Landeyjahöfn.Enduðum síðan á því að fá skúbb frá Gumma í Hljómey um komandi helgi.

Farið yfir það helsta sem er að gerast. Eitthvað yfir bæjarmálin og rýnt í hvað flokkarnir eru að gera fyrir komandi átök.

Farið yfir nýkominn lista Miðflokksins. Hringt í alla oddvita og rukkað um bæjarstjóraefni.Þau sem svöruðu í símann voru, Dísa, Eyþór, Daddi Diskó og Jón Þór.

Farið yfir nýja Eyjalistann og okkar upplifun af prófkjörskvöldi Sjálfstæðisflokksins.Ætluðum að hringja miklu meira en tæknileg vandamál ollu því að það var ekki hægt.Hringjum tvöfalt meira í næsta þætti.

Fengum Eyþór Harðarsson og Trausta Hjaltason í sitthvort viðtalið því þeir sækjast báðir eftir oddvitasæti Sjálfstæðisflokksins í Vestmannaeyjum.Léttir ljúfir og kátir.00:00 - Kynning02:01 - Eyþór Harðarson39:01 - Trausti Hjaltason

Farið yfir stóru málin. Símtal á Theódóru í kjörnefnd D, Eyþór Harðar og Trausta Hjalta um lokadaga prófkjörs D.Einnig bjallað í bæjarstjórann Írisi og spurt út í fréttir dagsins.

Við félagarnir skelltum okkur á prófkjörsfund Sjálfstæðismanna. Fórum yfir hvern og einasta frambjóðanda og gáfum einkunn.Hringdum síðan í alla og spjölluðum.Metþáttur, fjórtán manneskjur sem svöruðu í símann.

Hringt í fullt af fólki. Teknar stöður og farið yfir pælingar um prófkjör. Nánast allir sem svöruðu í þessum þætti.Ótrúlegt flæði og topp þáttur.

Pólitíski gagnrýnandinn Stefán Einar Stefánsson skólar okkur til með greiningu á eyjunni og landinu.Hvernig virka prófkjör og er bæjarstjórinn nokkuð gömul. Öllu svarað í þessum þætti.

Almennt spjall. Tekinn púlsinn á flokkunum en mesta púðrið fór í komandi prófkjör D.Kúrekar og uppstillinganefnd E stóðu upp úr.

Rætt við Njál Ragnarsson sem var að skila af sér átta árum í bæjarstjórn. Hann er að hætta eftir þetta kjörtímabil og segir frá því hvernig hlutirnir ganga fyrir sig.

Rýnt í kjaftasögur sem eru að ganga um bæinn. Heyrt í Ellert framkvæmdastjóra ÍBV með brekkusöng, H-listann og þorrablótið. Kjartan Vídó mætir á línuna, Jóhann Ingi svarar fyrir uppröðunarslúðrið hjá M og svo reyndum við að hringja í Írisi en fengum skilaboð að hún væri á fundi. Nóg að gera við að reka eyjuna, erum með skilning á því.

Í þessum þætti tökum við upp tólið og hringjum í fólk sem tengist flokkunum.Fyrst hringjum við í Guðna Hjörleifsson frá Miðflokknum. Síðan er það Eyjalistinn, Erlingur Guðbjörnsson og Arna Huld Sigurðardóttir.Bjarni Ólafur Guðmundsson frá Sjálfstæðisflokknum og svo náðum við í Pál Magnsússon, Fyrir Heimaey.

Flokkar í Vestmannaeyjum eru að púsla saman listum. Sumir með uppröðun og aðrir prófkjör. Ræddar kaffikjaftasögur og hvaða fólk er búið að gefa sig þessu óeigingjarna starfi.