Professionell duretherapiert

S'Kaffipause-Mysterium isch glöst! Und mir hän – resp. dr Silvan het nur (knapp über) 30 Johr für das brucht. Damit mir im Übrige au witerhin usgsehn wie (knapp über) 30, schmiere mir uns ab sofort dr Inhalt vo usbüülte Konservedose ins Gsicht. Wüsseschaftlich fundiert, natürlich – wie alles in dem "Podcast" (und jap, d'Gänsefüessli sind do Absicht). Hauptsach isch am Schluss jo nur, dass mir nid stinke. Euch stinkt's hoffentlich nid bim Zuelose und mir wünsche drum vil Spass <3

Vive la Romandie & ti amo Italia! Hüt sind mir nämlich e chline Travel-Podcast will professionell duretherapiert sy heisst au, dass me an die Ort goht, wome geil findet, und nid nur an die, wo geil töne. Zuedem wänn mir e Warnig usegeh: Wenn d'Madame euch öppis backt, denn bisset vilicht nid grad volle Hahne drii, suscht händer vilicht e Zahn weniger. Vil Spass bim lose!

Schnusis & Schmuusis, Staffel zwei isch am Start! Das isch jedefalls unseri Usreed drfür, wieso jetzt so lang kei Podcast me cho isch. Me söll sich jo au rar mache, damit ihr schätzed, was ihr an uns hend. Und damit ihr's au uf kei Fall vergessed, hemmer hüt wiedermol e bsunders lustigi Folg ufgnoh. A big beautiful Bodcast quasi. Vil Spass euch bim lose <3

Hey-ho & holdriooo,Euri Lieblings-Halbwüssende behaupte hüt wiedermol a Shitload an medizinische Sache ohni dass das irgendöpper fact-checked. Aber sowit chunnts jo no, das MIIR in UNSEREM EIGENE PODCAST fact-checked werde. Nid mit uns!Mir wünsche vil Spass bim lose und vor allem: vil Glück!

Hey guys & guuurrrlllssss,Hüt git's wiedermol professionelli Tipps dassses bummst & rummst! Wer nid völlig erlüchtet us dere Folg usegoht, de het nid richtig zueglost. Vilicht losisch dr Podcast s'nächste Mol besser ufem Laufband oder währendem Umefingerle mit Zuckersticks, denn kriegsch au öppis mit. Wieso? Das erfahrsch ebbe in dere Folg! :) Vil Spass bim lose!

Zäck-bumm do simmer wieder!Es isch vil passiert in de letschte Wuche, nur öppis isch nid passiert: Unseri Podcast-Ufnahm. Aber do simmer wieder, (uf kei Fall) stronger than before. Was eim aber "stronger than before" würd mache, sind Witerbildige – aber mit dene isch's halt sone Sach, wie mir do usgiebig diskutiere. Uns blibt jetzt do an dere Stell nurno z'sage: Twintet uns bitte Geld & hend vil Spass bim lose!

Hey guys & guuuurrrlllsssssDo simmer wieder und - haltet euch fest - IN BRUCHBARER AUDIOQUALITÄT! So startet s'neue Johr nach 20 Täg doch guet. Us dere Folg gits effektiv wiedermol wahnsinnig vil bruchbars für sich zum drus mitneh, vo Tipps im Umgang mit z'vil Bildschirmzit über d'Vorteil vo Suurteigbrot bis hin zum Life Hack, wie me s'Silberbsteck ohni Ufwand wieder blitzblank suuber kriegt! Mir sind halt ebbe e Dienstleistigspodcast, do gseht mes wiedermol lut und dütlich. Vil Spass bim lose!

Mir teste, wie guet mir uns gegesitig kenne und gänn euch on the way no Reiseempfehlige und Hobby-Inspiratione mit - söll no öpper sage, das sig nur e Laber-Podcast, HA! Vil Spass bim Lose & e guete Rutsch, mir ghöre uns nöchst Johr wieder.

