Gæðastjórnin

Þátturinn fjallar um allt sem tengist því að fara út að borða. Í gæðastjórninni fyrirfinnast nefninlega tveir sérfræðingar í veitingastaðamálum og ein kona sem finnur fyrir vanmætti sínum (og staðsetur sig á óvæntu bæjarstæði á Suðurlandi). Í þættinum verður eftirfarandi spurningum svarað; hvar færðu besta forréttinn? Kokteilinn? Aðalréttinn? Eftirréttinn? Post djamm bitann? Er kál mjög æðislegt? Hraðaspurningar staðsetja okkur svo á forvitnilegum ás hámenningar og lámenningar og þroskasaga sósunnar er kynnt til leiks. Rapparinn Ó Sól-e-mic-o lýkur þættinum með þéttu rími og sjóðheitum takti.

Í þættinum er farið yfir allt þetta einfalda og góða (aðallega matarkyns). Óvænt og ódýrt, skilvirkar uppskriftir, foreldra hacks, besta nammið og óvænt !hot take! (og eitt sögulega basic take reyndar). Kimchi partý, náttföt við kertaljós, saffran perrinn og allir kjammsa Conga! Setjið hvítan dúk á borðið, mundið hníf og gaffal, setjið servéttu í kjöltuna og gúffið svo þennan þátt. Og nenni þér plís að verða að góðu!!! Ath, Snæfríður Sól toppar sig í lokin með eitt stk power ballöðu.

Þema þáttarins er vinátta! hversu cute? Við förum um víðan völl og ræðum m.a. bústaðaferðir og saumaklúbbinn, veitingarnarnar sem því fylgja (algjört aðalatriði), fáum innslag frá vinkonumálaráðherra Íslands Ellu Bjö og kynnum til leiks KARÍÓKÍ KVARÐANN! Ekki gleyma að hlusta í gegn því, eins og vanalega, gæti þar leynst eitt óvænt lítið lag úr smiðju Snæfríðar Sólar!

Umræðuefni þáttarins er skvísan. Hotvaktin, skvísuvaktin, óbærilegur skvísuleiki tilverunnar, skvísland ögrum skorið, skvísland er land þitt, skvísa í blíðu og stríðu, á barmi skvísuáfalls, all things skvísa, skvísan - alvarlegt mál, þín innri skvísa.

Í þessum þætti ræðum við okkar allra heitustu skoðanir á öllu matartengdu og svörum spurningum á borð við: getur ís verið heitur? Er í lagi að drekka hvítvín með tælenskum mat? Hvað er boðlegt að setja í bragðaref? Forréttur eða eftirréttur?

Í fyrsta þætti Gæðastjórnarinnar kryfjum við hið heilaga sund sem allir þekkja og elska. En er hægt að tala um sund án þess að tala um eftir-sunds pulluna? Nei ég bara spyr. Talandi um pylsur, í þessum þætti er rúsínan svo sannarlega í pylsuendanum.