Semicolon | فاصلة منقوطة

"ذو العقل يشقى في النعيم بعقله.. وأخو الجهالة في الشقاوة ينعمُ". - أبو الطيب المتنبيGood Listening🫶#semicolon_podcast #podcaster#podcast#self_care

العنوان أكيد مهم عشان يحدد نوعية وهوية الأشياء ، ولكن هل العنوان يوضح كامل المضمون؟!.🎧⚠️ نعتذر عن وجود ضوضاء فالتسجيل قد تكون مزعجة للبعض، اتمنى المحتوى يوصل رغماً عن ذلك!Good Listening🫶#semicolon_podcast #podcaster#podcast#self_care

الشعلة هي مصدر الطاقة الداخلي عندنا وهي البتحفزنا نحقق احلامنا وبتخلينا شغوفيين، وكمان الspark حقنا هو البميزنا عن غيرنا لان طاقاتنا بتختلف حسب شخصياتنا وإهتماماتنا، اسمعوا الحلقة كاملة عشان تفهموا اكثر عن الموضوع.💝Good Listening🫶#semicolon_podcast #podcaster#podcast#self_care

أهلاً بيكم، حلقة عودة الصلة البينا لازم تكون فيها طابع شخصي يربطني بينكم ويذكرنا ان الحياة احياناً بتجبرنا نوقف، لكن المهم دائماً هو اننا نلقى الطريق تاني أو عالاقل نصنعه بنفسنا، استمتعوا بالحلقة.✨Good Listening🫶#semicolon_podcast #podcaster#podcast#self_care

نحن عايشين في شبكة من التاثيرات والتغيرات المتبادلة البنسويها في حياة غيرنا وبنتغيرها بسبب الحولينا ، ممكن نحس ان نحنا ما بنتغير بس كل علاقة بتخلق فينا صفات جديدة ما بنلاحظها لاننا بنكون ماشين في تيار والتغيرات بتحدث بالتدريج على مدى العلاقة ، في حلقة الليلة حنفهم انواع التغير وكيف بحصل.✨Good Listening🫶#semicolon_podcast #podcaster#podcast#self_care

اهلاً وسهلاً ، في اول حلقة من الموسم الثالث حنتكلم عن 10 نصائح تساعدنا نرتب يومنا ونقدر نبقى منجزين ونحنا فالبيت.Good Listening🫶#semicolon_podcast #podcaster#podcast#self_care

من المفاهيم المفضلة عندي ، هي نحن ما نقرأ ونحن ما ناكل ونشرب ، نحن ما نتكلم ومن نصادق ، نحن ما نفعله كل يوم بشكل متكرر بدون نحس ، لابد نفهم اهمية وجود روتين مفيد في حياتنا شنو ، ونتعلم نستخدم نعمة وجود روتين بشكل صح عشان نبطل نربط كلمة روتين بالملل.

من حسن تعامل الشخص مع نفسه انه يكون بعرف كيف يتعامل مع الضغوطات الفي راسه صح بطريقة تناسب شخصيته ، يسمح للكلمات بانها تطلع من جواه قبل تسبب اضرار ، الفضفضة من الحاجات البنتعامل معاها بعدم أهمية لكن وجودها وقوة تاثيرها في حياتنا عظيم.🫶🏼🤍

العامل الأساسي والمهم في الفعالية والنجاح هو الانتاج المستمر وانك تكون قادر تنجز مهامك بشكل ساهل وبسيط ، في سلسلة من الحلقات حنتعلم عن الانتاجية اكثر وعن كل الطرق الممكن نتبعها عشان نكون منتجين اكثر.🎧

✨الحلقة الخاصة الأولى في الموسم الثاني والرابعة فالبودكاست✨ "كيف حنتصرف لو كان واحد من الاباء مؤذي لينا ، لو كان الاذى ده نفسي او جسدي وشنو هي الطرق المناسبه البنقدر نتعامل بيها مع الاهل المؤذيين بدون ما نغضب ربنا ونفضل لسه قادرين نبرهم ونسوي حقهم علينا؟!".💗🎧

الفن حاجة عظيمة ونبيلة وبنستمتع شديد بيها وهي في مرحتها الأخيرة ، لكن ما وراء الكواليس الفنانين بتجيهم أيام كثير سيئة بواجهوا فيها خوفهم الكبير ال Art Block ، كل ما فهمت عن خوفك سهل عليك تواجهة وتتغلب عليه بسهولة.✨ * "استمتعوا بأصوات العصافير في الخلفية ، واستشعروا احساس انكم بتسمعوا البودكاست في حقل يكون شكله من إختياركم."🎧

التربية طبعاً ما موضوع نقدر نلخصه في خمس دقائق ، جزء بسيط من مناقشة عن التربية الإيجابية.✨ Good Listening🫶 #semicolon_podcast #podcaster #podcast #self_care

سبحان من خلق فينا ألف احساس في كل مواقف ولحظات حياتنا ، بس في أحاسيس بتكون مشتركة ما بين اللحظات الحلوة والغير حلوة ، فراشة المعدة من الاحاسيس دي.💗 Good Listening🫶 #semicolon_podcast #podcaster #podcast #self_care

التواصل مهارة اجتماعية بنتعلمها عادي ولكن فالاساس هي غريزة فينا محتاجة فقط لبعض الاهتمام عشان تبقى أقوى.🌷💗 Good Listening🫶 #semicolon_podcast #podcaster #podcast #self_care