Was isch vorem Aakleidezimmer do gsi? Und warum höre Lüt wo Burpees mache nid eifach uf drmit? Froge über Froge, wo mir hüt z'kläre probiere. Mit mässigem Erfolg - aber wer hätt öppis anders erwartet? Ihr hoffentlich nid. Vil Spass bim lose!

Dr Silvan isch jetzt offiziell CrossFitter - wie das passiert isch, das verzellemer hüt. D'Madame isch währenddesse komplett im Interior-Design-Rabbithole und füehrt ihre Feldzug gege Schränk (Kleiderschränk, nid dr Silvan...höhö) unbeirrt fort. Vil Spass bim lose!

Ich (Silvan) ha mich hüt kurzerhand verselbständigt, will d'Madame in de Ferie wiilt. Sie weiss au gar nid, dass die Solo-Podcast-Episode do erschiint, aber was will sie mache?! Mich gingge?! Jetzt ischs eh scho z'spoot. Freu mi aber trotzdem, nächstmol nüm müsse Selbstgspröch z'füehre. Bis denn - vil Spass bim lose!

Während ich de Beschrieb vo dere Podcast-Episode schrib, knurrt mi Mage wie blöd und alles wo ich dra cha denke sind Tortellini. Das macht das Unterfange do chli schwierig. Drum: Wennd willsch wüsse, über was mir rede, denn loses doch eifach selber. HA! Problem gelöst. Vil Spass!

Mir hän wenig Ahnig vo Husrots-Versicherigel aber drfür umso mehr Ahnig drvo, wie me us Krankekasse-Zuesatzversicherige au dr letschti Rappe usequetscht. Nachem lose vo dere Dienstleistigs-Episode weisch zwar für dis Lebe nid vil mehr, aber au nid weniger - und das isch doch au schomol öppis. Drfür weisch denn, was mir zwei alles nid wüsse. Und DAS hingege isch echt vil. Enjoy!

Em Silvan sini Vorstellige vo Massage, Saunas und Coiffeurbsüech sind - nennemers mol "unorthodox". Das wird in dere Episode unmissverständlich klar! E Episode wo lang überfällig isch aber uf das wämmer jetzt mol nid nöcher iigoh, sondern freue uns eifach drüber, dass mir's wiedermol gschafft hän, e neui Folg ufzneh. Vil Spass bim lose!

Hoooi duuu,wege unüberbrückbare Differenze zwüsche em Silvan und sim PC, het er die Podcast-Folg vom Handy us ufgnoh. Das wiederum het entschiede, sis (suscht wahnsinnig präzis usgsprochene) "S" e chli z'verzerre. Naja, jetzt wird halt e Stund lang glisplet - sorry für das! Wenn du dich jetzt frogsch: "Warum los ich das überhaupt?" --> die Frog hän mir uns au gstellt und verschiedeni Theorie ufgstellt. Irgendwenn gohts no drum, dass me au eifach mol drzue cha stoh, wennme öppis eifach geil gmacht het! So wie ich, indem ich de Podcast rechtzitig ufeglade han - GEIL!Vil Spass bim lose.

An dere Stell sött eigentlich dr Podcast-Beschrieb stoh, aber das liest jo sowieso niemerts vo euch, also chönne mir do au eifach schribe was mir wänn. So wie mir jo au verzelle was mir wänn, wie au in dr hütige Folg wieder. Sogar wiedermol in gueter Tonqualität, will dr Silvan mitem gute Mikrofon anstatt mitem Laptop im Bett liegend zur Ufnahm erschiene isch. Naja, however - euch jedefalls vil Spass bim lose!

Dr Silvan loht usrichte, dass er sich für si Zuestand in dem Podcast entschuldigt - er het gester chli z'vil Aperol Spritz gügelet und het die Folg dorum im Bett liigend müsse ufneh. Zuedem heter gester e Nahtoderfahrig gha und d'Madame rennt e Halbmarathon obwohl sie immer e Fuess ufem bode bhaltet. Die spinnt halt au, die Alti. Enjoy!

Silvan did it again! Er het isch - allne Ahkündigunge zum Trotz - wieder ins exakt gliche Hotel ind Ferie gange. Witer hämmer hüt e Rolletusch vorgno, rede über d Freude und Struggles vom ellei Wohne und zum Schluss hämmer no ordentlich müsse dureschnufe a.k.a. Wim Hof ballere. Vil Spass!

Mir hän die beste Idee für die Olympische Spiil! Wenn ihr uns also 2028 wännd im Stadion gseh, denn startet e Initiative, um d'Schwiz zunere Diktatur z'mache - glaubed uns, es wird super! Was au super wird: Wenn ihr jetzt de Podcast loset! Vil Spass :)

Unseri Hobbys sind besser als euri! Wie mir uf das chömme und wie's um dr Früehlingsputz bim Silvan daheim stoht, um das gohts in dere wahnsinnig dure-genderete Folg. Vil Spass bim loseeeeeeeeee!

Ooooooooooookay loset das vilicht nid, wenn ihr grad am Esse sind, suscht kunnts euch vilicht wieder soooo ufe, wie's uns in diverse Situatione wieder ufecho isch - upsi hihi! Aber es goht hüt nid nur um Mage-Inhält, sondern au kurzi Spiilsucht-Eskapade, Trinkgeld-Dilemmata und über dr Lago Maggiore. JAP! GEOGRAFIE! HA! Vil Spass bim lose :)

We're back! Nachere völlig unerwartete Summerpause verzellt dr Silvan sini Insel-Gschichte, während d'Madame sich mit Quantephysik usenandersetzt. Tja, so unterschiedlich cha dr Alltag sy. Eure Alltag isch hoffentlich top & jetzt vil Spass bim lose!Inputs/Froge: [email protected] oder uf Insta @silvanmeyer

Okay, das Zitat chunt sooo nid im Podcast vor aber es passt zu dere liichte Verspötig, wo de Upload an Tag leit. Dr Silvan isch schuld, er gits zue und strittets zuedem au gar nid ab. In dere Folg git's lustigi Gschichte usem Kanton Glarus - mehr weissi leider nüm, aber losets doch am beste eifach selber!Inputs/Froge: [email protected] oder via Insta-DMs

Hüt singt dr Silvan die chinesischi version vo 'König der Löwen' a.k.a. 'Kings of Leon', drzue gits e Dialekt-Wirrwarr und mindistens so verwirrti Eessgwohnheite, heissi Füess, (ABSICHTLICH!) nassi Socke, chli Sternzeiche-Eso-Gschmäus und folgendi Erkenntnis: Die Nudel ist ein Ganztag! Vil Spass bim lose!Froge/Inputs: [email protected] oder uf Insta @silvanmeyer

(Ups - gester isch usversehe e alti Folg online gange. Do isch die richtigi. Sorryyy)Hüüüüüüüt gohts drum, wo und wenn mir mit unsere Schwäche und Ängst offe umgöhn - und wo nid. Zuedem erklärt dr Silvan wirklich mehr schlecht als recht, was s'Hormon "Dopamin" jetzt eigentlich genau isch (googleds bitte lieber nomol selber). Am Schluss hämmer beidi Hunger, das vereint uns! Euch wünschemer vil Spass bim lose, vor allem wenn Ihr Schicht müend schaffe!Inputs/Froge: [email protected] oder uf Insta @silvanmeyer

BREAKING NEWS! Dr Körper schüttet jetzt au Ibuprofen us. Witeri Problem: Wieso das mitem professionelle Image endgültig vrbii isch, mit was für Infrastruktur-Problem mir bim Podcast konfrontiert sind, die fehlendi Resilienz vo gwüsse Zimmerpflanze und Blauzähn. Zudem luegemr em Silvan sini Jagd nach 50 Pokémon genauer ah. Enjoy!Inputs & Froge: [email protected] oder uf Insta @silvanmeyer