انك تكون ممتن لي السئ في حياتك ما بس بساعدك في انك تتجاوز اوقاتك السيئة ، لكن بأدبك وبعلمك تكون راضي بقضاء الله وقدره لانك عارف الجانب الكويس من الحاصل معاك وممتن لي ربنا انك قادر تحس بالنعم حوليك.💖 Good listening🫶🏻 #SEMICOLON_PODCAST #podcaster #podcast #self_care

زي ما اي نقطة المركز بتاعها هو أقوى شئ فيها ومنبع الالهام والتوجيه فيها، نحنا كمان عندنا مركز بتتمحور حوله حياتنا ونحنا البنختاره وفي يدنا نقرر نغيره أو لا !.💗 - مقتبس من كتاب "العادات السبع للناس الأكثر فعالية"..📎

في كل عام من السنة شهر ديسمبر دائماً بذكرنا بالحاجات الوعدنا نفسنا نتغير فيها وما قدرنا ، وهو شهر التخطيط للاهداف الجديدة والإحتفال بالقدرنا نحققه في سنتنا الفاتت ، وعشان نبدأ صح ما مفروض نسال نفسها نتغير في شنو أكثر من اننا نفهم معيقات عدم التغيير.💛🕊️ Good listening🫶🏻 #SEMICOLON_PODCAST #podcaster #podcast #self_care

حلقة خاصة ومميزة جداً مع المبرمجة/ مي سليمان ، عن تحديات وصعوبات البرمجة في العموم وفي السودان خصيصاً ، في كل الطرق في تحديات بس كيف يكون عندك القدرة والشجاعة انك تكمل رغماً عنها ، من الحلقات الاستمتعت بي كل تفصيله في تحضيرها ، اتمنى توصل ليكم الفائدة وتستمتعوا بيها.🤍

الأسباب البتدفعك إنك تكون مبرمج أو اي حاجة ثانية هي الاساس العليه حتتبني أهدافك ، فلازم تكون أسباب قوية وثابتة جواك ومبنية فالأول والآخر على رغبة منك ، وما ننسى الفضول البدفعنا لطرق جديدة وبدينا دوافع جديدة.💛🕊️ Good listening🫶🏻 #SEMICOLON_PODCAST #podcaster #podcast #self_care

تم تسجيل الحلقة بدون تخطيط ف اسفة لسوء جودة التسجيل ، وصوتي تعبان شوية بسبب النزلة ، بس حبيت اشارك الناس الحاسين بي العزلة احساسهم ، نحنا هنا حاسين بيكم و منتظرنكم ترجعوا تعيشوا الحياة بكل تفاصيلها المتعبة معانا ، ما تستسلموا للصوت الفي راسكم العايز ينفرد بيكم ، اتمنى الحلقة توصلكم وين ما كنتوا منعزلين وتساعدكم تفهموا الاحساس بالكامل.. With Love, Saria Abbas❤️ Good listening🫶🏻 #SEMICOLON_PODCAST #podcaster #podcast #self_care

في الجزء الأول اتكلمنا عن مفهوم تاثير المجتمع بخصوص وضع خاص بنمر بيه فالسودان ، وبمروا بيه اهلنا غزة ، وشفنا كيف ان المجتمع كان بحاول يفرض علينا نوعية تفكير محددة فالطريقة البنتفاعل بيها مع المواضيع ، في الجزء الثاني حنفهم تاثير المجتمع علينا في حياتنا الطبيعية بعيداً عن اي موضوع..💗🕊️ Good listening🫶🏻 #SEMICOLON_PODCAST #podcaster #podcast #self-care

العلاقات عموماً بتعتمد على القرارات الصغيرة صغيرة البناخذها من حين للاخر ، قرار واحد ممكن يغير شكل العلاقة كلها عشان كده مهم نضمن اننا عندنا خوارزمية معينة تضبط لينا قراراتنا عشان ما نقع في فخ العواطف اللحظية أو القرارات المتهورة..💕 Good listening🫶🏻 #SEMICOLON_PODCAST #podcaster #podcast #self-care

الحلقة الأولى من الحلقات الخاصة ، الحيشاركنا فيها اشخاص ونتناقش فيها عن مواضيع مختلفة. حلقة اليوم عن التعليم والبدائل الممكنة لاكمال التعليم حالياً فالسودان ،كل المستضافين من أعمار ما بين 10 لي 16 عام ، شاركونا افكارهم واراءهم في انو كيف نستفيد من وقتنا ونحسن من عقلنا بدون مدارس..🤍 رابط موقع The learning passport : https://www.learningpassport.moe.sd/ #podcaster #semicolonPodcast #podcast #self_care

كلمة حرب تاثيرها واحد علينا ، مفروض نبطل سباق في منو متضرر اكثر ومنو يستحق التعاطف أكثر ونركز على الهدف الأساسي المخلينا نتكلم عن الموضوع ، تشويش عقلنا بسبب الضوضاء الحاصلة عنده اسم واحد وهو "تاثير المجتمع" وبختلف معناه حسب الموضوع ، ما دائماً المجتمع ليه تاثير سلبي علينا بس حبيت أسلط الضوء على التاثير السلبي منه في الحاصل حولينا..

مصدر قوتنا الحقيقي ما أشخاص ولا علاقات ، القوة الحقيقية هي ان يكون عندك ارتباط حقيقي مع نفسك ، وتكون قادر تكون انت بكل ما فيك من صفات ومميزات وعيوب.. اسأل نفسك الاسئلة الصحيحة ودائماً أبدا بي "أنا منو؟" اتمنى ليكم استماع ممتع .. good listening 🧡🧡 #podcaster #podcast #semicolonPodcast #self_care

عشان تستمع لشخص لازم يكون عندك خلفية عنه ، أول حلقة حبيت أعرفكم فيها عن نفسي و عن البودكاست والهدف منه..