In dr hütige Folg usem Süde, zumindest zu 50%, gohts um d'Vorteil vo Italie, verhunzti Wortschätz je nach Bruefsgattig und em Silvan sini Problem mitm Erzählpräsens. Mir rede über unverständlichi dütschi Wörter und mir bespreche au, wieme bim schaffe ka Druck useneh und lernt mit Perfektionismus im Job umzgoFroge / Inputs wie immer gern an [email protected]

Wüssed ihr, was müehsam isch? Smalltalke anere Party wome kei Schwein kennt. Wie mir mit dem umgöhn (und natürlich no 20 anderi Sache) erfahred ihr hüt!Input/Froge: [email protected] oder uf Insta @silvanmeyer

Verdauigsproblem! Selbst-Diagnose! Bisexualität! Mozzarella! Und das sind nur 4 vo unzählige Wörter, wo in dr hütige Folg vorkömme. We wish you vil Spass bim listening!Inputs/Froge: [email protected] oder uf Insta @silvanmeyer

Hüt lerneder wiedermol für's Lebe (uf das gänn mir euch dr chlini Finger)! Sich zu unbequeme Sache überwinde bis zum Punkt - und jetzt müender alli ganz stark sy - wo's gar kei Überwindig me isch?!?! It's crazy?! Mir chegges au selber noni ganz. Zuedem gohts wiedermol bitz um ADHS aber mir erkläre au, warum das trotzdem alli agoht und wieso das überhaupt so isch, dass me bi allne ADHS-Symptom immer denkt "das hän doch alli". Spoiler Alert: Wills so isch! Warum? Für das musch driilose. Vil Spass!

S'wildischte (!!) Passföteli vom Johrtuusig, verlogeni Wichtigtuer uf LinkedIn und ganz vil Infos zu "WIE ISCH DAS EIGENTLICH NOMOL GENAU MIT DENE STÜÜRE?" wo me sich entweder darf an Kopf länge ooooder vilicht sogar dr eint oder ander professionell duretherapierti Tipp ufschnappt. Theme wome halt mit 30 so het. Vil Spass bim lose!

Anstatt do e Zemefassig vo dere Folg z'schribe, folgt e Liste mit mögliche Episode-Titel, wo s'Renne leider nid gmacht hän: Vilcht sött ich mich im Oberstübli checke loh Ich ha probiert mir das schönztrinke Ich bin durchus fähig au nüchtern e gueti Zit z'ha Me verharrt in dr Opfer-Rolle Ich ka mir nüm zuelose! Ich ha exakt s'gliche Problem! Es macht kei Unterschied, ob si lang oder kurz sind JETZT BISCH DU EINI VO DENE! Ich kipp jo selber fascht vom Stuehl Bruder, de Bizeps isch scho am StartVil Spass bim lose!Inputs/Froge: [email protected] oder uf Insta @silvanmeyer

Wenn du schomol e Zug benutzt hesch, denn fühlsch du dich hüt agsproche, will vom "Mysterium Zug-Restaurant" bis zu Gründ, wieso mir teilwiis lieber ufe Bode sitze als mit anderne Passagier in es 4er-Abteil, nähme mir zwei Pendel-Profis hüt alles dure. Und zwar in eim Zug höhö. Vil Spass bim Lose!Inputs/Froge: [email protected] oder DM @silvanmeyer

Freunde der Sonne! Dr Silvan het sin eigene Rotschlag nid befolgt und z'wenig trunke, für dass es Sinn gmacht hätt. Zuedem goht's drum, dass mir e völlig anderi Vorstellig drvo hän, wo me dr Abfall sött langere, als offebar vili anderi Lüt. Aber uns isch das eigentlich scheissegal - jetzt ischs duss. Witer hinde goht's no um Brutkleider, wie au immer das passiert isch - VIL SPASS BIM LOSE!Inputs/Froge: Insta @silvanmeyer oder [email protected]

Salamander mitenander & welcome zunere Folg über Huusärzt, s'Superfood namens "Schlof", d'Balance zwüsche sich richtig ein hinter d'Rüstig römere und e ruhigi Kugele z'schiebe uuuund wieso mir au nonig ready sind, für dr ersti Shitstorm. ENJOY!Froge/Inputs: [email protected] oder DMs @silvanmeyer

Hüt rede mir über em Silvan si neu Job, gänn e kurzi Marketinglektion, sind fassigslos drüber, wie hützutags Iischaltquote gmesse werde, gän üsserst unqualifizierti Insights über dr ersti Tag als HR-Mitarbeiter:in bi Google, erwitere unsere Wortschatz um Wörter, wo zumindest öpper vo uns no nie ghört het und richte unseri Lebe nachem wiibliche Zyklus us. Gönn dir!Froge zum Diskutiere oder allgemeini Inputs: [email protected] oder uf Insta @silvanmeyer

*Gääääähn* hüt goht's um s'Schlofe - genauer gseit um dr Silvan si Schlof! De isch nämlich plötzlich enorm fest gstört. Gstört sind au Lüt, wo 1000 Sonderwünsch im Restaurant aabringe, finde mir zwei zumindest. Mir finde sowieso wiedermol recht vil. Was findet ihr? Vil Spass bim lose!Aamerkige/Inputs: [email protected] oder direkt in de Instagram-DMs (@silvanmeyer)

In dere Folg gohts um Brieftuube und Fläschepost, unsers Lebensglück, Bildbearbeitig-gone-wild und soziali Burnouts. Richtig deep dasmol, s'isch verruckt. Vil Spass bim lose!Froge zum im Podcast diskutiere gern jederzit uf [email protected] oder via Instagram DMs.

Tipps, wie Ihr euch d'Paartherapie erspared, Fortpflanzigs-Biologie-Insides, Zimmerpflanze-SOS-Hacks - und das sind scho nur d'Theme vo dr erste Hälfti vo dere Folg!  D'Frog, ob mir zwei chönne koche und was mir alles zu dere sehr eifache Frog z'sage hän sowie e Deep-Dive in d'Gheimnis vo gsunder Ernährig runde das ganze ab - ihr send, es isch wiedermol wild. Vil Spass bim lose!Froge zum im Podcast diskutiere oder au suschtigi Inputs: [email protected]

Mir hän unseri ersti Frog vo EUCH bekoh und diskutiere die, nebst vilem andere dure! Es goht hüt ums Spüelmaschine-Gate und mittelalterlichi Arbeitswiise, Backblech-Lifehacks und ob dr Partner meh verdiene söll als me selber, Karriere und Kinder, d'Hürotsstrof, em Silvan sis Dopamin-Detox (und sim drzueghörige All-Time-High!) und ums stillsitze und ufschiebe, Screentime und Schlofproblem. Es isch wiedermol alles am Start - hoffentlich ihr au! Vil Spass bim Lose!Schicket uns Froge zum im Podcast ufgriffe - natürlich au anonym! Uf Insta (@silvanmeyer) oder per Mail ([email protected])

Mir entschuldige uns für alli Kotz- und Würgegrüsch vom Silvan in dere Episode, offebar het er sowohl e starki Meinig wie au e empfindliche Mage. Um Sache, wo de Mage ins Rumore chönne bringe, dreiht sich die hütigi Folge hauptsächlich - ganz nebst Weisheite wie "s'Ziel isch s'Ziel" und Froge wie: "Muss Corona Angst vor mir ha?". Vil Spass bim lose!Froge zum im Podcast ufgriffe bitte an [email protected]

Es isch wiedermol kritisch! Entweder sinds langsami Lüt, wo vor eim laufe, oder kalts Wasser in irgendwelche Hostel-Duschene - mir widme uns allne mögliche Super-GAUs und gänn unsere Senf zu Morgeroutine und Atemtechnike. It's wild. Gniesses!Hesch e Frog wo mir sölle diskutiere? --> [email protected]

Leute amigs laufts doch eifach nid - uf Neudütsch: "It is not walking!". Öpperem vo uns ischs grad wiedermol so gange und drum froge mir uns zurecht: "Söll ich echt wiedermol Passoa-Orange trinke?". Mir hoffe bi euch laufts! Vil Spass bim lose!Inputs/Aafroge: [email protected]

Wo me ahneluegt wimmlets wo +/- 30-Jährige, wo ihre Job eigentlich nid so wirklich möge, aber entweder nid wüsse, was si eigentlich wänn oder sich nid getraue, jetzt nomol e neue Weg iizschloh. Zu all dene spreche mir in dere Episode und vilicht isch de Podcast jo dr letschti chlini Arschtritt, wo's no brucht, um sini Zfriedeheit im Arbeitslebe endgültig selber in d'Hand z'neh. Vil Spass bim lose!Afroge/Inputs: [email protected]

HAPPY 2024! S'Johr startet mit Erinnerige an s'Hoor-Gate, wo inere Umkleidekabine in Stockholm dr Afang gno het. Generell hän mir amigs s'Gfühl, unseri Lebe sige es einzigs, permanents Hoor-Gate aber au dört zeigt sich, dass 30 werde sini Vorteil het. Vil Spass bi dere Episode & e guets Neus!Afroge/Inputs: [email protected]

Merry Christmaaaaaas! Mir hoffe, Ihr hend s'erste Wiehnachts-Dinner mental stabil überstande - oder aber ihr bruched jetzt es knapps Stündli professionelli Therapie in dr Form vomene Podcast, wo Sätz falle wie "Du ghörsch wirklich ine Klinik" oder "Ich ha ganz fest Müeh, e Text z'lese". Zuedem korrigiere mir Fake-News, wo mir eigeständig in d'Welt gsetzt hend & zwüschedrin singt dr Silvan no es Liedli, wo wohrschinlich vili vo euch intuitiv werde chönne mitsinge. Es isch wiedermol vil los, au in dr hütige Wiehnachts-Episode. Vil Spass bim lose!Inputs, Feedback & Afroge: [email protected]

Notizbüecher füreneh: Hüt werde d'Weisheite nur so useghaue! Vo Tipps gege s'Prokrastiniere über die brutalsti Wecker-Methode bis hii zu allem, wo du über ADHS musch wüsse, zum wirklich chönne mitrede - we got you covered!Links zu de aagsprochene Folge vo "Beziehungskosmos":"AD(H)S - Oder anders, aber nicht falsch": https://open.spotify.com/episode/7xEVp5Aom0cYLpTg6uRRXd?si=4a6198ea0cf14ea9"AD(H)S - Oder was es mit unseren Beziehungen macht": https://open.spotify.com/episode/0M7foq5xTLPQXoffJVD0EB?si=c5659e86d41b4b0dInputs, Feedback & Afroge: [email protected]

Me lernt nie us! Dorum göhn mir hüt de wirklich wichtige Froge noche und posaune unsers üsserst zwiifelhafte Fachwüsse in die witi Welt use. Nacheme überraschende Twist isch nid klar, ob de Podcast - und die Fründschaft - witerhin wird chönne bestoh. Es blibt spannend!

Mir starte miteme Gwalt-Ritt durch alli mögliche Theme wo eim als Neo-30er beschäftige und nachdem mir uns afänglich stark mit dr Oberflächi befasse und uns uneinig sind, ob's jetzt Zit füre Skincare-Routine wird, schaffe mir übere Umweg mit hochqualifizierte Beziehigstipps denn no dr Schritt hii zu tiefgriffende Erkenntnis, wie dass me an sich selber immer vil höcheri Asprüch stellt, als an alli andere - und warum das totale Blödsinn isch.

Mir stelle uns vor und gänn e chline Vorgschmack druf, wo d'Reis mit dem Podcast wird ahnefüehre. Oder jedefalls, was dr theoretischi Plan isch, wo mir zwüschem ständige Abdrifte in anderi Anekdote und Beobachtige verfolge wänn.Die ersti Folg erschiint am Mentig, 4.12.2023 und ab denn - so ADHS will - wüchentlich zum Wuchestart.